MARTIN LE FRANC

LE CHAMPION DES DAMES

PUBLIE PAR † ARTHUR PIAGET

PREMIÈRE PARTIE

LIBRAIRIE PAYOT, LAUSANNE

1968

Le Prologue du Champion des Dames (Fol. 2a)

A trespuissant et tresexcellent prince, Phelippe, duc de Bourgoingne, de Lotrich, de Brabant et de Lembourg, conte de Flandres, d’Arthois, de Bourgoingne, palatin de Haynau, de Hollande, de Zellande et de Namur, marquis du saint Empire, seigneur de Frise, de Salins et de Malines, Martin Le Franc, indigne prevost de l’eglise de Lausane, treshumble recommendation.

L’acteur

Depuis ce, tresredoubté prince, que Songe me monstra les horribles assaulz et la crueuse guerre de Malebouche contre Amours et les dames, et que, par le commandement de Verité, je eus, selon mon pouoir et comme leal notaire, enregistré la conqueste notable et la glorieuse victoire de Franc Vouloir, leur champion, Doubte m’a tenu longuement et fait diversoment penser. Car, d’ung costé, mettoit devant mes yeulx la puissance de Malebouche, lequel, s’il a esté vaincu chevalereusement, neantmains tousjours lui demeurent grandes et fortes alliances, principalement de Dangier l’envieux, qui continuelement tient sur les chemins * et les passages espyes et routiers pour destrousser et mettre a mort les souldoyers d’Amours et les servans des dames. [variante msc B (Bruxelles, Bibliothèque royale 9466 - voir chapitre Variantes en p. 257): * et passages ]

Et avec ce, la ou je retiroye mes sens des choses foraines et selon la doctrine de Perse en moy mesmes me queroye, Memoire en son miroir me remonstroit mille haults et tresclers engins, lesquelz, ou par crainte d’envye n’eurent oncques (Fol. 2b) la hardiesse de la bataille * descrire et raconter la victoire, ou en greigneurs et plus plaisans materes ont employé leurs veilles. Et quant mesmement je sentoye la meschance de mon entendement, tant pour sa nayfve rudesse que pour ma jennesse mal /2/ aprise et nichement conduite, certainement, Prince tresredoubté, advis m’estoit plus expedient le taire que le parler et trop plus seur dissimuler pour vivre en paix que publyer la journee pour ennemis acquerre. [variante msc B: * descrire et corner.]

D’aultre part, aussy considerant que bons et mauvais, sages et ignorans, chascun selon son * sentement descript, et que excerciter et limer l’entendement en œuvre gracieux et honneste est chose plus loable que le laissier enroullier par oyseuse, et ne souffist pas a engin orguilleux lire les fais et les livres des aultres se quelque fois a la plume il ne esprœuve sa force, comme a tout vaillant homme d’armes veant la gloire de cil qui a bien combatu es lices se esboulissent les vaines et tressault le cœur ou a pareil ou a greigneur honneur acquerir, veritablement, je deliberoye de mettre en avant mes rymes et mes vers, prenant confort en saint Jherosme qui, nonobstant la vaultesse de sa sapience et l’aournement et doulceur de son divin langage, fut en ses plus grandes œuvres des mesdisant persequté. Ainsy je, de moment en moment cha et la debouté comme la nef entre les vagues, n’avoye propos certain a prendre arrest ou port. [variante msc B: * sentement escript]

Mais, treshault et tresexcellent prince, comme il soit ainsy que, es choses mondaines, Amours porte le sceptre et la couronne, et qui n’est de sa royale court il ne tient ordre, poix ne mesure, et qui le sert vivre doibt en esperance d’en avoir guerredon immortel, comme aussy soit ainssy que l’onneur deu aux (Fol. 2v^oa) dames doibt estre soustenu et gardé et publyé au gré de Verité, la quelle, enfin, en tenebres reluist, et en prison est france, et les bouches closes desclost, et les oreilles sourdes œuvre, j’ay jugié que, sans encourir crisme de lese majesté, et victoire et le tryumphe d’Amours et des dames celer ne debvoye, mesmement car Verité vouloit que j’en * fusse le herault. [variante msc B: * fusse herault]

Siques, trespuissant et tresexcellent prince, toute doubtance mise arriere, aprez ce que renommee m’a conté la clarté de vostre courage, le grant nombre de vos vertus, les haultains et glorieux fais par lesquelz vostre nom bruit es quatre pars du monde, et principalement que le nom d’Amours tousjours avez eu en digne reverence et la querelle des dames singulierement recommendee, je vous ay cestui livre voé, esperant que /3/ volentiers orrez les premieres et joyeuses nouvelles de la bataille gaignie sur Malebouche, et que a la fois, aprez les pesans faiz et importables cures que soustenir vous fault pour la chose publique, comme il appartient a tout prince, y prendrés aulcune consolacion ou quelque esbatement. Car mains beau passetemps ne ferez a l’ouir lire, comme je croy que cellui grant Scipion, conquesteur d’Auffrique, faisoit, quant aprez ce que s’estoit deschargié du bas et de l’affaire publique, il s’en aloit sur la gravelle recueillir des pierrettes. Ou est la vertu d’homme la quelle puist souffire a labour continuel ? Veritablement, comme l’arc doibt estre destendu adfin qu’il reprengne sa force, ainsy * qui tout son engin et s’estude met a ferir haultes choses et difficiles besongnes accomplir, se il ne l’adoulcist de quelque recreation, rompre le veult ou affoiblir. [variante msc B: * qui tent son engin et s’estude a f.]

[Des poetes.] Pour ceste cause en partie, comme je pense, acquirent anciennement les poetes la grace des seigneurs et des princes, comme Virgile, Orace et Ovide de Octavien, lequel seulement ne se (Fol. 2v^ob) delectoit a ouir les poetes ou lire leurs livres, mais a vers et dictiers mesurer et nombrer, mesmement composer tragedies.

* Quel honneur Scipion fit a Ennius, cil scet qui a leu les hystoires. Severe aussy l’empereur, combien il prisa Appius de cui il acheta les vers au poix de l’or, esquelz il racontoit la nature des poissons et la maniere de les prendre, on le voit es croniques. De Julius Cesar et de Neron ** ne parlè je, car les poetes de leur aage ilz vainquirent. Ne de temps plus ancien feray je mencion, comme de Alixandre le Grand qui, errant par les sepulcres des Grejois et des Troians aprez la destruction de Troye, quant il eut regardé le tombeau d’Achillès : « O », dist il, « que tu es fortuné par le poete Homere qui a si haultement tes merites escript et tes vertueux fais ! » Desquelz poetes je ne parle pas pour traire a similitude ou a consequence, car poete ne me reputè je. Assez en ma vye feray, se de bien loing puis ensuir les poetes desquelz le nom par les aages *** passez a esté si cler semé que force en la plus flourissant n’en a on veu trois ensemble vivans. [variantes msc B: * Quel honneur fit Scipion – ** ne parleray je – *** passees]

Mais ce ay je dit pour la loenge que vous avez de sçavoir employer et partir le temps en prenant honneste esbatement es /4/ poesies et fictions amoureuses, aprez ce que partez de l’abisme des soings et des besongnes mondaines.

Et s’il est aulcun qui contre moy s’esmeuve, disant que j’ay embrachié trop grant fardel en cestui œuvre, que j’ay esté trop indiscret a laissier courre la plume indifferemment contre grands et petis, que je suis bien oultrecuidant a vous presenter mes lignes mal dressees et mal polyes, plaise lui prendre response, quant au premier, que, comme dessus est dit, je me sens mieulx en ce cas que aultruy ne me taste. Vray est j’ay trop embrassie pour bien estraindre (Fol. 3a). Mais se ma vertu s’est efforcee oultre mesure et se j’ay plus cuidié que je ne puis, soit tout imputé a Amours le quel, avecques le bon vouloir que j’ay de servir et obeir aux dames, m’a de l’esperon de gloire aguillonné, comme les aultres qui courent au bon nom et l’attaingnent, force, plus legierement. Car, en plus plaine voye, les ungs a philosophie s’ahurtent ou, pour congnoistre les mouvemens du ciel et sçavoir les disposicions des temps, traveillent; les pluiseurs aux loix civiles s’adonnent; les aulcuns es lettres divines contemplent; les aultres escripvent batailles et croniques. Chascun a plaisir laboure et a gloire par la quelle, comme dist Tulle en ses questions tusculanes, tous sommes enflammez a diverses estudes. Doncques, se descript ay la bataille fiere et ancienne de Malebouce contre Amours et les dames, je ne voy pour quoy en doye estre repris, ce reservé que ma jennesse et mon petit engin pas ne souffisent a declairer et desnoer mendre matere de ceste. Et ce plainement je confesse. Mais ceste grande hardiesse j’excuse par Amours qui les cueurs souvent empaint a choses difficiles, voire impossibles achever.

Quant au second, se en cest livre est trouvee parole desplaisant ou trop legiere ou trop aigre ou trop obscure, on doibt considerer la nature du personnage qui parle. Que se langage y a desmesure, jamaiz ne nieray que mainte chose n’aye dit par indignation, semblable a Juvenal, satirique poete, lequel, escripvant contre les vices de son temps, disoit que se nature ne lui donnoit vers et dictiers a les blasmer, neantmains indignation et despit lui en feroient faire. Et aussy ne nieray je avoir dit pluseurs choses par aventure et despourveument, ainsy qu’il advient en langage quotidien (Fol. 3b) et familier, /5/ lesquelles trouvé n’eusse en longue muserie. Car mainte chose est faicte par cas aventureux a laquelle art ne sçaveroit attaindre.
[Nota. D’ung paintre qui paindy un cheval.] Ainsy qu’il advint d’ung paintre dont Valere raconte, qui, aprez ce qu’il eut compassé ung cheval, pourtrait et poly par tout ses membres, et ne fut en sa science de lui donner esperit orguilleux et fretillant, comme de rongier le frain et escumer, de despit rua ses pinchiaux et s’esponge encontre la paroit, dont par fortune la gueule du cheval si a point se blanchir que mieulx souheidier ne l’eust sceu. Ainsy ce que par art fournir ne pœut, par aventure il accomplist.

Quant au tiers, la response est assez legiere. Ce n’est pas chose nouvelle que ceulx qui livres batissent et composent volentiers presentent leurs ouvrages et labours aux grands seigneurs, adfin de leur monstrer et offrir la tresentiere affection qu’ilz ont a eulx, et que, soubs leur nom, leurs livres prengnent quelque auctorité et cours. Laquelle chose se je fais, prince tresexcellent, avecques ce que les sages m’en ont donné l’exemple et le chemin ouvert, vostre tresdoulce humanité singulierement m’y semont et attrait et de bien loing appelle. En laquelle tant me confye que, se mes vers ne sont tissus, pains et dyasprez selon la qualité de la besongne emprise, neantmains la bonne voulenté en gré prendra, laquelle ne doibt estre pesee selon la quantité du don, mais a la balance du courage et du coeur.

Doncques, tresexcellent et treshumain prince, tresamoureux diray je, par icelle leaulté que debvez a Amours, par icelle ferme esperance que les dames ont en vous comme celuy qui doye mettre a execution la sentence prononcee par Verité contre Malebouche et sa gent, mesmement pour la tressinguliere (Fol. 3 v^oa) devotion que vous avez a celle dame, la quelle, en son hault puy d’amours, jadis monstra au monde le pris de vie et de salut humaine, vueilliez cest livre humainement recepvoir et telement Amours et les dames deffendre, se l’adversaire relieve sa baniere, que de (Fol. 3 v^ob) luy et d’elles soyez sur tous les vivans exaucié et loé. Et aprez les haultains et glorieux filtres d’honneur que vous avez ou monde, voyez es cieulx la gloire infinie de cellui Dieu qui, amoureux de la tresbelle dame, voulut par Amours en la terre descendre.

Chy commence le livre du Champion des Dames
/6/
/7/			[Fol. 4a]
	1	A l’assault, dames, a l’assault !
	2	A l’assault dessus la muraille !
	3	Ores est venus en soursault
	4	Malebouche en grosse bataille.
	5	A l’assault, dames ! Chascune aille
	6	A sa deffense, et tant s’efforce
	7	Que l’envieuse villenaille
	8	Ne nous ait d’emblee ou de force.

	9	Dormant, ce premier jour de may,
	10	Advis m’estoit que le chastel
	11	D’Amours veoye en grant esmay,
	12	Et encores qu’a ung cry tel
	13	Alay mettre teste a crestel
	14	Et moy en bataille arrengier,
	15	Car ce me sambloit bien hostel
	16	Que chascun debvoit revengier.

	17	Le point du jour fut, que l’en seult
	18	Chasteaulx rober et escheler,
	19	Car lors sommeil le guet acceult
	20	Qui doibt l’ennemy desceler.
	21	Mais grant mal ne se pœut celer
	22	Tant soit bien mussié ou couvert.
	23	Car, se pour ung temps receler
	24	Se pœut, en l’autre est descouvert.

	25	Leaulté ne fut endormye:
	26	De faire bon guet lui souvint.
	27	D’assault cryer ne faillit mye
	28	Si tost que l’ennemy sourvint.
	29	Des aultres guettes plus de vingt
	30	Aussy firent bien leur debvoir.
/8/	31	Et, pour certain, il ne convint
	32	Celle nuit guet dormant avoir.

	33	Malebouche et son assemblee,
	34	De gens de faisson mal garnye,
	35	Cuidoyent le chasteau d’emblee
	36	Prendre et le mettre a villanye.
	37	Mais Leaulté, que Dieu benye,
	38	Ainchois qu’eust dressé les eschelles
	39	La faulse envie maisnye,
	40	Esveilla dames et pucelles.

	41	Pour quoy tantost se retirèrent,	[Fol. 4b]
	42	Mais a tant ne se tindrent pas.
	43	Canons, coulouvrines tirerent,
	44	Arbalestriers, archiers au pas,
	45	Chascun regardoit a compas
	46	De tirer a quelque aguerite
	47	Pour mettre de vye a trespas
	48	Dame Ysabel ou Marguerite.

	49	Tout air retentissoit des hurs
	50	Que l’en bailloit diversement
	51	Contre les creneaulx et les murs,
	52	Fors et durs merveilleusement.
	53	Car, dès le pié du fondement
	54	Jusques a la feste, ilz estoyent
	55	De fins dyamans, tellement
	56	Que canons ne les abatoyent.

	57	L’assault plainement on veoit
	58	Pour ce que la lune plainiere
	59	Dessus les dyamans rayoit,
	60	Dont bondissoit telle lumiere
	61	Qu’il n’y eut penon ne baniere
	62	Que l’en ne choisist plainement,
	63	Et aperchut on la maniere
	64	De celui traitre garnement.

/9/	65	Certes on vit bien Malebouche,
	66	Tantost congnut on son armee,
	67	Guidant les dames en leur couche
	68	Prendre, et entrer porte fermee.
	69	Mais poi doubta on sa hemee,
	70	Ja soit qu’il n’y eut ou chastel
	71	N’artillerye envenimee,
	72	Ny aultre habillement mortel.

	73	Les dames pas ne se doubtoyent
	74	Que le traitre larron les prit
	75	D’assault, mais asseures n’estoyent
	76	De Faulx Semblant qui trop mesprit
	77	Jadis, car la maniere aprit
	78	D’avoir chasteau sans grant effort,
	79	Et par sa trayson sousprit
	80	Bel Accueil en son chasteau fort.

	81	« Toutes le debvons redoubter, »
	82	Les unes aux aultres disoyent,
	83	« En tant d’abis se scet bouter
	84	« Que les plus soubtilz ne le voyent.
	85	« Siques les portieres pourvoyent
	86	« Tellement au fait de la porte
	87	« Que par lui decheues ne soyent,	[Fol. 4v^oa]
	88	« Et, s’il vient, qu’on sache qu’il porte. »

	89	« De trayson nous fault garder,
	90	« C’est le premier que debvons faire,
	91	« Et de trop souvent regarder
	92	« Dehors les murs, a nu viaire,
	93	« Mesmement car ilz scevent traire
	94	« Si roide et de si mauvais trait
	95	« Qu’on ne pœut la playe deffaire,
	96	« Ne guerir de quelconque entrait. »

	97	« Malebouche atout ses souldars
	98	« N’est pas si vaillant que grever
/10/	99	« Nous puist de canons ne de dars
	100	« Se nous le voulons eschiver.
	101	« La muraille ne pœut caver,
	102	« Et avons assez de vitaille,
	103	« Et, s’il veult eschielles lever,
	104	« Assez sommes pour sa bataille. »

	105	« Soit doncques chascune en sa garde,
	106	« Et songneuse de cler veyr,
	107	« Car le faulx traitre ne regarde
	108	« Fors comment il nous puist trahir.
	109	« Que se ce vient a l’envahir,
	110	« Soit a my jour ou a my nuit,
	111	« Monstrons comment debvons hayr
	112	« Malebouche, qui tant nous nuit. »

	113	Ainsy l’une a l’aultre parloyent
	114	Celles du chastel amoureux,
	115	Et toudis a l’entour aloyent
	116	Les adversaires rigoureux
	117	Qui trop estoyent douloureux
	118	De ce qu’ilz n’avoyent souspris,
	119	Comme meschans et malheureux,
	120	La place d’honneur et de pris.

L’acteur
Ce chapitre raconte la venue d’Amours au chastel. Et comment Bouche d’or le herault issy dehors parler aux adversaires et retourna sans paix ou treves raporter.
	121	En icelle mutation	[Fol. 4v^ob]
	122	Que les unes les murs gardoient,
	123	Les aultres par devotion
	124	En la chapelle s’en aloyent
	125	Ou a Dieu se recommendoyent
	126	Contre le villain estourdy
/11/	127	Et tous ceulx qui les assailloyent,
	128	Amours ou chastel descendy.

	129	Lors cuiday bien perdre la veue
	130	Et des joyes du monde l’une,
	131	Car oncques telle clarté veue
	132	Ne fut de soleil ne de lune.
	133	Le chahuan qui par nuit hune
	134	N’est si avugle en plain midy
	135	Que ma paupière matte et brune
	136	Et esbleuye se rendy.

	137	Le soleil n’est avironné
	138	De ses cercles clers et luisans
	139	Comme Amours, hault roy couronné,
	140	Espardoit ses raiz reluisans,
	141	Entresemez d’angles plaisans,
	142	Vermeillans comme beaulx rubins,
	143	De lumiere assez souffisans
	144	Et fussent les sains cherubins.

	145	Eles portoit, ce me sembloit,
	146	Mais, pour vray, quelles et comment,
	147	Ma veue qui toute trembloit
	148	N’en pouoit faire jugement.
	149	Si vis je bien certainement
	150	Qu’oncques legier esmerillon
	151	Ne vola plus legierement
	152	Que lui soubs son vert pavillon.

	153	A ceste amoureuse venue	[Fol. 5a]
	154	On ne pourroit dire n’escripre
	155	La joye aux dames sourvenue,
	156	Ne comment le gracieux sire,
	157	Sans beubant, sans orgueil, sans ire,
	158	Toutes doulcement les baisa.
	159	Moy mesmes ne sçaroye dire
	160	Comment mon coeur se rapaisa.

/12/	161	Si fus je moult esmerveillié
	162	Quant je vis que sur les alees
	163	Ne fut ne guettié ne veillié,
	164	Et que les dames devalees
	165	S’en estoyent toutes alees
	166	En la grande sale danser,
	167	Comme plainement consolees.
	168	Je n’y sçavoye que penser.

	169	Et doubtant se descenderoye
	170	En bas regarder l’ordonnance,
	171	Ou se tout seulet attendroye
	172	Sur les murs la male meschance,
	173	Ung herault plain de contenance
	174	Et le plus gent que jamais vis,
	175	Au mains dont j’aye souvenance,
	176	Yssi hors par le pont levis.

	177	Bouche d’or estoit appellé,
	178	Comme depuis l’ouys nommer,
	179	Car il fut tant bien emparlé
	180	Qu’on ne le pouoit surnommer.
	181	Il fut envoyé pour sommer
	182	Malebouche et sa gent traitresse,
	183	Venus pour prendre et diffamer
	184	La noble amoureuse fortresse.

	185	Cilz herault, magnifique et noble,
	186	Deux coeurs gueulez en son fermail
	187	Portoit, sur ung champ de cynoble
	188	Semé de tresmignot esmail.
	189	Il avoit aussy ung camail
	190	A la nouvelle guise fait,
	191	Ou il falu maint cop de mail
	192	Ainchois qu’il peut estre parfait.

	193	Car, avec la riche toison,
	194	L’orfevre, que je ne congnois,
/13/	195	Avoit, par tresgente moison,
	196	Joint le camail orliennois.
	197	Il cousta beau mont de tournois
	198	Ainchois qu’il fust parachevé.
	199	Jamais en testes n’en tournois	[Fol. 5b]
	200	Ne sera le pareil trouvé.

	201	Quant il vint prez des adversaires,
	202	De la main fait de treves signe,
	203	Et Malebouche ly haussaires,
	204	Qui n’est de parler a luy digne,
	205	Cueurt vir qui c’est, mais a tous signe
	206	Que point ne cessent de combatre
	207	Et tirer canons droicte ligne
	208	Vers les murs qu’on ne peut abatre.

	209	J’aperchus bien que le despit
	210	Malebouche ne s’accordoit
	211	A l’apointement ou respit
	212	Que le herault luy recordoit,
	213	Ains ses bras ensemble tordoit
	214	Affermant cecy et cela,
	215	Sa langue pas il ne mordoit
	216	Qui oncques secret ne cela.

	217	Pas ne peut estre rapaisié
	218	Malebouche yré malement;
	219	Sy est Bouche d’or moult aisié
	220	Par son aourné parlement
	221	De trouver bon appointement
	222	En toutes choses de discort,
	223	Mais le faulx traitre garnement
	224	Ne pouoit venir en accord.

	225	Le herault trop ne sejourna.
	226	Quant il eut fait son ambassade,
	227	Dedens le chasteau retourna
	228	Ou l’en faisoit feste et kalade.
/14/	229	Haubergon, bachinet, salade,
	230	Ne cœurent plus par la maison,
	231	Puis que le Dieu d’Amours tant sade
	232	S’est venu mettre en garnison.
De la beaulté et de la contenance d'Amours, et de son vestement figuré diversement de toutes choses, en signe de sa treshaulte poissance.

L’acteur
	233	Ouyr des nouvelles vouloye,
	234	Car, quombien qu’en place fermée	[Fol. 5v^oa]
	235	Et seure fusse, me douloye
	236	Que la paix n’estoit confermee,
	237	Et que, la porte deffermee,
	238	Ne pouoye avoir mon plaisir,
	239	Car, certes, leesse enfermee
	240	N’est sans souspir de desplaisir.

	241	Ainsy par ungs degrez desvale
	242	Et, au son des hault instrumens,
	243	Entre dedens la grande sale,
	244	Plaine de riches paremens,
	245	Ou Amours ses esbatemens
	246	Prenoit avec ses damoiselles,
	247	Et ryoit des deffiemens
	248	Que le traitre avoit fait contre elles.

	249	Bouche d’or avoit ja compté
	250	Au dieu d’Amours la tyrannie
	251	De Malebouche l’effronté,
	252	Qui jure, parjure et renie
	253	Que luy et toute sa maisnie
	254	Feront ainsy et cen et quoy,
	255	Et de pourchasser villanie
	256	Aux dames ne se tendra coy.

/15/	257	Oultre plus, que tant se fioit
	258	En sa rage desordonnee
	259	Qu’Amours et dames deffioit
	260	En champ de bataille ordonnee,
	261	Et monstreroit quelque journee
	262	Qu’il tenoit tressainte querele.
	263	Dieu luy aide ainsy ceste annee
	264	Encontre Amours et sa sequele.

	265	Comme celuy lequel se boute	[Fol. 5v^ob]
	266	Aux noeuches sans estre mandé
	267	Doubte que l’en ne le reboute
	268	Et que ne luy soit demandé:
	269	« Beaulx amis, qui t’a cy mandé ?
	270	« Tu n’y doibs chanter ne baler »,
	271	Adfin que ne l’eusse amendé,
	272	Je n’osoye en avant aler.

	273	Mesmement car vestu n’estoye,
	274	Et n’eusse sceu faire les tours
	275	Comme tous les aultres veoye
	276	Devant le hault prince d’Amours.
	277	Le plus meschant fut de velours
	278	Habillié tresmignotement,
	279	Et le plus niche et ly plus lours
	280	Y dansoit merveilleusement.

	281	Si me tenoye en ung canton,
	282	Vergongneux et remply de honte,
	283	Tout ainsy que l’en fait, quant on
	284	Scet bien que l’en n’est point du compte.
	285	Aussy vis maint duc et maint conte
	286	Qui loing en piés se reposoit.
	287	Ne nom ne sournom ne vous compte,
	288	Car prez avancier ne s’osoit.

	289	Ainsy, de mon cornet, regarde
	290	La maniere de ce grant roy,
/16/	291	Et principalment je prens garde
	292	S’en sa court y a desarroy.
	293	Mais non, car Prudence l’arroy,
	294	L’assiete et l’ordonnance y baille.
	295	Oncques ne fut, comme je croy,
	296	Court sy honneste, non, sans faille.

	297	Je ne sçay s’Amours retrayt
	298	Sa lumiere qui tant luisoit
	299	Quant m’esblouyt et fortrayt
	300	Mon regart, qui mal l’avisoit,
	301	Car lors, tant cler il ne faisoit
	302	Entour luy comme a sa venue,
	303	Mais certes, mon œul s’advisoit
	304	A le veoir, par continue.

	305	Tel ne le vis comme on le paint
	306	Maintenant, car on le figure
	307	Que dards de tous costez empaint,
	308	Et bende on sa clere figure;	Comment on figuroit Amours anchiennement.
	309	De la veue on le deffigure,
	310	Et le fait on cruel de trait.
	311	Sache tout maistre de painture	[Fol. 6a]
	312	Qu’il ne doibt estre ainsy pourtrait.

	313	Car il est le plus gracieux,
	314	Le plus doulx, le plus debonnaire.
	315	C’est ung plaisir delicieux
	316	Que de le veoir au viaire.
	317	Jamais il ne porroit mal faire,
	318	Voire, sans luy, ne porroit homme,
	319	Pour quelque chose que sceut faire,
	320	Vivre en paix, ne dormir bon somme.

	321	Pas ne seroit en ma science
	322	Descripre sa beaulté vermeille,	Comment Amours doit estre figuré et pourtrait.
	323	Ne sa haulte magnificence
	324	Qui n’a seconde ne pareille,
/17/	325	Ne comme bien il s’appareille,
	326	Et, veu qu’il est sy grant seigneur,
	327	Par mon sacrement, c’est merveille
	328	Qu’il ne se repute greigneur.

	329	Une couronne precieuse
	330	Sur son gracieux chief portoit,
	331	Laquelle clarté merveilleuse
	332	En toute la sale jettoit,
	333	Tant que veyr on ne povoit
	334	Ne recongnoistre la pierrie.
	335	Je croy que forgie on l’avoit
	336	En la celeste orfaverie.

	337	Certes, qui veoir la porroit
	338	A son loisir mieulx qu’en l’espere,
	339	Les douze signes y verroit
	340	Compassez, comme je l’espere,
	341	Et comment Phebus, leur compere,
	342	Dedens leurs seignouries tarde,
	343	Et comment Phebé desespere
	344	Quant Apollo ne la regarde.

	345	Le viaire et la corpulence,
	346	Le maintieng en fais et en dis,
	347	Il avoit en tele excellence
	348	Que s’il fust Dieu de paradis.
	349	Il fust né des le temps jadis,
	350	Des la creation du monde,
	351	Et touteffois ung triple dis
	352	Ne monstroit pas sa barbe blonde.

	353	Au tour de son beau col portoit
	354	Ung camail basty richement,
	355	Le bort de dessus cler estoit
	356	Comme le plushault element.
	357	Ou milieu fut il telement	[Fol. 6b]
	358	Nué, qu’on veoit en la nue
/18/	359	Tonnoirre et pluie mesmement
	360	Dont se fait la nesge lanue.

	361	L’aultre part sy soubtille estoit
	362	Et polye sy nettement
	363	Que, parmy elle, l’œul passoit
	364	Et veoit jusqu’au firmament.
	365	L’ouvrier l’a voit moult gentement
	366	De divers oiseaux entaillie,
	367	Tant que je congneus plainement
	368	Que l’air y estoit emmaillie.

	369	Ou bort d’embas, riches et fins,
	370	Poissons grans et petis nagoient.
	371	Seraines, balaines, dauphins,
	372	Entre les undes se plungoient.
	373	Galees paintes y estoient
	374	Sy vivement, que, par remer,
	375	Les flos tresorguilleux fendoient
	376	Et toute l’ire de la mer.

	377	Sa robe estoit de couleurs maintes	De la robe du Dieu d’amours.
	378	Assorties tresgentement.
	379	Toutes choses y furent paintes
	380	Selon leur estre proprement.
	381	Jamais en nul habillement
	382	Ne vis tele diversité,
	383	Ne diversité, mesmement,
	384	Rendant sy parfaitte unité.

	385	On veoit, en la dextre mance,
	386	Adam, assis en ung vergier,
	387	Accoler Eve blonde et blance,
	388	A sa belle aise, sans dangier.
	389	A paine povoit on jugier
	390	Que leurs ymages fussent vifs.
	391	Certes, Nature mieulx forgier
	392	Ne les eust peu, a mon advis.

/19/	393	La manche de fin or bordee
	394	Estoit, d’amyes et d’amis
	395	Vestus de fin asur brodee.
	396	Dieux y a miracle transmis,
	397	Car en deux personnes a mis
	398	Une volenté principale.
	399	Et, pour ce veoir, je me mis
	400	Ung poy plus avant en la sale.

	401	D’amis y avoit il grant tas.
	402	G’y aperchus, du premier œul,
	403	David et le beau Jonathas	[Fol. 6v^oa]
	404	Quy eurent une ame et ung vœul.	David et Jonathas
	405	Mais mainte amye y faisoit dœul,	David et Jonathas
	406	Et aloit seule lamentant,
	407	Ou par la faulte ou par l’orgueul
	408	De son amy qu’elle amoit tant.

	409	En la poiterine il avoit
	410	Une affique riche a merveille.
	411	L’estat et la vie on y voit
	412	De ceulx que fine amour traveille.
	413	La y voit on comment on veille
	414	A servir Dieu, aux yeux ouvers.
	415	Leans, personne ne sommeille,
	416	Chascun est rendu ou convers.

	417	Comme saint Pierre, on y habite
	418	A servir Dieu devotement,
	419	Ou, com Jehan l’evangeliste,
	420	A le contempler haultement.
	421	Helas ! il semble proprement
	422	Que soyent tous mieulx mors que vifs !
	423	Amour divine telement
	424	Les a hors du monde ravis.

	425	Toutes les bestes qu’onques fist.
	426	Nature en l’aultre manche estoient.
/20/	427	L’ouvrier tant bien les contrefist
	428	Que toutes vives ressembloient.
	429	Les unes es buissons gisoient
	430	Alaittans leurs faons petis,
	431	Et pluseurs aultres s’en aloient
	432	Fournir le corps par les pastis.

	433	Le remenant de la vesture
	434	Est ouvré de toutes manieres
	435	D’arbres, de fruis et de verdure,
	436	De metaulx et de pierres chieres.
	437	Mesmement, au bas des lisieres,
	438	Veoit on les gros dyamans.
	439	Jamais plus bel habit ne quieres
	440	Que celui du roy des amans.

De la noble et grande court d’Amours et des dames et des seigneurs lesquelz y sont continuelement en soulas et en joye.
	441	Dame Paix, la belle et la bonne,	[Fol. 6v^ob]
	442	La gracieuse et la rassise,
	443	Ainsy que la droitte mignonne
	444	Emprez Amours estoit assise,
	445	Qui souvent a elle devise
	446	Et luy monstre sy doulce face
	447	Que tresclerement on advise
	448	Qu’il l’aime et qu’elle est en sa grace.

	449	Prudence seoit a sa dextre
	450	Et souvent a elle parloit.
	451	Justice estoit a la senestre,
	452	La quelle d’ung bras accoloit
	453	Dame Force. Quant il vouloit
	454	Quelque rien faire ou commander,
	455	Prestement devant luy saloit.
	456	Il ne la faloit demander.

/21/	457	Force, souvent, en danse entroit,
	458	En ses tours aperte et legiere.
	459	Attrempance fort se monstroit
	460	Pour le compas de sa maniere.
	461	Verité, comme conseilliere,
	462	De plusieurs affaires parloit
	463	A madame la chancelliere
	464	Que Leaulté on appelloit.

	465	Noblesse regardoit d’ung œul
	466	Amours, doulcement soubriant.
	467	Honneur n’en debvoit avoir dœul,
	468	Car c’estoit en appariant,
	469	Et non pas en amenriant
	470	Ou l’une ou l’aultre en son degré,
	471	Car tousjours Noblesse en riant
	472	Prenoit le fait d’Honneur en gré.

	473	A Honneur resembloit trop fort,	[Fol. 7a]
	474	Aussy faisoit elle a Noblesse,
	475	Une dame de grant confort
	476	La quelle on appelloit Largesse;
	477	Emprez elle seant Prouesse
	478	Sur Diligence s’accoustoit;
	479	Perseverance qui ne cesse
	480	Leurs mignotises escoutoit.

	481	Grace et ses trois filles, Heugale,
	482	Heuprosigne et Heupasitee,
	483	Firent mainte amoureuse gale
	484	Qui tart vous seroit racomptee.
	485	Mainte chanson y fut chantee,
	486	Mainte appertise et maint jeu fait,
	487	Et mainte nouvelle escoutee
	488	Du vieil temps et de ce qu’on fait.

	489	Obedience, Humilité,
	490	Courtoisie, Franchise, Crainte,
/22/	491	Reverence, simple Beauté,
	492	Netteté naïfve sans fainte.
	493	Gracieuseté, aultre mainte
	494	Que trop tart avroye nommé,
	495	Estoient en la sale painte
	496	Devant le prince renommé.

	497	Le gentil escuier Soulas,
	498	A ce jour tout vestu de vert,
	499	Jamais de danser n’estoit las
	500	Avec Leesse au chapeau vert.
	501	Sembloit que Deduit vist ouvert
	502	Le ciel, tant fut il endansé;
	503	Het, de la teste descouvert,
	504	Jamais de chanter n’est lassé.

	505	Doulx Espoir l’eure n’attendoit
	506	Que quelque dame l’appellast.
	507	Bel Accueil au prince entendoit
	508	Et loing de luy guerres n’alast.
	509	Quiconques a Confort parlast,
	510	Il n’en povoit que mieulx valoir,
	511	Mais que d’Avis ne se celast,
	512	Voulant toutes choses sçavoir.

	513	En lieu où je fusse jamais
	514	Tant de belles dames ne vis.
	515	Toute la court, tout le palais
	516	Reluisoit de leurs plaisans vis.
	517	Vrayement, il m’estoit advis,
	518	Ou par plaisir ou par folye,
	519	Qu’estoie en paradis ravis	[Fol. 7b]
	520	Avecques Enoch et Helye.

	521	De tous les quatre lez du monde
	522	Dames y eut sy largement.
	523	France n’y fut pas la seconde
	524	N’en honneur, n’en habillement,
/23/	525	Car Amours singulierement
	526	Son doulx regart vers elle avoit.
	527	Aussy elle plus proprement
	528	Que nesune aultre le servoit.

	529	Dix ou douze reynes danser
	530	Y veoit on d’une escueillie.
	531	Sy povez bien croire et penser
	532	Se la feste y fut resveillie,
	533	Et se mainte dame cueillie
	534	Et paree de maint atour
	535	Failly a estre recueillie
	536	De maint amoureux a son tour.

	537	De conseilliers y eut assez,
	538	Sages, leaulx et veritables,
	539	Tout a l’environ entassez.
	540	Roix, princes, ducs, contes notables,
	541	Barons, marchis et connestables,
	542	La venoient incessamment,
	543	Tant qu’il falut bessier les tables,
	544	On n’y eust dansé aultrement.

	545	Beau Regart et Courtois Maintien
	546	Souvent aloyent et venoient;
	547	Poursieuvans furent, je le tien:
	548	Au mains le cuer gueulé portoient.
	549	Maintesfois a Amours parloient
	550	Qui en divers lieux les mandoit.
	551	Je ne sçay pas ou ilz aloient
	552	Ne quele chose il commandoit.

	553	Se par Souhet, qui ne fut pas
	554	Herault, car il n’est diligent,
	555	J’eusse peu et vie et trespas
	556	Accomplir entre celle gent,
	557	Tout mon or et tout mon argent
	558	Luy eusse offert pour moy aidier.
/24/	559	Mais on scet qu’il est négligent,
	560	Et qu’on n’a riens pour souhaidier.

	561	Et se j’eusse peu trouver voye
	562	Comment Amours m’eust retenu,
	563	(Las ! congnoissance n’y avoye)
	564	Volentiers m’y fusse tenu.
	565	Mais on n’y est pas bien venu,	[Fol. 7v^oa]
	566	Au mains le commun dit en court,
	567	Se l’on n’est plesgié ou congnu
	568	D’aulcune dame de la court.

De la venue de Franc-Vouloir, le Champion des dames, et du merveilleux cheval qu'il chevaussoit, appellé Ardant Desir. ¹
	569	De la feste a tant me tairay ²
	570	Et de cil soulas plentureux,
	571	Pour ce que jou a compter ay
	572	Du chevalier aventureux
	573	Qui vint, comme chevalereux,
	574	Armé comme le beau saint George,
	575	Sur ung cheval moult rigoreux
	576	Qui jettoit le feu par la gorge.

	577	De loing vers Amours s’enclina,
	578	Force ne povoit il descendre
	579	Pour son cheval qui ne fina
	580	De regimber et place prendre.
	581	Tout le pavement faisoit fendre
	582	Tant hideusement bondissoit,
	583	Et sembloit qu’il deust tout esprendre
	584	Du feu qui de sa gueule yssoit.

/25/	585	Ung chascun a part se retrait,
	586	Le monde est assez occupé
	587	A vir le chevalier a trait
	588	Sur le cheval fier et huppé
	589	Qui fait trop bien de l’eschappé,
	590	Car il fertille, saulte et treppe
	591	Comme se l’en lui eust frappé
	592	Soubz la queue une chaudefreppe.

	593	Amours lequel, comme je croy,	[Fol. 7v^ob]
	594	Le preu chevalier congnoissoit,
	595	Et le trepillis et l’effroy
	596	Du cheval qui hault hennissoit,
	597	Raison laquelle fort pensoit
	598	Au chevalier dire envoya
	599	Que leans le bien venu soit,
	600	Car de sa venue joye a.

	601	Raison a ung mot entendit
	602	Ce qu’il lui couvint dire et faire.
	603	Elle est sage en fait et en dit,
	604	Et fait ses choses sans refaire.
	605	Sy s’en vient, a courtois viaire,
	606	Bienveignier le dit chevalier
	607	Qui bien monstroit a son affaire
	608	Qu’il estoit vaillant bachelier.

	609	« Franc Vouloir », dit dame Raison,
	610	« Vous soyés le tresbien venu
	611	« En ceste amoureuse maison
	612	« Dont estes pieça retenu.
	613	« A point vous est il souvenu
	614	« De venir vostre debvoir rendre,
	615	« Et, comme vous estes tenu,
	616	« Amours et les dames deffendre.

	617	« Descendez, cest Ardant Desir
	618	« A trop oultrageuse maniere.
/26/	619	« Je le veul duire a mon plaisir
	620	« Comme vostre palefreniere.
	621	« Aultre bride et aultre laniere,
	622	« Aultre mors lui convient avoir,
	623	« S’en champ de bataille plainiere
	624	« Voulez qu’il face son debvoir.

	625	« Je congnois bien cestui grison,
	626	« Je voy dont il est amené:
	627	« Il n’est ne poullois ne frison,
	628	« Car il est au fusil signé,
	629	« Allevé fut, nourry et né
	630	« Dedens le séjour de Bourgongne,
	631	« Et a esté souvent mené
	632	« En mainte crueuse besongne.

	633	« De son estre plus je n’enquier.
	634	« Le duc Philippe, premierement,
	635	« A la journee saint Riquier,
	636	« Le chevaussa horriblement,
	637	« Quant sa bataille, mesmement,
	638	« Esparce, esbahie et foulee,
	639	« Mit au dessus sy vaillaument	[Fol. 8a]
	640	« Qu’il en desservit la colee.

	641	« Onques Cesar ne Percheval,
	642	« Qui tant se firent redoubter,
	643	« Ne chevaucherent tel cheval.
	644	« De sa valeur ne fault compter.
	645	« Il est courageux a monter,
	646	« Et ramper encontre une roche,
	647	« Voire dessus l’esgue troter.
	648	« Il ne fault ja que l’en le broche.

	649	« Il n’est que trop impetueux,
	650	« Et s’il n’est mené sagement
	651	« D’homme advisé et vertueux,
	652	« Il se consume plainement.
/27/	653	« Sur lui monta trop folement
	654	« Paris quant il ravit Helaine,
	655	« Car il mit a trebuchement
	656	« Troye la grande, riche et plaine.

	657	« Tant fort s’en cueurt, tant fort s’en ride
	658	« Qu’il en pert la veue et la voye.
	659	« Sy lui fault mettre bonne bride,
	660	« Qui le conduise et le convoye.
	661	« Pourquoy convient qu’on y pourvoye,
	662	« Ainchois que plus avant alez,
	663	« Et qu’Atrempance vous envoye
	664	« Ung bon mors, car vous le valez.»

	665	Lors respont Franc Vouloir: « Madame,
	666	« Je vous remerchie humblement.
	667	« Verité dittes, mais, par m’ame,
	668	« Pensé n’y ay sy haultement,
	669	« Car, pour certain, hastivement
	670	« Je fis l’Ardant Desir seller
	671	« Sy tost que j’eux commandement
	672	« De venir au prince parler.

	673	« En cas hastif n’a point d’advis.
	674	« Pardonnez moy, je vous requier.
	675	« Je vous courrousseroye envis,
	676	« Car vostre conseil m’est trop quier.
	677	« Faittes l’Ardant Desir joquier,
	678	« Bridez le, s’il est necessaire,
	679	« Car aultre chose je ne quier
	680	« Que vostre plaisance parfaire.»

	681	Tantost Raison lui estraingny
	682	La gourmette tant fermement
	683	Que sa fureur il refraingny
	684	Et se tint assez doulcement,
	685	Dont Franc Vouloir isnelement	[Fol. 8b]
	686	Descendy. Plus n’en demanda
/28/	687	Pour obeyr entierement
	688	A Raison qui lui commenda.

	689	Raison laquelle a tout bien cache,
	690	Car elle est dame bonne et sage,
	691	Celuy Ardant Desir attache,
	692	Comme palefrenier ou page,
	693	Auquel elle donne ung bruvage
	694	Confit de gratia Dei,
	695	Dont son trop oultrageux courage
	696	Merveilleusement dechey.

	697	Ce fait, dame Raison mena
	698	Franc Vouloir faire reverence
	699	Au dieu d’Amours qui lui donna
	700	Gracieuse et longue audience.
	701	Puis Raison fit faire silence
	702	A celle fin qu’on entendit
	703	L’oppinion et la sentence
	704	Du dieu d’Amours qui ainsy dit:

Cy parle le dieu d'Amours
	705	« Ja soit ce, dames, qu’il n’affiere
	706	« Que noble et vaillant champion
	707	« Malebouche combate et fiere
	708	« Comme il fust ung preux Scipion,
	709	« Car chevalier contre pion
	710	« Ne se partist honnestement,
	711	« Ne sage homme a ung babion
	712	« Ne doibt tenir plait longement,

	713	« Neantmains, adfin que l’on entende
	714	« Nostre droit et nostre querele,
	715	« Et que Malebouche destende
	716	« Sa langue et rompe sa sequele,
/29/	717	« Attendu que guerre cruele
	718	« De treslong temps nous ont mené,
	719	« Ce ne vous est chose nouvelle,
	720	« Sans prendre a renchon ame né,

	721	« Nous ordonnons que Franc Vouloir,
	722	« Notre hardy champion, aille
	723	« A cil qui cuide mieulx valoir
	724	« Livrer mortel champ de bataille,
	725	« Tant ferant d’estoc et de taille
	726	« Que nostre honneur y soit gardé
	727	« Et que, par sa prouesse, faille
	728	« Qu’il soit a honneur regardé.

	729	« Et pour ce que par tout semé
	730	« Ont, et encores ilz maintiennent,
	731	« Comment nous et vous ont sommé	[Fol. 8v^oa]
	732	« A respondre aux choses qu’ilz tiennent,
	733	« Et jamais en place ne viennent
	734	« Nos procureurs et advocas,
	735	« Pour quoy de droit leur appartiennent
	736	« Nos lieux, non prouvé nostre cas,

	737	« Nous voulons et le consentons,
	738	« Car advisé, sage et leal
	739	« A vous et a nous le sentons,
	740	« Que nostre hault povoir real
	741	« Il déclaire, et monstre que mal
	742	« De nous et de vous se lamente
	743	« Malebouche le desleal,
	744	« Le quel est eureux mais qu’il mente.

	745	« Si n’est il pas que leurs notaires
	746	« N’ayent et leurs grans prothocolles,
	747	« Leurs registres, leurs secretaires,
	748	« Et les docteurs de leurs escoles
	749	« Qui scevent moult de paraboles
	750	« D’aulcuns volentiers escoutees,
/30/	751	« Mais, en le fin, vaines paroles
	752	« Sont par verité reboutees. »

Le dieu d'Amours a Franc Vouloir :
	753	« Va donc, Franc Vouloir au coer gent,
	754	« Va nostre querelle deffendre.
	755	« Hardy es et intelligent
	756	« Pour tous nos ennemis offendre.
	757	« Saches a la victoire entendre
	758	« Et, mieulx que ne t’est commandé,
	759	« Sy seras par hault entreprendre
	760	« Vers les dames recommandé. »

Comment les dames Prudence, Attrempance, Force et Justice armerent Franc Vouloir et le recommanderent a dame Raison.
L’acteur
	761	Alors Franc Vouloir se leva,	[Fol. 8v^ob]
	762	Puis, avec quatre dames belles,
	763	Dame Raison armer le va,
	764	Publiquement, d’armes nouvelles.
	765	Oncq a Milan ne fist on telles.
	766	Si disoit on communement
	767	Que les dames et damoiselles
	768	Les firent anciennement.

	769	Dame Raison lui desvesty
	770	Toute l’armure qu’il portoit
	771	Et de harnas le revesty
	772	Que Prudence lui presentoit.
	773	Et, en l’abillant, lui contoit
	774	Qu’entierement, et jus et sus,
	775	Trempé, forgié et fait estoit
	776	Aprez celui du roy Ihesus:

/31/	777	« Ihesus, en la guerre crueuse
	778	« Que Malebouche lui brassa,
	779	« Porta cuirasse merveilleuse
	780	« Que jamais homme ne froissa.
	781	« Maint bras oultrageux se lassa
	782	« Pour le fausser ou desmaillier,
	783	« Mais oncques il ne s’abaissa
	784	« A cop que l’en lui peut baillier.

	785	« Autant y faisoit Malebouche,
	786	« Ja soit que pas ne lui paroit
	787	« Que fait une petite mousche
	788	« A hurter contre une paroit.
	789	« Car qui plus beau cop y feroit,
	790	« Certes il avoit plus grant soing
	791	« De soy grever, comme on feroit
	792	« A batre le fer de son poing.

	793	« Si te dis je que, se tu n’as
	794	« Le cœur failly meschantement,
	795	« Tu te pœus en cestui harnas
	796	« Combatre a chascun seurement.
	797	« Ihesus le fit faire ensement
	798	« A Charité, son armuriere.
	799	« Ce peut on sçavoir plainement
	800	« Par dame Foy, sa tresoriere.»

	801	Quant il fut de cuirasse armé
	802	Au gré de Prudence la meure,
	803	Tantost Raison lui a fermé
	804	Bras et jambes de leur armeure.
	805	Puis on amaine sans demeure
	806	Le coursier qui de chaleur fume,
	807	Qui mal s’accoise et mal se meure,	[Fol. 9a]
	808	Car il ne l’a pas de coustume.

	809	Lors Attrempance s’avança
	810	Et dit moult gracieusement :
/32/	811	« Champion, venez avant ça,
	812	« Apprestez vous legierement.
	813	« Ce don avrez semblablement
	814	« Adfin que de moy vous souviengne,
	815	« Et que le cheval mesmement
	816	« Soubz vous plus arresté se tiengne.»

	817	La dame le coursier saisy
	818	Et l’embrida d’un frain doré,
	819	Tout dyaspré de cramoisy,
	820	Merveilleusement labouré.
	821	Sy en devint tresasseuré
	822	Le cheval et sa fureur celle,
	823	Mesmement quant il est paré
	824	De poitral et de nœuve selle.

	825	Quant le cheval fust apresté
	826	Comme Attrempance mieulx l’ama,
	827	D’ung armet de grande beaulté
	828	Prudence Franc Vouloir arma.
	829	Ne sçay qui le fist ou forma,
	830	Car il avoit double visiere,
	831	Dont l’une s’ouvrit et ferma
	832	Devant et l’aultre par derriere.

	833	Puis Force, dame de vaillance,
	834	Dist: « Franc Vouloir, leal amant,
	835	« Je vœul que portez ceste lance
	836	« Et cest escu de dyamant.
	837	« Oncques ne leutes en rommant
	838	« D’escu tant puissant ne tant chier.
	839	« Car plus que pierre d’aymant
	840	« Il mestrie fer et achier.

	841	« Venus, la fole foursenee,
	842	« Oncques tel escu ne bailla
	843	« A son tresamé filz Enee,
	844	« Le quel a Turnus batailla.
/33/	845	« Qui, contre cestui, bataille a,
	846	« Il pert sa paine en verité.
	847	« Haultain courage le tailla
	848	« Pour vaincre toute adversité. »

	849	Puis Justice au champion baille
	850	L’espee quelle avoit gardé
	851	Long temps, et si lui dit sans faille:
	852	« Adfin que soyez regardé
	853	« Comme homme bien recommendé	[Fol. 9b]
	854	« Pour sa hardiesse attrempee,
	855	« Et pour ce vous a l’en mandé,
	856	« Vous avrez ceste belle espee.»

	857	Dame Raison a l’œul ouvert
	858	Pour le desrain habillement.
	859	La cotte d’armes au champ vert
	860	Lui vesty trescourtoisement
	861	Esquartelée gentement
	862	Estoit elle de cœurs gueulez,
	863	Et d’ieulx argentez, vivement
	864	Rayans vers les deux aultres lez.

	865	Quant il fut ainsy appresté,
	866	Les dames pryent a Raison
	867	Que par elle lui soit presté
	868	Confort et service a foison,
	869	Tant pour l’onneur de la maison
	870	Que Malebouche contrarie,
	871	Que pour l’amour de la Toyson,
	872	D’Amours et des dames chierie.

	873	Raison respond : « A lui me rens,
	874	« Dames, puis que le commandez,
	875	« Dedens le champ et sur les rens
	876	« Il sera servis et gardez.
	877	« Hardy champion, entendez
	878	« A vous, ainsy que je feray,
/34/	879	« Et aultre servant n’attendez,
	880	« Car baudement vous serviray.»

	881	Le champion les mercya,
	882	A ung genoul, treshumblement,
	883	Disant: « Trop de grace cy a,
	884	« Mes dames, je ne sçay comment
	885	« Vous mercyer, tant largement
	886	« Avez honnouré ma personne,
	887	« Mais on dit coustumierement
	888	« Que vertu a honneur s’adonne.

	889	« Quant est a vous, Raison, ma dame,
	890	« Je sçay que m’estes necessaire.
	891	« Sans vous ne puis avoir que blasme,
	892	« Sans vous ne puis je riens bien faire.
	893	« Mais quoy ? J’ay icy maint haussaire
	894	« Quy est venu pour moy servir,
	895	« Et, comme vray amy, complaire,
	896	« Aussy pour grace deservir.

	897	« Vez cy le seigneur de Crouy,
	898	« Saint Pol au bastart l’amoureux,
	899	« Crevecœur, Ternant et Charny,	[Fol. 9v^oa]
	900	« Et aussy tresaventureux,	Le seigneur de Crouy, le Bastart de S. Pol, seigneur de Habourdin, Crevecœur, Ternant, Charny.
	901	« Qui scevent bien vir entour eulx,
	902	« Et en guerre ont prudence haulte,
	903	« Et seroyent bien doloureux
	904	« Que j’eusse mal a leur deffaulte.

	905	« Non », dit Raison, « il m’est possible,
	906	« Car je sçay maint art et maint tour
	907	« De vous servir comme invisible,
	908	« Ne l’en ne verra mon atour.
	909	« Je vous conduiray en l’estour
	910	« Sy sagement que vous serez,
	911	« Et en l’alee et au retour,
	912	« De toutes les gens honnourez.

/35/	913	« Despeschiez vous, montez tantost.
	914	« Jamais si brief ne partirez
	915	« Que vous trouverez ceulx de l’ost
	916	« Prestz a tout ce que vous direz.
	917	« Courez, franc champion, courez,
	918	« L’escu au col, lance en arrest.
	919	« Ja sy tost n’y aborderez
	920	« Que Malebouche ne soit prest.»

	921	Que vous feroye plus long compte ?
	922	Le Champion, sans plus attendre,
	923	Et sans pié mettre en l’estrief, monte,
	924	Et s’en va les dames deffendre.
	925	Lors sembla il que tout deubt fendre
	926	Pour le tambuis qui se leva,
	927	Car ung chascun, pour place prendre,
	928	Sans garder ordre aprez luy va.

	929	Franc Vouloir le champ tout prest treuve
	930	Comme est de coustume et d’usance,
	931	Plus ne luy reste que l’esprœuve
	932	De sa force et de sa vaillance.
	933	Sy met sur sa cuisse sa lance
	934	Et dedens les lisses tournoye
	935	En tresjoyeuse contenance,
	936	Comme celuy qui s’esbanoye.

	937	Malebouche, comme ung lyon
	938	Ou orguilleux ou arragié,
	939	Bouta en champ son champion
	940	Trop fierement encouragié.
	941	Car son harnois estoit chargié
	942	Hault et bas de broches de fer.
	943	Aussy disoit on que forgié
	944	Fut dedens la fosse d’enfer.

	945	Despit le crueulx nommoit on	[Fol. 9v^ob]
	946	Celuy qui se venoit combatre.
/36/	947	De Lucifer le fier glouton
	948	Et d’Orgueul se disoit fillatre.
	949	Homme ne le pourroit abatre,
	950	Ce lui semble, ou faire dommage,
	951	Car a jouster et a combatre
	952	Il a ung coursier d’avantage.

	953	Ce cheval, comme chascun crie,
	954	Fut engendré treschaudement
	955	Ou royaume de Trinacrie,
	956	Soubs le mont Ethna proprement,
	957	De Chaudecolle la jument,
	958	Et Fureur en fut l’estalon.
	959	Ainsy poez penser comment
	960	Il doibt regimber du talon.

	961	A une pointe d’esperon
	962	Tout au travers des lisses sault;
	963	Plus durement le frapperon,
	964	Plus va le contraire et mains vault.
	965	Il est tant fier, il est tant chault
	966	Qu’il se lairoit rompre la teste
	967	Ainchois qu’on lui fist faire ung sault
	968	Contre son gré, la male beste.

	969	Quant il fut heure de ferir,
	970	Despit aux manieres trop chaudes
	971	Dist : « Ribault, il vous fault morir
	972	« Cy, pour l’amour de vos ribauldes.
	973	« Vos ordes loudieres crapaudes,
	974	« Vostre maistre Amours le putier,
	975	« Dont si souvent chantez les laudes,
	976	« Vous auront icy bon mestier.»

	977	Et lors Franc Vouloir contre ly
	978	Baisse la lance roidement.
	979	Et, certes, pas il ne faly,
	980	Car il l’assena telement
/37/	981	Qu’il luy emporta plainement
	982	La visiere, et lui creva l’œul.
	983	Dont nos gens ont esbatement
	984	Et l’ost de Malebouche dœul.

	985	Comme ung sengler, ou comme ung ours
	986	S’enfellonnist aprez la playe,
	987	Despit tantost reprint son cours
	988	Vers Franc Vouloir qui ne s’esmaye,
	989	Et lui dit: « Cuides tu que j’aye
	990	« Et teste et courage perdu ?
	991	« Mais, se tantost je ne t’en paye,	[Fol. 10a]
	992	« Je veuil estre aux fourches pendu ! »

	993	A ces mos, nostre champion
	994	Le cheval vers lui espaindy,
	995	Et luy bailla tel horion
	996	Que la pance lui pourfendy.
	997	Et le cheval tout estourdy
	998	A revers a terre tumba.
	999	Je croy que la vie y perdy
	1000	Et que depuis ne regimba.

	1001	Clarins commencent a sonner.
	1002	Nos gens cryent sy haultement
	1003	Que l’on n’eust pas ouy tonner.
	1004	A ce cop fait tant vaillaumant,
	1005	Malebouche, trop grandement
	1006	Esbahy, n’a talent de rire.
	1007	Il va et vient pareillement
	1008	Comme cil qui ne scet que dire.

	1009	Il va et vient a langue traitte,
	1010	Ainsy q’ung arragié mastin.
	1011	Et, en la fin, conseille et traitte
	1012	S’il ferroit encor ung tatin.
	1013	Mais Faulx Semblant en son latin
	1014	Conseille qu’on n’en face plus,
/38/	1015	Et que l’endemain, au matin,
	1016	On parachieve le sourplus.

	1017	Ainsy fit il cryer tant hault
	1018	Que chascun le povoit entendre,
	1019	De par luy, qui pœut et qui vault,
	1020	A qui l’en doibt hommage rendre,
	1021	Que, l’endemain, sans plus attendre,
	1022	Amours et les femmes aussy
	1023	Viengnent leur querelle deffendre,
	1024	Plainement, sans fainte ou sans sy.

	1025	On n’eut pas finé la parole,
	1026	Quant le champion respondy
	1027	Comme escolier en plaine escole:
	1028	« Je vœul respondre au plus hardy ! »
	1029	« — Par le sang que Dieu respandy »
	1030	Fait Malebouche, « il se fera.
	1031	« Revien demain, et sy nous dy
	1032	« Plainement ce qu’il te plaira. »

	1033	Ainsy se tira l’ost a part,
	1034	Et Franc Vouloir le vertueux
	1035	A grant honneur du pré se part
	1036	Et vient au chastel amoureux.
	1037	Pour chevalier aventureux	[Fol. 10b]
	1038	De loenge et d’honneur tant a,
	1039	Je ne croy pas que plus eureux
	1040	Onques mais a cheval monta.

Ce chapitre contient la description de dame Venus, de Cupido son filz et de l’ordonnance de leur estat, et mesmement comme dame Venus, la quelle se fait parente de Amours, est de fainte et decepvant beaulté.
L’acteur
	1041	La feste au chastel commença,
	1042	Plus ouverte en toute maniere.
/39/	1043	Chascun selon soy s’avança
	1044	A faire tresjoyeuse chiere.
	1045	Le dieu aussy en sa chaiere
	1046	A tous ses heraulx commandoit
	1047	Que tout amant sa dame chiere
	1048	Menast a danse par le doit.

	1049	Je fus de joye sy espris
	1050	Qu’a paine je pris hardement
	1051	De danser comme bien apris,
	1052	Et l’eusse fait certainement
	1053	Se je n’eusse eu l’amusement
	1054	De Valentin qui me survint,
	1055	Qui me fit ung long preschement
	1056	Du chasteau Venus dont il vint.

	1057	De ce chasteau tant me compta
	1058	Mon compaignon que tant amoye
	1059	Qu’en la voulenté me bouta
	1060	De veoir Venus et sa joye.
	1061	Et mesmement que je veoye
	1062	Le soleil si loing de sa couche
	1063	Que retourner a temps pouoye
	1064	A la journee Malebouche.

	1065	Ainsy partismes de la feste	[Fol. 10v^oa]
	1066	Et alons au chasteau Venus.
	1067	La porte est a tous manifeste.
	1068	Tout le monde y est bien venus.
	1069	Les ungs vestus, les aultres nus,
	1070	Chascun s’i gale haultement.
	1071	Jones gens y sont retenus
	1072	Et souldoyés, Dieu scet comment !

	1073	Le chasteau Venus est assis
	1074	En une forest umbrageuse,
	1075	Loing de celuy d’Amours a six
	1076	Traictz d’arc, ce n’est voye oultrageuse.
/40/	1077	Certes, la place est moult joyeuse,
	1078	Painte et polye par dehors.
	1079	Mais on dist qu’elle est ruyneuse
	1080	Et que les murs ne sont pas fors.

	1081	Venus, pour prendre a son loisir
	1082	Les bonnes nuis et les bons jours,
	1083	Le fist faire a Mondain Plaisir
	1084	Aprez celuy du dieu d’Amours.
	1085	Semblable en donjons et en tours
	1086	Le fist il, selon sa science.
	1087	Mais il est bien fol et bien lours
	1088	Qui n’y congnoit la difference.

	1089	Mille plaisances rencontrasmes
	1090	En ce chastel plain de leesse.
	1091	Et, en fin, ou vergier entrasmes
	1092	Ou estoit Venus la deesse
	1093	Et la plus part de sa noblesse,
	1094	Menans sy joyeuse tempeste
	1095	Que nous eusmes la hardiesse
	1096	D’entrer bien avant en la feste.

	1097	Dessoubs ung rosier se baignoit,
	1098	La table mise devant elle.
	1099	De bien boire ne se faingnoit,
	1100	Ne de rongier ou cuisse ou elle.
	1101	Estre me sembla la plus belle,
	1102	La plus doulce et la plus ryant.
	1103	Oncques mais je ne vys pucelle
	1104	De maniere sy attrayant.

	1105	De fleurs portoit ung chapelet
	1106	Sur sa tresche fort embelye,
	1107	Ou ne verras poil ne pelet
	1108	Qui ne soit de fasson polye.
	1109	Oiseuse, la frisque et la lye,
	1110	La sert de pigne et de miroir
/41/	1111	A soy faire et veoir polye,	[Fol. 10v^ob]
	1112	Pour belle et plaisant apparoir.

	1113	Elle est belle et gente a merveille,
	1114	Et ne croy que dame Nature
	1115	Oncques forgast beauté pareille
	1116	N’en proporcion n’en painture.
	1117	Pour certain, toute creature
	1118	Est enflammee a son regard,
	1119	Et malement se desnature
	1120	Qui ne rechoipt en gré son dard.

	1121	Son filz Cupido la estoit,
	1122	Le quel tresgracieusement
	1123	A tirer de l’arc s’esbatoit
	1124	A toutes ses gens, telement
	1125	Qu’il n’avisoit aulcunement
	1126	A cui, ne quant il en tiroit,
	1127	Car de ses flesches lourdement
	1128	Pluiseurs sans deserte feroit.

	1129	Son fait monstre bien qu’il est borgne
	1130	Et que tout lui est pardonné.
	1131	Il n’est pas homme qui rien lorgne
	1132	Ne qui ait rien determiné.
	1133	Aussy tost il m’aura donné
	1134	L’œul de la plus belle du monde,
	1135	Comme au plus preux et au mieulx né
	1136	Qui fut oncq a la Table ronde.

	1137	Et toutesfois de conseilliers
	1138	Et d’officiers de toute guise,
	1139	D’escuiers et de chevaliers,
	1140	Et de ceulx qui servent l’eglise,
	1141	Venus, la quelle moult se prise,
	1142	Cuide tresbien estre fournie,
	1143	Voire en ensuivant la devise
	1144	D’Amours, qui partout le renie.

/42/	1145	Elle a, ce dist, Confort, Espoir,
	1146	Beau Regard, Doulx Penser, Leesse,
	1147	Courtoisie, Honnesté, Vouloir,
	1148	Leaulté, Franchise, Promesse.
	1149	Tant vous en dis que la deesse
	1150	Contrefait de toute puissance
	1151	La court d’Amours et sa noblesse,
	1152	Par despit ou par acointance.

	1153	« Amis », me dit mon compaignon,
	1154	« De ceste court et qu’en dis tu ?
	1155	« Ne si galon ne si baignon
	1156	« Priveement nu et vestu ?
	1157	« Plaisance y a toute vertu.	[Fol. 11a]
	1158	« Tout cœur a joye s’i affine.
	1159	« Prudence n’y vault ung festu
	1160	« Ne Conscience, s’elle est fine.»

	1161	Adoncq approchons de la treille
	1162	Ou l’en avoit beu mainte pinte,
	1163	Voire maint broch et mainte seille.
	1164	Il n’y a cil qui bien ne pinte.
	1165	Lescherye qui n’aime absinthe
	1166	Garde la flasque a l’ypocras.
	1167	Elle la pleure, sue et suinte,
	1168	Si plains en sont ses boyaux cras.

	1169	La garde du buffet avoit
	1170	Et sy faisoit de l’eschanson.
	1171	Et Flaterye aussy servoit
	1172	Venus de harpe et de chanson.
	1173	Fetardise, comme ung tesson
	1174	Grasse, doulcement l’esmouchoit,
	1175	Et, parmy celui succré son,
	1176	Pour dormir, ou lit le couchoit.

	1177	Mignotise a toute la charge
	1178	De la parer nouvellement,
/43/	1179	Or de robe juste, or de large,
	1180	Or a colet, or aultrement.
	1181	Or lui vest ung grant garnement,
	1182	Or lui baille estroit aux mamelles.
	1183	Ne sçay comme elle a sentement
	1184	De songier choses si nouvelles.

	1185	Or a ront atour, or cornu,
	1186	Or a tissus en bas trainant.
	1187	Or est le court meilleur tenu,
	1188	Le long n’est pas si advenant.
	1189	Or est il bien appartenant
	1190	Que le souler ait longue pointe.
	1191	Venus, en ung seul maintenant,
	1192	En mille guises se fait cointe.

	1193	Pour baing paré, pour lis tendus,
	1194	Pour toute plaisance agréable,
	1195	Sy ay je veu contes et ducs.
	1196	Oncques ne vis chose semblable.
	1197	Venus en lit, en baing, en table,
	1198	En tout l’estat de son chastel,
	1199	Se pœut vanter, sans dire fable,
	1200	Qu’en ce monde n’a plaisir tel.

	1201	Dieux scet quants et quelz amoureux,
	1202	Quelles dames semblablement,
	1203	Je vis en ce lieu plantureux	[Fol. 11b]
	1204	De solas et d’esbatement,
	1205	Lesquelz ne veuil aulcunement
	1206	Encuser, aussy n’oseroye.
	1207	Ce qu’on fit la secretement
	1208	A mortel homme ne diroye.

	1209	Valentin fort me regardoit,	Valentin est compaignon a l’amoureux.
	1210	Et, en entreparlant ensemble,
	1211	Courtoisement me demandoit:
	1212	« Amis, de Venus que te semble ?
/44/	1213	« Sa grande beaulté ton sens emble.
	1214	« Oncques si parfaitte ne vis.
	1215	« Je congnois bien que l’œul te tremble
	1216	« En regardant son trescler vis.

	1217	« Vieng de ça, je veul que tu voyes
	1218	« Tout le corps de ceste princesse,
	1219	« Adfin que mieulx informez soyes
	1220	« De son fait et de sa leesse.
	1221	« Maint homme a passé sa viellesse
	1222	« En ceste court pour joye avoir
	1223	« Qui ne vit oncques la deesse
	1224	« Parfaittement, je te dis voir.»

	1225	Lors me mena en une place
	1226	Dont dame Venus regarday,
	1227	Au dos aussy bien qu’en la face.
	1228	Sy dis : « Las ! poi de regard ay,
	1229	« Quant de cœur me recommanday
	1230	« A Venus comme a la plus belle
	1231	« Du monde ! Pas je ne cuiday,
	1232	« Mon compaignon, qu’elle fust telle.»

	1233	Le dos Venus est creux et faulx
	1234	Et proprement en tel point mis
	1235	Que le tronc d’une vielle sauls,
	1236	Cave et rongié de fourmis.
	1237	Sy me dist Valentin: « Amis,
	1238	« As tu belle chose veü ?
	1239	« Pieça t’avoye je promis
	1240	« Que tu estoyes decheü.

	1241	« L’amer venin est en la queue,
	1242	« Venus est de plaisant viaire,
	1243	« Et n’y a cil qui ne s’esqueue
	1244	« A le servir et lui complaire.
	1245	« Mais on ne pœut son plaisir faire
	1246	« Sans encourir la desplaisance
/45/	1247	« De cil qui pœut faire et desfaire
	1248	« Chascune chose a sa plaisance.

	1249	« Venus est de tresplaisant monstre.	[Fol. 11v^oa]
	1250	« Moult t’a pleu au commencement.
	1251	« Mais son dos de vers mengié monstre
	1252	« Son douloureux definement.
	1253	« Ung proverbe communement
	1254	« Dist on, c’est que trop grater cuit.
	1255	« De son plaisir pareillement
	1256	« Est il, car en la fin il nuit.

	1257	« Socrates, quant sa jambe enflee
	1258	« Par les fers et les ceps gratoit,
	1259	« Il l’eust voulentiers esrifflée,
	1260	« Car le galer trop lui plaisoit.
	1261	« En prenant celle aise il ryoit,
	1262	« Disant: « Telle est joye mondaine,
	1263	« Car posé que doulce elle soit,
	1264	« Neantmains sa fin est de deul plaine.

	1265	« Les serviteurs Venus se galent,
	1266	« Membre n’ont qui n’ait sa plaisance,
	1267	« De nuit et de jour espringalent:
	1268	« Une fois aront desplaisance
	1269	« D’avoir fait telle obeyssance
	1270	« A la dame. Mais fol ne croit,
	1271	« Ce n’ay je mis en oublyance,
	1272	« S’il ne sent le mal qu’il accroit.»

	1273	Atant se teut. Si entrouismes
	1274	Venus commençant a parler,
	1275	Pour quoi d’elle plus prez venismes.
	1276	Et disoit par son faulx parler:
	1277	« Et gens d’armes atropeler
	1278	« Cuide Malebouche le lerre,
	1279	« Oster le rire et le galer
	1280	« Et nous dechasser de la terre ?

/46/	1281	« Par nostre brandon eternel,
	1282	« S’ilz viennent plus assault baillier
	1283	« Et monter nous faille au crenel,
	1284	« Verront de quoi sçaurons billier,
	1285	« Et tant ne pourront bataillier
	1286	« Ne de dondaines ne de haches.
	1287	« Voisent aux fauvettes brillier,
	1288	« Que nous ne leur brulons les naches.

	1289	« Sy escripvez a Franc Vouloir
	1290	« Qu’au debat qu’il a entrepris
	1291	« Contre lui face son debvoir,
	1292	« Vaillaument, en fais et en dis,
	1293	« Lui souvenant du temps jadis
	1294	« Que de nos dames lui donnasmes
	1295	« L’eslitte, honneur et le pris,	[Fol. 11v^ob]
	1296	« Et d’aultres biens abandonnasmes.

	1297	« Que s’il en nostre cause est laache,
	1298	« Et par sa deffaulte perdons,
	1299	« Regardees a honte, sache
	1300	« Expressément, ce lui mandons,
	1301	« Que nous ferrons de nos brandons
	1302	« Celle qui cent fois lui jura
	1303	« Que, pour pryeres ne pour dons,
	1304	« Aultre de lui ja n’amera.

	1305	« Ce point icy bien lui notez,
	1306	« Car, se il n’est nouvellement
	1307	« De dame Prudence assotez,
	1308	« Il fera nostre mandement.
	1309	« Car il nous souvient bien comment
	1310	« Il dist a sa deesse et fee
	1311	« Que pour elle enfer baudement
	1312	« Entreroit, comme fist Orphee.»

/47/
Ce chapitre parle du cymitiere aux serviteurs Venus et descript la chapelle d'elle et de son filz dont Sens Abesty est le curé.
[L’acteur]
	1313	J’entendy bien a son langage
	1314	Que celle nuit, venus estoit
	1315	Malebouche a tout son barnage,
	1316	Qui troubler la feste cuidoit.
	1317	Mais de lui trop ne se doubtoit
	1318	Venus, car, en baing et en lit,
	1319	En pré et en sale, chantoit
	1320	Et prenoit tout humain delit.

	1321	Mon Valentin, qui retourner	[Fol. 12 a]
	1322	Voulut au chastel, me dist lors:
	1323	« Par cest hostel te vœul mener,
	1324	« Et, ce fait, nous en yrons hors.»
	1325	Tantost au cymentiere aux mors,
	1326	Ou maint sepulchre gist, entrasmes.
	1327	Ne sçay se la vivent les corps,
	1328	Mais g’y ouys plaindre les ames.

	1329	« Qu’est ce que j’ois », dis-je , « compains ? »
	1330	« Ce sont », dist il, « ames, acertes,
	1331	« Vivans en douleurs et en plains,
	1332	« Punies selon leurs dessertes.
	1333	« Car leurs services et leurs sertes
	1334	« Ont employé en l’amour vaine.
	1335	« Elles sont de joye desertes
	1336	« Et aront pardurable paine.»

	1337	Par les sarcus et les tombeaux
	1338	Tout devisant nous en alames,
	1339	Et les meilleurs et les plus beaux
	1340	Entre les aultres regardasmes,
	1341	Lisans dedens les blanches lames
	1342	Les noms de plusieurs trespassez.
/48/	1343	De grans seigneurs, de grandes dames,
	1344	Certes, il y avoit assez.

	1345	Non pas a tas, mais a monceaux,
	1346	Les ungs y sont couvers de pousse,
	1347	Les aultres d’espineux rainsseaux,
	1348	Et les pluiseurs de vieille mousse.
	1349	Venus toute sa gent y pousse
	1350	Ou fole humaine char pourrist,
	1351	Et blance et noire et mesgre et gousse,
	1352	Dont peu s’esbat l’ame et pou rit.

	1353	De tous pays on y enterre,
	1354	Dès le commencement du monde,
	1355	Tous ceulx qui veulent vivre en terre
	1356	Au vouloir de Venus la blonde.
	1357	La est une abysme parfonde
	1358	Ou le commun peuple est bouté.
	1359	Mais quiconques vœult, il y fonde
	1360	Ung sarcus a sa voulenté.

	1361	Tant alasmes en regardant
	1362	Celuy cymentiere piteux
	1363	Que nous venons au trou ardant,
	1364	Au trou horrible et despiteux.
	1365	O Ihesus ! tant est il hideux !
	1366	Vœuilliez nous en deffendre, ahors !
	1367	Je ne sçay le quel de nous deux	[Fol. 12b]
	1368	Fut plus espoventé alors.

	1369	De ce trau sault une fumee	Du trou ardant qui est ou cymitiere dame Venus.
	1370	Intollerable humainement,
	1371	Laquelle a la fois alumee
	1372	Vole jusques au firmament,
	1373	Et la terre œuvre tellement
	1374	Que l’en voit ung monde d’espris,
	1375	Subgiez a paine et a tourment
	1376	Pour le doulx plaisir qu’ilz ont pris.

/49/	1377	Je n’ay pas langue pour vous dire,
	1378	Tous les vivans ne le diroyent,
	1379	Le crueux, l’orrible martire
	1380	Que les ames y enduroyent.
	1381	Car en vivant tousjours moroyent
	1382	Pour le mal qui les tourmentoit,
	1383	Et en morant tousjours vivoyent,
	1384	Car leur estre immortel estoit.

	1385	De ce lieu que puis je parler ?
	1386	Sur ung esprit a grant effort
	1387	On y voit de dyables voler
	1388	Plus que de mouches a chien mort.
	1389	Helas ! le piteux desconfort,
	1390	Les cris, les estraintes de dens !
	1391	Il n’y a q’ung seul reconfort,
	1392	C’est d’endurer tousjours dedens.

	1393	« Helas ! » me dist mon compaignon
	1394	En larmoyant moult tendrement,
	1395	« Helas ! mon amy, que gaignon
	1396	« A servir Venus loyaument ?
	1397	« Regarde cy le payement.
	1398	« Voy cy la fin de son service.
	1399	« Saches que pardurablement
	1400	« Cy punit on pechié et vice.

	1401	« Vecy ung des boullons d’enfer.
	1402	« Par cy au plus bas descent on
	1403	« En la caverne Lucifer,
	1404	« L’ancyen orguilleux glouton
	1405	« Qui, comme le serpent Phiton,
	1406	« Sept testes a vomissans flames,
	1407	« Et tousjours devant le menton,
	1408	« Pour devorer, a cent mille ames.

	1409	« Le florentin poete Dante	Dante de Florence, poete.
	1410	« A escript merveilleusement
/50/	1411	« La paine et la vie meschante
	1412	« Des espris dampnez justement.
	1413	« Mais mortel homme plainement	[Fol. 12v^oa]
	1414	« Oncques n’entendy, n’entendra
	1415	« La grandeur de celuy tourment
	1416	« Qui ja aux dampnez ne fauldra.

	1417	« Helas ! que mal nous entendons
	1418	« La fin de la vie mortele !
	1419	« Que mal les yeulx au ciel tendons
	1420	« Pensans a la joye immortele !
	1421	« Nostre condicion est tele
	1422	« Que, pour eternel bien conquerre
	1423	« Et eschiver paine eternele,
	1424	« Nous ne sçavons le chemin querre.»

	1425	En tresgrant freeur de courage,
	1426	Mon leal compaings me parla
	1427	Des paines d’enfer comme sage,
	1428	Dont maint plour des yeulx me coula.
	1429	Et puis nous partismes de la,
	1430	Tirans vers la chapelle grande
	1431	Ou Venus, et son filz fol, a
	1432	Mainte priere et mainte offrande.

	1433	Sans patrenostre ne credo,	L’acteur et Valentin entrent dans la chapelle de Venus et Cupido son filz.
	1434	Nous entrasmes en la chapelle
	1435	De Venus et de Cupido,
	1436	Ou maint fol leur secours appelle.
	1437	Pour certain elle n’est pas belle,
	1438	Ains ancyenne et soubsterraine.
	1439	Ce semble estre ung four. Aussy elle
	1440	Ne fut pas faitte la desraine.

	1441	Venus a lampe d’or pendant
	1442	Devant elle; en sa dextre tient
	1443	Ung grant brandon de feu ardant,
	1444	Et a sa senestre soustient
/51/	1445	Cupido, le quel se maintient
	1446	Comme ung archier qui tousjours tire
	1447	Et qui en son arc ne retient
	1448	Ne flesche, ne boujon, ne vire.

	1449	Sur leur autel on jette offrandes
	1450	En humbles supplications,
	1451	En tresgracieuses demandes,
	1452	En doulces lamentations.
	1453	La fait on ses devotions
	1454	A la regimbe julienne.
	1455	On n’oit tant d’invocations
	1456	A saint Anthoine de Vienne.

	1457	Les ungs balades et rondeaulx
	1458	Chantent, et les aultres presentent
	1459	Fermaillez, pierres et aneaulx,	[Fol. 12v^ob]
	1460	Selon ce que puissans se sentent.
	1461	Les aultres pleurent et lamentent
	1462	Et se mettent au col la corde,
	1463	Puis la deesse et le dieu temptent
	1464	Pour obtenir misericorde.

	1465	Les ungs boutons, roses et feulles
	1466	Offrent, et bouquez et chapeaux;
	1467	Les aultres leurs cœurs et leurs breulles,
	1468	Les ames atout leurs boyaux.
	1469	Les aulcuns rompent leurs drapeaux,
	1470	Pryans mercy, cryans pardon.
	1471	Les aultres deschirent leurs peaulx.
	1472	Tout baillent a Venus en don.

	1473	A l’entree estoit la statue
	1474	Et l’ymage deffiguree
	1475	Du dieu Bachus qui les gens tue,
	1476	Car il fait la bonne puree
	1477	De la grappe meure et paree,
	1478	Dont les yvrongnes s’embarnissent,
/52/	1479	Pour la quelle, a bourse escuree,
	1480	Du cabaret sans tabart yssent.

	1481	Bachus, le quel n’est pas lycorne,
	1482	Neantmains fait il batre et hurter,
	1483	Emmy le front porte une corne
	1484	Ou l’en ne se doibt ahurter.
	1485	Et comme s’il voulsist chanter
	1486	Ou mener la danse et la feste,
	1487	L’ouvrier lui avoit fait porter
	1488	Ung chapeau de fl ours sur la teste.

	1489	Pluiseurs, de vin hault encornez,
	1490	Oultrageux sont et orguilleux,
	1491	Et aulcuns qui n’ont pas court nez
	1492	Sont comme singes fertilleux.
	1493	Aulcuns aussy sont sommeilleux
	1494	Aprez boire trop largement,
	1495	Et les aultres si semilleux
	1496	Qu’ilz ne quierent qu’esbatement.

	1497	L’ymage n’est toute couverte
	1498	Du manteau que sur le dos a.
	1499	La poiterine est descouverte.
	1500	Et, force, ainsy on lui posa
	1501	En signe qu’oncques ne pesa
	1502	L’yvrongne de son secret dire,
	1503	Ne vergongne oncques ne prisa,
	1504	Comme tu oys de pluiseurs lire.

	1505	Une jambe luy entailla	[Fol. 13a]
	1506	Cilz qui le fist, mauvaisement,
	1507	Ou demonstrance nous bailla
	1508	Que, qui le sert devotement,
	1509	Toudis il ne va fermement,
	1510	Ains souvent tumbe en la charriere,
	1511	Et se fait pié et fondement
	1512	Dont il ne va n’avant n’arriere.

/53/	1513	A dire tout, il me sembla
	1514	Que du costé senestre estoit
	1515	Toute brute et qu’elle en trembla,
	1516	Mais du dextre dont regardoit
	1517	Venus meilleur semblant monstroit,
	1518	Plus de vigueur, plus de plaisance,
	1519	Et mesmement qu’elle en versoit
	1520	Le bon vin a grande habondance.

	1521	Le vin versoit d’une bouteille
	1522	Dedens une parfonde tyne,
	1523	Ou maint yvre, a broch et a seille,
	1524	S’y emploit jusqu’à la boutine.
	1525	Et pluiseurs, sans tente ou courtine,
	1526	Devant l’ymage s’endormoyent.
	1527	Aulcuns, aprez mainte chopine,
	1528	Dame Venus servir aloyent.

	1529	Sens Abesty, a tout sa barbe
	1530	De bouch et ses larges piés d’ours,
	1531	Faisant a Dieu de feurre garbe,
	1532	Est la ly curez lais et lours
	1533	Qui ne debvroit pas estre sours,
	1534	Car oreilles a comme ung asne.
	1535	S’il ne scet l’office des jours,
	1536	Si scet il bien la ricordane.

	1537	En sa main, en lieu de calice,
	1538	Tient ung hanap de grant mesure.
	1539	Force y lit il l’appocalice
	1540	Aux parrochiens de sa cure ?
	1541	Et semble bien que, sans usure,
	1542	Ne vouldroit baillier blé ne saigle:
	1543	Sa main est armee d’onglure
	1544	Plus fort que n’est le pié d’ung aigle.

	1545	Il ne pœut regarder le ciel.
	1546	Le soleil lui fait mal aux yeulx.
/54/	1547	Si voit il bien partout l’autel
	1548	Et tous ceulx qui aourent les dieux.
	1549	Sachés qu’il est trescurieux
	1550	A ses reliques blasonner,
	1551	Qu’il n’ait moult de religieux.	[Fol. 13b]
	1552	Il ne tient pas a sermonner.

	1553	Il est sur l’autel accoustez,	Les commandemens de Sens Abesty curé.
	1554	Contrefaisant le bon Moyse,
	1555	Et dist: « Escoutez, escoutez,
	1556	« Huy sont les pardons de l’eglise !
	1557	« Servez la dame sans faintise !
	1558	« N’espargniez ce qui pourrira !
	1559	« J’excommunie et desbaptize
	1560	« Tout homme qui l’espargnera !

	1561	« Le temps s’en fuit, or l’employez
	1562	« A vo povoir joyeusement.
	1563	« Vos desirs et vos corps ployez
	1564	« A tout mondain esbatement.
	1565	« Vie humaine est ung passement.
	1566	« Le temps de soy mesmes vous tue.
	1567	« Malheureux est certainement
	1568	« Quy a plaisir ne s’esvertue.

	1569	« Le temps vous prent et vous trespasse,
	1570	« Quant on est venu et alé,
	1571	« Tout par le cul du synge passe.
	1572	« Tout passe aval, doulx et salé.
	1573	« Visez du long, visez du lé,
	1574	« Vous n’arez joye ne plaisir,
	1575	« Et fussiez vous Matussalé,
	1576	« Se vous ne le sçavez saisir.»

	1577	Procession de dedicasse
	1578	Ou de grande feste y avoit.
	1579	En une heure je ne comptasse
	1580	La gent qui tousjours arrivoit.
/55/	1581	Mais pour ce que trop fort bavoit
	1582	Celuy curé, mon Valentin	L’acteur et Valentin entrèrent cy en la sale dame Venus.
	1583	Qui l’oreille aultre part levoit
	1584	N’entendy plus de son latin.

	1585	Il me mena en une sale
	1586	Ou escuiers et damoiselles
	1587	Faisoyent mainte bonne gale,
	1588	Jeux, chansons, caroles nouvelles,
	1589	Et vis que, dedens les ruelles
	1590	Et en l’ombre des courtinettes,
	1591	Trestout aloit par escuelles,
	1592	Ainsy qu’on jouoit aux clugnettes.

	1593	Aprez me montra les estuves.
	1594	Vous povez penser que c’estoit.
	1595	Hommes tous nuds, femmes sans huves,
	1596	Chascun le corps y affaitoit.
	1597	On y dansoit, on y chantoit,	[Fol. 13v^oa]
	1598	Et dame Thays, l’estuviere,
	1599	Souvent l’une et l’aultre hantoit,
	1600	Comme bonne et vaillant ouvriere.

	1601	«Las ! de ce lieu laisse m’en paix,»
	1602	Lui dis, « il ne me porroit plaire.
	1603	« Car tant ne put il aux bains d’Ais,
	1604	« Lesquelz Charlemaine fist faire.
	1605	« Pis que souffre puant y flaire.
	1606	« Passons oultre. » Ainsi tant montasmes
	1607	Qu’en l’ostel de l’apoticaire,
	1608	Que l’en nommoit Espoir, entrasmes.

	1609	La vis je patiens pluiseurs.
	1610	Les ungs de viretons avoyent
	1611	Les yeulx perchiez, aultres les cœurs,
	1612	Les ungs des oreilles saingnoyent,
	1613	Les aultres de fievres trembloyent,
	1614	Palazineux, paralitiques,
/56/	1615	Estourdis, mués y estoyent,
	1616	Et arragiez et fantastiques.

	1617	Espoir et Confort les guerissent
	1618	A leur povoir. Sy fault il bien,
	1619	Ainchois que de tous leurs maulx yssent,
	1620	Avoir aultre cyrurgien.
	1621	Saint Cosme, ne saint Damyen,
	1622	Guerissans navrez et batus,
	1623	Certainement n’y valent rien.
	1624	Il fault passer par le pertus.

	1625	Aprez, mon compaignon leal
	1626	Me mena veoir le sejour,
	1627	Et me dist : « Vis tu le cheval
	1628	« Sur qui Franc Vouloir fist maint tour ?
	1629	« Il a passé par ce chault four,
	1630	« Plus chault que cil de la verrye,
	1631	« Car jamais n’y fault la chalour,
	1632	« Jamais elle n’y amenrye.

	1633	« Feu jadis Nature y esprit,
	1634	« Et, des long temps, dame Venus,
	1635	« Pour le continuer, aprit
	1636	« A ses gens la science et l’us.
	1637	« Tu vois comme il est maintenus.
	1638	« D’ieulx, d’oreilles, de mains, de bouches,
	1639	« De piés, il en est soustenus.
	1640	« Mettre n’y fault laignes ne souches.

	1641	« Or te suffise maintenant.
	1642	« Plus oultre ne te vœuil mener.
	1643	« Plus n’en verras de ce tenant,	[Fol. 13v^ob]
	1644	« Car il est temps de retourner.
	1645	« Nous porrons bien tant sejourner
	1646	« Que place n’arons pour entendre
	1647	« Le champion determiner
	1648	« La querelle qu’on doibt deffendre.»

/57/
En cestuy chapitre est en brief descripte la chapelle d'Amours ou dame Charité fait l'office et le service comme abbesse.
L’acteur et Valentin
	1649	Et, ainsy, au chasteau fondé
	1650	Sur une roche retournasmes,
	1651	Et ne nous fut pas demandé
	1652	Quant venismes, ne quant alasmes.
	1653	Tantost ou hault palais montasmes,
	1654	Et la joye et l’esbatement
	1655	Double et renforcié trouvasmes,
	1656	Dire ne sçaroye comment.

	1657	« Valentin », dis-je, « par ta foy,
	1658	« Puis que tant de plaisir m’as fait,
	1659	« Ceste forteresse monstre moy.»
	1660	Et il respondy: « Ce me plait.»
	1661	Tantost, sans mener aultre plait,
	1662	Veoir me mena la chapelle
	1663	D’Amours. Certes, je croy que n’ait
	1664	Le remenant du monde telle.

	1665	La muraille est de fin cristal
	1666	Sans quelconque aultre bastiment,
	1667	Et aux deux lez du grant portal
	1668	Sont deux pilliers fais richement,
	1669	Et est advis que fondement
	1670	Soyent de trestout l’edifice.
	1671	Amours les avoit ensement
	1672	Composé par grant artifice.

	1673	A l’environ du pillier dextre,	[Fol. 14a]
	1674	En lettre d’or fin, escript voy:
	1675	De ton cœur Dieu aime. Au senestre :
	1676	Ton prochain aime comme toy.
	1677	Par ainsy, tantost je congnoy
	1678	Que c’est la chapelle amoureuse,
/58/	1679	Le temple de celuy grant roy
	1680	Soubs qui on vit en paix heureuse.

	1681	Il y a. VIII. pilliers d’argent
	1682	Et aultres .XII. d’or luisant,
	1683	Rendans le temple bel et gent
	1684	Et comme soleil reluisant.
	1685	Le pavement est tresplaisant,
	1686	Car tout est fait d’art mosayque,
	1687	Selon les aages devisant
	1688	De chascune hystoire autentique.

	1689	L’autel est d’une seule pierre,
	1690	Laquele a de rubis couleur.
	1691	Oncques ne vy tele a saint Pierre
	1692	De Romme, en beaulté n’en grandeur.
	1693	Le tabernacle a grant lueur
	1694	Est de six pierres enrichy,
	1695	Qui sont de sy haulte valeur
	1696	Que le jour en est obscurchy.

	1697	Les vaultes les clers cieulx resemblent.
	1698	Ne sçay que plus vous en diroye.
	1699	Richesse et beaulté s’y assemblent.
	1700	Oultre plus compter n’en sçaroye.
	1701	Ce lieu est plain de toute joye
	1702	Et me sembloit, dire je l’os,
	1703	Que, parmy la chapelle, oyoye
	1704	Deschanter les sains angelos.

Les commandemens de Dame Charité l’abesse :
	1705	« Amez Amours, amez, amez ! »
	1706	Disoit Charité la courtoise,
	1707	« Tous ensemble vous entramez !
	1708	« N’ayez n’a vous n’a aultre noise.
	1709	« A l’autel d’Amours chascun voise !
	1710	« Offrez y et cœurs et pensees.
/59/	1711	« Battre vos coulpes ne vous poise,
	1712	« Soyent toutes haines passees.

	1713	« De par l’auctorité d’Amours,
	1714	« A tous amans qui de cœur fin
	1715	« Ameront jusqu’aux desrains jours,
	1716	« Je leur promet joye sans fin.
	1717	« Amez Dieu, et roy et daulphin,
	1718	« Et ducs et princes et prochains.
	1719	« Amez tresleaulment, adfin	[Fol. 14b]
	1720	« Que vous ayez les biens haultains.»

	1721	Dame Charité, qui abesse
	1722	Et vaint rigueur comme benigne,
	1723	Est du temple d’Amours abbesse,
	1724	Vestue en habit de beguine.
	1725	De sermonner elle ne fine
	1726	Les commandemans amoureux,
	1727	Chanter vespres, messe, matine,
	1728	Et qui l’oit, il est moult heureux.

	1729	Plusieurs volentiers l’escoutoyent,
	1730	Lesquelz, en grande repentance,
	1731	Durement leurs coulpes batoyent
	1732	Par le conseil de Penitance.
	1733	Layens, toute male vœullance
	1734	Est mise au bas. La est l’escole
	1735	D’accord, de paix et d’acointance.
	1736	Charité ainsy les accole.

	1737	Ung chascun, par devotion,
	1738	Devant l’autel les mains tendoit,
	1739	Et de cœur et d’entention
	1740	Vers le dieu du ciel regardoit.
	1741	Aultre rien on n’y entendoit,
	1742	Fors graces, mercys et prieres.
	1743	Beaulx dis aussy on y rendoit
	1744	Et mottés de toutes manieres.

/60/
Comment aulcuns notables ambassadeurs entrerent en la chapelle et presenterent a l’autel deux cœurs ensemble par miracle soudez.
Le traictié de paix fait a Arras l’an M. iiijc. xxxv. entre le Roy nostre sire, Charles VIJ^e, et Monseigneur Phelippe, duc de Bourgongne, de Brabant, etc..., son cousin.
L’acteur
	1745	A ces entrefaittes, entra	[Fol. 14v^oa]
	1746	Ung grand peuple d’ambassadeurs,
	1747	Ou treshaultement se monstra
	1748	La noblesse de leurs seigneurs.
	1749	Entre lesquelz congnu pluiseurs
	1750	Que j’avoye veu soubs la tente
	1751	De paix, en Arras et ailleurs,
	1752	L’an mil. CCCC. cinq et trente.

	1753	Je vous en nommeray Bourbon,	Les ambassadeurs du roy nostre syre: le duc de Bourbon, le conte Richemont et Christofre de Harcourt. L’evesque de Liege, le conte de Nevers, le conte d’Estampes, le duc de Cleves, le duc de Guelres.
	1754	Puis que la chose m’y semont,
	1755	Christofle de Harcourt tout bon
	1756	Et le conte de Richemont,
	1757	L’evesque liegois riche mont,
	1758	Nivers, Estampes, Cleves, Guerles,
	1759	Et aultres, aval et amont,
	1760	Couvers d’or, d’argent et de perles.

	1761	Tantost devant l’autel alerent
	1762	Ou, par grande devotion,
	1763	Deux ♡ ♡ de rubis presenterent,
	1764	De tant noble condicion
	1765	Que Troye au puissant Ilyon
	1766	Est toute restoree ou mendre,
	1767	Et que nostre estimation
	1768	Ne pœut le pris de l’aultre entendre.

	1769	Assez paroit que dessoudez
	1770	Eussent esté moult rudement.
/61/	1771	Neantmains furent ilz ressoudez
	1772	Ensemble sy estroittement
	1773	Qu’il sembloit veritablement
	1774	Qu’on ne les peust plus deslyer,
	1775	Et que nature mesmement
	1776	Les eust fait ainsy ralyer.

	1777	Quant on eut fait la reverence,
	1778	Ung Adam de Cambray nommé,
	1779	Homme de haulte sapience
	1780	Et des plus sages renommé,
	1781	Comme il avoit acoustumé,
	1782	En langage paint et floury
	1783	Et tressongneusement lymé,
	1784	De sa langue ainsy l’air fery:

	1785	« 0 Amours, qui le monde tournes	L’oroison maistre Adam de Cambray, conseiller du Roy nostre seigneur en parlement.
	1786	« Et maintiens en tranquillité,
	1787	« Et ne pœut riens passer tes bournes
	1788	« Ne durer en prosperité,
	1789	« Car ta haulte divinité
	1790	« Tout comprent, dont ne pœut riens estre
	1791	« Sans participer ta bonté	[Fol. 14v^ob]
	1792	« Et de toy congnoistre son estre.

	1793	« Or congnoissons que tu es seul
	1794	« Qui fais les cœurs ressusciter
	1795	« Et tressaillir du mortel dœul
	1796	« Pour bonne paix excerciter,
	1797	« Et que venu es visiter,
	1798	« Par ta doulceur, par ta clemence,
	1799	« Le clos desert pour y jetter
	1800	« Ta bonne et divine semence.

	1801	« Ja soit que, pour haine et erreur
	1802	« Jadis en l’estomach conchups
	1803	« De cil domestique fureur
	1804	« Par lequel les haults ♡ ♡ dechups,
/62/	1805	« N’ayez en France esté rechups
	1806	« Et nesun des tiens mesmement,
	1807	« Se vous y fustes apperchus
	1808	« On vous courut sus prestement,

	1809	« Neantmains, ta pitié excellente,
	1810	« Tant courtoise, tant familliere,
	1811	« N’a peut veoir haine dolente
	1812	« Consumer la noble lumiere
	1813	« Que Paix, ta sage conseilliere,
	1814	« Et Noblesse donner te firent
	1815	« A France, comme a la premiere
	1816	« De celles qui oncques nasquirent.

	1817	« Ne vœulles ores refuser
	1818	« Les ♡ ♡ que tart te presentons,
	1819	« Ains de ton feu les embraser,
	1820	« Telement que nous en sentons
	1821	« Et que le lis et ses jettons
	1822	« Aient leurs libertez sy franches
	1823	« Que les lupars et les lutons
	1824	« Ne gisent plus dessoubs leurs branches.»

L’acteur
	1825	Ce dit. La sourvint une joye
	1826	En l’air sy tresmelodieuse
	1827	Que je ne cuide pas que j’oye
	1828	Ja ou ciel plus delicieuse.
	1829	Pour celle venue joyeuse
	1830	Les angles sont a joye esmus.
	1831	Pensez se la gent amoureuse
	1832	Chantoit: Te Deum laudamus.

	1833	Esbahis et joyeux ensemble
	1834	Plusieurs furent, comme il advient
	1835	Quant aultrement qu’il ne nous semble,
	1836	Mais a souhait, la chose vient.
/63/	1837	Le ♡ en balance se tient
	1838	Une piece, et pense a sa doubte,
	1839	Puis, aprez, tantost se revient
	1840	Et s’abandonne a joye toute.

	1841	Ainsy m’en prit, jusques a tant
	1842	Que j’eus l’ung ou l’aultre escouté,
	1843	De cil accord heureux contant
	1844	Et de sa possibilité,
	1845	Et comment le liepart compté
	1846	N’estoit avecques les lyons
	1847	Qui, de noblesse et de bonté,
	1848	Valent cent mille millions.

	1849	Dame Ysabel de Portugal	Dame Ysabel de Portugal, ducesse de Bourgongne etc.
	1850	La fut loee haultement.
	1851	De mettre les ♡ ♡ a égal,
	1852	Comme on disoit communement,
	1853	Avoit trouvé l’apointement.
	1854	O dame digne de memoire !
	1855	Dieu lui doint pardurablement
	1856	Sa paix et s’amour et sa gloire.

	1857	Chascun la dame benissoit
	1858	Pour sa doulceur, pour sa sagesse.
	1859	Vive la dame, et benit soit
	1860	Qui nous donna tele princesse !
	1861	Par elle horrible guerre cesse
	1862	Et paix se remet en besongne.
	1863	Vive la treshaulte ducesse !
	1864	Vive la dame de Bourgongne !

/64/
Du cymentiere, le quel estoit autour de la chapelle d'Amours, ouquel reposoyent plusieurs corps ayans eles comme se ilz deussent voler legierement aux cieulx, et du service ¹.
L’acteur
	1865	De la partir ne me voulsisse,	[Fol. 15b]
	1866	Mais Valentin, mon leal frere,
	1867	Me commanda que j’en saillisse
	1868	Pour regarder le cymentiere,
	1869	Ou je vis, par nouveau mistiere,
	1870	Eles saillir par les tombeaulx
	1871	Entailliez de gente maniere.
	1872	Oncques mais je ne vis tant beaulx.

	1873	« Amis, » dist mon compains leal,
	1874	« De ces corps te vœuls je parler.
	1875	« Ilz yront amont, non aval,
	1876	« Car eles ont pour y voler,
	1877	« Et voleront quant appeller
	1878	« Les vendra le juge du monde
	1879	« Qui les obstinez devaler
	1880	« Fera en l’abysme parfonde.

	1881	« En servant Amours fait se sont
	1882	« Eles dont voleront au ciel,
	1883	« Quant leurs espris retourneront
	1884	« Au jugement dedens leur pel.
	1885	« Dedalus qui se fist oisel
	1886	« Onc en l’air sy hault ne vola,
	1887	« Ne son filz Ycarus ysnel
	1888	« Qui pour hault voler s’affola.

	1889	« En mains d’ung moment passeront
	1890	« De terre au ciel, ou en leesse,
/65/	1891	« Sans fin plus ne trespasseront,
	1892	« Car joye eternele ne cesse.
	1893	« Cilz qui est en elle il ne cesse
	1894	« D’estre en ung point. O dieu d’amours !
	1895	« Met nous en l’amoureuse lesse.
	1896	« Sy verrons ces tresheureux jours. »

	1897	Par les sarcus et par les lames
	1898	Alans ensemble devisant,
	1899	D’unes et d’aultres vaillans dames
	1900	Nous veons le sarcus plaisant,
	1901	De celle qu’on va mal disant
	1902	La belle dame sans mercy,	La belle dame sans mercy.
	1903	Et de la quele on va lisant
	1904	Comme de dame au cœur noircy.

	1905	Elle n’est pas a l’ospital
	1906	Comme ne sçay qui l’a songié.
	1907	Elle est en tombeau de cristal
	1908	Ouvré richement et forgié.
	1909	Son leal cœur jamais changié
	1910	Ne fut de tresleal propos.
	1911	Pour ce est il mis et herbergié	[Fol. 15v^oa]
	1912	En notable et haultain repos.

	1913	A louer fist, a louer fait.
	1914	Amours aussy a ordonné
	1915	Que pardurable louenge ait
	1916	Et plaisir qui ne soit finé.
	1917	L’ospital est abandonné
	1918	Aux cœurs communs, aux cœurs volages,
	1919	Mais ce lieu est determiné
	1920	Pour les gentilz et pour les sages.

	1921	Ou paradis d’Amours repose	La dame leale en Amours.
	1922	L’esprit de la dame leale.
	1923	Le corps sera cy une pose,
	1924	En ce sepulcre mat et pale,
/66/	1925	Mais, en conclusion finale,
	1926	Quant au hault dieu d’Amours plaira,
	1927	A legier vol et a fine ale,
	1928	Lassus en gloire volera.

	1929	Atant de la dame nous teusmes,
	1930	Car tant avyons en la face
	1931	D’aultres tombeaux que nous ne sceusmes
	1932	Fichier arrest en une place.
	1933	Aussy vœult le temps que je face
	1934	De chose infinie court compte.
	1935	Tous les bons corps que mort efface
	1936	Sont la mis: pensez que ce monte !

	1937	Du pré tout couvert de blans marbres,
	1938	Semé de flours tresoudourans
	1939	Et umbroyé de haults vers arbres,
	1940	L’encens et le balsme flairans,
	1941	Comme compaignons desirans
	1942	De vir, de sçavoir, de congnoistre,
	1943	Tantost departismes, tirans
	1944	Au riche et au gracieux cloistre.

	1945	Layens, sans faire longue voye,
	1946	Trouvasmes nous la sepulture
	1947	D’une des dames de Savoye,
	1948	Comme je vis en l’escripture.
	1949	« O excellente creature,»
	1950	Dist Valentin, « je ne puis pas
	1951	« De ceste dire a l’aventure,
	1952	« Je la vis devant son trespas.

	1953	« Cy repose dame Marie,	Dame Marie de Bourgongne, ducesse de Savoye.
	1954	« De Jan duc de Bourgongne sœur,
	1955	« Laquele en sa beaulté flourie
	1956	« Vint en Savoye a grant honneur.
	1957	« Elle fut le chois et la fleur	[Fol. 15v^ob]
	1958	« De courtoisie et de largesse,
/67/	1959	« Alixandre et César en cœur.
	1960	« Vive le nom de la ducesse !

	1961	« Au duc Amé, lequel sera	Amé, duc de Savoye.
	1962	« Mis en mer pour vaincre l’orage,
	1963	« Ainsy que Dieu disposera,
	1964	« Fut elle jointe a mariage.
	1965	« Ou pays de Savoye tout aage
	1966	« Pour ses haultes vertus la pleure.
	1967	« Las ! trop tost fina bon voyage !
	1968	« Mais en peu d’eure Dieu labeure.

	1969	« Cy gist apréz sa fille Bonne,	Dame Bonne, contesse de Montfort.
	1970	« Ditte confesse de Montfort,
	1971	« Tant plaisant que toute personne
	1972	« Prenoit en elle reconfort.
	1973	« Je dis que nature eut grant tort
	1974	« De souffrir que rose tant tendre
	1975	« Fust sy tost prise de la mort;
	1976	« Elle debvoit ung peu attendre.»

	1977	La chapelle ou elles gisoyent
	1978	Estoit belle oultrageusement,
	1979	D’or et d’argent resplendissoyent
	1980	Les parois paintes richement,
	1981	Et leurs deux tombeaux noblement,
	1982	Chascun mis sur quatre pilliers,
	1983	Valoyent veritablement
	1984	De nobles plus de dix milliers.

	1985	Tant de chapelles vismes nous,
	1986	Sy noblement faittes et paintes,
	1987	Que la beaulté ne croiriez vous.
	1988	Teles sont qu’elles semblent saintes.
	1989	Entre lesqueles y sont maintes
	1990	Plaines de dictiers gracieux
	1991	Et de rondeaulx en lieu de plaintes
	1992	Pour amuser les amoureux.

/68/	1993	Nous alions sans arrester
	1994	Vir le cloistre hastivement,
	1995	Quant entrouismes gens chanter,
	1996	Lez nous, melodieusement,
	1997	En ung lieu ou communement
	1998	Chascun aloit ses yeulx repaistre,
	1999	Car il fut fait nouvellement
	2000	De grant sens et de main de maistre.

	2001	Ce sembloit une tresorrye,
	2002	Tant y faisoit bel et joly.
	2003	D’or et d’argent et de pierrye	[Fol. 16a]
	2004	Le temple estoit fait et poly.
	2005	De beaulté rien ne lui faly.
	2006	C’est ung petit paradiset.
	2007	Plus ne pœut il estre embely
	2008	De la matiere dont il est.

	2009	Lors y disoit on ung obit
	2010	Ou ung devot anniversaire,
	2011	Ung chascun vestu en abit,
	2012	Ainsy qu’il le convenoit faire.
	2013	Mon compaignon ne se peut taire,
	2014	Incontinent me sermonna
	2015	De la place et de tout l’affaire,
	2016	Et tel langage me donna :

	2017	« Beaulx amis, voys cy la chapelle,
	2018	« Le tombeau et la remembrance
	2019	« De la dame la plus nouvelle
	2020	« Qui oncques mais nasquist en France.
	2021	« Nature la fist a oultrance
	2022	« Sy parfaitte que l’en disoit
	2023	« Qu’elle tint vertu en souffrance
	2024	« Et que vertus elle faisoit.

	2025	« Ce fut la perle de beaulté
	2026	« Et l’esmeraude de leesse,
/69/	2027	« Le fin saffir de leaulté
	2028	« Et l’escharboucle de richesse,
	2029	« Le rubis de toute noblesse,
	2030	« Le dyamant de sapience,
	2031	« Le crisolite de simplesse,
	2032	« Le tresor de toute excellence.

	2033	« La congnois tu ? c’est ma dame Anne,	Dame Anne de Bourgongne, ducesse de Bethfort, regente de France.
	2034	« Du sang de Bourgongne semee,
	2035	« La doulceur du monde et la manne
	2036	« De tout vaillant cœur reclamee,
	2037	« Prisée, honnourée et amee
	2038	« Comme le vray myroir d’onneur.
	2039	« Par tout vole sa renommee
	2040	« Pour le grant los de son bon eur.

	2041	« Je ne dis qu’elle fut regente
	2042	« Et ducesse de Bethefort,
	2043	« Car, a mon gré, dame tant gente
	2044	« Ne debvoit estre en celluy sort.
	2045	« Mais la dissencion, au fort,
	2046	« A fait de choses trop estranges,
	2047	« Joindre le foible avec le fort
	2048	« Et converty monstiers en granges.»

	2049	Sa parole je lui coppay	[Fol. 16b]
	2050	Et dis : « Laisse moy escouter
	2051	« Cestui service, beaucop ay
	2052	« Ouy en chapelle chanter,
	2053	« Mais, a dire tout et compter,
	2054	« Ces dames moult devocieuses
	2055	« Doibt on exaucier et vanter
	2056	« Dessus toutes religieuses.»

	2057	La tenoit cœur Humble Priere,
	2058	Chantant tresamoureusement.
	2059	Charité estoit en chayere,
	2060	Comme l’abbesse proprement.
/70/	2061	Esperance et Foy haultement
	2062	Les versés ensemble disoyent.
	2063	Toutes les aultres doulcement
	2064	En ung accord leur respondoyent.

	2065	Honneur y fu le chapellain,
	2066	Et trop bien ses gages gaingnoit.
	2067	Espoir, qui n’estoit pas villain,
	2068	Tout oultre la game attaingnoit.
	2069	Dame Noblesse se baignoit
	2070	En escoutant la melodye.
	2071	La, personne ne se faingnoit.
	2072	Que voulez que je vous en dye ?

	2073	Beaulté, Courtoisye, Largesse,
	2074	Obedience, Humilité,
	2075	Diligence, Doulceur, Simplesse,
	2076	Perseverance, Loyaulté,
	2077	Prouesse, Crainte, Verité,
	2078	Toutes les vertus y estoyent,
	2079	Pryans pour la felicité
	2080	De la dame que tant amoyent.

	2081	La fusmes jusqu’à l’oroyson
	2082	Que dist madame Humble Priere.
	2083	Le livre luy tenoit Raison,
	2084	Comme sa clergesse ou chambriere.
	2085	Tant eut elle doulce maniere
	2086	Qu’elle esmouvoit les plus durs cœurs
	2087	A plourer et baissier la chiere
	2088	Pour l’amour de la fleur des fleurs:

L’oroison de Humble Priere
	2089	« Amours », disoit Humble Priere,
	2090	« Car vertu souffisant n’est mye
	2091	« D’attaindre a ta haulte lumiere
	2092	« Se pitié vers toy ne larmye,
/71/	2093	« De la ducesse, nostre amye,
	2094	« De ceste vertueuse dame
	2095	« Dont la char est cy endormye,	[Fol. 16v^oa]
	2096	« Fay en tes cieulx resjouyr l’ame.»

	2097	J’eusse voulentiers arresté
	2098	En ce lieu la plus longement,
	2099	Mais je fis a la voulenté
	2100	De Valentin entierement,
	2101	Qui, par les bras, hastivement,
	2102	Me tyra en une aultre place.
	2103	J’acomply son commandement,
	2104	Adfin qu’il ne m’otast sa grace.

Du refectoir d'Amours dont dame Esperance, avecques Foy et Charité, a principalement la charge. Et de l'enfermerie ou dame Humanité guerist et reconforte maint patient. Et d'ung beau vergier ou aulcunes dames avec leurs amys s'esbatoyent.
L’acteur
	2105	Ainsy, de ce lieu delitable	Du refectoir d'Amours.
	2106	Au refectoir il me mena,
	2107	Ou tous les seans a la table
	2108	Dame Esperance gouverna.
	2109	Foy aussy forment se pena,
	2110	Et Charité principaument,
	2111	La quelle l’assiete ordonna
	2112	Qu’ilz fussent servis largement.

	2113	Confort et Joyeux Souvenir
	2114	Aloyent souvent et venoyent.
	2115	Las ne furent de bien servir.
	2116	Tous ceulx qui besoing en avoyent
	2117	Servis habondamment estoyent.
	2118	Mais ne sçay que c’estoit a dire:
	2119	En ce disner pluseurs plouroyent,
	2120	Ou de trop boire ou de grande yre.

/72/	2121	Sy vis, ou ma veue esblouye	[Fol. 16v^ob]
	2122	M’estoit, qu’a tous més les servirent
	2123	De flours de Ne m'oubliez mie,
	2124	Et en tresgrant plaisir les prirent.
	2125	Les dames, sy tost que nous virent,
	2126	Cuidans que disner venissons,
	2127	Incontinent dire nous firent
	2128	Qu’a la table nous seissons.

	2129	Mon compaignon, qui plus privé
	2130	Estoit de l’ostel que n’estoye.
	2131	De disner n’eust moult estrivé.
	2132	Mais, veant que me hontoioye
	2133	Et contenance ne sçavoye,
	2134	Nous excusa de leur command.
	2135	J’eusse bien disné, mais j’avoye
	2136	Doubte d’estre appellé gourmant.

	2137	Nous tirasmes vers le chapitre
	2138	Que je vis, par une verrine,
	2139	Ou les folz corrige et chappitre
	2140	La tressage dame Doctrine.
	2141	La rechoipt mainte discipline
	2142	Quiconques en ses mains se met.
	2143	Tant en fin se courbe et encline
	2144	Que dessoubs Amours se remet.

	2145	Puis entrons en l’enfermerie
	2146	Ou Humanité ne se lasse
	2147	D’escouter mainte cryerie,
	2148	Maint plour, maint souspir a voix basse.
	2149	Souvent y oit on: « Lasse ! lasse !
	2150	« Le cœur me part, le cœur me fent ! »
	2151	Elle ses paciens solasse
	2152	Et, toute heure, a leurs maulx entent.

	2153	Sy dis: «Valentin, je cuidoye
	2154	« Que cy malades ne vist on
/73/	2155	« Et tout le chastel fust en joye.»
	2156	Dont me respondy : « Le glouton
	2157	« Sathan, envieux du hault don
	2158	« D’Amours, pour les amans occire
	2159	« A tousjours prest le vireton.
	2160	« Aise n’est que quant il en tire.

	2161	« Et pour en mettre plus a mort
	2162	« Pris a la foy et la fiance
	2163	« De Malebouche qui ne dort
	2164	« Et de toute son allyance.
	2165	« N’as tu encore souvenance
	2166	« De la gent qui nous assailloit ?
	2167	« Sathan, pour croistre la grevance,	[Fol. 17a]
	2168	« Avecques eulx l’assault bailloit.

	2169	« Aulcuns, qui se sont mal gardez,
	2170	« Par oultrageuse hardiesse
	2171	« Ont esté ferus et dardez
	2172	« D’Ire et d’Envie la traitresse.
	2173	« Partir ne doibt de la fortresse
	2174	« Qui fort et puissant ne se sent.
	2175	« D’entre celle gent larronnesse
	2176	« Sans playe n’en sault ung de cent.

	2177	« Siques, Humanité la doulce
	2178	« Leurs playes debonnairement
	2179	« Cure, medecine et adoulce.
	2180	« Et Charité semblablement
	2181	« Et les aultres diversement
	2182	« Font leur debvoir de les guerir,
	2183	« Adfin qu’en amoureusement
	2184	« Vivant puissent gloire merir.»

	2185	En lieu plus plaisant me conduit.
	2186	Ce fut en ung moult beau vergier,
	2187	Remply de joye et de deduit.
	2188	Jamais ne s’en deubt on bougier.
/74/	2189	Car homme ne porroit songier
	2190	Combien il y fait joyeux estre.
	2191	Je vous oseroye gagier
	2192	Que tel n’est paradis terrestre.

Du vergier d'Amours
	2193	Ou millieu est une fontaine
	2194	Ou amans et dames se mirent.
	2195	La voyent leur amour certaine,
	2196	La leur entière foy remirent,
	2197	Benissans l’eure qu’ilz se virent
	2198	Et qu’ilz furent d’amours espris.
	2199	Mais, en toute joye, ilz souspirent
	2200	Vers le ciel, en celluy pourpris.

	2201	La dedens se baingnent les unes,
	2202	Les aultres leurs amys despeullent,
	2203	Les aulcunes poires ou prunes
	2204	Ou quelques fruis es arbres cœullent,
	2205	Ou a jouer au tiers s’accueillent,
	2206	A l’erbette, a la calemaigne.
	2207	En mille jeux plaisir recueillent
	2208	Et la plus joyeuse le gaigne.

Comment Franc Vouloir, le champion des dames, party du chastel et ala au lieu dit et assigné deffendre et soustenir [Fol. 17b] la querelle d'Amours et des dames contre Malebouche et toute sa gent mauvaise. Franc Vouloir vient au jour assigné contre Malebouche etc. pour deffendre et soustenir la querele d'Amours et des dames.
L’acteur
	2209	Je ne sçay pas se la estoye
	2210	Ou le soleil, sans devaler,
	2211	Demy an la terre festoye,
	2212	Sans soy couchier, sans soy celer,
/75/	2213	Mais je ne vis venir n’aler
	2214	Ne vespree ne matinee.
	2215	Sy fut il heure que parler
	2216	Deubt on a la gent forsenee.

	2217	Clarins et trompettes sonnerent.
	2218	Tous et toutes isnelement
	2219	A la sale d’Amours alerent.
	2220	« Ho ! » dis-je, « il me va malement.
	2221	« Je cuidoye plus longement
	2222	« Cy estre et aultres esbas vir.»
	2223	Lors dist Valentin: « Prestement,
	2224	« Il fault le Champion suivir.»

	2225	En la foule je le perdy,	L’acteur cy pert son compaignon Valentin.
	2226	Dont grandement il me pesoit.
	2227	Et sy ne vy pas le hardy
	2228	Champion, car devant aloit
	2229	Et sy grant peuple le suivoit
	2230	Que la terre en estoit couverte.
	2231	Chascun escouter le vouloit
	2232	Et scavoir la gaigne ou la perte.

	2233	Kahu, kaha, suys le train
	2234	Et parmy les plus drus tiray,
	2235	Battu et foulé comme estrain,
	2236	Mais pour ce ne m’en retiray.
	2237	Tant d’ung lez et d’aultre viray
	2238	Qu’en la sale fus des premiers,
	2239	Ou il eut, verité diray,
	2240	De livres chargiez .X. sommiers.

	2241	Tendue estoit de noirs tapis	[Fol. 17v^oa]
	2242	Plains de gueules a langues traittes.	De la sale où Malebouche tenoit son auditoire contre Franc Vouloir.
	2243	Et y eut, je n’en dis du pis,
	2244	Escript en lettres mal pourtraittes.
	2245	Toutes choses y furent faittes
	2246	Comme au seigneur appartenoit,
/76/	2247	Et vit on bien, aux entrefaittes,
	2248	Que lors table ronde il tenoit.

	2249	Je demanday se pedagogue,
	2250	Ou ung colliege d’escoliers,
	2251	Ou monastiere ou synagogue
	2252	D’Augustins ou de Cordeliers
	2253	Estoit, car tant de bacheliers,
	2254	De docteurs et d’estudians
	2255	Y vis et mains de séculiers
	2256	Que de Jacopins mendians.

	2257	L’en me dist qu’Envye jadis	Le college d’Envie.
	2258	Fonda ce colliege notable
	2259	Ou sont les maistres des faulx dis
	2260	Escrips en livres et en table,
	2261	Ou il n’y a ne connestable,
	2262	Ne prince, ne roy, n’empereur,
	2263	Qui n’ait dit chose detestable
	2264	D’Amours, leur souverain seigneur.

	2265	Malebouche cest hostel tient
	2266	Et pluiseurs telz parmy le monde.
	2267	Soubs luy en commande on maintient,
	2268	Adfin que l’en ne le confonde,
	2269	Et aussy que tousjours abonde
	2270	Contre Amours qui lui fait excès.
	2271	Il a des meilleurs clercs du monde
	2272	Escrivans livres et procès.

	2273	Tousjours y lit on et escript
	2274	Ou met on paine a livres faire.
	2275	Contre le grand diable Antecrist
	2276	De clers n’y avroit tel repaire.
	2277	Il ne souffist pas de retraire
	2278	L’oppinion des clercs moyens,
	2279	Ains fait il son propos extraire
	2280	Des livres théologiens.

/77/	2281	Et tu orras tantost comment
	2282	Son fait clerement prouvera,
	2283	Et comment raisonnablement
	2284	Le dieu d’Amours accusera.
	2285	Ne sçay comment s’excusera.
	2286	Dieu doint qu’a joye en soit delivres
	2287	Cil qui pour les dames sera,	[Fol. 17v^ob]
	2288	Mais fol est, s’il n’a veu les livres.

	2289	Livre n’est qui n’ait esté veu
	2290	Et estudié vivement,
	2291	En tant que l’en a bien pourveu
	2292	A tout contraire entendement.
	2293	Se Franc Vouloir n’est proprement
	2294	Du cas qu’il soustient informé,
	2295	Son maistre s’en va plainement
	2296	Avec les dames diffamé.

	2297	De ces choses entreparlant,	Cy entra Malebouche en la sale.
	2298	Malebouche en la sale entra.
	2299	Franc Vouloir, le gentil galant,
	2300	En la barbe le rencontra.
	2301	Lors tout le monde s’acoustra.
	2302	Chascun print place en l’auditoire
	2303	Ou le dit champion monstra
	2304	Visage prest a la victoire.

	2305	Comme dessus, armé ne fust
	2306	De hauberjon ne de panciere,
	2307	Et sy n’avoit en l’arrest fust
	2308	N’en la teste arm et ne visiere.
	2309	Vestus estoit en la maniere
	2310	D’ung gent chevalier amoureux
	2311	Qui, force, pour sa dame chiere
	2312	Cersoit tous cas aventureux.

	2313	Que pensez de la gent mauvaise
	2314	Que Malebouche le bon sire
/78/	2315	Amena ? Pour tout l’argent d’Aise,
	2316	Ne me fusse tenu de rire,	Des conseils de Malebouche.
	2317	Quand je le vis. A paine dire
	2318	Le vous porray je de grant ris.
	2319	La grimache devoit souffire
	2320	Pour gaingner la tarte a Paris.

	2321	Comme singes ridez qu’on bat,
	2322	Les faulx mesdisans barbetoyent,
	2323	Et souvent, pour faire l’esbat,
	2324	Leurs faulses langues hors boutoient.
	2325	Par aventure, ilz se moquoyent
	2326	Ou tele estoit leur contenance.
	2327	Mais aultre maniere n’avoyent,
	2328	J’en ay certaine souvenance.

Du monstre terrible lequel sourvint a la journee et de quelles gens Malebouche estoit accompaignie.
	2329	Lors sourvint a celle hemee	[Fol. 18a]
	2330	La plus terrible creature
	2331	Qui jamais puist estre formee,
	2332	Ne pensee ou mise en painture.
	2333	De sa merveilleuse figure
	2334	S’esbahissent grans et menus,
	2335	Tant est de diverse nature.	Fama-Renommee.
	2336	Benedicite dominus.	Fama-Renommee.

	2337	Elle vole parmy le monde
	2338	Ainsy q’ung oiseau proprement.
	2339	Il n’est lanier, falcon, n’aronde
	2340	Qui volast plus legierement,
	2341	Ja soit ce qu’assez lentement
	2342	Elle s’esmœuve et comme a paine;
	2343	Mais, s’elle a pris commencement,
	2344	Elle est de plus en plus soudaine.

/79/	2345	Tant de plumes a, tant de bouches,
	2346	Tant de langues a, tant d’oreilles,
	2347	Et tant d’ieulx qui ne sont pas louches,
	2348	Et tant de voix a despareilles.
	2349	O tresmerveilleuses merveilles !
	2350	Que d’oreilles, de bouches, d’ieulx !
	2351	Quy ouyt oncques les pareilles !
	2352	Quelle beste esse, tresdoulx dieux !

	2353	Et sy scet parler tous langages,
	2354	Et tout entent et tout regarde,
	2355	Jennes et vieulx et folz et sages.
	2356	Jamais ne dort, a tout prent garde.
	2357	Il n’est ne cloche ne bombarde,
	2358	Ne tonnoire si hault tonnant,
	2359	Dont le tambuis si loing s’esparde
	2360	Que sa voix en bas sermonnant.

	2361	Or pensez doncques, je vous prye,	[Fol. 18b]
	2362	Quele tempeste elle doibt faire
	2363	Quant a plain gosier elle crye,
	2364	Se ciel et enfer l’oyent braire.
	2365	Par tout sa haulte voix repaire
	2366	Et si lourdement resortist
	2367	Que dame Echo ne s’en pœut taire
	2368	Et six vins ans en retentist.

	2369	Fama l’appell’on en latin
	2370	Et nous l’appelions Renommee,
	2371	Celle par qui, soir et matin,
	2372	Est mainte personne blasmee
	2373	A tort, et mainte bien nommee
	2374	Deservant mieulx qu’on en mesdie,
	2375	Car vray ou faulx, feu ou fumee,
	2376	Tout luy est ung mais qu’elle en dye.

	2377	Elle a plus de mille buisines,
	2378	Les aulcunes basses et sourdes
/80/	2379	Pour deviser a ses voisines,
	2380	Les aultres esclatans et lourdes;
	2381	Les unes a racompter bourdes,
	2382	Les aultres a verité dire.
	2383	Se tu dis vray ou se tu bourdes,
	2384	Elle te sçavra tout redire.

	2385	Ung chascun pour elle traveille,	Comment les trois estas se traveillent pour avoir renommee.
	2386	L’ung mains, l’ung plus diversement.
	2387	Le laboureur fait mainte veille
	2388	Pour avoir son losengement.
	2389	Le chevalier semblablement
	2390	En son chastel mains en repose.
	2391	Aussy le clerc principalment
	2392	Maint livre notable en compose.

	2393	Mais sur tous ceulx dont elle raille
	2394	Le clerc est haultement sonné.
	2395	Car en escript les faits lui baille
	2396	Dont chascun aultre est blasonné.
	2397	Le nom rommain fust ja finé,
	2398	Se ne fussent les escripvains,
	2399	Lesquels ont a Fama donné
	2400	Les faits des villains et des vains.

	2401	Elle avoit ja partout esté
	2402	Celle assemblee plaidoyer,
	2403	Et aux maistres d’enfer conté
	2404	L’affaire de leur souldoyer,
	2405	Qui se hasterent d’envoyer
	2406	Leur grosse et notable ambassade,
	2407	Pour leur cause veriffier	[Fol. 18v^oa]
	2408	Contre le Champion moult sade.

	2409	Les trois deesses infernales,	Thesiphone, Alecto et Megiere, deesses d’enfer.
	2410	Thesiphone, Alecto, Megiere,
	2411	La vindrent comme principales
	2412	En terrible et crueuse chiere,
/81/	2413	Car, ayans devant et derriere
	2414	Serpens divers venins dardans,
	2415	Incessamment, a gueule fiere,
	2416	Vomissoyent brandons ardans.

	2417	Regars enflammez, cris horribles,
	2418	Maintiengz plus que forsenez ont.
	2419	Toutes horreurs leurs sont possibles,
	2420	Tous maulx, toutes cruaultez font.
	2421	De toutes guerres cause sont,
	2422	De toutes haines, de toute ire.
	2423	Freres par leurs freres desfont,
	2424	Aulcuns font eulx mesmes occire.

	2425	Orgueul, Fierté, Envie, Erreur,	Les conseilliers de Malebouche.
	2426	Detraction, Discord, Murmure,
	2427	Desesperation, Fureur,
	2428	Trahison, Faulx Semblant, Injure,
	2429	Barat, qui pour nient se parjure,
	2430	Division, Noises, Repreuches,
	2431	Teles gens de male aventure
	2432	Y furent parez comme aux neuches.

	2433	Brief Conseil, Faulx Entendement,
	2434	Sens Obstiné, Presumption,
	2435	Devis Paillart, Ort Pensement,
	2436	Baverie, Altercation,
	2437	Menterie, Derrision,
	2438	Folye paree de houche,
	2439	Gens de tele condicion
	2440	Furent souldars de Malebouche.

	2441	Teles gens y furent aulcunes
	2442	En habit de femme vestues
	2443	Pour mieulx demonstrer leurs rancunes
	2444	Et leurs folyes malostrues,
	2445	Que, s’elles eussent esté crues —
	2446	Je le vis bien a leurs courroux —
/82/	2447	De leurs crocqs et de leurs machues
	2448	Le Champion eust esté roups.

	2449	Malebouche, quoy que vous die	Franc Vouloir dist que maistre Jehan de Meun ne fu natif de Normandie.
	2450	Meün, a mesdire appresté,
	2451	Ne fust natif de Normendie,
	2452	Car il print sa nativité
	2453	Ou fons d’enfer l’empulenté,
	2454	Dedens la maison dame Envye,	[Fol. 18v^ob]
	2455	Laquele l’a apparenté
	2456	De tous les maulx qui sont en vye.

	2457	Toutesfois, moult de meschans laaches
	2458	Y vis, de toute nation,
	2459	Portans espieux, flesches et haches,
	2460	En horrible commotion,
	2461	Et par grande admiration
	2462	Aulcuns aultres que vous nommez,
	2463	Gens de noble condicion
	2464	Aussy y recongnus je armez.

	2465	De clercs aussy plus d’ung millier,
	2466	De Paris, d’Orliens, Thoulouse,
	2467	Boulongne, Avignon, Montpellier,
	2468	Coulongne, Pavie, Perouse,
	2469	D’universitez plus de douse
	2470	Qui avoyent de tout costé
	2471	Affilé leur langue et leur mouse
	2472	Pour mesdire a leur volenté.

	2473	Que vous diray plus longement ?
	2474	Malebouche, a cui bien sembla
	2475	Que tenir deubt beau parlement,
	2476	La ses trois estas assembla.
	2477	Ne pour eulx plus ne se troubla
	2478	Le Champion encouragié,
	2479	Ains hardiesse lui doubla,
	2480	Quand il vit le monde arrengié.

/83/
Comment Franc Vouloir, le Champion des dames, commencha a parler et demander juge, le quel entendist le droit ou le tort de chascune partie.
L’acteur[Fol. 19a]
	2481	Doncques, aprez longue silence,
	2482	Franc Vouloir le bien advisé
	2483	Sagement a parler commence
	2484	Mieulx que ne sera devisé
	2485	Par moy, mais seray excusé,
	2486	S’il vous plest, car je n’eus loisir,
	2487	Se vous y avez bien visé,
	2488	D’escrire tout a mon plaisir.

Franc Vouloir
	2489	« Ja soit ce que la verité, »
	2490	Dist il, « soit veue evidamment
	2491	« Et vostre grande iniquité
	2492	« Congnue soit souffisamment,
	2493	« Neantmains, adfin que plainement
	2494	« Victoire aux dames soit donnee,
	2495	« Je sui, par le commandement
	2496	« D’Amours, venus a la journee.

	2497	« Et aussy que ne peussiez dire,
	2498	« Comme en toutes places bavez,
	2499	« Qu’on vous veulle jour escondire
	2500	« A vir le droit que vous avez.
	2501	« Siques, se vous estes grevez,
	2502	« Fourmez vostre cas devant juge.
	2503	« Ung nous en fault, comme sçavez,
	2504	« Qui du bon droit ou du tort juge.»

/84/
Comment Brief Conseil l'estourdy s'avança hastivement a respondre a ce que le Champion disoit.
L’acteur
	2505	Lors Brief Conseil, plus estourdy
	2506	Que le premier cop de matines,
	2507	Hastivement lui respondy :
	2508	« Dya ! Franc Vouloir, trop nous attines
	2509	« Pour l’amour des chiennes mastines !
	2510	« Crois tu que soions sans raison ?
	2511	« D’argent te donnerons dix tines,
	2512	« Se nous te faisons desraison.

	2513	« Raison est ceans, ne te doubte,	[Fol. 19b]
	2514	« Aultre part cerser ne la fault.
	2515	« Et qui du contraire fait doubte,
	2516	« Preschié doibt estre en l’eschaffault.
	2517	« Si que, de juge n’as deffault.
	2518	« Juges serons nous et partye,
	2519	« Et aussy la cause ne vault
	2520	« Que hors de nos mains soit traittie.»

Le Champion
	2521	« Seigneurs, sage homme ne se fye,»
	2522	Respond Franc Vouloir l’attrempé,
	2523	« En ses anemis. A la fye,
	2524	« Et tressouvent, s’en voit trompé.
	2525	« Sy debveroye estre encoulpé,
	2526	« Se m’attendoye a vostre dit.
	2527	« Je ne sçay de vous si huppé
	2528	« Le quel voulsist estre desdit.»

/85/
Comment Malebouche jura au Champion par l’ymage de Verité que l’en luy feroit raison.
	2529	« Par le sang que Dieu degoutta,»
	2530	Dist Malebouche, « dire j’ose
	2531	« Qu’oncques homs de pain ne gousta
	2532	« Plus veritable en toute chose
	2533	« Que je suis. Respons et oppose.
	2534	« Fye toy en moy seurement.
	2535	« Par l’ymage qui la repose,
	2536	« L’en te fera bon jugement.»

De l’ymage de Verité laquelle negligentement ou par mescongnoissance estoit mise en ung anglet, toute enfumée.
L’acteur
	2537	Or est bon que je vous declaire	[Fol. 19v^oa]
	2538	Quele estoit et ou celle ymage.
	2539	En ung anglet ou trop n’esclaire,
	2540	Ains assez obscur, en umbrage,
	2541	Une ymage de viel ouvrage,
	2542	Semblant comme toute enfumée,
	2543	Par non chaloir ou par oultrage,
	2544	Estoit sans chandeille alumée.

	2545	En ancyenne lettre lus :
	2546	Vez cy l’ymage Verité.
	2547	Et evidentement congnus
	2548	Que, par malice et faulseté,
	2549	On avoit voulu sa clarté
	2550	Esconser, obscurir, estaindre,
	2551	Et sa gracieuse beaulté
	2552	D’estrange et fausse couleur taindre.

	2553	Si fus esbahy grandement
	2554	Qu’elle estoit enclose et tenue
/86/	2555	Layens ainsy villainement,
	2556	Et aultrement n’estoit congnue.
	2557	Car qui la pœut vir toute nue
	2558	Ainsy que l’ouvrier la forga,
	2559	Il juge, de plaine venue,
	2560	Que plusbelle n’est, ne fut ja.

	2561	Dieu veritable, en la faisant,
	2562	L’enlumina si vivement
	2563	De sa clarté tresreluisant,
	2564	Qu’elle luira sans finement.
	2565	Voire, quant monde et firmament
	2566	Ne seront plus en leur nature,
	2567	Verité, pardurablement,
	2568	En soy demourra nette et pure.

	2569	Plus m’esbahis d’ung aultre affaire,
	2570	Car aulcuns avoyent sa bouche
	2571	Voulu tout aultrement refaire
	2572	Et de deux bons yeulx faire .i. louche,
	2573	Cuidans taillier en une souche
	2574	Ou en pierre qui n’est pas dure.
	2575	Mais il est bien fol qui y touche.
	2576	Verité vaint, Verité dure.

	2577	Malebouche Verité het
	2578	En son cœur, ja soit ce qu’il dye
	2579	Qu’elle lui plaist et vient a het,
	2580	Et que jamais ne l’escondye.
	2581	Car de jour en jour s’estudye
	2582	A le couvrir, celer, et taire.
	2583	Pour aultre chose il ne plaidye	[Fol. 19v^ob]
	2584	Que pour la destruire ou deffaire.

	2585	Neantmains, vers l’ymage il tendy
	2586	Les deux mains, en devotion,
	2587	Et a Franc Vouloir respondy
	2588	Que, sans quelque déception,
/87/	2589	Haine, fraude, corruption,
	2590	En la cause on procederoit,
	2591	Et que, se bon droit avoit, on
	2592	Entierement lui garderoit.

Le Champion respond a l’offerte que Malebouche luy a fait.
Franc Vouloir
	2593	« Se vostre Verité parlast »,
	2594	Dist le Champion, « trescontent
	2595	« Fusse qu’elle determinast
	2596	« Du droit que chascun cy pretent.
	2597	« Mais elle ne parle et n’entent,
	2598	« Dont n’est en jugement propice.
	2599	« Sy est bien simple qui s’attent
	2600	« A elle, sur fait de justice.»

	2601	« Or, non obstant que du discort
	2602	« Juge neutre n’ayons, neantmains
	2603	« De respondre suis je d’acort,
	2604	« Sans mettre la cause en vos mains.»
	2605	Lors dist Brief Conseil: « C’est du mains,	L’acteur
	2606	« Ne nous chault, car tu seras trop
	2607	« Obstiné, se tu ne remains
	2608	« Mat et confus au premier cop.»

	2609	Au dit Brief Conseil l’advocas
	2610	Lors Malebouche commanda
	2611	Qu’en termes proposast le cas.
	2612	Tantost il, qui ne demanda
	2613	Aultre rien, se recommanda
	2614	A l’ymage dessus nommee.
	2615	Puis s’accusation fonda
	2616	Contre Amours et sa renommee.

/88/
Comment Brief Conseil comme advocat, par le commandement de Malebouche, entre en debat et en plaiderie contre Franc Vouloir, le Champion des dames, et monstre premierement la tyrannie d'Amours en le blasmant et accusant.
Brief Conseil[Fol. 20a]
	2617	« Pourquoy a ses chasteaux basty
	2618	« Amours en terre qui n’est sienne,
	2619	« Et les humains cœurs appasty
	2620	« En la seignourie ancienne ?
	2621	« Est il preudomme qui se tienne
	2622	« Content que le faulx estrangier,
	2623	« En ce pays et ailleurs, vienne
	2624	« Les gens de leur roy estrangier ?

	2625	« En Citheron ou en Paphos,
	2626	« Ou en la forest Dydalye,
	2627	« S’en voise gouverner ses fols
	2628	« Avecques sa mere jolye !
	2629	« La doibvent sur l’erbe polye
	2630	« Faire amer nimphes et nimphesses,
	2631	« Et ceulx qui aiment leur folye
	2632	« Aprendre a cymbaler des fesses.

	2633	« Car ou les loix avront vigueur,
	2634	« Ou il vouldra rengner sans elles.
	2635	« Se vigueur ont, c’est de rigueur
	2636	« Que les seigneuries nouvelles
	2637	« Donnent lieu aux perpetuelles.
	2638	« Et s’il quiert de maistrise user
	2639	« Sans droit, il veult voler sans elles,
	2640	« Et est vaincu sans accuser.

	2641	« Si que en ceste division,
	2642	« Pour estre plus brief en mon fait,
	2643	« Je fais mon accusation,
	2644	« Et car tu soustiens qu’amours ait
/89/	2645	« Raison de faire ce qu’il fait.
	2646	« L’une partye poursuivray,
	2647	« Et puis respondras, s’il te plait,
	2648	« A ce que je contrediray.

	2649	« Cil qui les hommes a semé
	2650	« En terre, adfin que lui obeissent,
	2651	« Et a cestui monde achemmé,
	2652	« Adfin que son grant povoir veissent
	2653	« Et a aultruy ne s’asservissent,
	2654	« S’il avoit a ses gens donné
	2655	« Licence qu’ilz lui desobeissent,
	2656	« Nostre debat seroit finé.

	2657	« Mais je sçay que sa seignourie
	2658	« Ne veult il pas aliener.
	2659	« Il ne veult qu’aultre seignourie.
	2660	« Seul doibt seignourir et regner
	2661	« Et ne pœut son regne finer
	2662	« Et ja n’en fera cession.
	2663	« Il ne nous fault determiner	[Fol. 20b]
	2664	« Du droit de sa possession.

	2665	« Seul fut, seul est, et seul sera
	2666	« Seigneur, et seul doibt seignourir.
	2667	« Seul doibt regner et regnera
	2668	« Et ne le convient secourir.
	2669	« Et, qui veult la cause enquerir,
	2670	« De lui et par lui seul il regne,
	2671	« Dont ne lui fault aide querir
	2672	« Pour duire et gouverner son regne.

	2673	« Et veult que tousjours on le serve
	2674	« Leaulment, et est son plaisir
	2675	« Qu’en le servant chascun deserve
	2676	« Le bien que l’omme doibt saisir.
	2677	« Qui lui veult faire desplaisir
	2678	« Voise servir aultre seigneur.
/90/	2679	« Seul le doibt on prendre et choisir,
	2680	« Le pardessus et le greigneur.

	2681	« Non pas qu’il ait aulcun besoing
	2682	« De service que l’en lui face,
	2683	« Mais car il veult que cure et soing
	2684	« On ait de le vir en la face,
	2685	« Et de servir tant qu’en sa grace
	2686	« On puist a tousjours demourer.
	2687	« Content n’est que l’en se mefface
	2688	« Par servir aultre et honnourer.

	2689	« Car qui lui froisse son hommage,
	2690	« Et de le servir se deporte,
	2691	« Ja soit que toudis son ymage
	2692	« En aultrui servant chascun porte,
	2693	« En fin pitié ne se deporte
	2694	« Que de lui ne soit bien chevy,
	2695	« Et la punition n’emporte
	2696	« De ce qu’il aura mal servy.

	2697	« Or est en sa terre venus
	2698	« Amours, qui sa gent lui soustrait,
	2699	« Avecques sa mere Venus
	2700	« Laquelle partout son feu trait.
	2701	« Le monde est perdu de leur trait,
	2702	« N’y a viel, jone, ne sevré,
	2703	« N’en champ, n’en ville, n’en retrait,
	2704	« Qui n’en soit feru et navré.

	2705	« On ne porroit dire les maulx
	2706	« Qu’ilz ont fait par tout le pays.
	2707	« Le mendre est que de ses vassaulx
	2708	« Le naturel prince est hays.
	2709	« Hays vrayement et trahys,	[Fol. 20v^oa]
	2710	« Car ilz ont emply sa fortresse,
	2711	« Ou volentiers ou envahis,
	2712	« Des gens de Venus la traitresse.

/91/	2713	« Amours leur a cœur et corps ars,
	2714	« Crevé les yeulx, osté les sens,
	2715	« Et plus n’ont n’offices ny ars
	2716	« Dont payent au prince ses cens.
	2717	« Le tyrant a, comme je sens,
	2718	« Tout vaincu et mis a renchon,
	2719	« Mesmement ceulx qui sont absens,
	2720	« Fuians sa maldicte fachon.

	2721	« Que fault il assembler en nombre
	2722	« Les maulx que fait le faulx tyrant ?
	2723	« Il n’est homme qui bien les nombre
	2724	« S’il ne les croit en empirant.
	2725	« Attendu ce que conspirant
	2726	« Est contre la majesté haulte,
	2727	« Nul homme de bien desirant
	2728	« Doibt souffrir son orgueul, sans faulte.

	2729	« Non pas seulement couronner
	2730	« S’est fait, l’estrangier avolé,
	2731	« Mais comme vray Dieu honnourer
	2732	« S’est il fait au peuple affolé.
	2733	« Et est de lui dieu appellé,
	2734	« Dieu en ciel, en terre et en mer,
	2735	« Quoy plus ? tout venu, tout alé,
	2736	« Cil qu’on doibt doubter et amer.

	2737	« Ainsy a le peuple seduit,
	2738	« Jettant ses brandons et ses settes,
	2739	« Qu’il a humains cœurs introduit
	2740	« A celebrer nouvelles sectes,
	2741	« Car, aux ydoles contrefaittes,
	2742	« Maintenant teste et genoul ployent
	2743	« Les hommes convertis en bestes,
	2744	« Et leurs seuls desirs y employent.

	2745	« Amours a ses ydoles pains
	2746	« Aourez par devotion
/92/	2747	« Des fiers et des sages compains,
	2748	« Trompez par son illusion.
	2749	« Et ont, par son abusion,
	2750	« Le vray temple et la sage escole
	2751	« Laissié, pour la confusion
	2752	« De Belfegor, le faulx ydole.

	2753	« Il est tout vray, ses simulacres
	2754	« Comme Nabugodonosor
	2755	« En desprisant les honneurs sacres	[Fol. 20v^ob]
	2756	« Fist aourer a trompe et a cor,
	2757	« Ainsy, sur le mont de Segor,
	2758	« Et aultre part, a fait dressier
	2759	« Le viel ydole Belfegor,	Brief Conseil dist que Amours est Antecrist.
	2760	« Pour ydolatrie exaussier.

	2761	« En part, le palais a destruit
	2762	« Du seigneur qui sur ferme pierre
	2763	« Jadis le fonda et construit,
	2764	« Quant vivoit l’apostre saint Pierre.
	2765	« Non pas qu’il ait mis tout par terre,
	2766	« Il ne porroit par ulle guise,
	2767	« Mais il a desjoint de l’esquierre
	2768	« Beaucop des pilliers de l’eglise.

	2769	« Que s’on a sainctement escript
	2770	« Ce que trouvons en nos registres
	2771	« De la venue d’Antecrist,
	2772	« Je tiens qu’Amours est li senistres
	2773	« Qui fait preschier par ses ministres
	2774	« Sa joye vaine et mal durable,
	2775	« Contre évangiles et epystres,
	2776	« Faingnant qu’il est dieu pardurable.

	2777	« C’est il ! Dieu se clame. Abolir
	2778	« Fait les drois du seigneur haultain,
	2779	« Et lui veult sa terre tollir
	2780	« Et tenir le monde en sa main.
/93/	2781	« C’est il, l’ort vil filz de putain !
	2782	« Il fust temps que Enoch et Helye
	2783	« Vinsent, ainchois huy que demain,
	2784	« Pour lui remonstrer sa folye.

	2785	« Siques, Franc Vouloir, esbahir
	2786	« Ne te doibs se trop nous plaingnons
	2787	« D’Amours, que tant doibvent hayr
	2788	« Les preux et leaulx compaignons,
	2789	« Se, jour et nuit, ne nous faingnons
	2790	« De le grever en toute place.
	2791	« Car droit veult que nous le gaignons
	2792	« Et que du monde il se desplace.

	2793	« Il ne te faloit demander
	2794	« Juge qui donnast la sentence.
	2795	« Car se tu te veuls amender,
	2796	« Et jugier en ta conscience,
	2797	« Dampneras en plaine audience
	2798	« Amours, l’antecrist infernel,
	2799	« A cui l’en fait obedience
	2800	« Contre le seigneur eternel.»

Comment Franc Vouloir, le vaillant Champion, respondy a Brief Conseil, et monstra clerement ses accusations estre faulses, et que Amours gouverne le monde comme lieutenant de celluy qui le monde créa.[Fol. 21a]
L’acteur
	2801	Le Champion leal se lieve
	2802	A ces mos, ne fait plus d’attente.
	2803	Amours et les dames relieve,
	2804	Declarant ainsy son entente:
	2805	« A ire qui est sy patente	Franc Vouloir respond.
	2806	« Fureur arragié convendroit.
	2807	« Mais Dieu doint que je vous contente
	2808	« Par sens reposé et par droit.

/94/	2809	« Et, primes, que vous ne diez
	2810	« Que la bouche aultre chose die
	2811	« Que le cœur, force vous cuidiez
	2812	« Que j’aye vostre maladie.
	2813	« Je requier a Dieu qu’il mauldie
	2814	« Celle ame qui ou corps me bat
	2815	« Ou cas que ma langue desdie
	2816	« Mon cœur, en tout cestui debat.

	2817	« Et, adfin que je ne concede
	2818	« Ou nye aultre chose qu’a point,
	2819	« Cellui qui par Amours procede
	2820	« Des deux, en trinité conjoint,
	2821	« La querele d’Amours me doint
	2822	« Sagement garder et deffendre,
	2823	« Sique desormais n’ayez point
	2824	« Matiere ou cause de l’offendre.

	2825	« Respondre fault par negative
	2826	« A ceste accusation fiere,
	2827	« Puis demonstrer l’affirmative
	2828	« De la quele je vous refiere.
	2829	« Et ja soit ce que pas n’affiere
	2830	« En droit prouver negation,
	2831	« Neantmains, pour ma deffense entière,
	2832	« J’en feray quelque induction.

	2833	« Il n’est pas vray, je le vous nye,
	2834	« Qu’Amours soit en ce pais venu
	2835	« Par trahison ou tyrannie,
	2836	« Ne qu’il tiengne ou aye tenu
	2837	« Contre le sceu et contenu
	2838	« Du hault sire et de ses patentes
	2839	« Villes et champs, ne soustenu
	2840	« Armees, paveillons ou tentes.

	2841	« Car, se bien vous le congnoissez,	[Fol. 21b]
	2842	« Il a la robe de livree,	Comment le Champion excuse Amours.
/95/	2843	« Mais ores le descongnoissez,
	2844	« Laquele lui fut delivree
	2845	« Quant toute chose delivree
	2846	« Jadis de confusion fu,
	2847	« Terre ou moien centre livree,
	2848	« Desjoins d’ensemble air, esgue et fu.

	2849	« Il n’est pas né nouvellement
	2850	« Ne filz de la dame Venus.
	2851	« Il est des le commencement
	2852	« Du monde, ainchois que Saturnus,
	2853	« Ne Jupiter, ne Vulcanus,
	2854	« Ne Phebus, ne Mars, ne Mercure
	2855	« Fussent dieux en terre venus,
	2856	« Ne Neptun qui a des mers cure.

	2857	« Avec les choses concreé	Que Amours fu creé de Dieu.
	2858	« Fut il de cil omnipotent
	2859	« Qui toutes choses a creé.
	2860	« Et qui la parole n’entent
	2861	« Philozophe n’est competent.
	2862	« Car des quatre corps alliez
	2863	« Par Amours, qui droit y pretent,
	2864	« Sont tous aultres joings et liez.

	2865	« L’ouvrier qui bien apperchevoit
	2866	« Qu’en si grande diversité
	2867	« Des choses que faittes avoit
	2868	« Ne seroit l’université
	2869	« A paix, s’en sa perversité
	2870	« Une chascune demouroit,
	2871	« Amours fist, qui l’iniquité
	2872	« D’une chascune attremperoit.

	2873	« Et comme se son lieutenant	Que Dieu fist Amours comme son lieutenan ou ciel et en terre.
	2874	« Le fist, et a lui s’attendist;
	2875	« Ainsy qu’estoit appartenant,
	2876	« Son pouoir partout estendist.
/96/	2877	« Aussy Amours trop n’attendit.
	2878	« Des lors commença son office
	2879	« A exercer et entendit
	2880	« Par tout le mondain ediffice.

	2881	« Il ala es cieulx accorder	De la puissance d’Amours es cieulx.
	2882	« Leurs dessemblables mouvemens,
	2883	« Qui ne se pœuent descorder
	2884	« Pour le bon accord qu’il mit ens.
	2885	« Les hauls, les bas et les moyens
	2886	« Ensemble attrempa de tel point
	2887	« Que, par dessus tous instrumens,	[Fol. 21v^oa]
	2888	« Font melodieux contrepoint.

	2889	« Dessoubs le premier ciel mobile	Comment Amours gouverne les VII. planettes.
	2890	« Qui tout vire a son mouvement,
	2891	« Tant est il puissant et habile,
	2892	« Se mœut l’estelle fermement,
	2893	« Et les aultres diversement,
	2894	« Qui si bien ensemble s’accordent
	2895	« Qu’ilz sont ravis communement,
	2896	« Et, neantmains, leurs tours ne descordent.

	2897	« Ne voit on en quele ordonnance
	2898	« Planettes descendent et montent
	2899	« En perpetuele acordance,
	2900	« Que ne trespassent, ne surmontent ?
	2901	« Toudis devalent et remontent
	2902	« Autour de terre, sans encombre,
	2903	« Et leurs pas et leurs degrez comptent
	2904	« En mesure, en pois et en nombre.

	2905	« Saturne, ancyen et tardif,
	2906	« Si tost que Jupiter ne tourne,
	2907	« Ne Mars n’est mye sy hastif,
	2908	« Ja soit que moult tost se retourne,
	2909	« Que Phebus qui son car atourne
	2910	« Chascun jour, attelle et destelle,
/97/	2911	« Tant qu’il se couche, ne sejourne
	2912	« De charier. Nature a tele.

	2913	« Venus ne fait pas a rebours
	2914	« Sa danse, elle son degré garde.
	2915	« Ne Mercure son legier cours
	2916	« Oublye, a le faire il ne tarde.
	2917	« La Lune aussy, laquele farde
	2918	« Chascun mois son pale visage,
	2919	« A celle fin qu’on la regarde
	2920	« La nuit, ne laisse son usage.

	2921	« Amours ainsy les duit et maine,
	2922	« Amours a l’estat ordonné
	2923	« De celluy celeste demaine
	2924	« Ou Phebus est roy couronné.
	2925	« Car c’est le plus enluminé,
	2926	« Cil ou plus de puissance habonde,
	2927	« Cil qui espart et a donné
	2928	« Plus de bien et de vie au monde.

	2929	« En son ciel tourne, comme roy,
	2930	« Officiers derriere et devant
	2931	« En ordonnance et en arroy,
	2932	« A tousjours couchant et levant.
	2933	« Et qui est bien aperchevant	[Fol. 21v^ob]
	2934	« Et il considere ses tours,
	2935	« Il doibt congnoistre, je m’en vant,
	2936	« Celle qui l’aime par Amours.	Phebus Soleil Phebé la lune

	2937	« Pour l’amour de Phebus li blons
	2938	« Est dame Phebé forsenee,
	2939	« La quele es marinaulx sablons
	2940	« Se souhede, ou n’estre pas nee.
	2941	« Quant ne le voit une journee
	2942	« Aprez lui gemist et souspire,
	2943	« Et ne lui chaut d’estre atournee
	2944	« Pour la dolour qui trop l’empire.

/98/	2945	« Va, vient, court et vire et n’arreste,
	2946	« Pale, blesme et mal coulouree.
	2947	« Veoir son bel amy lui reste
	2948	« Pour lequel est descoulouree.
	2949	« Se vir le pœut, recoulouree
	2950	« Sera, et quant plus le verra,
	2951	« Tant plus sa face enlangouree
	2952	« Joye et couleur recouvrera.

	2953	« C’est la lune, vraye amoureuse,
	2954	« Tous les mois errant sans tarder
	2955	« Entour la terre rigoureuse,
	2956	« La quelle souvent regarder
	2957	« Ne lui laisse cil qui darder
	2958	« Lui sœult ses regards gracieux
	2959	« Et pour l’amour duquel farder
	2960	« Veult son visage precieux.»

Aprez ce que le Champion a demonstré comment Amours maine et gouverne les cieulx, en mesure, en ordre et en accord, il declaire en brief sa puissance es choses moyennes et basses.
Franc Vouloir
	2961	« Or ay, ce m’est advis, prouvé
	2962	« Comme Amours a gouvernement
	2963	« Ou ciel. Oultre, qu’il soit trouvé
	2964	« En tout l’enclos du firmament
	2965	« Monstrer vœuls je presentement,
	2966	« Et ne porrez dire le contre,
	2967	« Ja soit ce que tout element
	2968	« Face a son contraire rencontre.

	2969	« Amours a mis les quatre freres	[Fol. 22a]
	2970	« Ung chascun ou royaume sien.	Les quatre vens.
	2971	« Et puis entre leurs haines fieres
	2972	« A trouvé accord et moyen,
/99/	2973	« Car il les tient en son loyen.
	2974	« Neantmains, il est vray que, quant ont
	2975	« Pouoir de faire quelque rien,
	2976	« Qu’ilz s’entretuent et desfont.

	2977	« L’ire des vens et leur tempeste
	2978	« Dont le serain air se destrempe,
	2979	« Et la mer qui fort se tempeste
	2980	« Et mine le rivage et trempe,
	2981	« Amours amodere et atrempe,
	2982	« Et, par sa grant doulceur, acoye.
	2983	« Ja chose ne se desatrempe
	2984	« Que par lui ne face paix coye.

	2985	« Se la nuee espesse et trouble
	2986	« Nous tolt la face du soleil,
	2987	« Ou le tonnoirre qui tout trouble
	2988	« Fait ung tambuis n’ayant pareil,
	2989	« Amours n’a repos ne sommeil
	2990	« Tant que la noire ou grise robe
	2991	« Soit tainte en blanc ou en vermeil
	2992	« Et plus la clarté ne desrobe.

	2993	« Amours tient yaues en leurs auges,
	2994	« Lesqueles, sur toute la terre,
	2995	« Deussent leurs parfons et leurs gauges
	2996	« Estendre, mais l’une s’enterre,
	2997	« L’aultre ressourt et se desterre,
	2998	« Dont toute la terre ne cœuvrent.
	2999	« Et ceste practique a sceu querre
	3000	« Amours, que les hommes y œuvrent.

	3001	« Les champaignes longes et lees
	3002	« Ou pouons nostre salut prendre,
	3003	« Roches, montaignes et valees,
	3004	« Amours voult des yaues deffendre.
	3005	« Car, se les mers laissoit estendre,
	3006	« Faisans universel deluge,
/100/	3007	« Dy moy ou nous porrions tendre
	3008	« Ne trouver place de refuge ?

	3009	« Ainsy avez forests et prés,
	3010	« Champs, montaignes, vignes et blez,
	3011	« Bestes et oiseaux, loing et prez,
	3012	« Et estes de tous biens comblez.
	3013	« Ainsy, par Amours assemblez,
	3014	« Vivez en ceste isle de mer,
	3015	« Ou, se les bestes ressemblez,	[Fol. 22b]
	3016	« Debvez vostre lignage amer.	De la puissance d’Amours es choses moyennes et basses.

	3017	« Vous veez que les mues bestes
	3018	« La loy d’amour ne mescongnoissent.
	3019	« Comme s’elles eussent es testes
	3020	« Sens, leurs semblables recongnoissent.
	3021	« Et se les estranges les coissent,
	3022	« Aulcunes d’acord se deffendent,
	3023	« Et tant s’entraiment qu’ilz ne froissent
	3024	« L’edict de celuy qu’ilz n’entendent.

	3025	« Et encor plus, celles qui vivent
	3026	« De rage, comme les lyons,
	3027	« A leurs semblables tant n’estrivent
	3028	« Comme font ensemble ly homs.
	3029	« Car, se nous les assaillions,
	3030	« Tost l’ung a l’aultre secourroyent,
	3031	« Ou, se tollir leur voulions
	3032	« Leurs enfans, encontre courroyent.

	3033	« Gouvernera doncques Amour
	3034	« Le monde et les gens ne seront
	3035	« Dessoubs ses loix et a leur tour
	3036	« Deuement ne le serviront ?
	3037	« Ou pis que les bestes feront,
	3038	« Et bestiaulx seront, non hommes ?
	3039	« Ou a nature obeyront
	3040	« Ou a Amour que tu ne nommes.

/101/	3041	« Et comment excuser se pœuent,
	3042	« Ja soit qu’ilz ayent franc arbitre,
	3043	« Que tous a Amours ne se vœuent ?
	3044	« Ou veulent ilz trouver leur tiltre ?
	3045	« S’ilz n’ont plus chier que mal behitre
	3046	« La compaignie humaine rompe,
	3047	« Il fault qu’Amours, de paix ministre,
	3048	« L’amer de leurs faulx cœurs corrompe.

	3049	« Car, se par fureur arragiez
	3050	« Ne sont, et ung poy leur recorde
	3051	« De l’ordre ou ilz sont arrengiez,
	3052	« Il convient que chascun s’accorde
	3053	« A amer, et ne se descorde,
	3054	« Soit jone ou viel, ou bel ou lais,
	3055	« A Amours, qui fait la concorde
	3056	« En tout cestui mondain palais.

	3057	« Mesmement que d’Amour leur vie
	3058	« Depent, et plus est la pensee
	3059	« En Amours esprise et ravie,
	3060	« Plus de grace est recompensee.
	3061	« Ce n’est pas fable pourpensee.	[Fol. 22v^oa]
	3062	« Je l’ay leu en ung grant docteur
	3063	« Dont la memoire n’est passee,
	3064	« C’est maistre Hugues de Saint Victeur.	Hugo de sancto Victore.

	3065	« Amours chascune chose vaint,
	3066	« Ainsy que Virgile le note.
	3067	« Mais las ! maintenant il n’avaint
	3068	« Jusques aux cœurs humains et n’oste
	3069	« Le ver venimeux qui son hoste
	3070	« Mauvaisement murdrist. Helas !
	3071	« Erreur, a sa decepvant note,
	3072	« Tient ainsy les gens en ses las. »

/102/
Franc Vouloir aprez ce qu’il a monstré le povoir d’amours ou ciel et es aultres choses, incidentement et par ung entreject reduit a memoire comment hayne ou faulte d’amours a ainsy abatu les Franchois et fait flatrir la belle fleur de lys.
Le Champion ou nom de France
	3073	« Mais vous, Franchois de France nez,	Incident.
	3074	« Dont pensez vous qu’ainsy avient
	3075	« Que d’Anglois estes gouvernez
	3076	« Et qu’esclave France devient ?
	3077	« Car d’Amours il ne vous souvient,
	3078	« Et pieça n’en est souvenu,
	3079	« Il a convenu et convient
	3080	« Que mal viegne et soit advenu.

	3081	« Puis que commun amour boutastes
	3082	« Arriere de vous, et a part
	3083	« Haines parciales hantastes,
	3084	« En France a couru le liepart.
	3085	« Encor y est et ne s’en part.
	3086	« Tant y sera que vous vendrez
	3087	« Ensemble en friez et en champart
	3088	« Et a le vener convendrez.

	3089	« Entré n’y fust pour sa puissance,
	3090	« Sy non par vos haines mauldittes.
	3091	« Il n’y povoit entrer sans ce.
	3092	« De Dieu soyent elles maldittes !
	3093	« Encores diray je: mauldittes !
	3094	« Car il fault que mauldis soyez,
	3095	« Quant aultrement ne contredittes
	3096	« Aux ennemis que vous voyez.

	3097	« Se les membres de vostre corps	[Fol. 22v^ob]
	3098	« Avoyent pris debat ensemble
	3099	« Et mortels fussent leurs discors,
	3100	« Comment durriez ? Ainsy me semble,
/103/	3101	« Pour ce que chascun ne s’assemble
	3102	« Et au commun bien ne s’applique,
	3103	« Ains pour lui tire, have et emble,
	3104	« Mal va vostre chose publique.

	3105	« Creez, tant Envie durra,
	3106	« Tant vostre bien propre amerez,
	3107	« Tant vostre royaume endurra,
	3108	« Et subgez et foulez serez.
	3109	« Mais quant d’acort vous armerez
	3110	« Pour garder vostre france terre,
	3111	« Certainement vous chasserez
	3112	« Vos ennemis en Engleterre.

	3113	« Pensez en, vous, Franchois, se France
	3114	« Maintenant faisoit sa complainte,
	3115	« Metant en vostre remembrance
	3116	« Tous les maulx dont elle est attainte
	3117	« Et jusques a la mort estainte,
	3118	« Qu’elle vous porroit a tous dire,
	3119	« Et se sa douloureuse plainte
	3120	« Nous feroit larmoyer ou rire.

	3121	« Il m’est advis que je la voye
	3122	« Celle jadis puissant roÿne,
	3123	« Errant sans sentier et sans voye,
	3124	« En habit de povre meschine,
	3125	« Toute couverte de ruine,
	3126	« Noire de cops et de battures,
	3127	« Cryant le murdre et la famine,
	3128	« Jettee aux males aventures.

	3129	« Helas ! la dame miserable
	3130	« Sur la quelle ores escopit
	3131	« Celle fortune decepvable
	3132	« Et piece a piece s’escharpit,
	3133	« Se son mal lui donne respit
	3134	« Tant que vous dye son pensé,
/104/	3135	« Bénira elle qui rompit
	3136	« L’amour régnant ou temps passé ?

	3137	« Ne dira: Nobles et villains,
	3138	« Franchois esclaves et fuités,
	3139	« Prenés pitié de moy, vile, ains
	3140	« Que je fine mes jours chetis.
	3141	« Et aprenez a vos petis
	3142	« Comment haine et faulte d’amour
	3143	« Qui fut et est es cœurs faintis	[Fol. 23a]
	3144	« A fait ainsy fletrir ma flour.

	3145	« Car, puis que haine le palis
	3146	« Du jardin ou je m’esbatoye
	3147	« Rompit, abandonnant le lis
	3148	« Que sy songneusement gardoye,
	3149	« Et vous et aultres gouvernoye
	3150	« Oultre humaine felicité,
	3151	« Et disiez: Saint Denis ! Montjoye !,
	3152	« Je n’eux aultre prosperité.

	3153	« On m’apelloit palais paisible,
	3154	« Temple de vertu et d’honneur.
	3155	« Or suy champ de guerre terrible,
	3156	« Fosse de pechié et d’orreur.
	3157	« Or ne me pœut on sans freeur
	3158	« Veoir ne penser seulement.
	3159	« Et ce m’ont fait haine et erreur
	3160	« Par leur mauvais gouvernement.

	3161	« Richart ne m’avoit pas assez	Roy d’Angleterre.
	3162	« Tempesté oultrageusement,	Roy d’Angleterre.
	3163	« Il n’a que six vings ans passez.
	3164	« Las ! c’est assez nouvellement.
	3165	« Il faloit qu’en nouveau tourment
	3166	« Henry me remist par vo haine,
	3167	« Et de mon sang habundamment
	3168	« Loire et Marne rougist et Saine.

/105/	3169	« Sur Aisincourt, ne sur Verneul,
	3170	« Ne me fault aler doulouser
	3171	« Le sang des miens. J’ay par tout dœul,
	3172	« Par tout puis je mon sang puiser.
	3173	« Le ciel ne pœut tant arrouser
	3174	« La terre qu’elle ne soit rouge.
	3175	« On n’y scet que de sang user,
	3176	« L’espee du poing ne se bouge.

	3177	« O rage hors d’infer saillie !
	3178	« Freres et parens s’entretuent,
	3179	« Filz contre peres font saillie,
	3180	« En bas les hostelz de Dieu ruent.
	3181	« Tous malfaitteurs rient et huent
	3182	« Et qui pis meffait, plus desert.
	3183	« O Dieu, a cui tous meffais puent,
	3184	« Ta justice, las ! de quoy sert ?

	3185	« Se vous n’avez perdu les sens,
	3186	« Se d’hommes n’estes bestes fais,
	3187	« Sentez, Franchois, ce que je sens,
	3188	« Sentez mes charges et mes fais.
	3189	« Veulliez amender les torsfais	[Fol. 23b]
	3190	« Dont me mettez a mort amere.
	3191	« Pensez que tousjours je vous fais
	3192	« Comme bonne et piteuse mere.

	3193	« Voyez vous point mes champs desers
	3194	« En lieu de blé porter espines ?
	3195	« Mes laboureurs fuitifs et sers
	3196	« Pour les murdres et les rapines ?
	3197	« Tant d’orphenins et d’orphenines
	3198	« Sur les fumiers mourans de fain,
	3199	« Plusieurs jadis de sebelines
	3200	« Fourrez, qui n’ont vaillant ung pain ?

	3201	« Je ne voy mais ville champestre,
	3202	« Ne manoir, ne beste en pastis.
/106/	3203	« Le bon hommeau n’ose en champ estre,
	3204	« Doublant l’espee ou l’apastis.
	3205	« Se force entre les murs bastis
	3206	« A labourer traveille et souffle,
	3207	« Il est mussiez, il est quatis,
	3208	« Comme ung poucin craignant l’escouffle.

	3209	« Quicumques en France a esté
	3210	« Es temps paisibles et entiers
	3211	« Voye en pitié la cruaulté
	3212	« Sur bours, sur villes, sur monstiers.
	3213	« Elle est fondue plus du tiers.
	3214	« Encor ce qui est demouré
	3215	« Des ennemis et des routiers
	3216	« Est mis au bas et dévoré.

	3217	« Je ne vous vœul pas mettre en compte
	3218	« Murdres, sacrilèges, pillages,
	3219	« Ne pucelles mises a honte,
	3220	« Ne changement des heritages.
	3221	« Je tais les douloureux vesvages,
	3222	« La servitude, la famine,
	3223	« Je tais les horribles ouvrages
	3224	« De celle guerre qui tout mine.

	3225	« Tant est que de mes adversaires
	3226	« Ne suy pas seulement foulee,
	3227	« Mais je voy que de mes haussaires
	3228	« Sui plus vilement pestelee.
	3229	« Et, pour une traitre goulee
	3230	« D’or ou d’argent, morir me font.
	3231	« Toute leur guerre est emmielee.
	3232	« Avarice ainsy leur cœur font.

	3233	« O cœurs abattus et falis,
	3234	« En vostre vertu ressourdez !
	3235	« Et ayés memoire du lis	[FoL 23v^oa]
	3236	« Que si villainement perdez.
/107/	3237	« Vo sang espandu regardez,
	3238	« Les os de vos peres espars,
	3239	« Et aux estranges demandez
	3240	« Que je sens en toutes mes pars.

	3241	« Les povres Cithes vagabondes	Des Cithes qui sur les tombeaux de leurs peres attendirent en bataille le roy Alixandre, etc.
	3242	« Par les montaignes et les plaines,
	3243	« Comme sont en la mer les undes
	3244	« Des aures enflees et plaines,
	3245	« N’eurent pas les vertus si vaines
	3246	« Encontre le grant Alexandre,
	3247	« Qui, par entreprises haultaines,
	3248	« Fist tant de sang humain respandre.

	3249	« Ilz lui mandèrent erramment
	3250	« Que sur les tombeaux de leurs peres
	3251	« L’attenderoient vaillamment,
	3252	« Non obstant toutes ses baneres.
	3253	« Et vous, chassez hors de vos teres,
	3254	« Desers de peres et de filz,
	3255	« Et mis aux derraines miseres,
	3256	« Vous laissiez ainsy desconfis.

	3257	« Le ciel vous est il pas contraire,
	3258	« Ou l’air ou le vent ou fortune ?
	3259	« Vous n’en debvez complainte faire,
	3260	« Fors a vostre faulse rancune.
	3261	« Le ciel, le soleil et la lune,
	3262	« Et les planettes mesmement,
	3263	« Ne donnent contrainte nesune
	3264	« A vivre ainsy meschantement.

	3265	« Fortune aussy n’a pas le tort
	3266	« De vous avoir ce mal cachié,
	3267	« Car vous mesmes, par grant effort,
	3268	« Avez le malheur destachié.
	3269	« Que s’il a sa fureur lachié
	3270	« Vers vous, comme faire le doibt,
/108/	3271	« A ce, pieça, il a cachié.
	3272	« Crever vous les deux yeulx du doit.

	3273	« Certes, Franchois, vostre climat,
	3274	« Vostre ciel vous est favorable.
	3275	« Se vous n’eussiez le cœur sy mat,
	3276	« Vostre fait fut plushonnourable.
	3277	« Et, force, en terre labourable
	3278	« Ne croit il engins si parfais.
	3279	« Mais, par erreur intollerable,
	3280	« Estes destruis, estes deffais.

	3281	« Souviengne vous que vos ancestres,	[Fol. 23v^ob]
	3282	« Par leur vertu qui n’a seconde,
	3283	« Ont estendu leurs puissans sceptres
	3284	« Jusques aux quatre lez du monde.
	3285	« Romme, la doree et la blonde,
	3286	« Senty leurs mains sur ses espaules.
	3287	« Grece aussy, plaine de faconde,
	3288	« Encores craint le nom de Gaules.

	3289	« De prouesse chevalereuse,
	3290	« De paix et d’honneur mesmement,
	3291	« De loy chrestienne et heureuse,
	3292	« J’ay eu le los communement.
	3293	« Or va tout a trebuchement,
	3294	« Or est changee la devise,
	3295	« Non pas contre moy seulement,
	3296	« Mais nostre mere Sainte Eglise.

	3297	« Paris a perdu sa lumiere
	3298	« La quele jadis souloit estre
	3299	« La principale et la premiere
	3300	« Pour la paix en l’eglise mettre.
	3301	« Mais erreur y est si grant mestre,
	3302	« Semblablement crainte et faveur,
	3303	« Qu’on n’ose executer la lettre
	3304	« De Jhesuchrist, nostre sauveur.

/109/	3305	« Hé ! Franchois, tant bien sçavez l’art
	3306	« De farser gracieusement,
	3307	« De baillier aux aultres du lart !
	3308	« Ce faittes vous communement !
	3309	« Veez vous point presentement
	3310	« Qu’en nul estat on ne vous prise
	3311	« Et que, par vos fais, lourdement
	3312	« On me lesdenge, on me desprise ?

	3313	« Ressourdez en vostre noblesse,
	3314	« Amendez orguilleusement
	3315	« Les tors fais de vostre simplesse.
	3316	« Regardez moy honteusement.
	3317	« Entramez vous entierement,
	3318	« Et sachiez qu’une mort honneste
	3319	« Durra beaucop plus longuement
	3320	« Que double vie deshonneste.

	3321	« Hé ! seigneurs, diray je raison ?
	3322	« Se je dis raisonnablement,
	3323	« Vous me commettez trahison
	3324	« Quant je me fye plainement
	3325	« En vous et tant meschantement
	3326	« A destruction me mettez.
	3327	« Je le vous dy secondement:	[Fol. 24a]
	3328	« Vers moy trahison commettez.

	3329	« Se vos meres deschevelees
	3330	« Voiez en leur face blesmye,
	3331	« Jusques au morir desolees,
	3332	« Certes, bons filz ne seriez mye,
	3333	« Se, de toute chose ennemye,
	3334	« Ne le deffendiez et gardiez.
	3335	« Foy doncq en vous est endormie,
	3336	« Quant a France aultrement n’aidiez.

	3337	« Helas ! France, es tu maintenant
	3338	« Esclave et jadis flourissoyes.
/110/	3339	« Sur Orient et sur Ponant
	3340	« Ta noble liberté haussoyes.
	3341	« France, franc peuple nourrissoyes,
	3342	« Très humain, trescrestien, las !
	3343	« Las ! France, fault il que tu soyes
	3344	« Or en si miserables las !

	3345	« France, lasse, dolente et mate,
	3346	« En ta flour ne retourneras
	3347	« S’amour les felons cœurs ne mate,
	3348	« Ains tousjours plus bas tourneras.
	3349	« S’amour les vaint, gouverneras,
	3350	« Flouriras, comme fis jadis,
	3351	« Et en cestui monde seras
	3352	« L’aultre terrestre paradis.

	3353	« Certainement, Franchois, se France
	3354	« Vous racontoit piteusement
	3355	« Sa dolour, sa malemeschance,
	3356	« Ce diroit elle, et aultrement.
	3357	« Et monstreroit evidamment
	3358	« Que vostre haine le consume.
	3359	« Mais je m’en tais presentement,
	3360	« Et mon aultre propos resume. »

Franc Vouloir a la complainte qu'il a fait sur haine et faulte d’amour en la personne de France, adjouste une exhortation generale a tous les hommes disant que sans Amours servir ne pœuent parvenir a leur fin, c’est les cieulx atouchier.
	3361	« Est il nesun amour qui puisse,	[Fol. 24b]
	3362	« O hommes fiers et rigoreux,
	3363	« Que ung seul petit souspir en ysse
	3364	« Tresperchier vos cœurs doloureux ?
	3365	« Le ciel haultain est amoureux,
	3366	« Amours sert et par lui se tourne,
	3367	« Et de vous, mauldis langoureux,
	3368	« Nesun vers Amours se retourne.

/111/	3369	« Hommes, comme Boece chante,
	3370	« Bonne fust vostre destinee,
	3371	« Se vostre pensee meschante
	3372	« Fust par cil amour gouvernee,
	3373	« Qui duit, vespree et matinee,
	3374	« Le ciel. Las ! hommes pervertis,
	3375	« Par vostre ignorance dampnee
	3376	« D’amer n’estes point advertis.

	3377	« Advertis ? dis je bien ? Pour vray,
	3378	« N’avez animadversion.
	3379	« Et en ce Platon ensuivray,
	3380	« Disant qu’en vous conversion
	3381	« Doibt estre, mais adversion
	3382	« Faittes, car bien vous ne tournez,
	3383	« Quant, en vostre procession,
	3384	« A vostre point ne retournez.

	3385	« Regardez le ciel comme il tourne,
	3386	« D’orient en occident vire,
	3387	« D’aler en son point ne sejourne.
	3388	« Et sçavez vous que c’est a dire ?
	3389	« Se vostre pensee remire
	3390	« Dont venez et comment alez,
	3391	« Verra, se toute se revire,
	3392	« Qu’en vostre retour moult falez.

	3393	« Bon ne pœut estre vostre tour,
	3394	« Se le cercle n’arrondissiez
	3395	« Et conjoingnez vostre retour
	3396	« Au commencement dont yssiez.
	3397	« Helas ! se vous m’entendissiez,
	3398	« Du dieu d’Amours, certainement,
	3399	« Tout bien et tout honneur dissiez.
	3400	« Mais rude est vostre entendement.

	3401	« Par Amours du ciel descendez
	3402	« En ceste terre miserable.
/112/	3403	« Et se retourner attendez
	3404	« Au commencement pardurable,
	3405	« Il fault que par amour durable
	3406	« Vos cœurs laissiez duire et tourner,
	3407	« Car, par erreur irréparable,	[Fol. 24v^oa]
	3408	« Jamais n’y porrez retourner.

	3409	« Quantesfoiz Amours ne servez
	3410	« Et ne tournez selon sa ligne,
	3411	« Tant de fois vos cœurs asservez
	3412	« A erreur qui tousjours forligne.
	3413	« Mais, quant Amour adresse et ligne
	3414	« Vos fais et vous monstre la voye
	3415	« De parvenir a vostre signe,
	3416	« Bonne aventure vous convoye.

	3417	« Sans Amour ne pouez venir
	3418	« A la fin que vous demandez.
	3419	« Et doncques pour y parvenir
	3420	« Hastivement vous amendez,
	3421	« Et vos courages lui rendez,
	3422	« Car sachiez veritablement
	3423	« Qu’ainsy vivant vous vous perdez
	3424	« Et ne gaingnez que dampnement.

	3425	« Ainsy vostre faulte veez,
	3426	« Vous aultres qui d’Amours mesdittes,
	3427	« Et a la fin ne pourveez
	3428	« N’a vos haineuses contredittes.
	3429	« Que se tantost vous me desdittes
	3430	« Ou lourdement me desmentez,
	3431	« Pensez bien aux paroles dittes,
	3432	« Lors verrez se vous y mentez.

	3433	« Je dis ainsy et le repete
	3434	« Que se, par nature ordonnee,
	3435	« Chascune chose Amour appete,
	3436	« Adfin qu’elle en soit gouvernee,
/113/	3437	« Vie menez desordonnee
	3438	« Se d’Amours serviteurs vous n’estes,
	3439	« Et plus chetive et plus dampnee
	3440	« Que les irraisonnables bestes.

	3441	« Mais ja ne me confesserez
	3442	« Que, sans Amour, vous veuillez vivre.
	3443	« Ou aultrement trop folz serez.
	3444	« Sy est temps que je me delivre
	3445	« Par cœur, car je n’ay point de livre,
	3446	« De remonstrer que le service
	3447	« Du plus appert, du plus delivre,
	3448	« En vostre Amour n’est pas sans vice.

	3449	« Sçavez vous bien ung cercle faire ?
	3450	« Fault il que je le vous ensengne ?
	3451	« C’est d’ung point a lui mesmes traire
	3452	« Sa ligne et que mesure on tiengne.
	3453	« De ma doctrine vous souviengne.	[Fol. 24v^ob]
	3454	« Si verrez que vostre compas,
	3455	« Ja soit ce que de bon point viengne,
	3456	« En rondesse ne se clost pas.

	3457	« Qui vœult a la fin parvenir
	3458	« S’il n’a ses moyens ordonnez,
	3459	« Vrayement, on le doibt tenir
	3460	« Pour ung homme desordonnez.
	3461	« Ores si mal vous retournez
	3462	« A vostre signe, a vostre point,
	3463	« Car a erreur vous adonnez
	3464	« Que bon cercle ne faittes point.

	3465	« On n’est pas aux celestiennes,
	3466	« Aux choses haultes et derraines,
	3467	« S’on n’a, ainchois, par les moyennes
	3468	« Passé, et par les plus prochaines.
	3469	« Or les fuiez vous par vos haines,
	3470	« Et par elles vos tours ne faittes,
/114/	3471	« Dont, sans paroles plus villaines,
	3472	« Vostre tour et retour deffaites.

	3473	« Moyen avez par ou il fault,
	3474	« Se vous n’amez mieulx arrester,
	3475	« Faire vostre retour en hault,
	3476	« Et si n’y pouez contrester.
	3477	« S’il le vous fault ammonester,
	3478	« C’est Dieu amer et vos proesmes.
	3479	« Or alez Amours detester,
	3480	« Vous qui valez pis que Bohemes.

	3481	« Pour ce que d’Amours tous venez,
	3482	« Ce confesserez plainement,
	3483	« Fault que par Amours retournez
	3484	« A vostre vray commencement.
	3485	« Haine ne pœut aulcunement
	3486	« A la fin amoureuse tendre.
	3487	« Son propos est principalment
	3488	« D’aler contre Amours et l’offendre.

	3489	« Doncq, a ce que ne faillissiez
	3490	« Par Amours vers Amours tourner,
	3491	« Et que par long tour n’alissiez,
	3492	« Vous veez, sans vous retourner,
	3493	« Ce sur quoy debvez contourner
	3494	« Vostre compas et vostre cercle,
	3495	« Et dont ne vous doibt destourner
	3496	« Haine qui vous rompt et descercle.

	3497	« Si blasmez Amours qui tout regle
	3498	« A tort et a vostre dommage,
	3499	« Car, par erreur qui tout desregle,	[Fol. 25a]
	3500	« Ne parferez vostre voyage,
	3501	« Et se ne lui rendez hommage
	3502	« E[t] n’estes de sa retenue,
	3503	« Sachiez que vostre ame sauvage,
	3504	« La bas, en sera detenue.

/115/	3505	« Et, par ainsy, je vous declaire
	3506	« Que s’Amours vous veult corrigier
	3507	« Et duire ainsy qu’il le doibt faire,
	3508	« Ne vous en debvez estrangier,
	3509	« Ains, soubs ses loix, vous arrengier
	3510	« Et faire le cours de vo vie,
	3511	« Ne vous plus tenir ou dangier
	3512	« D’erreur qui a mort vous convie.

	3513	« Sy appert que mal proposez
	3514	« Contre Amours, qui dieu ne se clame;
	3515	« Ce nom faulsement imposez,
	3516	« Car serf de Dieu il se reclame.
	3517	« Mais lui avez donné ce blasme,
	3518	« Car ne lui voulez point de bien.
	3519	« Tout envieux volentiers blasme
	3520	« Meilleur de lui, on le scet bien.

	3521	« Encorez plus, vous l’appeliez
	3522	« Antecrist. Ha ! envieux cœurs,
	3523	« Entendez comment vous parlez
	3524	« Contre Amours, le maistre des meurs.
	3525	« Vainement songiez telz rumeurs
	3526	« Contre lui, ne pour vos paroles,
	3527	« En nostre chastel et ailleurs,
	3528	« Les dames lairont leurs caroles.

	3529	« Se de Venus vous complaingnez,
	3530	« Qu’en pœut Amours, a bien jugier ?
	3531	« Il ne fait pas ce que faingnez,
	3532	« Aussy ne s’en quiert il purgier.
	3533	« Et mal faittes de le chargier
	3534	« Pour aultrui meffait, et qu’en pœut ?
	3535	« Voulentiers se voulsist vengier,
	3536	« Mais il ne fait tout ce qu’il veult.

	3537	« Venus n’est pas de sa mesnye,
	3538	« Quelque chose que vous bavez.
/116/	3539	« De dit et de fait le renye
	3540	« Et ignorer ne le debvez.
	3541	« Et pour tant s’en faulte le vez,
	3542	« En doibt Amours avoir du pire,
	3543	« Et maintenir que le trouvez
	3544	« Gastant le royaume et l’empire ?

	3545	« Mesmement qu’elle lui substrait	[Fol. 25b]
	3546	« Pluiseurs de ses subgez loyaulx,	Franc Vouloir dist que Venus n’appartient a Amours, ains elle lui substrait pluseurs de ses leaux subgez.
	3547	« Ausquelz, aprez son doulx attrait,
	3548	« Enflamme corps, cœurs et boyaulx.
	3549	« Dont lors deviennent desloyaulx
	3550	« A Amours et a Venus servent.
	3551	« Mais qu’en pœut Amours ly loyaux ?
	3552	« Esse de son vouloir s’ilz dervent ?

	3553	« Remede Amours n’y pœut trouver.
	3554	« Car Venus, la malicieuse,
	3555	« Scet sy soubtillement rouver
	3556	« Par sa parole gracieuse
	3557	« Qu’en servitude vicieuse
	3558	« Entierement se veulent mettre
	3559	« Et laissier la foy precieuse
	3560	« De lui, qui mal ne scet commettre.

	3561	« Et, pour les plutost decepvoir,
	3562	« Elle se fait d’Amours parente.
	3563	« Toutesfois, elle ne dit voir.
	3564	« La mensonge est toute evidente.
	3565	« Mais ainsy elle s’apparente,
	3566	« Adfin que, soubs umbre de lui,
	3567	« Elle, de bonté apparente,
	3568	« Prengne les plus huppez au glui.

	3569	« Ainsy mal fourmez vo complainte
	3570	« Contre Amours, vous le veez bien,
	3571	« Mesmement contre dame mainte
	3572	« La quelle sert Amours en bien.
/117/	3573	« Et sy n’apercepvez combien
	3574	« Leal Amour Venus despite.
	3575	« Pour ce faittes, comme je tien,
	3576	« Contre Amours cause si despite. »

Brief Conseil, advocat de Malebouce, en continuant tousjours son propos et renforchant ses articles diffamatoires, diffinit Amours comme il s'ensuit, comme se ce fust chose fainte ou chose de neant.
	3577	« Doncq, » dist l’adversaire, « escoutez,
	3578	« Beaulx seigneurs, comment il polit
	3579	« Le pechié ! Pour Dieu, escoutez
	3580	« Comme il excuse le delit !
	3581	« Escoutez comme il embelit
	3582	« Amours, et d’aultrui robe vest !
	3583	« Le nom des vertus abolit
	3584	« Et de leur clarté les desvest.

	3585	« Ainsy honnourent ceulx les vices	[Fol. 25v^oa]
	3586	« Qui se veulent vicieux vir,
	3587	« Et dient vices sans convices
	3588	« Qui a vices seulent servir.
	3589	« Ainsy veulent ilz asservir
	3590	« Vertu qu’elle leur vice cœuvre,
	3591	« Mais a ce ne pœut deservir.
	3592	« Mal de lui mesmes se descœuvre.

	3593	« Chascun scet d’Amours la maniere,
	3594	« Chascun congnoist de quoy il sert
	3595	« Et comme a son orde loudiere
	3596	« Mere le povre peuple assert.
	3597	« Il a desservy et dessert
	3598	« D’estre pendu et n’est sy fol
	3599	« Qui ne sache que la gent pert
	3600	« Et joue d’eulx au capefol.

	3601	« Amours murdrier, comment permet
	3602	« Dieu que tu son peuple decheupves,
/118/	3603	« Et en soulfre ardant ne te met
	3604	« Que ta penitence recheupves ?
	3605	« Amours traitre, comme te treuves
	3606	« Entre les peuples que tu tues ?
	3607	« N’est il pas temps que tu t’en mœuves ?
	3608	« Partout sont tes flesches sentues.

	3609	« Amours, Amours, joye envieuse,
	3610	« Amours, leesse enlangouree,
	3611	« Amours, charité envieuse,
	3612	« Esperance desesperee,
	3613	« Amours, coulour descoulouree,
	3614	« Ris plourant, enfer glorieux,
	3615	« Felicité tresmalheuree,
	3616	« Paradis merancolieux,

	3617	« Amours, pensement sans pensee,
	3618	« Regard sans yeulx, sens insensible,
	3619	« Gré sans vœuil, presance passee,
	3620	« Miel amer, poissance impossible,
	3621	« Ennuy plaisant, repos penible,
	3622	« Glace ardant, printemps sans flourettes,
	3623	« Balsme puant, salut nuisible,
	3624	« Fumier flairant les violettes,

	3625	« Paix descordant, male bonté,
	3626	« Joyeux dœuil, proesse fuitive,
	3627	« Los blasmé, honneur ahonté,
	3628	« Secret commun, fievre saintive,
	3629	« Laide beaulté, vertu chetive,
	3630	« Tourment gracieux, fin sans bout,
	3631	« Amours est reaulté faintive.	[Fol. 25v^ob]
	3632	« Amours n’est rien et semble tout. »

/119/
Le Champion en reprenant la diffinition que Brief Conseil a fait monstre veritablement que c'est d’Amours et ainsy le blasonne.
	3633	« Ha !» dit Franc Vouloir, « ha ! comment	Franc Vouloir dist que c’est d’Amours.
	3634	« Sçavez bien Amours diffinir.
	3635	« Amours est droit enchantement,
	3636	« En ce voulez tous convenir.
	3637	« Je vous entens. Or devenir
	3638	« Puist il tres et tresamoureux,
	3639	« Qui veult affermer et tenir
	3640	« Qu’Amours soit ung bien doloureux !

	3641	« Que c’est d’Amours pas ne sçavez,
	3642	« Pour ce n’en pouez bien jugier.
	3643	« Se le sçavez, vous ne debvez
	3644	« Sa seignourie lesdengier.
	3645	« Or me plaist que plus calengier
	3646	« Le vous face fole ignorance,
	3647	« Que propre malice eslongier
	3648	« Vous face de sa bien veullance.

	3649	« Vous cuidiez qu’Amours soit en coulpe
	3650	« De maintes choses qui se font.
	3651	« Certes non est, mais on l’encoulpe.
	3652	« Les folz de lui ce conseil n’ont.
	3653	« Ains erreur seduit et confont
	3654	« Leurs cœurs, et par si divers tours
	3655	« Que les amoureux contrefont,
	3656	« Et ilz aiment tout au rebours.

	3657	« Mais car Amours est bien venu,
	3658	« Partout chiery et honnouré,
	3659	« Maint d’erreur lyé et tenu
	3660	« Dist qu’il est tout enamouré,
	3661	« Et que long temps a demouré
	3662	« Avecques l’amoureuse gent.
	3663	« Le dolent tresenlangouré
	3664	« Trop se fait d’amer diligent

/120/	3665	« Et fermement jure et tesmongne
	3666	« Qu’il est amoureux. Or sachiez
	3667	« Qu’ainsy ne va pas la besongne
	3668	« Et qu’il est de la court chassiez.
	3669	« Car il s’est en erreur glassiez,
	3670	« Delaissant l’amoureux commant,
	3671	« Dont ly malostrus enlachiez
	3672	« Ne doibt plus estre dit amant.	[Fol. 26a]

	3673	« Ne pensez que vie amoureuse
	3674	« Soit esbat, ou joye ou plaisance
	3675	« Rioteux, triste ou doloureuse,
	3676	« Ou richesse sans souffisance.
	3677	« Car il n’est pas en la puissance
	3678	« De cil qui veult Amours servir,
	3679	« S’il est homme de congnoissance,
	3680	« Qu’il n’y puist tout bien deservir.

	3681	« Amours est vie delitable
	3682	« Laquele certain espoir maine,
	3683	« Vie courtoise et charitable,
	3684	« Vie commune, vie humaine.
	3685	« Amours tous les bons jours amaine,
	3686	« Amours humains cœurs reconforte,
	3687	« Amours la carole demaine
	3688	« Ou ame ne se desconforte.

	3689	« Amours toute joye nourrit,
	3690	« Amours ennuy vaint et appaise,
	3691	« Amours en souspirant soubzrit,
	3692	« Amours n’a riens qui lui desplaise.
	3693	« Amours en attendant est aise,
	3694	« Amours voit le temps avenir,
	3695	« Amours se chierit et se baise
	3696	« Par ung gracieux souvenir.

	3697	« Amours est vraye medecine,
	3698	« Amours est aide et secours brief,
/121/	3699	« Amours est de salut racine,
	3700	« Amours chasse tout peril grief.
	3701	« Amours est large en son relief,
	3702	« Amours est balsme de confort,
	3703	« Amours est de richesse fief,
	3704	« Triade contre desconfort.

	3705	« Amours les avugles vir fait,
	3706	« Amours les impotens conferme,
	3707	« Amours les contrefais refait,
	3708	« Amours les cœurs fermez defferme,
	3709	« Amours les infermes referme,
	3710	« Amours les morans vivifie,
	3711	« Amours rend vie seure et ferme.
	3712	« Sage n’est pas qui ne s’y fie.

	3713	« Amours les ignorans aprent,
	3714	« Amours les sages enlumine,
	3715	« Amours les oultrageux reprent,
	3716	« Amours les errans achemine,
	3717	« Amours toute rudesse mine,
	3718	« Amours tout orgueul amolit,	[Fol. 26b]
	3719	« Amours en tout bien se termine.
	3720	« Vertu tout pechié abolit.

	3721	« Amours en patience danse,
	3722	« Amours en adversité chante,
	3723	« Amours en plours est a la danse,
	3724	« Amours en povreté se vante,
	3725	« Amours solitaire tous hante,
	3726	« Amours en plus vivant plus vit,
	3727	« Amours ne fait vie meschante.
	3728	« Bon espoir ainsy le ravit.

	3729	« Amours fait avoir aux preux gloire,
	3730	« Amours les hardis encourage,
	3731	« Amours donne aux amans victoire,
	3732	« Amours accroist noble courage,
/122/	3733	« Amours het qui se descourage,
	3734	« Amours qui bien le sert couronne,
	3735	« Amours, en ce mondain orage,
	3736	« C’est cil qui porte la couronne.

	3737	« Amours, Amours, vraye Prudence,
	3738	« Justice en bon pois mesuree,
	3739	« Force puissant en excellence,
	3740	« Attrempance bien moderee,
	3741	« Esperance tresasseuree,
	3742	« Ferme Foy aiant certain erre,
	3743	« En ceste vie malheuree
	3744	« Seul montez au ciel de grant erre.

	3745	« Amours, trop loer ne te puis,
	3746	« Et sçay, pour tes vertus conter,
	3747	« Que souffisant pas je ne suis.
	3748	« On ne les porroit reciter.
	3749	« A ton nom deussé je arrester,
	3750	« Veü que la tierce personne
	3751	« Que debvons aourer et doubter
	3752	« Amours en toutes pars se donne.

	3753	« Escoutez, qui d’Amours mesdittes,	Nota que le saint esperit est Amours, et non Cupido, filz de Venus.
	3754	« Ou le hault nom d’Amours se treuve.
	3755	« Corrigiez vous, et bien en dittes,
	3756	« Adfin que trop folz ne vous preuve.
	3757	« Il est vray, je ne le contreuve,
	3758	« Amours est, en la Trinité,
	3759	« Le Saint Esprit qui cœurs espreuve.
	3760	« Amours est Dieu en unité.

	3761	« Du pere et du filz tresamé
	3762	« Ressourt ung amour personele,
	3763	« Saint esprit, vray dieu renommé,
	3764	« Vray dieu en puissance eternele.	[Fol. 26v a]
	3765	« Ne de la seule paternele
	3766	« Personne, mais des deux ensemble
	3767	« Procede, aux deux coeternele.
	3768	« Des deux part, et aux deux resemble.

	3769	« Qu’ay je dit ? Semble je pas yvre ?
	3770	« Semble il que de son eloquence
	3771	« Saint esprit m’abruve et enyvre ?
	3772	« Et ne veult que face silence ?
	3773	« Je dis, donne moy audience;
	3774	« Saint esprit est l’amour du pere,	Que le saint esprit est Amours.
	3775	« L’amour du filz d’obedience.
	3776	« Qui ce ne croit, en vain espere.

	3777	« Qu’ay je dit ? Qu’ay je proposé ?
	3778	« Qu’ay je parlé sy haultement ?
	3779	« C’est adfin que, tout supposé,
	3780	« On loe Amours devotement.
	3781	« Car se n’estoit tant seulement
	3782	« Fors qu’il fist Dieu du ciel descendre,
	3783	« Vous n’en doubtez aulcunement,
	3784	« Chascun luy doibt hommage rendre.

	3785	« Qu’ay je dit ? O, Amours puissant !
	3786	« Quant tu as du ciel triumphé,
	3787	« Qui ne te sera obeissant
	3788	« Et en ton service eschauffé ?
	3789	« O, courage humain desbiffé !
	3790	« Voy que Dieu par Amours offrit,
	3791	« Lequel fut battu et buffé,
	3792	« Et en croix mort dure souffrit.

	3793	« Doncques Amours en bien prenons,
	3794	« Du nom d’Amours n’ayons nous honte.
	3795	« Saint Denis, en ses Divins noms,
	3796	« Du nom d’Amours tient bien grant compte.
	3797	« Mais tu ne scez pas qu’Amours monte,
	3798	« Ne quant, ne quoy on doibt amer.
	3799	« Homme plain d’envye, et on te
	3800	« Deust paistre de fiel et d’amer !»

/124/
L’acteur
	3801	L’ung l’aultre adoncques regardoyent,
	3802	Les mesdisans, transis de rage.
	3803	Et ne sçay pas qu’ilz attendoyent
	3804	Qu’ilz ne faisoyent grant oultrage
	3805	Au Champion, rassis et sage.
	3806	Battu l’eussent de chaude cole,
	3807	Se l’adversaire au dur courage
	3808	N’eust tantost repris la parole.

L’adversaire respond et replique a Franc Vouloir le Champion par une persuasion escapatoire, disant qu’Amours l’a enchanté comme Circés enchanta Ulixés et ses compaignons.[Fol. 26 v^ob]
Brief Conseil
	3809	« O, les périlleuses seraines !
	3810	« Femmes a tout homme noyer,
	3811	« Enchanteresses souveraines,
	3812	« A toute raison renoyer !
	3813	« Vers vous ne doibt on tournoyer.
	3814	« Trop perilleuse est vostre note,
	3815	« Trop doibt elle a cil ennoyer
	3816	« Qui vos engins et vos ars note.

	3817	« Retournant en Grece, Ulixés,
	3818	« Aprez ce que Troye fut prise,
	3819	« N’eschappa des mains de Circés,
	3820	« Sy fut il de grant entreprise.
	3821	« Elle, en enchantement apprise,
	3822	« Le tint long temps en son rivage,
	3823	« Ses compaignons, comme on devise,
	3824	« Transmuez en fourme sauvage.

	3825	« Moult soubtil fut, et toutesfois
	3826	« Tant l’enchanta Circés la belle
	3827	« Que son sens perdy celle fois,
	3828	« Et de ses gens l’ung ours rebelle
/125/	3829	« Devient, l’aultre a fourme nouvelle,
	3830	« L’ung est cerf, l’aultre porc sangler.
	3831	« Ainsy sçavoit la damoiselle
	3832	« Par son engin les gens sangler.

	3833	« Mais, par celluy qui n’est mué
	3834	« Pour mutation qui aviengne,
	3835	« Tu es maintenant transmué
	3836	« Plus que nul dont il me souviengne.
	3837	« Car ja soit qu’aultre ne deviengne
	3838	« Ta semblance humaine, neantmains,
	3839	« En toy n’a chose qui conviengne
	3840	« A l’ame. Ce n’est pas du mains.

	3841	« Circés trop bien les corps mua,
	3842	« Mais jamais l’ame raisonnable
	3843	« Pour sens qu’elle eust ne transmua.
	3844	« Or es tu fait irraisonnable,
	3845	« Car n’as ce qui t’est convenable,
	3846	« C’est raison, que tu as perdu,
	3847	« Que la femme desraisonnable
	3848	« T’a osté. M’as tu entendu ?

	3849	« Ne te deust on preschier dimence,	[Fol. 27a]
	3850	« Publiquement, comme heretique,
	3851	« Qui es cheu en tele demence,
	3852	« En tele ignorance erratique,
	3853	« Devenu fol et frenatique,
	3854	« Pour ung plaisir qui rien ne dure,
	3855	« Et sy scez par vraye practique
	3856	« Qu’Amours n’est fors plaisant ordure ?

	3857	« Ordure ? fy ! et dont pis fais.
	3858	« Tu ne fais ce qui est a faire,
	3859	« Quant ne descharges de ce fais
	3860	« Ton cœur, et ne fais a refaire.
	3861	« C’est assez fais pour toy desfaire
	3862	« Et estre en enfer trebuchié.
/126/	3863	« A plus grant pesandeur parfaire
	3864	« Le grant diable y est embuchié.

	3865	« Amours loes, comme il te plait.
	3866	« Mais nous sçavons bien dont il vient.
	3867	« Vertueux le fais par ton plait.
	3868	« Las ! quele vertu lui convient ?
	3869	« Tout amant hors du sens devient.
	3870	« C’est la vertu qu’Amours lui donne.
	3871	« Or d’aultre dieu ne te souvient,
	3872	« Et Jhesus ne le te pardonne.

	3873	« Vertu avec Vice n’a rengne,
	3874	« Clos ne sont en mesme compas.
	3875	« En court d’Amours Volupté regne.
	3876	« La chascun le sieut pas a pas.
	3877	« Honneur Vertu ne laisse pas.
	3878	« Avec Vice onq on ne le vit.
	3879	« Honneur prent ailleurs son repas.
	3880	« Villain est qui a tel court vit.

	3881	« Villain doibt estre dit et vil,
	3882	« Et de condicion villaine
	3883	« Plus que vil serf, en droit civil,
	3884	« Qui aime Ysabel ou Helaine.
	3885	« Femme, tant ait doulce l’alaine,
	3886	« Ne debveroit homme accoler.
	3887	« Femme n’est, par la Magdalaine,
	3888	« Faitte que pour homme affoler.

	3889	« Folye a son temps, et sens l’aultre.
	3890	« Le leur ont pleurs, le leur ont ris.
	3891	« En yver, les chappeaux de faultre
	3892	« Porte on, quant boutons sont pouris.
	3893	« S’en ung temps as esté nourris
	3894	« Par Amours que Dieu puist confondre,
	3895	« Ores en doibt estre marris.	[Fol. 27b]
	3896	« Tousjours n’est temps de brebis tondre.

/127/	3897	« Force, cuides avoir le pris
	3898	« Pour estre en Amours obstiné.
	3899	« Garde que n’en soyes repris,
	3900	« Car tu n’ez a ce destiné.
	3901	« S’amour a ton cœur mastiné,
	3902	« Jonesse l’a ainsy souffert.
	3903	« Mais or, se n’ez mal fortuné,
	3904	« Il doibt bien estre ailleurs offert. »

En continuant son oppinion, l’adversaire parle contre le puy d'amours, disant que c'est une folye et une coustume payenne.
	3905	« Se je parlasse des balades	Brief Conseil contre le puy d’Amours.
	3906	« Et de celle vie amoureuse,
	3907	« Car c’est viande a telz malades
	3908	« Vivans en paine douloureuse,
	3909	« Ma parole plus savoureuse
	3910	« Te semblast ? Mais non, je ne veul,
	3911	« Contre la vie plantureuse,
	3912	« Loer vie plaine de deul.

	3913	« Car je ne sui des fols bejannes.
	3914	« Bejannes sont, je ne le ny,
	3915	« Car certes ilz ont les becs jannes
	3916	« Plus que les oiselés du ny,
	3917	« Quant ont espars et espany
	3918	« Leurs coeurs pour Amours honnourer
	3919	« Et leur sens sacré et beny
	3920	« Volu ainsy deshonnourer.

	3921	« Pour Amours baladent et ryment.
	3922	« Leur hault engin tout y employent.
	3923	« En celle estude leurs jours lyment.
	3924	« La toute leur vertu desployent.
	3925	« Ou service d’Amours se ployent,
	3926	« Comme s’il fust omnipotent.
/128/	3927	« Mal font quant ilz ne se reployent
	3928	« Contre lui qui est impotent.

	3929	« Prince d’Amours, prince de fain,
	3930	« Prince de la sanglante estraine,
	3931	« Qui repaist amoureux de fain
	3932	« Et tient en la fievre quartaine.
	3933	« Il fait son puis a la quintaine
	3934	« Ou le plus vaillant tantost tumbe,
	3935	« Et n’y a joye sy certaine
	3936	« Qui n’ait incontinent sa tumbe.

	3937	« Maistre Prince, pour presider,	[Fol. 27v^oa]
	3938	« En son puy amoureux se met
	3939	« Ou deust seoir et presider
	3940	« Qui de sens plus grant s’entremet.
	3941	« Moult de biens anonce et promet :
	3942	« Faittes, rymez, dictez, farsez !
	3943	« Labour aux amoureux commet
	3944	« Qui, en fin, s’en trouvent farsez.

	3945	« Dont vient celle fine folye
	3946	« Qu’on tient en ville et en faulzbours
	3947	« Puy paré, et que l’en folye
	3948	« Ainsy, en perdant ses labours ?
	3949	« Qui a ce fait ? Prince d’Amours.
	3950	« Or dampnee soit la coustume
	3951	« Et brulé soit il es chausfours
	3952	« De Venus, qui tant l’acoustume.

	3953	« Les bons Lacedemoniens
	3954	« A Archilogue commanderent
	3955	« Que ses livres grans et moyens
	3956	« Lesquelz Amours recommenderent
	3957	« Mist au feu, car ilz regarderent
	3958	« Qu’Amours n’affiert aux loix de ville.
	3959	« Car onques les gens n’amenderent
	3960	« D’ouyr lire chose si vile.

/129/	3961	« Ovide se deubt repentir
	3962	« D’avoir vostre dieu blasonné,
	3963	« Car, en fin, le convint partir
	3964	« Du lieu qu’il avoit maisonné.
	3965	« De Romme, ou avoit raisonné
	3966	« Des amoureuses contenances,
	3967	« Fut bany, le desraisonné,
	3968	« Avecques ses appartenances.

	3969	« Et que doibt on maintenant faire
	3970	« Du puy amoureux et comment
	3971	« Se porroit tout preudomme taire ?
	3972	« N’en doibt on faire jugement ?
	3973	« Ne voit on evidentement
	3974	« Que, soubs umbre de temps passer,
	3975	« Par ung couvert enchantement,
	3976	« On seult en vices trespasser ?

	3977	« Le puy d’amours, le puy du diable,
	3978	« Le puy qui au puis d’enfer tire,
	3979	« Et de quoi est il proufitable
	3980	« En cité, puisqu’il le fault dire ?
	3981	« Rien n’y vault qu’a rostir et frire
	3982	« Les cœurs et seschier leur humeur,
	3983	« Les faire courre, saulter, bruire,	[Fol. 27v^ob]
	3984	« Comme cerfs qui sont en ameur.

	3985	« Ilz font rondeaulx, balades, lays.
	3986	« En teles hympnes Amours loent.
	3987	« Non pas tant seulement les lays,
	3988	« Mais pluiseurs clercs a ce se voent.
	3989	« Le prince et son puy tous advoent,
	3990	« Tous advoent son sacrifice.
	3991	« Merveilles est que les yeulx cloent
	3992	« Ceulx qui ont de punyr l’office.

	3993	« Je dis, et ne le veul celer,
	3994	« Ja soit que contre mon voir dit
/130/	3995	« Maint fol amoureux bacheler
	3996	« Dye: Il ment et n’a pas voir dit,
	3997	« Qu’en celui amoureux edit
	3998	« On fait hympnes, laudes, cantiques,
	3999	« A l’onneur d’Amours, le mauldit,
	4000	« Contre le droit des autentiques.

	4001	« Je dy, prince du puy des fols,
	4002	« Prince d’amours, que vostre guise,
	4003	« Non obstant vos gracieux mos,
	4004	« Est contre les meurs de l’eglise.
	4005	« Car des payens vous est transmise
	4006	« Pour corrumpre la loy de Dieu,
	4007	« Et se justice par tout mise
	4008	« Fust, elle n’avroit point de lieu.

	4009	« Avez vous point leu en vos livres
	4010	« Comment les fols payens rymoient
	4011	« Autour de Bachus, dieu des yvres,
	4012	« Et de Venus que tant amoyent ?
	4013	« Devant eulx leurs motés sonnoyent,
	4014	« Leurs rondeaulx et leurs serventois.
	4015	« Or fait on pis qu’ilz ne souloyent
	4016	« En Picardie et en Arthois.

	4017	« Va-t-en aux festes de Tournay,
	4018	« A celles d’Arras et de Lisle,
	4019	« D’Amiens, de Douay, de Cambray,
	4020	« De Valenciennes, d’Abbeville.
	4021	« La verras tu manieres mille
	4022	« De servir le prince des sos,
	4023	« Dedens les sales et par ville,
	4024	« En plain midy et a falos.

	4025	« Prince, et tous qui vous appuiez
	4026	« Au puy, voulés vous conseil croire ?
	4027	« Amours et son attrait fuiez
	4028	« Et qu’il n’en soit plus de memoire.
/131/	4029	« Ne l’appellez voirement voire.	[Fol. 28a]
	4030	« Assez se traveille et angoisse
	4031	« Pour vous, devant et aprez boire,
	4032	« Servir de ses poires d’angoisse.

	4033	« Donques, avise toy, avise,
	4034	« Franc Vouloir. Il en est bien heure.
	4035	« Laisse l’amoureuse devise,
	4036	« Rache dessus, met le pié seure.
	4037	« Raison dorenavant honneure.
	4038	« En la servant, l’en ne despent
	4039	« Folement son temps, et t’asseure
	4040	« Qu’en la fin on ne s’en repent.

	4041	« Croi les sages. Fol qui se croit
	4042	« De son cuidier souvent dechiet:
	4043	« Plus fait a son gré, plus accroit
	4044	« Son mal heur et plus lui meschiet.
	4045	« Le malade qui envis chiet
	4046	« Es mains de bon phisicien,
	4047	« Et en mains de peril enchiet
	4048	« Par aultrui sens que par le sien. »

L’acteur
	4049	Franc Vouloir reprint chaudement
	4050	Celle derreniere parole.
	4051	Et mieulx que devant baudement
	4052	Contre l’adversaire parole.
	4053	A paine, par livre ou par role,
	4054	Porroit on si dru desrengier,
	4055	Comme il sçavoit, en plaine escole,
	4056	Son gentil propos arrengier.

/132/
Franc Vouloir respond a ce que l'adversaire opposé lui avoit, et en briefve conclusion compare Amours a felicité.
Franc Vouloir
	4057	« Le médecin n’est pas scient
	4058	« Et est digne qu’on le maldie
	4059	« Qui guerir cuide ung patient
	4060	« Et il accroist sa maladie.
	4061	« Et pensez vous que j’escondie
	4062	« Amours, se ses dames blasmés ?
	4063	« Puisqu’il convient qu’on le vous die,
	4064	« Plus fort mon ardeur enflammez.

	4065	« Le feu d’esgue arrousé plus art,	[Fol. 28b]
	4066	« Plus le voit on bruler et cuire.
	4067	« Ainsy mesdisans, par leur art,
	4068	« Font vray amant plus ardre et frire.
	4069	« Rien n’y vault ne tonner ne bruire.
	4070	« Bon cœur n’est sy tost entamé.
	4071	« On ne porroit l’amour destruire
	4072	« D’amant qui se sent tant amé.

	4073	« Tant qu’en printemps prez verdiront,
	4074	« Tant que rosier roses fera,
	4075	« Tant qu’estoiles resplendiront,
	4076	« Tant que ciel sur terre sera,
	4077	« Mon cœur les dames servira
	4078	« En tout obeissant a Amours,
	4079	« Ne sa promesse faussera,
	4080	« Non aprez le fin de ses jours.

	4081	« Pour quoy, contre Amours plus ne parle
	4082	« Et de toutes dames bien dis.
	4083	« Ores t’en fay sage, car par le
	4084	« Vray Dieu qui est en paradis,
	4085	« En fait, en pensee, et en dis,
	4086	« La personne est leur et sera.
/133/	4087	« Se des hommes j’en suis mauldis,
	4088	« J’espoir que Dieu m’excusera.

	4089	« Tu parles a ton appetit
	4090	« Et fais ton compte sans rabatre,
	4091	« Que, se tu attens ung petit,
	4092	« Cause n’auras de tes mains batre.
	4093	« Mais, ainchois par fourme desbatre,
	4094	« D’amours ung seul mot parleray.
	4095	« Sy ne m’en deusse plus debatre,
	4096	« Car raison, sans plus parler, ay.

	4097	« Il appert, par ce qui est dit
	4098	« Devant, qu’au plus grant tort du monde
	4099	« Chascun de mon seigneur mesdit
	4100	« Et n’entent sur quoi il se fonde.
	4101	« Et qui la verité parfonde
	4102	« Verroit, il diroit plainement
	4103	« Que cilz qui sert Venus la blonde
	4104	« N’est vray amant certainement.

	4105	« Comme il est de felicité,
	4106	« D’amours est il pareillement.
	4107	« Felicité fertilité
	4108	« Est de tous biens habondamment.
	4109	« A la querir communement
	4110	« Nez sommes, se bien y visons.
	4111	« Une est, neantmains diversement	[Fol. 28v^oa]
	4112	« A nostre gré la divisons.

	4113	« L’ung en puissance temporele
	4114	« La quiert, l’aultre en grande ricesse,
	4115	« L’aultre en puissance corporele,
	4116	« Chascun a son plaisir la cherse.
	4117	« Cilz de felicité largesse
	4118	« Cuide avoir qui son desir a.
	4119	« Heureux se dist, mais comment esse ?
	4120	« Tel bien ja ne l’assouffira.

/134/	4121	« Ainsy aux hommes se presente
	4122	« Le vraye Amour, et tous le quierent
	4123	« Non pas par une mesme sente.
	4124	« Pluiseurs le droit chemin n’enquierent
	4125	« Ou trop tost reposer requierent
	4126	« Et leur pelerinage rompent.
	4127	« Pour quoi les haults pardons n’acquierent,
	4128	« Car en mal amant se corrumpent.

	4129	« Siques, ja soit ce qu’en amant
	4130	« A leur het amoureux se dient,
	4131	« Neantmains, n’est il nul vray amant
	4132	« De tous ceulx qui le hault bien fuient.
	4133	« Pour quoi les bons amans se rient
	4134	« Des folz qui ne scevent amer,
	4135	« Et ce qu’on doibt querir n’ensuient,
	4136	« Et prisent ce qu’on doibt blasmer. »

Cy respond Franc Vouloir pour le puy d’amours, monstrant que c’est :
	4137	« Ainsy monstre souffisament
	4138	« Qu’Amours est a tort accusez.
	4139	« Respondre veul secondement
	4140	« Pour son puy que vous desprisez,
	4141	« Monstrant que, se mal en usez,
	4142	« Ce ne fait il pas ; vous ce faittes,
	4143	« Qui ensement vous cabusez
	4144	« Et ainsy vous mesmes desfaittes.

	4145	« Qui premier le puy ordonna
	4146	« A servir Amours en soulas,
	4147	« Certainement plus que or donna
	4148	« Aux cœurs dolens, mates et las.
	4149	« Il laxa et rompy les las
	4150	« Aux dolens cœurs emprisonnez,
	4151	« Et fist cryer : « Mercy ! helas !
	4152	« Je vous pry que me pardonnez !»

/135/	4153	« D’amours doibt on garder les festes
	4154	« Et en tresgrant joye honnourer.	[Fol. 28 v^ob]
	4155	« Ses miracles sont manifestes,
	4156	« Nous ne le poons ignorer.
	4157	« De plus en plus enamourer
	4158	« Vous veuillez. Onq homme ne vy
	4159	« En paix joyeuse demourer,
	4160	« S’il n’a au puy d’Amours servy.

	4161	« Venez au puy d’Amours, venez,
	4162	« Venez y rongier vostre frain !
	4163	« A louer Amours convenez
	4164	« Et rymez sur vostre refrain !
	4165	« La feste est huy, n’arrestez grain !
	4166	« Venez sa feste celebrer.
	4167	« Suiez des amoureux le train.
	4168	« Venez vous d’Amours remembrer.

	4169	« Et non pas festes seulement
	4170	« Au jour d’uy, tousjours est la feste.
	4171	« Monstrez continuelement
	4172	« Que vo devotion soit preste.
	4173	« Confessez vous, chascun s’appreste
	4174	« De venir au puy de concorde,
	4175	« Au puy de l’amoureuse queste,
	4176	« Au puy ou l’en ne se descorde.

	4177	« Pleust a Dieu que l’en entendist
	4178	« Que le puy d’Amours signiffye,
	4179	« Adfin que chascun contendist
	4180	« D’estre amoureux. Je vous affye,
	4181	« Tel en folye versiffye
	4182	« Qui tost retourneroit ses vers,
	4183	« Et tel blasme Amours et deffye
	4184	« Qui ne seroit pas si divers.

	4185	« Le puy d’Amours, de paix le puy,
	4186	« Le puy d’amistié souveraine,
/136/	4187	« Le puy, le pillier et l’appuy
	4188	« De nostre compaignie humaine,
	4189	« Le puy de leesse certaine,
	4190	« Le puy dont haine se dessorte,
	4191	« Le puy de concorde haultaine,
	4192	« Ensemble en cité nous assorte.

	4193	« Le puy amoureux, c’est la puye
	4194	« Et le vis en degré tournee,
	4195	« Par ou l’en monte et on s’appuye,
	4196	« Tant qu’on ait la fin ordonnee.
	4197	« C’est la puye et la fin bournee
	4198	« De la sale ou quiconque y monte,
	4199	« Toute sa montee est finee,
	4200	« Car il a ce qui tout sourmonte.	[Fol. 29a]

	4201	« M’entendez vous ? Sçavez vous pas
	4202	« Que qui monte en ung eschelier,
	4203	« Il ne doibt pas faire ses pas
	4204	« Comme en alant en ung celier
	4205	« Et se doibt garder d’escrilier ?
	4206	« Et qui doibt aler et recule,
	4207	« On lui doibt dire, sans cillier:
	4208	« Passe dela, tourne ta cule.

	4209	« M’entendez vous ? Se n’entendez,
	4210	« Vos oreilles tresestoupees
	4211	« Aux bonnes paroles tendez.
	4212	« Je ne vous parle de poupees.
	4213	« Se vos pensees occupees
	4214	« Sont sans monter par ceste vis,
	4215	« Mal se sont elles achoppees,
	4216	« Car vous fauldrez a vostre advis.

	4217	« J’entens que, qui veult hault monter,
	4218	« Appuyer se doibt fermement
	4219	« Pour la pesandeur supporter
	4220	« Du corps qui quiert trebuchement.
/137/	4221	« Aussy ne pense il sagement
	4222	« Cilz qui cuide au ciel sans eschiele
	4223	« Monter. Sy hault est, vrayement,
	4224	« Qu’il est besoing que l’en l’eschiele.

	4225	« Il nous fault degré, puye ou corde,
	4226	« Pour estre au mont que desirons.
	4227	« Or l’avons par paix et concorde,
	4228	« Car par Amours au ciel tirons,
	4229	« Que, quand bien nous adviserons
	4230	« Le premier pas, c’est Dieu cherir,
	4231	« A l’aultre tantost monterons,
	4232	« C’est au proesme secourir.

	4233	« Qui ne m’entent, sy estudie
	4234	« En Tulle. Se bien y regarde,
	4235	« Je n’ay paour qu’il me desdye.
	4236	« Amours, dist il, les citez garde.
	4237	« C’est leur fondement, c’est leur garde,
	4238	« C’est leur appuy, c’est leur pillier,
	4239	« Leur desfense, leur sauvegarde.
	4240	« Tels mos y a plus d’ung millier.

	4241	« Quintilien aussy afferme
	4242	« Qu’il n’a veu es choses mondaines
	4243	« Rien qui mieulx les choses conferme
	4244	« Qu’Amours et amistiez prochaines.
	4245	« Car, par envies et par haines,	[Fol. 29b]
	4246	« Pour sang humain respandre dagues
	4247	« Souvent sont mises hors des gaines,
	4248	« Et mains mises a aultruy bagues.

	4249	« Ainsy le puy d’Amours blasmez,
	4250	« Et ne sçavez de quoi il sert.
	4251	« Il vous soustient et ne l’amez.
	4252	« Par lui vivez tant qu’il y pert,
	4253	« Et le diffamez en appert.
	4254	« Mais, pour vostre parler villain,
/138/	4255	« Rien de sa dignité ne pert
	4256	« Amours, de tout bien chastellain.

	4257	« Au puy d’Amours, au puy de joye,
	4258	« Au puy d’Amours, au puy de paix,
	4259	« Au puy de tous biens la montjoye,
	4260	« Venez dire chansons et lais.
	4261	« Loez Amours en tous vos fais
	4262	« Quoi que vous doyez devenir.
	4263	« Et je vous promet que jamais
	4264	« Ne vous porra mesavenir.

	4265	« Au puy d’Amours, seigneurs franchois,
	4266	« Venez balader et rymer
	4267	« Pour avoir honneur et le chois
	4268	« Du nom que vous debvez amer.
	4269	« Amours de ça et de la mer
	4270	« Tous au refrain de paix enhorte.
	4271	« Trop a il cœur vil et amer
	4272	« Qui sa balade n’y aporte.

	4273	« Sur deux refrains ouvrer vous fault:
	4274	« Le premier est du vray hommage
	4275	« Que debvez rendre au prince hault,
	4276	« En toute saison et toute aage.
	4277	« Qui ne l’onneure, il n’est pas sage.
	4278	« Digne n’est pas de seignourir
	4279	« Qui n’a vers lui humble courage,
	4280	« Qui ne veult sa grace merir.

	4281	« Par ce refrain baladerez
	4282	« Contre Orgueul et Ambicion,
	4283	« Et doulcement recorderez
	4284	« Nostre humaine condicion,
	4285	« Et ferez estimacion
	4286	« De vostre estat comme du mendre,
	4287	« Car, en la diffinition,
	4288	« Vostre corps n’est que fain ou cendre.

/139/	4289	« Vostre second refrain sera
	4290	« De l’amour que debvez avoir
	4291	« Au bien publique et loera
	4292	« Quicumques y fait son debvoir.	[Fol. 29v^oa]
	4293	« Cestui refrain corps et avoir
	4294	« Vous fera employer pour elle,
	4295	« Et les courages esmouvoir
	4296	« A mettre a paix toute querelle.

	4297	« Quant cestui refrain macherez
	4298	« Et sentirez bien sa saveur,
	4299	« Ensemble vous embracherez,
	4300	« Donnans l’ung a l’aultre faveur.
	4301	« A haine, a discord, a fureur,
	4302	« Ne vous ahurterez jamais.
	4303	« Et tout conclurrez a l’onneur
	4304	« Du bien publique et de la paix.

	4305	« A dieu, le prince tres haultain,
	4306	« Vostre balade adresserez,
	4307	« En confort, en espoir certain
	4308	« Que de lui couronnez serez.
	4309	« Ainsy cestui temps userez
	4310	« En joye honneste et profitable,
	4311	« Et de cest exil passerez
	4312	« Au hault royaume pardurable. »

Cy finist le premier livre du Champion des dames.

/140/
Cy commence le second livre du Champion des dames, ouquel Malebouche, car il a perdu le premier assault, met es liches ung aultre combatant appellé Vilain Penser, lequel, sans mettre aucun frain en sa bouche, mesdit diversement des dames.
L’acteur
	4313	Comme, Eolus laxant les resnes	[Fol. 29v^ob]
	4314	Aux vens impetueusement,
	4315	Par les forests tenans leurs regnes
	4316	Sourt ung tresgrant tambuissement,
	4317	Ainsy, aprez le parlement
	4318	De cil qui Amours deffendit,
	4319	Ung chascun s’esmut telement
	4320	Que je cuiday que tout fendit.

	4321	Despiteusement rechignans,
	4322	Les yeulx es caboches tournoyent,
	4323	Et, leurs dens agus esquignans,
	4324	A gosier esroé crioyent,
	4325	Et l’ung a l’aultre chacoustoyent,
	4326	Menassans de pié et de main.
	4327	Par ire eulx mesmes se batoyent
	4328	Et n’y avoit ung geste humain.

	4329	Le franc Champion les escoute
	4330	A ferme propos arresté,
	4331	Comme fait cellui qui s’accouste
	4332	Au bord du naveau tempesté,
	4333	Laissant au vent sa volenté
	4334	Faire, ains qu’es piez il se ressourde,
	4335	Car, a si grande cruaulté,
	4336	Toute parole eust esté sourde.

	4337	Longuement ne demoura mye
	4338	Que Malebouche tresenflé
	4339	Aprez ce que celle estourmye
	4340	Eut hongnié, rachié et romflé,
/141/	4341	Et eut son orgueul descomflé,
	4342	Ne deïst a Villain Penser,
	4343	Ung viel paillart tout boussoufflé :
	4344	« Lieve toy pour le renverser ! »

	4345	Ainsy Villain Penser, bouffy
	4346	Comme ung godon atout son jacques,
	4347	Dist: « Franc Vouloir, je te deffy !
	4348	« Tu n’as que mensonges et frasques
	4349	« Et t’y pais comme bœufs en dracques.
	4350	« Mais, par le sang de Clopinel,
	4351	« Tu demourras a mes attaques
	4352	« Et morras en cestui tinel ! »

	4353	Et lors, d’une grande besache,
	4354	Le truhant paillart ahonty
	4355	Livres, procès et papiers sache,	[Fol. 30a]
	4356	Disant : « A ty le veul, a ty ! »
	4357	Et Franc Vouloir, bien adverty
	4358	De sa fole et male demence,
	4359	De la teste lui consenty,
	4360	Et l’aultre a sermonner commence.

Comment Vilain Penser entra en champ contre Franc Vouloir, le Champion des dames, pour soustenir la querelle de son maistre Malebouce. Et, adfin des dames plus haultement mesdire, il commence a la premiere, c'est assavoir Eve.
Vilain Penser
	4361	« Voi patriarches et prophetes,
	4362	« Voi philosophes anciens,
	4363	« Regarde orateurs et poetes,
	4364	« Regarde tous les artiens,
	4365	« Voi les sains theologiens,
	4366	« Voi tous livres d’auctorité:
	4367	« Femme aux engins magiciens
	4368	« Gaste le monde et a gasté.

/142/	4369	« Tous a ses rois prent et attrape.
	4370	« N’est homme, tant puissant ou sage,
	4371	« Le quel puist eviter sa trape,
	4372	« Se Dieu ne lui fait avantage.
	4373	« Pour empeschier nostre lignage
	4374	« Le diable en a fait son hocquet.
	4375	« Elle, comme chas au fromage,
	4376	« Nous attrape a son trebucquet.

	4377	« Respons, Champion ignorant !	[Fol. 30b]
	4378	« Excuse premierement Eve
	4379	« Et puis sauve le demourant
	4380	« Qui ne vault une creuse feve.
	4381	« Excuse premierement Eve,
	4382	« Excuse la et puis ses filles,
	4383	« Lesqueles soustiens, dont je creve,
	4384	« Contre les sainctes Evangilles.

	4385	« Se femme n’eust oncq esté nee,
	4386	« On n’eust la pomme despendu
	4387	« Et a nostre pere donnee.
	4388	« En infer ne fust descendu
	4389	« Homme, ne Jhesuschrist pendu
	4390	« Pour nous oster de mort amere.
	4391	« Tous telz biens au monde a rendu
	4392	« Eve, celle traitresse mere.

	4393	« Creez estoit l’omme immortel,
	4394	« En innocence incorruptible.
	4395	« Le mal morsel le fist mortel,
	4396	« En fragilité corruptible.
	4397	« Trop lui fut la femme nuisible
	4398	« Quant lui apresta le morsel,
	4399	« Car devant lui estoit visible
	4400	« Dieu, qui aprez ne lui fut tel.

	4401	« A mort tout le monde a submis
	4402	« Et de honteux pechié couvert
/143/	4403	« Par mengier le fruit qu’avoit mis
	4404	« Dieu ou plaisant paradis vert.
	4405	« Le trou d’enfer a descouvert.
	4406	« Ung tout seul bien ne nous a fait.
	4407	« S’elle le gosier n’eust ouvert,
	4408	« Chascun de nous estoit refait,

	4409	« Povoit en paradis terrestre
	4410	« Avec Adam vivre tousjours,
	4411	« Ou ciel Dieu vir et en terre estre,
	4412	« Mais tost elle fist a rebours.
	4413	« Adam, bon homme simple et lours,
	4414	« La crut, doulcement la baisoit.
	4415	« On le doibt excuser, Amours
	4416	« La pomme mengier lui faisoit.

	4417	« S’elle y eust arresté une heure,
	4418	« Au mains pour veoir le mainage !
	4419	« Mais non ! Comme se courir seure
	4420	« Voulsist a tout l’umain lignage,
	4421	« Tantost, par envie ou par rage,
	4422	« Bailla la pomme deffendue,
	4423	« Comme voulant en son courage	[Fol. 30v^oa]
	4424	« Que sa lignie fust perdue.

	4425	« Larronnesse fut et murdriere.
	4426	« La pomme embla, murdre commit
	4427	« De nous tous. Pour ce en la chaudiere
	4428	« D’enfer Dieu justement la mit.
	4429	« Certes justice trop permit
	4430	« Que jamais enfer le pulent
	4431	« Celle fausse gloute remit
	4432	« Pour habiter lieu excellent.

	4433	« La mauvaise gloute traitresse
	4434	« A perdu ce bel heritage,
	4435	« Dont nous fault, en paine et destresse,
	4436	« Mettre la main au labourage.
/144/	4437	« Nous deussons vivre sans ouvrage,
	4438	« Or ne povons sans terre arer.
	4439	« Quicumques y ait avantage,
	4440	« A dur le nous fault comparer !

	4441	« Subgietz a toutes passions,
	4442	« Chault, froit, maladies, soif, fain,
	4443	« Et mille aultres mutations,
	4444	« Tant que nous sommes mains que fain.
	4445	« Ores n’est qui or estoit sain.
	4446	« La mort nous ensuit pas a pas
	4447	« Et ne pœut homme estre certain
	4448	« Quant sera jour de son trespas.

	4449	« Et si sommes incessamment
	4450	« En dangier, fors ceulx qui bien font,
	4451	« Que nous n’aillons a dampnement
	4452	« Dedens enfer, au plus parfont,
	4453	« Ou les crueulx diables deffont
	4454	« Les ames sans misericorde.
	4455	« Tout mon cœur en larmes se font,
	4456	« Quant du peril je me recorde !

	4457	« S’elle eust voulu, jusque a jamais
	4458	« Eussons eu seure et saincte vie,
	4459	« Trestous ensemble sauvez, mais
	4460	« Sa nature plaine d’envie
	4461	« Ne fut contente n’assouvie
	4462	« Tant qu’elle nous mit a mort tous.
	4463	« O Dieu ! pourquoi celle esragie
	4464	« Creas a nos despens et cousts ?

	4465	« Ne povoit elle en ce lieu bel
	4466	« Demourer ? Las ! que lui faloit ?
	4467	« Force que son seul frere Abel
	4468	« Cayn tuast elle vouloit,
	4469	« Ou d’aultre rien ne lui chaloit	[Fol. 30 v^ob]
	4470	« Que de perdre le sang humain.
/145/	4471	« Las ! par paradis que n’aloit,
	4472	« En contemplant Dieu soir et main ?

	4473	« Las ! a quoi fut Dieu provident
	4474	« Quant la fist a nostre dommage ?
	4475	« N’est il notoire et evident
	4476	« Qu’Adam n’eust le vergier ramage
	4477	« Perdu, ne froissié son hommage,
	4478	« S’elle ne l’eust ainsy seduit ?
	4479	« Car bien sçavoit qu’a son ymage
	4480	« Dieu l’avoit fourmé et produit.

	4481	« Fait l’avoit en lieu de delices,
	4482	« En lieu de haultaine plaisance,
	4483	« Plain de toutes choses propices,
	4484	« Sans mixtion de desplaisance,
	4485	« Et en parfaicte congnoissance
	4486	« De cellui qui l’avoit creé.
	4487	« Ja n’eust froissié son obeissance,
	4488	« Se Dieu n’eust femme concreé.

	4489	« La printemps flourissoit tousjours,
	4490	« La tousjours rossignolz chantoient,
	4491	« La, ou pré vert, arbres et flours
	4492	« Leurs doulces oudeurs espandoient,
	4493	« La fontaines cleres sourdoyent,
	4494	« La ne gresilloit ne ventoit,
	4495	« La tous humains plaisirs estoient.
	4496	« Mal ne douleur on n’y sentoit.

	4497	« Ores nous perche l’agu vent,
	4498	« Or sur nous chiet nesge et greslee,
	4499	« Or oyons nous tonner souvent,
	4500	« Or roidissons a la gelee,
	4501	« Or avons nous le peau halee,
	4502	« Or sont mille varietez,
	4503	« Or est humanité foulee
	4504	« De tant de contrarietez.

/146/	4505	« Doncques, quel bien oncques nous fist
	4506	« Eve, nostre traitresse mere ?
	4507	« De tout en tout ne nous deffist
	4508	« En decepvant nostre bon pere ?
	4509	« Sommes nous en grande misere
	4510	« Par la femme, en ta conscience ?
	4511	« Tu vois que tout homme compere
	4512	« Sa mauvaise concupiscence.

	4513	« Tele la mere fut, et teles
	4514	« Les filles furent et seront,
	4515	« De l’omme ennemyes morteles,	[Fol. 31a]
	4516	« Et jamais ne s’amenderont.
	4517	« Tous ont deffait et defferont.
	4518	« Rivieres sont de mal sourjon.
	4519	« Ja bien elles ne nous feront.
	4520	« D’estoc pourry, mauvais bourjon.

	4521	« Maldicte soit, bien ne lui viengne !
	4522	« Femme, nostre grande ennemye,
	4523	« Maldicte soit ! Plus n’en souviengne
	4524	« De la recepvoir pour amye !
	4525	« Maldicte soit ! L’epydimye
	4526	« Puist toutes femmes mettre a fin !
	4527	« Les sages, je ne mauldis mye.
	4528	« Mauldit soit qui en est affin ! »

L’acteur
	4529	Chascun a estoussir se print,
	4530	Quant il eut ce propos finé.
	4531	Malebouche grant cœur reprint
	4532	De ce qu’ainsy eut sermonné.
	4533	Franc Vouloir bien endoctriné
	4534	Son regard vers la terre baisse,
	4535	Puis, en parler moult aourné,
	4536	Sa voix doulce ainsy couler laisse.

/147/
Franc Vouloir respond en excusant Eve, accusee moult aigrement par l’adversaire, et monstre comment Dieu la crea comme chief d’œuvre et a parfournir la beauté et joye de ce monde. Et que, de fait appensé, ne dechupt pas Adam, ains, par amours, lui presenta la pomme, et que il pécha plus qu'elle ne fist.
	4537	« Dieu, par sa providence haulte,
	4538	« Tout raisonnablement a fait.
	4539	« Ne l’en ne porroit trouver faulte
	4540	« En son ouvrage, n’en son fait.
	4541	« Il est maistre et ouvrier parfait :
	4542	« Pour ce tresparfait est son œuvre.
	4543	« A point l’a fait, ne l’a surfait.
	4544	« Bon maistre son povoir descœuvre.

	4545	« Et pour ce il, en eternité,	[Fol. 31b]
	4546	« D’eternele magnificence,
	4547	« En personnele trinité,
	4548	« Ung seul Dieu de tressimple essence,
	4549	« Voulant demonstrer l’excellence
	4550	« Du bien qui en lui posé a
	4551	« Par sa treshaulte providence,
	4552	« Ainsy ce monde composa.

	4553	« De cieulx faisans leurs mouvemens,
	4554	« Et d’estoilles ens imposees,
	4555	« De contraires quatre elemens
	4556	« Et de choses d’eulx composees,
	4557	« Le monde fist a reposees,
	4558	« Monstrant qu’il le vouloit bien faire.
	4559	« Toutes choses y sont posees
	4560	« Tant bien qu’il n’y a que refaire.

	4561	« Rien n’avoit fait, ce lui sembloit,
	4562	« S’il ne faisoit encor plus fort,
	4563	« Se sa maistrise ne doubloit.
	4564	« Sy fist Adam, beau, sage et fort.
/148/	4565	« Et, en aide et a reconfort,
	4566	« L’acompaigna d’Eve la blonde,
	4567	« Adfin qu’il ne print desconfort
	4568	« D’estre seulet emmy ce monde.

	4569	« Sur terre homme vivant dressa
	4570	« Et a sa semblance le print,
	4571	« Tant bien a le faire adressa
	4572	« Que toute chose en lui comprint.
	4573	« Part de science lui aprint,
	4574	« Vit qu’estoit chose merveilleuse,
	4575	« Mais a tant d’ouvrer ne se tint :
	4576	« Une aultre fist plus precieuse.

	4577	« De lymon Adam machonna,
	4578	« Ce n’est des sages renyé.
	4579	« Mais le corps d’Eve fachonna
	4580	« De blanc os qui fut manyé,
	4581	« Paint, poly et aplanyé.
	4582	« Tant que, lui fait, voult reposer.
	4583	« Force fut trop ensonnyé
	4584	« A tel chief d’œuvre composer.

	4585	« Ainsy fut femme œuvre derraine.
	4586	« Pource tout le monde contint,
	4587	« Comme parfaicte et souveraine,
	4588	« Car autant que l’omme en retint
	4589	« Et part de l’omme lui attint,
	4590	« Car faitte en fut. Sy n’est merveille
	4591	« Se le createur quoy se tint,	[Fol. 31v^oa]
	4592	« Quant il eut fait la nompareille.

	4593	« Tout fut fait, tout fut accomply,
	4594	« Parfaitte fut toute nature.
	4595	« Le monde fut de joye emply,
	4596	« Quant y vint la belle faicture.
	4597	« Bien vint la plaisant creature,
	4598	« Bien vint la face clere et monde,
/149/	4599	« Bien vint la noble pourtraicture,
	4600	« Bien vint le vray miroir du monde !

	4601	« L’omme, qu’eust il fait seul en terre,
	4602	« Posé que immortel eust esté ?
	4603	« Ou eust il volu plaisir querre
	4604	« Se Dieu ne lui eust appresté
	4605	« Femme ? A quoy se fust arresté ?
	4606	« A ouyr rossignolz chanter ?
	4607	« Mieulx ne pœut estre contenté
	4608	« Que de veoir femme enfanter.

	4609	« Comme le corps ne pœut sans ame
	4610	« Estre long temps sans pourreture,
	4611	« Ainsy ne pœut homme sans fame.
	4612	« C’est sa parfaicte nourreture.
	4613	« Lyez sont de forte joincture.
	4614	« Ilz ne doibvent estre desjoins.
	4615	« Dieu, par l’amoureuse poincture,
	4616	« Les a ensemble ainsy conjoins.

	4617	« Adam, a par luy, ne povoit
	4618	« Humainement fructiffier,
	4619	« Et toutes fois il convenoit
	4620	« Lignage humain multiplier.
	4621	« A l’impotence supplier
	4622	« Femme larges rains aporta.
	4623	« Ce ne vous fault certiffier.
	4624	« Mercions qui le comporta.

	4625	« Tous en elle fusmes plantez
	4626	« Et mis par naturele touche.
	4627	« Quicumques nous ait desplantez,
	4628	« Rainseaulx sommes de celle souche.
	4629	« Se ne fust l’amoureuse couche,
	4630	« D’hommes fust mains que de fenis !
	4631	« Bénis soient de toute bouche
	4632	« Par qui le monde n’est fenis !

/150/	4633	« Les hommes se vont complaignant
	4634	« De ce que femme au monde vint.
	4635	« Sans raison les choses faignant
	4636	« Mal voyent ilz ce qu’il convint,
	4637	« Disans : « Par elle homme devint	[Fol. 31v^ob]
	4638	« Pecheur, trop lui fut inutile.»
	4639	« Or sachent qu’au monde n’avint
	4640	« Oncques chose a eulx plus utile.

	4641	« Et la bonne femme n’accusent
	4642	« Pour la pomme a Adam donnee.
	4643	« Se mal fist, par Amours l’excusent !
	4644	« Amours la fist abandonnee !
	4645	« A lui estoit trop adonnee.
	4646	« Lui donna ce que vit premier.
	4647	« S’elle eust congnu la destinee,
	4648	« Elle eust arrachié le pommier.

	4649	« Car la tresleale amoureuse
	4650	« L’amoit si tresparfaictement,
	4651	« Et tant estoit elle joyeuse
	4652	« De lui complaire seulement,
	4653	« Qu’elle n’eust peu aucunement
	4654	« De soy lui faire aultre qu’a point.
	4655	« C’estoit son ame proprement,
	4656	« D’aultre n’en a voit elle point.

	4657	« Amours fist de deux choses une,
	4658	« Corps et ame ensemble mesla.
	4659	« A deux fut volenté commune,
	4660	« Haine oncques ne les desmesla.
	4661	« En paix vivoyent, jamais la
	4662	« N’eurent riote ne discort.
	4663	« Leal amour les accola
	4664	« En joye, en paix et en accort.

	4665	« Sy n’est vray que femme dechut
	4666	« Adam, quant le fruit lui donna,
/151/	4667	« Oncques la fraude ne conchut
	4668	« Celle a cui Dieu ne pardonna.
	4669	« Tous cryent: « Femme nous dampna !
	4670	« Trop fut a homme despareille ! »
	4671	« Quant le serpent l’arraisonna,
	4672	« Povoit elle estouper l’oreille ?

	4673	« Le faulx angle de Lucifer,
	4674	« De salut humaine envieux,
	4675	« Saillit de la fosse d’enfer
	4676	« Ou paradis delicieux.
	4677	« Considerant que ambicieux
	4678	« De gloire estoyent nos parens,
	4679	« Leur bailla le fruit precieux,
	4680	« En suggerant mos apparens.

	4681	« Force disoit: « Dieu deffendu
	4682	« A que du fruit pas ne goustez.
	4683	« La fin n’avez pas entendu :	[Fol. 32a]
	4684	« C’est que vous ne le surmontez
	4685	« Et de son lieu ne le boutez
	4686	« Et n’ayez divine science.
	4687	« Se sages estes, ne doubtez
	4688	« Faire du fruit experience. »

	4689	« Eve, laquelle ne dormoit,
	4690	« A celle persuasion,
	4691	« Desirant que cil qu’elle amoit
	4692	« Eust haultaine perfection,
	4693	« Sans aultre pire intention,
	4694	« Du fruit lui donna prestement
	4695	« Et lui, remply d’ambicion,
	4696	« Le recheupt amoureusement.

	4697	« Concede que tous deux pecherent
	4698	« En commettant cas criminel,
	4699	« Que tous leurs enfans empescherent
	4700	« De commun vice originel.
/152/	4701	« N’est pas le pechié paternel,
	4702	« Selon raison demonstrative,
	4703	« Trop plusgrant que le maternel ?
	4704	« Sy est a ma judicative.

	4705	« Les maistres en philosophie
	4706	« Qui scevent nature esprouver,
	4707	« Et ceulx en la saincte sophie
	4708	« Lesquelz je n’ose reprouver,
	4709	« Veulent demonstrer et prouver,
	4710	« Par raison faitte a leur testee,
	4711	« Qu’on ne porroit femme trouver
	4712	« Estable, ferme n’arrestee.

	4713	« Ou a la fumee ou au vent,
	4714	« Comme se rien fut, la raportent.
	4715	« Escrivent et dient souvent
	4716	« Qu’en trestoutes choses qui portent
	4717	« Ame et en terre se deportent,
	4718	« La femme est la plus imparfaicte.
	4719	« En somme, leurs raisons emportent
	4720	« Qu’elle fut caduquement faitte.

	4721	« Je croy que chascun ce dira.
	4722	« C’est la commune abusion.
	4723	« Or viengne qui contredira
	4724	« A la mienne conclusion.
	4725	« Sans fallace ou collusion
	4726	« Verra qu’on doibt femme excuser,
	4727	« Et de celle transgression
	4728	« Principalment homme accuser.

	4729	« Il deubt a la temptation	[Fol. 32b]
	4730	« Plus fort combatre et contrester,
	4731	« Puis que, de sa condicion,
	4732	« Il est plus fort a conquester.
	4733	« Se debvoit il laissier matter
	4734	« A cil qui si tost le gaingna ?
/153/	4735	« On ne le doibt preux reputer,
	4736	« Quant ainsy sa force espargna.

	4737	« Quant homme d’armes est batu
	4738	« Et subgiet a son ennemy,
	4739	« Pour ce que s’est mal combatu
	4740	« Et n’a feru cop ne demy,
	4741	« Selon l’entendement de my,
	4742	« Blasmé doibt il estre et plus ris
	4743	« Que le vaincu tant entommy
	4744	« Qu’il a de cops les bras pourris.

	4745	« Vertu en blasme se retort,
	4746	« Quant n’est vaillamment espandue.
	4747	« Pour ce Adam doibt avoir le tort
	4748	« De celle bataille perdue,
	4749	« Par sa lascheté esperdue
	4750	« Ung seul cop ne se deffendy.
	4751	« Quant vit la pomme despendue,
	4752	« Incontinent Dieu offendy.

	4753	« Ne deubt il la fragilité
	4754	« Feminine reconforter ?
	4755	« Par force et par habilité
	4756	« De sens, la femme supporter ?
	4757	« S’on le povoit vif raporter,
	4758	« Je me vaut qu’en plaine audience
	4759	« Diroit : « Seul devoye porter
	4760	« Le pechié d’inobedience. »

	4761	« Par lui seroit desacusee.
	4762	« Toute la coulpe avoir vouldroit.
	4763	« Ainsy ne seroit accusee
	4764	« Comme l’accusez orendroit,
	4765	« Qui scavez du tort et du droit
	4766	« Comme ceulx qui n’y furent oncques,
	4767	« Lesquelz croire ne convendroit.
	4768	« Comment ne qui blasmez vous doncques ?

/154/	4769	« Saint Augustin, que tant on prise,
	4770	« Dist que Adam, en dormant, vist
	4771	« De Jhesuchrist et de l’eglise
	4772	« L’union qui aprez se fist.
	4773	« Et ja soit ce qu’il n’entendist
	4774	« Le mal heur qui lui avenroit,
	4775	« Neantmains, pœut estre qu’il sentist	[ Fol. 32v^oa]
	4776	« Que l’omme aulcunesfois cherroit.

	4777	« Ainsy, de rompre le command
	4778	« Divin, se deubt il garder mieulx,
	4779	« Et ce qu’il eut veu en dormand
	4780	« Mettre et fichier devant ses yeulx.
	4781	« Item, Ambroise, docteur vieulx,
	4782	« Dist qu’elle n’eut le mandement
	4783	« Par la bouche du dieu des dieux,
	4784	« Mais de son mary seulement.

	4785	« Si dis je que, force, offendu
	4786	« N’eust, se Dieu en propre personne
	4787	« Lui eust la pomme deffendu,
	4788	« Laquelle ne lui fut pas bonne.
	4789	« Ja n’eust elle esté sy felonne
	4790	« Qu’elle eust atouchié le pommier.
	4791	« Doncques, qui est cilz qui ne donne
	4792	« Plus de coulpe au pere premier ?

	4793	« Car prenons que par ignorance
	4794	« Passassent le commandement,
	4795	« Et que leur desobedience
	4796	« Deservit mortel dampnement.
	4797	« Sy fault il necessairement
	4798	« Confesser que l’homme pis fit.
	4799	« Il, de plus hault entendement,
	4800	« Ne deust estre ainsy desconfit.

	4801	« Ne pour ce veuls je Eve nommer
	4802	« D’Adam plus fresle. En mon vivant,
/155/	4803	« Voeul toute femme renommer,
	4804	« Contre mesdisans estrivant,
	4805	« Quant langue fauldra escrivant
	4806	« Leurs vertus et leurs grans miracles.
	4807	« Leur esclave sui et servant,
	4808	« Nourry en leurs sains tabernacles.

	4809	« Mais se la femme appellez fresle
	4810	« Et d’inconstance l’accusez,
	4811	« Tant fut maigrette, haingre ou gresle,
	4812	« Tort avez se ne l’excusez.
	4813	« Se fresle fu, or y musez.
	4814	« Fragilité ne pœut ferme estre.
	4815	« Se fresle fu, desencusez
	4816	« Qui perdy paradis terrestre.

	4817	« Bien dirent ceulx qui ont jugié
	4818	« Que s’elle eust pechié seulement,
	4819	« Et Adam n’eust du fruit mengié,
	4820	« N’eussons originelement
	4821	« Pechié. Et s’il le mandement	[Fol. 32v^ob]
	4822	« Sans elle eust trespassé, encor
	4823	« Eussons pechié communement,
	4824	« Comme les nouviaux nez font or.

	4825	« Concluons donc en ceste part,
	4826	« Et sy n’en soyez ja marry,
	4827	« Que la transgression ne part
	4828	« D’Eve tant que de son mary.
	4829	« Se de ce tu es esmary,
	4830	« Car aultres ce ne dyent mye,
	4831	« Soyez seur que, par saint Marry,
	4832	« Charité d’omme est endormye.

	4833	« Toutes fois, ne je vœul errer
	4834	« Contre l’auctorité des sains,
	4835	« Que l’en ne me viengne serrer
	4836	« Et liier les piés et les mains.
/156/	4837	« Mais, encontre les hommes plains
	4838	« De reprouche et de villanie,
	4839	« Je ne porroye dire mains
	4840	« De mes dames, que Dieu benye.

	4841	« Puis dyent les lasches pecheurs
	4842	« Par la femme tous deffais sommes,
	4843	« Et cryent aprez les prescheurs
	4844	« Que no vie ne vault deux pommes,
	4845	« Car porter fault trop pesans sommes
	4846	« Dont nous deussons estre delivres.
	4847	« C’est au resveillier de leurs sommes
	4848	« Que telz propos tiennent les yvres.

	4849	« L’omme se peut il de Dieu plaindre ?
	4850	« N’a il la plus part de ses dons ?
	4851	« Ne pœut il pas aux cieulx attaindre
	4852	« Par bonnes œuvres et par dons ?
	4853	« Nous de nous mesmes le perdons.
	4854	« A tous la grand porte est patente.
	4855	« De monter ne nous recordons.
	4856	« Aultre part tournons nostre entente.

	4857	« Puis regrettent le temps passé
	4858	« Ou paradis terrestrien,
	4859	« Disans: « Las ! se n’eust trespassé
	4860	« Le mandement celestien,
	4861	« Nous eussons eu, sans doubter rien,
	4862	« Immortele condicion.
	4863	« Or sommes viel et ancien,
	4864	« En peril de dampnacion. »

Aux dommages que l’adversaire avoit opposé contre Eve, le Champion respont monstrant que rien ou tant n’avons perdu par elle comme il dist.[Fol 33a]
	4865	« Par femme n’avons rien perdu,
	4866	« Sauve de tous la reverence.
/157/	4867	« S’elle n’eust le fruit despendu,
	4868	« La divine magnificence
	4869	« Ne nous eust monstré sa presence
	4870	« Soubs humaine incarnation.
	4871	« Habité n’eust son excellence
	4872	« Entre no generation.

	4873	« Eu ne l’eussons si famillier,
	4874	« Tant bien ne l’eussons percheü.
	4875	« Des biens n’eussons eu ung millier
	4876	« Que, depuis, avons recheü.
	4877	« Par sa mort nous est escheü
	4878	« Son corps et les sains sacremens.
	4879	« Et tant ne nous est mescheü
	4880	« Que tu dis en tes argumens.

	4881	« Pechier permist, adfin que mieulx
	4882	« Nous peust monstrer sa charité,
	4883	« Quant il descenderoit des cieulx
	4884	« A vestir nostre humanité.
	4885	« Se gardé eussent equité,
	4886	« Honnourans divine deffense,
	4887	« Mestier n’estoit d’umilité
	4888	« Divine a reparer l’offense.

	4889	« Et se nous tous sommes subgiez
	4890	« A mal et a pechié commettre,
	4891	« D’elle povons estre vengiez
	4892	« Par nous a vraye Amour submettre.
	4893	« Jamais il ne porra permettre
	4894	« Qu’en la fin pechié nous atterre,
	4895	« Car qui son cœur veult en lui mettre,
	4896	« Il ne pœut trebuchier a terre.

	4897	« Qui veult le bon Dieu requerir
	4898	« Et vivre vertueusement,
	4899	« Pour certain il ne pœut perir
	4900	« Ne trebuchier a dampnement.
/158/	4901	« Dire on ne pœut aulcunement
	4902	« Qu’en lui ait de pitié defaulte.
	4903	« Se dampnez sommes, seurement
	4904	« Ce n’est que par la nostre faulte.

	4905	« Vertu auroit petit loyer,
	4906	« Se n’avoit a cui bataillast;	[Fol. 33b]
	4907	« Si convenoit pour l’employer
	4908	« Que l’adversaire champ baillast;
	4909	« Adfin que, se le detaillast
	4910	« Ou mist en fuite, couronnee
	4911	« Vers Dieu sur les cieulx s’en ralast,
	4912	« D’angles chantans avironnee.

	4913	« Pour excerser chevalerie,
	4914	« Guerre contre nous esmouvoir
	4915	« Dieu seuffre. De sa galerie
	4916	« Voit qui fera bien le debvoir.
	4917	« Vertus armees fault avoir
	4918	« Et ferir d’autant et d’autel.
	4919	« Ce monde cy, a dire voir,
	4920	« Est semblable a ung champ mortel.

	4921	« Plus d’honneur aura mortel homme,
	4922	« S’il veult en vertus prouffiter,
	4923	« Que se Dieu, sans deffendre pomme,
	4924	« L’eust permis innocent ester.
	4925	« Ce qu’on doibt par force acquester
	4926	« Ne doibt estre eu de grace nue.
	4927	« Paradis povons conquester
	4928	« Par violence continue.

	4929	« Et ne nous chault se nostre corps
	4930	« En bas pourrist, viande aux vers,
	4931	« Mais que nostre ame saille hors
	4932	« De ce monde, et retourne vers
	4933	« Nostre Dieu. Car, quant bien couvers
	4934	« Sera et bien puriffié,
/159/	4935	« Car de sa nature est pervers,
	4936	« La sus vendra gloriffié. »

Le Champion respond a l'adversaire qui se complaingnoit du printemps ouquel eust tousjours vescu l’omme, se femme n'eust pechié.
	4937	« Et puis dient : Las ! pardurable
	4938	« Fust printemps sans mutation.
	4939	« Certes, trop ne nous est grevable
	4940	« Temporele alternation.
	4941	« Mesmement de condicion
	4942	« Voulons avoir diverses choses,
	4943	« Et prendre delectation
	4944	« Puis a vir nesges et puis roses.

	4945	« Le grant froit amaine l’yver.	[Fol. 33v^oa]
	4946	« Se le temps n’est toudis courtois,
	4947	« Remede avons a l’eschiver.
	4948	« Pour ce fait on maisons et tois.
	4949	« S’il fait trop chault, l’ombre est au bois,
	4950	« Ou Zephirus souvent souspire.
	4951	« Contre la rudesse des mois
	4952	« Humaine sagesse conspire.

	4953	« Ne nous soit grief le labourer
	4954	« Pour nostre vie maintenir.
	4955	« Le temps n’est pour tousjours durer.
	4956	« Tout fault il a la fin venir.
	4957	« Aussy vault il mieulx soustenir
	4958	« Ung peu de traveil et de paine
	4959	« Que soy en oiseuse tenir,
	4960	« De dœul merancolieux plaine.

	4961	« Si conclus raisonnablement
	4962	« De tous les antecedens miens
	4963	« Que debvons pardurablement
	4964	« Loer la mere de tous biens;
/160/	4965	« Mesmement se nous voulons riens
	4966	« Singulierement l’onnourer,
	4967	« Sur tous ymages terriens
	4968	« Deussons son ymage dorer.

	4969	« Noble fut sa creation
	4970	« Plus que d’Adam. C’est nostre mere.
	4971	« Se pecha, la transgression
	4972	« Commit pour complaire a no pere.
	4973	« Se pecha, Dieu en eusmes frere.
	4974	« Pour pechié voult a nous venir.
	4975	« Encor avons son corps en tere.
	4976	« Tousjours nous en doibt souvenir. »

L’acteur
	4977	L’adversaire, aux manieres mievres,
	4978	En ung ris estranglé, alors
	4979	Commença a mouvoir des levres
	4980	Et jetter sa parole hors,
	4981	En escryant: Hahors ! hahors !
	4982	Qui ouyst oncques tel menteur ?
	4983	Faittes escripre ses rapors.
	4984	Il est ung tresvaillant docteur.

L'adversaire, contre la response que le Champion lui a baillie sur la formation de Eve, replique que Dieu ne la fist pour ce monde embelir et aorner, mais adfin que fust instrument au dyable d'enfer, lequel sans elle ne povoit l'omme abatre, ne par aulcun pechié confondre.[Fol. 33 v^ob]
Villain Penser
	4985	« Ne te dist pas Dieu son secret,
	4986	« Quant voult le monde instituer,
	4987	« Ne lui fis muer son decret
	4988	« Et nostre Adam destituer
	4989	« Pour ta femme restituer,
	4990	« Laquelle nommes d’œuvre chief ?
/161/	4991	« Ne lui feras constituer
	4992	« Ung aultre monde de rechief.

	4993	« Oultre, verité ne loist faindre
	4994	« A cil qui n’a loy de mentir.
	4995	« Et ne doibt on son parler paindre,
	4996	« Tant qu’on n’y puist le voir sentir.
	4997	« Je ne te veul pas desmentir
	4998	« Ne tout contredire a ton gré.
	4999	« Aussy je ne puis consentir
	5000	« Que Dieu fist femme en tel degré.

	5001	« Comment la pœus tant exausser,
	5002	« Affermant que l’omme ne soit
	5003	« Souffisant de la deschausser ?
	5004	« Ta flaterie chascun voit.
	5005	« Qui est si fol qui ne congnoit
	5006	« Que feme est de fresle nature,
	5007	« A l’omme subjecte par droit,
	5008	« Comme l’en voit en l’escripture ?

	5009	« Je ne voy de quoi tu la puisses
	5010	« Loer, se les choses ne fains.
	5011	« Et si ne croi que jamais visses
	5012	« Les dis des sages et des sains.
	5013	« Mais de quelque fole es tu chains.
	5014	« J’entens trop bien la maladie.
	5015	« Sy as tous entendemens fains
	5016	« Pour femme que Jhesus mauldie.

	5017	« Or parlons de la corpulence.
	5018	« Pourtant se faitte fut de l’os
	5019	« D’Adam, tele preeminence
	5020	« Lui doibs tu donner et tel los,
	5021	« Le sage philosophe Los,
	5022	« Qui nomma femme homme demy,
	5023	« Les yeulx ot plus clers que falos,
	5024	« Qui dehors la vit et parmy.

/162/	5025	« Femme est masle occasionné,	[Fol. 34a]
	5026	« C’est a dire ung homme imparfait,
	5027	« Ou pour une occasion né.
	5028	« Compains, entens tu bien le fait ?
	5029	« Ne veulles penser que Dieu l’ait
	5030	« Fait pour ce monde reparer.
	5031	« Je te dis qu’il en est plus lait
	5032	« Mais pour nous d’elle separer.

	5033	« Quand ung potier voit son pot fait,
	5034	« Du remenant ne scet qu’il face,
	5035	« Sy non que souvent il en fait
	5036	« Ung marmouset d’estrange face.
	5037	« Ainsy Dieu celle cicheface
	5038	« Fist de la demourant rasure,
	5039	« Quant il eut l’omme, par sa grace,
	5040	« Composé de bonne mesure.

	5041	« Ou la fist car, quant ung contraire
	5042	« Est a son contraire opposé,
	5043	« On pœut mieulx la valeur retraire
	5044	« De cil qui est juxte posé.
	5045	« Or est il trestout supposé
	5046	« Que femme est noire et l’omme blanc.
	5047	« Pour ce il appert mieulx composé
	5048	« Vers elle, qui ne vault ung blanc.

	5049	« Ou la fist pour toy contenter,
	5050	« Car le faulx diable, de lui seul,
	5051	« N’eust entrepris d’Adam tempter
	5052	« Et lui faire partir le sœul
	5053	« Du paradis, ou n’avoit dœul,
	5054	« Et entrer en terre de pleur.
	5055	« Il ne lui eust avuglé l’œul,
	5056	« Tant fust il soubtil enchanteur.

	5057	« Mais, certes, femme ung engin a
	5058	« — En enfer ung tel n’en a il —
/163/	5059	« Par lequel Sathan l’enginna
	5060	« Et lui fist perdre le courtil
	5061	« Delicieux, et prendre oustil
	5062	« De labeur, qu’en cores gardons.
	5063	« Fut il sage ? Fut il soubtil ?
	5064	« Pris fut comme ras aux lardons.

	5065	« Faitte ne fu pour secourir
	5066	« Homme, mais pour lui mener guerre,
	5067	« Ennuy donner, faire morir,
	5068	« Perdre paradis et la terre.
	5069	« Dieu ne povoit a homme querre
	5070	« Plus fier, plus mortel adversaire.
	5071	« N’en parlons plus, bon gré saint Pierre.	[Fol. 34b]
	5072	« Femme n’est faitte qu’a mal faire.

	5073	« D’Eve parler ne veuls je plus.
	5074	« Et, se dit n’en ay a ta guise,
	5075	« D’elle soit veü le sourplus
	5076	« Es docteurs de la sainte eglise,
	5077	« Mais une chose te devise
	5078	« Que, s’elle n’eust voulu mengier
	5079	« Le fruit, la gloire estoit acquise,
	5080	« La quelle attendons en dangier. »

Contre la perfection et beaulté du corps féminin, l’adversaire sa parole redouble, allegant les inconveniens divers que l’en y voit.
	5081	« Je retourne au corps feminin,
	5082	« Car semble qu’adorer le doyes.
	5083	« Beaulx amis, es tu bien jennin ?
	5084	« Et que penses tu que tu voyes ?
	5085	« Serpens, anguilles ou lamproyes ?
	5086	« Se leurs corps dehors semblent pains,
	5087	« Ilz sont dedens, certain en soyes,
	5088	« De venin et d’ordure plains.

/164/	5089	« Tu parles mal, en verité,
	5090	« Et faussement accomparages
	5091	« Ce poy qu’elles ont de beaulté,
	5092	« Disant : « Ce sont divins ymages
	5093	« Ou clerz angelicques visages,
	5094	« C’est nostre seul mondain tresor.»
	5095	« Saches, se ne le scez, qu’aux sages
	5096	« Tout ce qui reluit n’est pas or.

	5097	« Belle te semble la flour tendre,
	5098	« La flour qui est tantost finee,
	5099	« La flour qui est tost mise en cendre,
	5100	« La flour morte quant elle est nee !
	5101	« Femme est fleur d’une matinee,
	5102	« Peu de chose tantost lui nuit,
	5103	« Tost vient a male destinee,
	5104	« Comme la glace d’une nuit.

	5105	« Aussy demonstre bien Nature,
	5106	« Quant si tost grande la fait estre,
	5107	« Que n’a moult de soing ne de cure
	5108	« De sa vie ne de son estre.
	5109	« Et comme, en chascun lieu terrestre,
	5110	« Mauvaise herbe volentiers croit,
	5111	« Femme hastivement veult crestre.
	5112	« Sage n’est pas qui ne m’en croit.

	5113	« Tost vient, tost est ridee et pale,	[Fol. 34v^oa]
	5114	« Tost devient flasque et escoulee,	De la fragilité des femmes.
	5115	« Tost pert sa couleur principale,
	5116	« Tost a la mamelle avalee,
	5117	« Tost n’y pert ne mont ne valee,
	5118	« Tost est nient, et pis que ne dis.
	5119	« Beaulté de femme est tost allee,
	5120	« Fiez vous y, folz estourdis !

	5121	« Certainement, a cui que plaisent
	5122	« Leurs beaultez, dehors ou dedens,
/165/	5123	« Trestoutes avant me desplaisent
	5124	« Et plus que venimeux serpens.
	5125	« La peau luit, de queue ou de dens
	5126	« Poingnent et mordent homme a mort.
	5127	« Plaisans semblent a maintes gens,
	5128	« Mais tel maintesfois rit qui mort.

	5129	« Je tais celle pale sepmaine,
	5130	« Car dire ne le daingneroye.
	5131	« Ceste chose a toi ne m’amaine.
	5132	« Mais je ne m’acompaigneroye
	5133	« Avec femme, ne baingneroye.
	5134	« J’ameroye mieulx estre en Saine !
	5135	« Ne sçay se dire l’oseroye,
	5136	« Car femme en son mois n’est pas saine.

	5137	« Et comme oncques ne fust si blance
	5138	« L’une que ne parust soullee,
	5139	« Ainsy, soit Katherine ou Blance,
	5140	« Tousjours perra sale et toullee.
	5141	« Tant soit nettoyee ou moullee,
	5142	« La tache point ne s’en ira,
	5143	« Et plus devendra enroullee
	5144	« De tant plus qu’on le manira.

	5145	« Qui cuide fonder en la mer
	5146	« Maison ou fortresse de pierre,
	5147	« Pour certain il fait a blasmer,
	5148	« Car trop oultrageusement erre;
	5149	« Et pareillement, par saint Pierre,
	5150	« Qui cuide en femme lunatique
	5151	« Bon fondemant de vertus querre,
	5152	« Car trop fresle est et erratique.

	5153	« Comme la lune chascun mois
	5154	« Croist, descroist et n’est en ung point,
	5155	« Ainsy femme, comme tu vois,
	5156	« De bonne fermeté n’a point.
/166/	5157	« Fragilité tousjours le point
	5158	« Et tourne dedens son rouet.
	5159	« Tant la tourne, point et repoint,	[Fol. 34v^ob]
	5160	« Qu’il en ist tresmauvais brouet.

	5161	« Platon, de Socrate escolier,
	5162	« Le quel est divin appellé,
	5163	« Compare a chartre ou a colier
	5164	« Corps humain, pelu et pelé,
	5165	« Et se n’est de lui appellé
	5166	« En celle chartre estroitte ou large
	5167	« L’esperit du ciel devalé,
	5168	« Ou il s’estraint ou il s’eslarge.

	5169	« Or sont nos ames descendues
	5170	« Par la divine volenté,
	5171	« Et en corps mortel estendues,
	5172	« De grans defauls empulenté,
	5173	« Siques, malgré leur talenté,
	5174	« A eulx se conforment les ames
	5175	« Et ne pœvent estre a planté
	5176	« D’elles ne maistresses ne dames.

	5177	« Doncques, s’elles sont en corps rude,
	5178	« Materiel et plain de fange,
	5179	« Vivent en rude et gros estude,
	5180	« Comme d’arer et battre en grange.
	5181	« Mais, en corps linge et mains estrange,
	5182	« A plus hault engin s’esvertuent.
	5183	« Aulcuns vestent volentiers lange
	5184	« Et aulcuns dyent qu’ilz s’en tuent.

	5185	« Soit vraye ou fausse sa sentence,
	5186	« Disputer ne quier a present.
	5187	« Mais je puis dire en ta presence
	5188	« Ce que tout le monde consent.
	5189	« Plus est vague et plus est absent
	5190	« L’engin humain et mains se mire;
/167/	5191	« Mains se congnoit il et mains sent
	5192	« Ce qu’il convient ou faire ou dire.

	5193	« Or est vray qu’en corps fresle et mol,
	5194	« Inconstant, muable, labile,
	5195	« Soit par nature ou par bemol,
	5196	« Vit cil engin, prest et mobile,
	5197	« A tost veoir assez habile,
	5198	« Niche a digerer la besongne.
	5199	« Femme, soit elle ores Sebile,
	5200	« Ne vault qu’a filer sa quelongne.

	5201	« L’engin ont elles sy legier
	5202	« Et tant subtil et tant actif,
	5203	« Que, par le benoit saint Legier,
	5204	« Il n’est que trop penetratif.
	5205	« Trop l’est il et mal ententif	[Fol. 35a]
	5206	« A garder la loy chrestienne.
	5207	« L’omme, qui n’est si transitif,
	5208	« Treuve vertus en la moienne.

	5209	« Donc, ne de corps ne d’esperit,
	5210	« N’ont elles sur nous avantage.
	5211	« Leur fresle corps tantost perit,
	5212	« Vermolu et mort avant aage.
	5213	« L’ame sans bon arrest volage
	5214	« Ne scet qu’en vices forsener.
	5215	« Femme de tresmauvais courage
	5216	« Ne veult a bien faire assener.

	5217	« Si confesse, s’il te plaist, ores,
	5218	« Sans point servir a flaterie,
	5219	« Ce que tous les sages encores
	5220	« Ont dit de leur baraterie.
	5221	« Il n’est joueur d’enchanterie
	5222	« Qui sache plus de males ars.
	5223	« Femme use d’enfammenterie.
	5224	« Pendre on les deubt a males hars !

/168/	5225	« Confesse ce que tes yeulx voyent.
	5226	« Dy les choses comme elles vont.
	5227	« Les marchans faillent et fourvoient
	5228	« Qui leur marchandise surfont.
	5229	« On scet bien queles elles sont.
	5230	« Par la mort Dieu, a ung brief mot,
	5231	« Je la te vens: a ung mot ront,
	5232	« Elle ne vault n’en pot n’en rot.

	5233	« Est il masle tant soit meschant
	5234	« Qui voulsist femme devenir,
	5235	« Se Dieu ou aultre, par enchant,
	5236	« Ne le faisoit tel revenir ?
	5237	« Non, bien ne lui porroit venir
	5238	« D’avoir nature si caducque.
	5239	« Estable ne se pœut tenir
	5240	« Femme qui voulentiers trebucque.

	5241	« Quantes en est il qui vouldroyent
	5242	« Estre hommes par ton sacrement ?
	5243	« Je sçay bien que toutes prendroient
	5244	« De tresbon cœur le changement.
	5245	« Gaigne y feroyent grandement.
	5246	« Car bien leur valeur elles scevent
	5247	« Et, pour le nostre avancement,
	5248	« De despit et d’envie crevent.

	5249	« Car, comme es aultres bestes visent
	5250	« Ou es oisiaux qui par l’air vont
	5251	« Que tous les males plus se prisent	[Fol. 35b]
	5252	« Que les femelles, elles ont
	5253	« Vraye semblance qu’elles sont
	5254	« D’hommes servantes et meschines,
	5255	« Comme a ung coq, qui point ne pont,
	5256	« Est ung plain poulier de gelines.

	5257	« Encor ne deust estre servante
	5258	« L’orguilleuse beste retive.
/169/	5259	« Assez a elle dont se vante
	5260	« Que soubs le pié de l’omme vive.
	5261	« Convendroit qu’elle fust fuitive
	5262	« Par la terre, je te recorde,
	5263	« Se il de la fole chetive
	5264	« N’avoit grande misericorde.

	5265	« Si te tais de ceste matere
	5266	« Et parle de meilleur ouy.
	5267	« Vouloir ne deusses pour ta tere
	5268	« Que l’inquisiteur t’eust ouy.
	5269	« Dit en as pour estre enfouy
	5270	« Et privé de nostre college,
	5271	« Et digne n’es qu’ayes jouy
	5272	« Tant de nostre beau privilege.

	5273	« Mais quel besoing est de prouver
	5274	« Par argumens et raisons fortes
	5275	« Ce que ne veulent reprouver
	5276	« Les vaillans femmes que tu portes ?
	5277	« Il est mieulx que tu t’en deportes
	5278	« Et laisses celle frenesie.
	5279	« J’en ay veu ardre hors des portes
	5280	« Pour soustenir mains de heresie.

	5281	« Fole amour fait faire telz songes
	5282	« Et vouldroit qu’ainsy advenissent.
	5283	« Pour tant ne sont ce que mensonges
	5284	« Qui comme fumiere finissent.
	5285	« Et posé qu’elles devenissent
	5286	« Plus parfaictes que ja ne furent,
	5287	« Ou jusques aux cieulx parvenissent,
	5288	« Tous les sages ne se parjurent.

	5289	« Les clers, non pas toy, font a croire,
	5290	« Car escrire n’eussent daingnié
	5291	« Fors ce que experience voire
	5292	« Long temps leur avoit enseigné.
/170/	5293	« D’estre creüs tous ont gaingnié.
	5294	« Mentir n’estoit en leur usage.
	5295	« Et se contre eulx es engaingnié,
	5296	« Je te dy que tu n’es pas sage.

	5297	« Lis les livres tant que vouldras,	[Fol. 35v^oa]
	5298	« Mesmement la saincte escripture,
	5299	« A paines jamais trouveras
	5300	« Qu’ilz ne mauldyent leur nature.
	5301	« La senglante male aventure
	5302	« Puist par accord toutes confondre !
	5303	« Trop nous nuit femme et trop nous dure.
	5304	« Or respons, se tu veuls respondre. »

Le Champion, a respondre plus chaudement aux accusations de l’adversaire, reprent sa derreniere sentence fondee ou commun dit et es escriptures. Et, pour plustost luy reblouquier sa pointe, dist que renommee tousjours n’est veritable, et que pluiseurs contre les femmes ont escript par envye.
L’acteur
	5305	A cestui vaillant procureur
	5306	Qui bien monstroit a son langage
	5307	Qu’il estoit tout plain de fureur
	5308	Et de tresdespiteuse rage,
	5309	Le Champion, rassis et sage,
	5310	Respondit: « Vous monstrez assez
	5311	Au maintieng de vostre visage
	5312	Que se mal dittes, pis pensez.

	5313	« Certes raison n’aura ja lieu
	5314	« Ou fureur celebre son senne.
	5315	« Fureur n’aime pas le millieu
	5316	« Que vertu demande et assenne.
	5317	« Et pource l’ireux tart s’enhenne
	5318	« A regarder la verité,
/171/	5319	« Et mal dit de bouche ou de penne
	5320	« Qui de sens est desherité.

	5321	« Fureur t’a esmu contre celles,
	5322	« Ou Envye, qui bien ne prise.
	5323	« Si n’est merveilles se tu celles
	5324	« Le bien des femmes sans reprise.
	5325	« Que se Raison estoit comprise
	5326	« De toy seulement a loriere,
	5327	« Dampneroyes cil qui desprise
	5328	« Femme, de tous biens tresoriere.

	5329	« Pour ce, ta cervelle qui boult	[Fol. 35v^ob]
	5330	« Refroide, et Envie ne croy,
	5331	« Se veoir veuls de bout en bout
	5332	« Comment tu parles et pourquoy.
	5333	« Doncques verras en ton requoy
	5334	« Que parlé as contre raison,
	5335	« Et qu’il se vault mieulx tenir quoy
	5336	« Que mesdire en quelque saison.

	5337	« Renommee le peuple trompe.
	5338	« Il la sieut et ne scet comment.
	5339	« Chascun flajole aprez sa trompe
	5340	« Et n’entent son commencement.
	5341	« Mais qu’on die publiquement:
	5342	« Jennin Cornet est orateur,
	5343	« Chascun dira communement:
	5344	« Il est tressolennel docteur !

	5345	« Maints hommes ont esté nommez
	5346	« Tressages du peuple menu,
	5347	« Et par le monde renommez
	5348	« Comme ung dieu sur terre venu,
	5349	« Lesquelz, quoi qu’il soit advenu,
	5350	« Furent plains de grande folye.
	5351	« Mais, comme j’ay bien retenu,
	5352	« Son temps pert fol qui ne folye.

/172/	5353	« A paine est ung sage entre mille.
	5354	« Chascun n’est semblable a Platon.
	5355	« Tant n’en a en chascune ville
	5356	« Que chascun jour y en fait on.
	5357	« Tel cuid’on ung sage Cathon
	5358	« Et salue on parmy la rue,
	5359	« Qui deubt porter ung grant baston
	5360	« A son col ou une machue.

	5361	« Et cuides tu, tresfole beste,
	5362	« Que trestous ceulx qui ont escript
	5363	« Eussent tant de sens en la teste ?
	5364	« Ou vray soit tout ce qu’ilz ont dit ?
	5365	« Aulcuns ont a leur gré mesdit
	5366	« Ou car bien dire ne sçavoyent,
	5367	« Ou pour ce qu’en gracieux dit
	5368	« Tant qu’en haineux plaisir n’avoyent.

	5369	« Blasmer ne veul les docteurs sains
	5370	« Qui vescu ont en nostre foy.
	5371	« Je fay la feste de Toussains
	5372	« Comme chascun meilleur de moy.
	5373	« Mais je t’asseure sur ma loy
	5374	« Que s’ilz ont de femme dit mal,
	5375	« Ça esté d’aulcune a par soy,	[Fol. 36a]
	5376	« Non de toutes en general.

	5377	« Mal n’en ont dit pape Grégoire,
	5378	« Ambroise, le sage Augustin,
	5379	« Jherosme, eloquent en hystoire.
	5380	« Les sains remplis d’esprit divin,
	5381	« Pas n’ont emply leur parchemin
	5382	« Contre les bonnes et les belles.
	5383	« Houlier, ruffyen ou coquin
	5384	« Font teles haineuses nouvelles.

	5385	« Et plus y a, car s’ilz reprennent
	5386	« Les vices de nature humaine,
/173/	5387	« A l’omme trop plusfort se prennent,
	5388	« Car erreur trop plus le demaine.
	5389	« Femme de tout pechié n’est saine,
	5390	« Ce sçay je, mais lisiez les textes
	5391	« De mainte escripture certaine,
	5392	« Et verrez que plus blasmez estes.

	5393	« Merveille ou miracle te semble
	5394	« Que chief d’œuvre femme je nomme,
	5395	« En cui tant de vertus ensemble
	5396	« Le createur voult mettre, comme
	5397	« S’elle fust le pois et la somme
	5398	« Ou tout cestui monde est compris.
	5399	« Il m’est advis que de nul homme
	5400	« Par droit n’en doy estre repris.

	5401	« Quant les choses sont en ung ordre,
	5402	« La derraine toutes enclost
	5403	« Les premieres qui ce veult mordre
	5404	« Parle aux philosophes tantost.
	5405	« Or ne fut Dieu yvre ne sot.
	5406	« Sans ordre a ouvrer ne se print.
	5407	« Si veul conclurre, a ce brief mot,
	5408	« Qu’en seule femme tout comprint.

	5409	« Homme nonparfait appeller
	5410	« La veulent qui trop estudyent.
	5411	« Faire on leur deust les aux peler,
	5412	« Car ilz ne scevent qu’ilz se dyent.
	5413	« Mais pour ce ainsy ilz en mesdyent,
	5414	« Car leur perfection n’entendent,
	5415	« Et de leur dit ne se desdyent
	5416	« Qui d’elles la mercy n’attendent. »

/174/
Le Champion maintenant plus especialement declaire son voir dit louant la beaulté, la gracieuseté,[Fol. 36b] la doulceur et toutes les aultres plaisans vertus, lesquelles sont en femme plus que en homme.
Franc Vouloir
	5417	« Est homme plus parfait en corps ?	De la grande beauté qui est en femme.
	5418	« A il singulière beaulté ?
	5419	« Soit par dedens ou par dehors,
	5420	« Y a il especiaulté ?
	5421	« Regarde, par ta leaulté,
	5422	« Se corps de femme est mains joly.
	5423	« Se tu veulx dire verité,
	5424	« Tu le jugeras plus poly.

	5425	« Que fault il a beauté de femme,
	5426	« N’en corps, n’en piez, n’en bras, n’en teste ?
	5427	« N’esse pas une plaisant gemme
	5428	« Par tout le monde manifeste ?
	5429	« Ne la doibt on mettre a la feste
	5430	« Du palais, que chascun le voye ?
	5431	« Se Dieu faisoit icy bas feste,
	5432	« Ne la vouldroit il vir par voye ?

	5433	« On voit volentiers beaulx chevaulx,
	5434	« Belles maisons, beaulx ornemens,
	5435	« Beaulx bois, beaulx prez, beaux mons, beaux vaulx,
	5436	« Beau soleil et beaulx elemens.
	5437	« Mais tant de jolys paremens,
	5438	« Tant de vertus en femme luisent
	5439	« Que les yeulx humains, je ne mens,
	5440	« Le plus grant bien du monde y puisent.

	5441	« Ce plaisant visage angelique,
	5442	« Ce corps a maniere courtoise,
	5443	« Ce doulx regard archangelique,
	5444	« Celle femme qui tout accoise,
/175/	5445	« Sont ilz fais adfin que l’en voise
	5446	« Ailleurs regarder, par ton ame ?
	5447	« Certes tout bon cœur se degoise
	5448	« Au regard d’une belle dame.

	5449	« Femme est comme estoille journale
	5450	« Qui chasse la nuit et anonce
	5451	« Joye et clarté matutinale.
	5452	« Femme est ung bien qui point n’esconce.
	5453	« Femme est le signe et la semonce
	5454	« De toute joye temporelle.
	5455	« A toute nature il renonce
	5456	« Qui ne se tient joyeux pour elle.

	5457	« C’est l’oryent d’umain plaisir,	[Fol. 36v^oa]
	5458	« Le midy de mondaine joye,
	5459	« Le lieu, le sejour, le loisir,
	5460	« Le puy d’amours et la montjoye !
	5461	« Femme tout bien au monde envoye.
	5462	« S’elle ne fust, certainement
	5463	« Je cuide qu’il seroit en voye
	5464	« De finer doloureusement.

	5465	« Femme est secours contre foiblesse,
	5466	« Joye contre merancolye,
	5467	« Courtoisie contre rudesse,
	5468	« Sens et advis contre folye.
	5469	« Nature en femme est tant polye,
	5470	« Se je ne l’ay dit, je le dis,
	5471	« Tant gracieuse et tant jolye,
	5472	« Qu’elle est terrestre paradis.

	5473	« Aristote dist: « Qui aroit
	5474	« Tous les temps de sa vie usé
	5475	« Sans vir, n’ouyr, en ung destroit,
	5476	« Ou aux antipodes bouté,
	5477	« Puis, par divine volenté,
	5478	« Veoit cestui mondain parage,
/176/	5479	« Il diroit, sans estre enhorté :
	5480	« Je voy ung hault divin ouvrage. »

	5481	« Semblablement, se veü n’eusses
	5482	« Femme jusques a cestui jour,
	5483	« Et or une dame vir peusses
	5484	« En la beaulté de son atour,
	5485	« Tu diroyes: « Je voy la flour
	5486	« Du monde, et la joye des joyes,
	5487	« La beaulté, l’onneur et l’amour. »
	5488	« Et par mon ame sy feroyes.

	5489	« Conter as ouy du novice	Du novice auquel on fist acroire des dames que c’estoient oyes.
	5490	« Qui oncques veu femme n’avoit.
	5491	« Innocent estoit et sans vice,
	5492	« Et riens du monde ne sçavoit.
	5493	« Tant que cellui qu’il ensuivoit
	5494	« Lui fist encroire, par les voyes,
	5495	« Des belles dames qu’il veoit,
	5496	« Que c’estoient oisons ou oyes.

	5497	« On ne pœut nature tromper.
	5498	« En aprez, tant lui en souvint
	5499	« Qu’il ne pœut disner ne souper,
	5500	« Tant amoureux il en devint.
	5501	« Et quant des moynes plus de vingt
	5502	« Lui demanderent qu’il musoit,
	5503	« Il respondy, comme il convint,	[Fol. 36v^ob]
	5504	« Que vir les oyes lui plaisoit.

	5505	« Ou oisons, oyes ou anettes,
	5506	« Qui femmes ne voit, il n’a riens.
	5507	« Comme sans soleil ou planettes
	5508	« Ou clarté, avugle te tiens.
	5509	« Ainsy, sans elle, de tous biens
	5510	« La lumiere et le fondement,
	5511	« Homme, par saint Fremin d’Amiens,
	5512	« N’a ne joye n’esbatement.

/177/	5513	« Corps traitif plus droit que sapin,
	5514	« Col poly, cristalin gosier,
	5515	« Piés bien fourmez sans eschapin,
	5516	« Rains ployans comme franc osier,
	5517	« Corps florissant plus que rosier,
	5518	« Corps plus que fin basme odourant,
	5519	« Corps envoyé pour nous aisier
	5520	« Et sauver tout le demourant,

	5521	« Corps de femme, corps de deesse,
	5522	« Corps de toute beaulté miniere.
	5523	« Il doibt bien estre sans rudesse,
	5524	« Preferé en toute maniere.
	5525	« De beaulté porte la baniere.
	5526	« A lui n’est homme comparé.
	5527	« S’il est bel devant ou derriere,
	5528	« Femme l’a nourry et paré.

	5529	« Les hommes es champs ou en rue
	5530	« Sont plus durs, plus grans et plus gros
	5531	« Mais c’est pour mener la charrue
	5532	« Que Dieu leur a donné telz os,
	5533	« Teles espaules et telz dos,
	5534	« Et beaulté de femme garder.
	5535	« Tous les arbres qui sont au bos
	5536	« N’ont esté fais pour regarder.

	5537	« Chesne d’escorce et de neux plain.
	5538	« Sapin droit jusques au coupel,
	5539	« Ulme estendant branches a plain,
	5540	« Yf ou noyer de dur coipel,
	5541	« Sont mains que roses en chapel
	5542	« Ne que les tendres violettes.
	5543	« Aussy l’omme de rude pel
	5544	« Ne plaist tant que les baisselettes.

	5545	« Comme en forest ou en saussoye,
	5546	« Quant l’yver ne la peut brunir,
/178/	5547	« Sur l’erbe verde plus que soye,
	5548	« Pour toute beaulté parfurnir,
	5549	« Nature fait flours espanir	[Fol. 37a]
	5550	« Cil Dieu qui scet tout ordener
	5551	« Fist beaulté en femme venir
	5552	« Pour parer ce monde et orner.

	5553	« En cestui monde ou nous naissons
	5554	« Femme est la doulceur et la flour,
	5555	« Et en la danse ou nous dansons
	5556	« Elle est l’espouse au gent atour,
	5557	« Ou coeurs et yeulx ont leur retour.
	5558	« S’elle n’y fust, tout cesseroit.
	5559	« Homme n’y sçaroit donner tour,
	5560	« Rien de la feste ne seroit.

	5561	« De sa beaulté parler ne fault.
	5562	« Seule est et sans comparoison,
	5563	« Car, d’autant que viste gerfault
	5564	« Vole plus hault que le moisson,
	5565	« D’autant surmonte elle a foison
	5566	« Celle de nous hommes barbus.
	5567	« Se ne te plaist ceste raison,
	5568	« Tu ensuis le commun abus.

	5569	« Or laissez haines et rancœurs,
	5570	« Et vostre orgueul amoliez.
	5571	« Au genoul ployez vos durs cœurs
	5572	« Et aux dames vous ralÿez.
	5573	« S’en paradis entrer voulyez
	5574	« Sans elles, je croy que saint Pierre
	5575	« Diroit: « Fuiez, vilains, fuiez !
	5576	« Alés ainchois les dames querre !

	5577	« Aux mariez principalment
	5578	« Parle je, ja soit que nesun
	5579	« Soit exempt du commandement
	5580	« Disant que l’en aye chascun ?
/179/	5581	« Car mary qui se paist d’esgrun
	5582	« Et le miel sa femme refuse
	5583	« Sans y prendre appetit aulcun,
	5584	« Digne n’est pas que sa vie use. »

Le Champion respond a aulcuns aultres argumens.
	5585	« Or respons je a ta villanie,
	5586	« Ahonté, vil homme deffait.
	5587	« Tu scez bien que plus applanie
	5588	« L’ouvrier l’ouvrage qu’il a fait,
	5589	« Plus le polit, plus le parfait.
	5590	« Aussy plus se purge et espure,
	5591	« Plus entent Nature a son fait,
	5592	« Plus est la femme nette et pure.

	5593	« Corps humain, de puanteur gouffre,	[Fol. 37 b]
	5594	« Corps composé de mortier ort,
	5595	« Doibt plus sentir et puyr souffre,
	5596	« Quant plus en fange gist et dort.
	5597	« Et plus est net a ton raport
	5598	« Qui mains d’ordure en lui retient.
	5599	« Fay doncques maintenant ton sort,
	5600	« Lequel nature plus net tient.

	5601	« Soit ainsy qu’en feminin corps
	5602	« Quatre elemens ensemble soyent.
	5603	« Il est vray que les trois mains ors
	5604	« La terre purgent et nettoyent.
	5605	« Dont, s’elles ont mains, pour quoi doyent
	5606	« Estre plus cleres et plus nettes,
	5607	« Et mesmement, comme tous voyent,
	5608	« Que les purge lune et planettes.

	5609	« Comme l’or de la terre issant,
	5610	« Par vent, par yaue et par charbon
	5611	« Devient cler et resplendissant
	5612	« Et sur tous aultres metaulx bon,
/180/	5613	« Ainsy, se Dieu me doint pardon,
	5614	« Yaue, aer, feu qui tout clariffient,
	5615	« Le mal du terrien lymon
	5616	« En corps de femme puriffient.

	5617	« Se femme a en son corps mesaise
	5618	« Ou ung peu de male santé,
	5619	« Se terre y est orde et punaise,
	5620	« Son beau baing lui est appresté.
	5621	« Chascun mois, yver et esté,
	5622	« Elle a sepmaine purgative.
	5623	« Or soit tout homme ammonesté
	5624	« De ceste grant prerogative.

	5625	« Mais, pour l’onneur de Nostre Dame,
	5626	« Comment pœut dire parole orde
	5627	« Homme, soit marquis ou vidame,
	5628	« Et de celle ne se recorde
	5629	« Laquelle a rompu arc et corde
	5630	« Pour lui donner vie et nature ?
	5631	« Femme, par sa misericorde,
	5632	« Seuffre pour nous mainte aventure.

	5633	« Pourquoi fustes de femmes nez ?
	5634	« Pourquoi au monde vinstes vous,
	5635	« Qui les bonnes femmes dampnez
	5636	« Mieulx valans trestoutes que nous ?
	5637	« Vous les deusssiez tous a genouls
	5638	« Aourer. D’elle chascun vient.
	5639	« Mais c’est de coustume qu’a tous	[Fol. 37v^oa]
	5640	« Ingrats de bien fait ne souvient.

	5641	« Las ! tant de paine et de traveil
	5642	« Ont en nostre nativité;
	5643	« Ou chief n’ont si petit caveil
	5644	« Lequel n’en soit debilité.
	5645	« C’est l’amour, c’est la charité
	5646	« Que de la bonne mere avons,
/181/	5647	« Et ou elle a tant merité,
	5648	« Blaspheme a l’encontre rendons.

	5649	« Nous ne valons une mitaine,
	5650	« Et ainsy proprement faison
	5651	« Que les filz de la marmotaine,
	5652	« Laquelle, aprez qu’en la saison
	5653	« A tresbien pourveu sa maison
	5654	« Et les a peu et alettié,
	5655	« Hors le chassent par desraison
	5656	« Et n’en ont aulcune pitié.

	5657	« Ainsy nous, ung peu engrandis,
	5658	« Compte des femmes ne tenons,
	5659	« Ou d’en parler en villains dis
	5660	« Au mains pas ne nous abstenons.
	5661	« Et si sçavons que nous venons
	5662	« D’elles, et qu’en leurs propres flans
	5663	« Corps et ame ensemble prenons,
	5664	« Et sommes leurs propres enfans.

	5665	« Helas ! homme porroit il prendre
	5666	« Pour femme une paine sy dure ?
	5667	« Il le laisseroit ainchois pendre
	5668	« Et mettre a l’infernale ordure !
	5669	« Paine, vous dis je, oultre mesure
	5670	« Et patience plus que Job
	5671	« Femme a, jusques a la mort sure,
	5672	« Comme Rachel, femme Jacob.

	5673	« Nourris nous ont les doulces meres.
	5674	« Paine ont eu adfin que fussons.
	5675	« Se nous eussent esté ameres,
	5676	« Maintenant vie en corps n’eussons.
	5677	« Las ! leur amour recongnoissons
	5678	« Au mains de bouche seulement,
	5679	« Puis que, de fait, ne souffissons
	5680	« Leur satisfaire aulcunement.

	5681	« Posé qu’il y eust a redire,
	5682	« Encor, pour nostre honneur garder,
	5683	« Nous ne debvons d’elles mesdire.
	5684	« Qui sur aultrui parle, esgarder
	5685	« Doibt se l’en le pœut regarder	[Fol. 37v^ob]
	5686	« Pire que cellui qu’il reprent.
	5687	« Que s’ainsy est, contregarder
	5688	« Se doibt, aultrement il mesprent.

	5689	« Doncq se taisent grans et petis !
	5690	« Incontinent la bouche cloent !
	5691	« Cloent et soyent ententis
	5692	« De bien dire et les femmes loent !
	5693	« Toutes leurs puissances alloent
	5694	« A les garder et conserver.
	5695	« Les gentilz chevalierz se voent
	5696	« A Dieu, pour les dames sauver.

	5697	« Que femme croist par nonchaloir
	5698	« De nature tu as deduit.
	5699	« A cui puist plaire ton vouloir
	5700	« Si plaise, mais tu es seduit.
	5701	« Car le bon Dieu, qui tout produit
	5702	« Et a son occasion maine,
	5703	« La fait pour l’amoureux deduit
	5704	« Si tost croistre en nature humaine.

	5705	« Plus tost embarnist et fournist
	5706	« Celle en qui les hommes sont fais,
	5707	« De laquelle sans paine on n’ist,
	5708	« Adfin que puist porter le fais
	5709	« Et nourrir, en lieu des desfais
	5710	« Et trespassez, hommes nouveaux.
	5711	« Se les homs n’estoient reffais,
	5712	« Tost seroit le monde en tombeaux.

	5713	« Se devient vielle, pale et mesgre,
	5714	« Escoulee, ridee, sesche,
	5715	« Le grant labour, le traveil esgre
	5716	« L’aplatist, amortist et sesche.
	5717	« Son jus et son sang chascun lesche,
	5718	« On ne lui laisse que l’escorce,
	5719	« Sur elle n’a de beaulté tesche
	5720	« Que le petit enfant n’escorce.

	5721	« O ! comment seroit l’omme lait
	5722	« Afemmé, vuit et empiré,
	5723	« Se l’en a voit autant de lait
	5724	« Ou de sang de son corps tiré,
	5725	« Comme de ce corps martiré
	5726	« Trait l’enfant pendant a mamelle !
	5727	« Las ! ainsy n’est il detiré.
	5728	« Bon temps a masle envers femelle.

	5729	« Mais, se Dieu nous donne sa gloire,
	5730	« Parlons ensemble par accort.
	5731	« Se deux gens du temps saint Magloire	[Fol. 38a]
	5732	« Qui n’eussent encor souffert mort
	5733	« Cy fussent, diroyes mains ort
	5734	« L’omme, ou plus bel ou mains tremblant ?
	5735	« Par le vray Dieu, je te recort,
	5736	« Qu’elle avroit aussy bon semblant.

	5737	« S’elle mœurt tost et se tost nage
	5738	« Ce monde, ceste mer courant,
	5739	« Se tost fait son pelerinage,
	5740	« Jhesus lui est plus secourant.
	5741	« Plus tost voit Dieux, plus tost morant,
	5742	« Se faussement je n’adevine,
	5743	« Et peu lui chault du demourant,
	5744	« Qui tent a la gloire divine.

	5745	« Toutesfois dist le grant Valere,
	5746	« En son tres notable comment,
	5747	« Se ne m’en crois, se le va lere,
	5748	« Que maintes temporelement
	5749	« Ont vescu aussy longement
	5750	« Que pluseurs anciens pelez
	5751	« D’aage, dis je, communement,
	5752	« Non pas du temps Matussalez.

	5753	« Si n’ay je dit de la geante
	5754	« Dont Augustin fait mention,
	5755	« Ne que Crisostome creante
	5756	« Par vraye argumentation
	5757	« Que la foible condicion
	5758	« D’elles du seul sexe n’est mye.
	5759	« Coustume et education
	5760	« Les abolist, rompt et esmye.

	5761	« Car leurs oisivetez doullettes,
	5762	« Arriere du soleil nourries,
	5763	« Les rendent fresles et molettes.
	5764	« Que se de chastaignes rotyes,
	5765	« D’aulx ou de rachines boullyes,
	5766	« Et des champs la vie faisoyent,
	5767	« Leurs forces ainsy amortyes
	5768	« Plus de vigueur recouvreroyent.

	5769	« Celles des champs, comme il tesmongne,
	5770	« Sont plus fortes que nos bourgois,
	5771	« Qui ne pœuent faire besongne
	5772	« Sy non a l’aise et au degois.
	5773	« Ainsy par ce docteur congnois
	5774	« Que teles ne sont par nature
	5775	« Que par les villes tu les vois.
	5776	« Ce leur fait doulce nourreture. »

Le Champion respond que les hommes en vertu, en habilité, et en engin, ne doibvent avoir los dessus les femmes, et que ne doibvent tant estre a eulx subgettes.[Fol. 38b]
	5777	« Une fois vray confessé m’as
	5778	« Qu’elles ont l’engin moult soudain.
/185/	5779	« Vray as dit comme saint Thomas.
	5780	« Mais qu’il ne soit sage et mondain,
	5781	« Ja soit qu’il passe cerf ou dain
	5782	« En legierté, je le te nye.
	5783	« Femmes, sans Trubert ne Jourdain,
	5784	« Vesquirent en Amazonie.	Des dames qui regnerent en Amazonie.

	5785	« Alexandre, qui tout concquist,
	5786	« Contre les dames batailla ;
	5787	« Avant que le royaume acquist,
	5788	« En pieces pluiseurs en tailla.
	5789	« Maintes journees traveilla
	5790	« Pour conquester celluy royaume.
	5791	« Qui resistence lui bailla ?
	5792	« Ce ne fu Gaultier ne Guillame.

	5793	« A penser est que bien estoit
	5794	« Conduitte la chose publique,
	5795	« Quant contre cil qui l’infestoit
	5796	« Femme faisoit tele replique.
	5797	« Certes, ou l’engin femme applique
	5798	« Peu valent rudesse ou rigueur.
	5799	« C’est une divine relique
	5800	« Qui sur les hommes a vigueur.

	5801	« Platon aussy en demonstrant
	5802	« Les biens de la communité
	5803	« Voult que femme a l’engin entrant
	5804	« Fust aux conseilz de la cité,
	5805	« Et, sans quelque diversité,
	5806	« Comme vous hommes faittes fist,
	5807	« Comme estre en lieu de dignité,
	5808	« Et soy armer, s’elle voulsist.

	5809	« Il voult qu’elles estudiassent,
	5810	« Leurs engins ainsy ne perdissent,
	5811	« Les causes publiques plaidassent,
	5812	« Raison comme juge rendissent.
/186/	5813	« Aux grans offices entendissent,
	5814	« Et, se la guerre entresailloit,
	5815	« Arcs et arbalestres tendissent.
	5816	« Certes Platon bien conseilloit.

	5817	« N’ont elles en ce monde part	[Fol. 38v^oa]
	5818	« Comme vous ? Ne leur a nature
	5819	« Donné engin pour sçavoir l’art
	5820	« De tenir justice et droitture ?
	5821	« A quel jeu, par quele aventure
	5822	« Ont elles perdu ? Que ne doyent
	5823	« Lire et parler de l’escripture
	5824	« Et es haults affaires ne soyent ?

	5825	« A paine osent elles mot dire,
	5826	« Les bonnes simples femmelettes.
	5827	« Et leur engin ne laissez duire
	5828	« Fors a tresmenues chosettes,
	5829	« Adfin que, comme bestelettes,
	5830	« Dessoubs vostre main les tenez.
	5831	« Certes elles sont trop simplettes
	5832	« Quant tellement les gouvernez.

	5833	« Mais vous, qui bien appercevez
	5834	« Que quant elles gouverneroyent,
	5835	« Les licences que vous avez
	5836	« A mal faire se puniroyent,
	5837	« Et vos estas reformeroyent,
	5838	« Tant et tant les tenez subjectes,
	5839	« Qu’elles l’œul lever n’oseroyent
	5840	« Ne parler d’aulcuns de vos gestes

	5841	« Si sçay je bien certainement
	5842	« Que qui les eust pieça laissié,
	5843	« De France principalement
	5844	« L’estat ne fust ainsy froissié,
	5845	« Et tant ne fust le lis blessié
	5846	« Ne ses branches ainsy rompues.
/187/	5847	« Plus ne pœut il estre abaissié
	5848	« Qu’il est, par vos meurs corrumpues.

	5849	« Qu’elles n’ayent de cœur autant
	5850	« Ou plus que le meilleur des hommes,
	5851	« Je le te feray entendant
	5852	« Par les croniques et les sommes.
	5853	« Puis qu’en ce debat entrez sommes,
	5854	« Aulcunes t’en vouldray nommer
	5855	« Lesqueles, se mal ne les nommes,
	5856	« Porras tres vaillans renommer.

	5857	« Mais avant ce, tu doibs entendre
	5858	« Que Dieu, qui fist tout sagement,
	5859	« Voult la femme faire et estendre
	5860	« De la coste, non aultrement.
	5861	« Par ce demonstrant clerement
	5862	« Que serve a l’omme ne seroit,
	5863	« Mais bras a bras conjointement	[Fol. 38v^ob]
	5864	« Elle avecques lui viveroit.

	5865	« Vivre n’y doibt pas a la mode
	5866	« Des Rommains, orguilleux, haultains.
	5867	« Escript n’est en table, n’en code,
	5868	« N’en digeste, j’en sui certains.
	5869	« Soyent ilz tous noircis et tains
	5870	« De la male quartaine fievre,
	5871	« Car conte ne font les villains
	5872	« De femme plus que d’une chievre.

	5873	« Repliqueras, comme je pense,
	5874	« Que femme doibt l’omme servir,
	5875	« Porter la clef de la despense,
	5876	« Faire a l’ostel le pot boullir,
	5877	« Le mary aler et venir,
	5878	« Qui la corrige de sa faulte.
	5879	« Ce veult saint Augustin tenir
	5880	« Ou livre qu’il fist contre Fauste.

/188/	5881	« Et l’apostle aux Ephesiens
	5882	« Escript qu’elles soyent a leurs
	5883	« Maris subjectes hors et ens,
	5884	« Obeyssans comme a seigneurs.
	5885	« Item, Augustins ly docteurs
	5886	« Ailleurs dit qu’elles sont subjectes
	5887	« Et pour ce en signe de leurs meurs,
	5888	« Tousjours doibvent couvrir leurs testes.

	5889	« Je te respons que par nature
	5890	« Ne deservit que fust subjecte
	5891	« A l’omme, mais la forfaicture
	5892	« Force dessoubs homme la jecte.
	5893	« Se ne te plest response ceste,
	5894	« Lis sur Genesis Augustin.
	5895	« La m’est il bien advis qu’il mette
	5896	« Ces mos en son orné latin.

	5897	« Et s’elle naturellement ,
	5898	« Se doibt a l’omme humilier,
	5899	« Scez tu pourquoy ? C’est seulement
	5900	« Pour son orgueul amolier
	5901	« Et avec elle l’alier,
	5902	« Car se aussy fiere elle estoit
	5903	« Comme l’omme est, jamais lier
	5904	« Avec elle il ne se porroit.

	5905	« Et toutesfois, quelque maistrise
	5906	« Que dessus la femme l’omme ait,
	5907	« Il ne pœut pas tout a sa guise
	5908	« Faire, s’a elle bien ne plait.
	5909	« L’apostle aussy pas ne s’en tait	[Fol. 39a]
	5910	« Disant: « L’omme n’a la puissance
	5911	« De son corps, et pesche et mal fait
	5912	« S’elle n’en a la congnoissance.»

	5913	« Trop bien dist il: « Servez, servez
	5914	« L’ung l’aultre en paisible unité.»
/189/	5915	« Mais aux maris il dit: « Vivez
	5916	« En tresentiere humanité.
	5917	« Amez par grande charité,
	5918	« Amez vos femmes sans faintise,
	5919	« Comme Jhesus plain de bonté
	5920	« Ama s’espouse saincte Eglise. »

	5921	« Aussy celle subjection,
	5922	« Dont saint Paul parle, entendement
	5923	« D’aultre signiffication
	5924	« Nous monstre, comme plainement,
	5925	« Se tu as point d’entendement,
	5926	« Le vois d’Augustin exposee.
	5927	« Or oy s’il te plest et briefment
	5928	« La chose, comme elle est glosee.

	5929	« Homme et femme deux sexes font
	5930	« Conjoins en leur diversité,
	5931	« Et en chascun deux aussy sont
	5932	« Raison et Sensualité.
	5933	« Et aussy pour la qualité
	5934	« De Raison, qui doibt dessus estre,
	5935	« Gouvernant la fragilité,
	5936	« Serve a dit femme et l’omme mestre.

	5937	« Pas n’entent ceste difference
	5938	« Quant a leurs ames, pour ce qu’elles
	5939	« Sont d’ung estre et d’une excellence,
	5940	« Ymages Dieu perpetuelles.
	5941	« Mais monstre par leurs corporelles
	5942	« Diversitez, que doublement
	5943	« De nos ames incorporelles
	5944	« Convertissons l’entendement.

	5945	« Ou nous entendons Dieu haultain,
	5946	« Et ainsy point ne nous debvons
	5947	« Couvrir, pour le vir mieulx a plain.
	5948	« Ou aux biens terriens pensons
/190/	5949	« Et trop en bas nous abessons,
	5950	« Et ainsy veult l’apostle saint
	5951	« Que lors la teste nous couvrons,
	5952	« C’est que fol desir soit estaint.

	5953	« Telz dis sont trop theologiques,
	5954	« Voi seulement, quant te plaira,
	5955	« Aristote en Yconomiques	[Fol. 39b]
	5956	« Et je croy qu’il te souffira,
	5957	« Et saches que ja bien n’ira
	5958	« Hostel ou l’omme seul domine,
	5959	« Et se la femme ou temps sera
	5960	« Des affaires ne determine.

	5961	« Et puis que je suis en ces termes,
	5962	« Et as genglé tout a ta poste,
	5963	« D’Augustin et des aultres fermes
	5964	« Docteurs, en parlant de la coste,
	5965	« La sentence non trop reposte
	5966	« Diray, adfin que par leur lettre
	5967	« J’abolisse, confonde et oste
	5968	« Ce que voulu as avant mettre.

	5969	« Chanté n’as le Magnificat,
	5970	« Disant qu’on ne trœuve en escript
	5971	« Que d’elle, en bon significat,
	5972	« Les sains docteurs ayent escript.
	5973	« Et s’ainsy n’as dit, pis as dit,
	5974	« Et monstré n’as qu’ayes bien veu
	5975	« Aurele Augustin dessus dit,
	5976	« Qui de ce ne s’est pas teu.

	5977	« Il dist que Dieu la femme fist
	5978	« De l’os d’Adam comme il dormoit –
	5979	« Non pas de la char le confist,
	5980	« Toutesfois faire le povoit —,
	5981	« Car ce tres bien signiffioit
	5982	« Jhesucrist et la Sainte Eglise.
/191/	5983	« Qui ne m’entent ou qui bien n’oit
	5984	« Attende que plus hault en lise.

	5985	« Jhesus par son enfermeté,
	5986	« C’est par sa dure passion,
	5987	« Nous donna force et fermeté
	5988	« Plus forte que le mont Syon.
	5989	« Car en la sainte effusion
	5990	« De son costé, les sacremens
	5991	« Eusmes, et en conclusion
	5992	« L’Eglise, on scet que je ne mens.

	5993	« Ainsy ramenant au propos,
	5994	« Je vous dis et si le vous jure
	5995	« Que la femme faitte de l’os
	5996	« La Saincte Eglise nous figure.
	5997	« Doncques, mauvais folz, l’escripture
	5998	« Mesdit elle toudis de femme ?
	5999	« J’en disse plus mais ne m’en cure,
	6000	« Car sur cailleux mon fourment semme.

	6001	« Se tu me dis que Salomon	[Fol. 39v^oa]
	6002	« En a dit du pis qu’il a peu,
	6003	« Je te respons, si fay je mon,
	6004	« Que cil a de sens assez peu
	6005	« Et ne se monstre gueres preu
	6006	« Qui pœut bien dire et il le tait.
	6007	« Aussy lui, se je l’ay bien veu,
	6008	« Ne doibt estre creu en ce fait.

	6009	« Et se tu me dis que leu as
	6010	« Que femmes et vin, on le voit,
	6011	« Font les sages estre apostas,
	6012	« Riens ne dis qui contre elles soit.
	6013	« Le vin n’en pœut mais se l’en boit
	6014	« Trop, et aussy cil qui s’affole
	6015	« De femme oultre raison et droit,
	6016	« Il est plus fol qu’elle n’est fole.

/192/	6017	« Virgile, Juvénal et Plaute,
	6018	« Perse, Ovide, Orace, Terence,
	6019	« Pluiseurs aultres ont cru leur faulte
	6020	« Par leur gracieuse eloquence.
	6021	« Alleguiez sont en audience,
	6022	« Chascun d’eulx tres bien dit au fort.
	6023	« Les dames auront patience,
	6024	« Vertu est assez reconfort.

	6025	« Se tous eussent voulu escripre
	6026	« Aussy bien pour elles que contre,
	6027	« On ne verroit mesdisans rire
	6028	« D’elles comme d’estrange monstre.
	6029	« Mais tousjours Envie se monstre
	6030	« Comme aguilles dedens ung sac.
	6031	« Dieu ne sceust aler a l’encontre
	6032	« Qu’elle ne lui baillast ung zac.

	6033	« Mais pour ce qu’elles sont plus dignes
	6034	« De nous, hommes mains souffisans,
	6035	« Escripvent leurs vers et leurs lignes
	6036	« Les faulx envieux mesdisans,
	6037	« Veans que vertus reluisans
	6038	« Les font, aussy faire le doibvent
	6039	« A Dieu et au monde plaisans.
	6040	« En mesdisant d’elles miel boivent.

	6041	« Et c’est a vertu imputer
	6042	« Que contre elles ne trois ne quatre
	6043	« Ont fait. Ung sage disputer
	6044	« Ne daigneroit contre ung folatre.
	6045	« Les sages envieux rabatre
	6046	« Ont cuidié leurs vertus haultaines,
	6047	« Mais s’ilz n’ont cuidié l’iaue batre,	[Fol. 39v^ob]
	6048	« Au mains ont ilz perdu leurs paines. »

/193/
L’acteur
	6049	L’adversaire qui maint coyer
	6050	Avoit leu et bien le monstroit,
	6051	Lors prent son sac a desployer
	6052	Et signer le cas de son doit.
	6053	Certainement bien lui sembloit
	6054	Que a ses allegations
	6055	Franc Vouloir, qui moult l’escoutoit,
	6056	Ne sceust trouver occasions.

L'adversaire ensaigne par diverses hystoires que l'omme doibt femme fuyr.
	6057	« Saint Jherosme a Nepotien,
	6058	« Son bon amy, bon conseil baille
	6059	« Contre l’engin magicien
	6060	« De femme, a laquelle dieux faille,
	6061	« Dist: Vers femme ne bee ou baille.
	6062	« Adam, David, Salmon, Sanson
	6063	« Femme dechupt. Comment qu’il aille,
	6064	« N’oublye pas ceste chanson.

	6065	« Tu n’es pas plus saint que David.
	6066	« Et toutesfois, par Bersabee,
	6067	« Laquelle a la fontaine vit,
	6068	« Point fu de la flesche barbee.
	6069	« Contre elle ne fu rebarbee
	6070	« La saincteté, saincte Marie !
	6071	« Tant est il decheu, tant la bee
	6072	« Que tuer fait le bon Urye.

	6073	« Salomon sa grant sapience
	6074	« Contre femme ne sceut monstrer,
	6075	« Le mist a telle insipience
	6076	« Qu’elle le fist ydolatrer.
	6077	« Dieux ! femme a peu vaincre et oultrer
	6078	« Telle sagesse, et que ferez ?
/194/	6079	« Ne veullez femme rencontrer
	6080	« Ou de mal couteau le ferez.

	6081	« Sanson tua d’une bajoe
	6082	« Mille hommes par haulte entreprise,
	6083	« Et toutesfois parmy la joe
	6084	« Eut il du vent de la chemise,
	6085	« Car Dalida par sa faintise
	6086	« Lui couppa de ses cheveux sept
	6087	« Ou toute sa force estoit mise.
	6088	« Ha ! engin de femme on ne scet.

	6089	« Aristote tous les secrez	[Fol. 40a] Aristote fu chevauchié de femme.
	6090	« De nature a paine comprit.
	6091	« Je ne sçay pas se vous ce crez,
	6092	« Mais l’en dit que femme le prit
	6093	« A son engin, et lui aprit
	6094	« Comme le chevalet feroit
	6095	« Qui, quant a ce faire entreprit,
	6096	« Elle des talons le feroit.

	6097	« Virgile, né de Mantua,	Virgile fu pendu en la corbeille par la fille de l’empereur.
	6098	« Qui par dessus les plus soubtilz
	6099	« En soubtilté s’esvertua,
	6100	« Trompez en fut et abestis
	6101	« Des plus grans et des plus petis.
	6102	« Neantmains, comme on dit, il faisoit
	6103	« Du diable pervers et retis
	6104	« Trestout ainsy qu’il lui plaisoit.

	6105	« De l’empereur la fille ama,
	6106	« Laquelle comme femmes font
	6107	«
	6108	«
	6109	« Car pas ne fu tiré amont,
	6110	« Ains le laissa en la corbeille
	6111	« Pendant hors la tour, et tous vont
	6112	« Lendemain veoir la merveille.

/195/	6113	« Il s’en venga senglentement,
	6114	« Car il fist tant qu’on ne povoit
	6115	« Trouver feu a Romme ullement,
	6116	« Se querir on ne le venoit	Comment Virgile se venga de la fille de l’empereur.
	6117	« Au cul de celle qui l’avoit
	6118	« Trompé. Est ce bonne risee ?
	6119	« Qui ne m’en croit a Romme voit
	6120	« Cerser le palais Colisee.

	6121	« Hercules avoit combatu	Hercules fu vaincu par Omphale.
	6122	« Les grans geans espoventables,
	6123	« Lyons et monstres abattu,
	6124	« Et en fin les horribles dyables
	6125	« Tiré de leurs noires estables.
	6126	« Mais quant ne trouva plus a qui,
	6127	« Pour nient ne le faingnent les fables,
	6128	« Omphale le convainqui.

	6129	« Par César fut vaincu Pompee,
	6130	« Mais mieulx a elle se rendy.
	6131	« L’ommage fist, rendy s’espee
	6132	« Et a filer puis entendy.	Hercules aprist a filler.
	6133	« Encores plus, le tres hardy
	6134	« Se vesti de cotte hardye.
	6135	« Helas ! qu’esse que je vous dy :	[Fol. 40b]
	6136	« Hardyesse estoit mal hardye.

	6137	« Hercules ses armes desvest,
	6138	« Femme sa grant force amolye,
	6139	« De son surcot elle le vest.
	6140	« Helas ! regardez la folye :
	6141	« En lieu de l’espee polye
	6142	« Au costé porte une quelongne.
	6143	« Est bien force d’omme abolye.
	6144	« Vistes jamais tele besongne ?

	6145	« Le dieu Faunus aux piez de chievre
	6146	« Courant nu, comme Ovide dit,
/196/	6147	« Par les montaignes comme ung lievre
	6148	« Fut deceu par cellui abit.
	6149	« Car de si loing que Hercules vit
	6150	« Cuida qu’il fust une pucelle,
	6151	« Siques adfin qu’il en jouist
	6152	« Lui vint rebrasser sa cotelle.

	6153	« Melin, qui le monde enchanta,
	6154	« En fut trompé meschantement.
	6155	« Femme merveilleux enchant a,
	6156	« Il vaint force et entendement.
	6157	« Homme n’y pœut aulcunement
	6158	« Resister, et eust les trois testes
	6159	« Geryon, de cui poissamment
	6160	« Le fort Hercules prist les bestes.

	6161	« Siques respondy sagement
	6162	« Cellui a cui l’en demandoit
	6163	« Quelle chose en son jugement
	6164	« Plus forte en ce monde cuidoit :
	6165	« Femme, respond. Il regardoit
	6166	« Que le roy soubs qui tout trembla
	6167	« Femme que tant chiere gardoit
	6168	« Gouverna, comme lui sembla.

	6169	« Le vin est bien fort, car l’ivrongne
	6170	« Maistrie, et plus fort est le roy
	6171	« Dessoubs cui l’orguilleux ne grongne.
	6172	« Mais femme, par le sang de moy,
	6173	« Je l’ay leu et veu, je m’en croy,
	6174	« Fors, sages, empereur et pape,
	6175	« Tous gouverne selon sa loy,
	6176	« Ne sçay se le diable en eschappe.

	6177	« Femme est nostre ennemy mortel,
	6178	« Plus a eschiver que le dyable.
	6179	« Le diable n’est si grant ne tel,
	6180	« Et trop mieulx est il evitable.
/197/	6181	« La chose est toute veritable,	[Fol. 40v^oa]
	6182	« Car soubs umbre de fourme humaine
	6183	« Porte ung engin inevitable
	6184	« Dont l’omme a perdition maine.

	6185	« Bien doibt estre cilz chevalier
	6186	« Qui se scet de femme deffendre,
	6187	« Et mieulx, par le chief saint Valier,
	6188	« Que celui qu’on ne pœut offendre,
	6189	« Ferir en bataille, ne fendre,
	6190	« Qui scet les horions rabatre.
	6191	« Car s’elle veult son engin tendre,
	6192	« Qui est cil qui s’y ose embatre ?

	6193	« N’en mariage, n’aultrement
	6194	« Ne t’y fye, je te recors.
	6195	« Ne t’y fye non ullement,
	6196	« Sept dyables ont dedens le corps.
	6197	« Fui les dedens, fuy les dehors,
	6198	« Des dyables sont accompaignies,
	6199	« Fui les. Ha ! quans en est il mors
	6200	« Pour trop hanter leurs compaignies.

	6201	« En quelque guise femme paignes,
	6202	« Dist Augustin, et ne se trompe,
	6203	« Ou en quelque fourme la faignes,
	6204	« Je ne voy chose qui plus rompe
	6205	« Le courage d’omme, et corrumpe
	6206	« Bonnes meurs, que les doulx attrais
	6207	« D’elles, et en oyant leur trompe
	6208	« Taster leurs corps pains et pourtrais.

	6209	« Sy est mal fait quand leur coustume
	6210	« Est de tromper les povres hommes,
	6211	« Qu’a les aimer on s’acoustume,
	6212	« Car en les amant tu t’assommes.
	6213	« Mais las ! trop debonnaires sommes
	6214	« Et ne pensons estre trompez.
/198/	6215	« Briefves conclusions et sommes :
	6216	« Les plus sages y sont happez. »

L’adversaire conseille que l'omme ne se marie a femme pour trop d'inconveniens.
	6217	« Marie toy tantost, marie.
	6218	« Juvenal en est bien d’accord.
	6219	« Preng la belle saincte Marie,
	6220	« Heureux seras se tu n’as tort.
	6221	« N’est cil moult fortuné qui dort
	6222	« Avec creature tant doulce ?
	6223	« Porroit il vivre en desconfort
	6224	« Qui seul la tient, acole et touche ?

	6225	« Je ne sçay comment t’en prendra	[Fol. 40v^ob]
	6226	« Les premiers jours, mais va avant.
	6227	« Le temps poy a poy t’aprendra.
	6228	« Ou en couchant ou en levant,
	6229	« Ou en derriere ou en devant,
	6230	« Jamais ne sera tant couverte,
	6231	« Se tu n’es mal apercevant,
	6232	« Que ne voyes la fraude ouverte.

	6233	« Tu la veuls avoir belle ou laide:
	6234	« Or voy comme en seras content.
	6235	« Se belle l’as, chascun en plaide,
	6236	« Prise sera s’on y entent.
	6237	« Chascun la veult, chascun y tent,
	6238	« A paine porroit eschaper.
	6239	« Quant par tout les rois on estent,
	6240	« Mal se peut la beste escamper.

	6241	« Se laide l’as, helas, helas !
	6242	« Quele joye ! quel reconfort !
	6243	« Voe toy a saint Nicolas
	6244	« Ou a la dame de Montfort
/199/	6245	« Qui t’ostent de ce desconfort,
	6246	« Ou te va jetter en l’Isere.
	6247	« Il le te vauldroit mieulx au fort
	6248	« Que languir en tele misere.

	6249	« Certes il n’y a qu’ung seul point,
	6250	« Qui ne le scet Jherosme voye.
	6251	« De bonne femme n’aras point
	6252	« Se le vray Dieu ne le t’envoye.
	6253	« Pour ce, quant meschance t’avoye
	6254	« De toy bouter en mariage,
	6255	« Ou l’en ne voit sentier ne voye,
	6256	« Commande a Dieu le chariage.

	6257	« S’une aultre coustume on trouvast,
	6258	« Qu’ainchois qu’on alast a l’eglise
	6259	« Aulcuns jours on les esprouvast
	6260	« Et fust espasse de temps mise,
	6261	« Je priseroye mieulx la guise.
	6262	« Mais non, vray Dieu de paradis,
	6263	« Sans congnoistre la marchandise
	6264	« Le marchié se tient a toudis.

	6265	« Marie toy, il te vauldra,
	6266	« Au mains seulet ne demourras,
	6267	« Patience ne te fauldra.
	6268	« Se le veuls avoir, tu l’auras.
	6269	« Par elle te gouverneras
	6270	« Se vivre veuls o ta partye.
	6271	« Se patient n’es, tu feras	[Fol. 41a]
	6272	« Incontinent la departye.

	6273	« Socrates sçavoit il foison ?
	6274	« Fut il bien fier et bien constant
	6275	« Quant il but l’amere poison
	6276	« Ainsy qu’on le va racontant ?
	6277	« Toutesfois de sagesse tant
	6278	« N’eut que sa femme deshonneste,
/200/	6279	« Ou accroupye ou en estant,
	6280	« Ne lui pissast dessus la teste.

	6281	« Ce ne debvoit il endurer,
	6282	« Neantmains ce souffrir lui faloit,
	6283	« Aultrement n’eust il peu durer
	6284	« Sans souffrir ce qu’elle vouloit.
	6285	« Tost ou tart on le voit, on l’oit,
	6286	« Avec la femme, homme est martir.
	6287	« De tous mariez dire loit
	6288	« Qu’ung confesseur n’a jusqu’en Tir.

	6289	« Je tais le caquet et les noises
	6290	« Que te fauldra souvent humer,
	6291	« Ou n’est besoing que tu t’en voises
	6292	« Ne que commences a fumer.
	6293	« Laisse la bruire et escumer,
	6294	« Tourne tout a farse et a bourde
	6295	« Et t’en va le feu alumer
	6296	« Ou d’aultre besongne te hourde.

	6297	« Ou se trop fort desclique et claque
	6298	« Et ne la pœus mettre en accord,
	6299	« A la deesse Viriplaque
	6300	« Tantost va faire ton raport.
	6301	« Car elle ordonne du discort
	6302	« Entre les femmes et maris.
	6303	« A Romme, on l’aoura moult fort,
	6304	« Je ne sçay de quoi tu te ris. »

L’adversaire contre mariage allegue ung inconvenient a son semblant inevitable.
	6305	« Mais comment endurer porras
	6306	« Que celle que tant auras chiere
	6307	« Aultre amer verras et l’orras
	6308	« Dire, ou se vendra a l’enchiere ?
/201/	6309	« Ha ! la tristre et dolente chiere
	6310	« Que feras, quant te sçauras coup,
	6311	« Tu souhedras que la mort fiere
	6312	« Te puist emporter coup a coup.

	6313	« D’estre coup point ne t’esbahy,	[Fol. 41b]
	6314	« Ce n’est que commune aventure.
	6315	« Bien seras aultrement trahy
	6316	« Se ta femme ne desnature.
	6317	« Car s’elle voit ou conjecture
	6318	« Que d’elle aulcunement te doubtes,
	6319	« Par flaterie ou couverture
	6320	« Aultre t’en ostera les doubtes.

	6321	« Coup es et ne le juges mye,
	6322	« Tu t’en doubtes et ne le crois,
	6323	« On t’a baillié de l’endormye
	6324	« Aprez soupper deux fois ou trois.
	6325	« Ung aultre a les baisiers estrois,
	6326	« On te baise pour temps passer.
	6327	« Coup, es tu bien mis a tes drois ?
	6328	« Te fust il pas mieulx trespasser ?

	6329	« Ta femme vestz, ta femme chains,
	6330	« Elle est honnestement paree.
	6331	« Or n’es tu pas li plus prochains.
	6332	« Car pour aultrui l’as reparee.
	6333	« Que s’elle pœut estre esgaree
	6334	« Et rencontrer son bon marchant,
	6335	« Prendra la soupe en la puree.
	6336	« Ha ! mary, tu es bien meschant.

	6337	« Voire et si te fera entendre
	6338	« Que pour toy seul ainsy s’abille,
	6339	« Que cause n’ayes de contendre
	6340	« A jetter aultre part ta bille,
	6341	« Ou a Betrix ou a Mabille,
	6342	« Car elle te veult plaire et doibt.
/202/	6343	« He ! babille, babo, babille,
	6344	« Es tu gouverné sur le doit ?

	6345	« Tu te rompras dos et eschine,
	6346	« N’aras une heure de repos,
	6347	« Mains que varlet ou que meschine,
	6348	« Car aras singulier propos,
	6349	« Et deusses escurer les pos,
	6350	« Que ton filz a honneur parviengne.
	6351	« Or n’est il tien, car en depos
	6352	« Tu l’as, tant que son pere viengne.

	6353	« Pere n’en es pas, ne compere.
	6354	« Mais ta femme par sa pité
	6355	« Te fait l’enfant d’ung aultre pere
	6356	« Nourrir, a grande humanité.
	6357	« Bonne femme as, en verité,
	6358	« Bien te fait faire et ne le scez.
	6359	« C’est leur commune charité.	[Fol. 41v^oa]
	6360	« Pensez y, mariez, pensez.

	6361	« Se tu n’ez coup, si le seras
	6362	« Ou de fait ou de penser bault.
	6363	« Force si prez la garderas
	6364	« Qu’elle ne verra son ribault,
	6365	« Mais mal vouloir le pechié vault.
	6366	« Pour ce, s’on y a bien pensé,
	6367	« Toutes sont, Meün pas ne fault,
	6368	« Putes, en fait ou en pensé.

	6369	« C’est du mains, Dieu te gard de pire.
	6370	« Bien te va selon le malheur.
	6371	« Se jalousie ne t’empire,
	6372	« Tu n’as pas le plus grant doleur.
	6373	« Garde t’en, pour Dieu, de mal leur
	6374	« Faire, eslonge l’œul, ne t’esmayes.
	6375	« Elle passera sa chaleur,
	6376	« Par Dieu, malgré que tu en ayes.

/203/	6377	« Du mary as ouy conter	Du jaloux qui seella la chose a sa femme.
	6378	« Lequel quant dehors s’en ala,
	6379	« Car se doubtoit du mescompter,
	6380	« La chose sa femme seella.
	6381	« M’entens tu ? je dis son... hola.
	6382	« Mais qu’avint il ? Certainement,
	6383	« Elle ne se tint pour cela.
	6384	« Au retour le sceut fermement.

	6385	« Seellé l’avoit de son anel
	6386	« Ou estoit, comme on dist, gravee
	6387	« La teste d’ung petit agnel.
	6388	« Mais elle, grandement grevee
	6389	« De tele maniere trouvee,
	6390	« Fist contrefaire le signet
	6391	« Et fut la serrure levee,
	6392	« Dont son fait ne fu pas si net.

	6393	« Ou le signet mal devisa,
	6394	« Ou l’ouvrier malvais le trahy
	6395	« Et bien le seelle n’avisa,
	6396	« Car ung mouton lui pourtrahy
	6397	« Dont le defferme recloÿ.
	6398	« Puis le mary, mates et mornes,
	6399	« Quant ce vit dist : « Haÿ, haÿ !
	6400	« Elle m’a fait venir les cornes. »

L’adversaire dist que homme ne doibt avoir en femme fiance.
	6401	« Jalousie ne pœut estaindre	[Fol. 41v^ob]
	6402	« Le feu dont femme est enflammee,
	6403	« Plus vouldras de son fait attaindre
	6404	« Et plus le feras allumee.
	6405	« Contre deffense est animee,
	6406	« Le chastyer n’est pas possible,
	6407	« Passe avant, passe la fumee,
	6408	« Ne mes paine a chose impossible.

/204/	6409	« Complay lui et tout lui accorde.
	6410	« C’est bien dit, c’est bien fait tousjours.
	6411	« En grant pril est, je te recorde,
	6412	« Qui est a sa femme rebours.
	6413	« En tout oyant doibs estre sours,
	6414	« Et veant ressembler avugle.
	6415	« Et ainsy fineras tes jours
	6416	« Avec celle qui tout avugle.

	6417	« Agamenon trouva Egiste
	6418	« Avec sa femme Clitemestre,
	6419	« Et force les prist il au giste,
	6420	« Mais il lui eust mieulx valu estre
	6421	« Devant Troye, que s’entremettre
	6422	« Du fait de sa femme ullement.
	6423	« Pour nient avoit il fait du mestre,
	6424	« Car il le compra malement.

	6425	« Appaisé fut en son forfait.
	6426	« Femme a tost la bourde trouvee
	6427	« Et fait entendant que bien fait
	6428	« A, ou l’en la voit reprouvee.
	6429	« Mais que fist la putain prouvee ?
	6430	« Quant sa robe elle lui vesty
	6431	« (Ce n’est pas bourde controuvee),
	6432	« D’ung maillet elle l’abatty.

	6433	« Ou il fault que ta femme croyes
	6434	« Et faces ce qu’il lui plaira,
	6435	« Ou que son gré ne son dit n’oyes.
	6436	« Croy la, elle te gastera,
	6437	« Et pareillement te fera
	6438	« Comme a Achab fist Jezabel,
	6439	« Laquelle occist, et ne ploura,
	6440	« Les cent prophètes d’Israhel.

	6441	« Se ne fais ses grez et ses dis,
	6442	« Accordant toutes ses raisons,
/205/	6443	« Et sans grongnier souffrez toudis,
	6444	« Garde toy de ses trahisons,
	6445	« Ou de cuignie, ou de poisons.
	6446	« Ce te veuls je certiffyer
	6447	« Par Denis qui, comme lisons,	[Fol. 42a]
	6448	« En femme ne s’osa fiier.

	6449	« Denis le tyrant ne couchast
	6450	« O sa femme, en nulle maniere,
	6451	« Ainchois que bien ne la chersast,
	6452	« Lui propre, devant et derriere.
	6453	« Toutes fois l’avoit il moult chiere,
	6454	« Mais plus seure est la deffiance
	6455	« De la femme traitresse et fiere
	6456	« Que la leale confiance.

	6457	« Si ne sçay pas que se demande
	6458	« Cil qui a femme se marye
	6459	« Ne qui lui conseille ou commande,
	6460	« Car sa vye il y amenrye,
	6461	« Et n’y a de quoy il se rye,
	6462	« Posé qu’elle ait yeulx de faulcon.
	6463	« Plus heureux est cilz qu’on charrie
	6464	« Au grant gibet de Montfaulcon.

	6465	« Ne me parlez de marier,
	6466	« Tout est perdu par mariage.
	6467	« Cil doibt bien Dieu regracier
	6468	« Qui n’en eut oncques le courage.
	6469	« Sens, proesse, force, cœur, aage,
	6470	« Tout s’i triboule et amortist.
	6471	« C’est ung gouffre, c’est ung vorage,
	6472	« C’est ung enfer dont le mort ist. »

L’adversaire par aulcunes hystores monstre que on ne se doibt point marier.
	6473	« Femme diffinist Crisostome,
	6474	« Croyez moy, je ne vous mens mye
/206/	6475	« Et ne dis songe ne fantosme.
	6476	« Femme est d’amistié ennemye,
	6477	« Pril de maison, bonté domye,
	6478	« Male aventure desviable,
	6479	« Mal necessaire. Quelle amye !
	6480	« Saint Jorge, c’est pis que le dyable.

	6481	« Entre en ce baing, car on y sue
	6482	« Malgré raison, ribon, ribaine.
	6483	« Fay toy sucher a la sansue,
	6484	« Tu as trop de sang en la vaine.
	6485	« Ha homme ! une joye soudaine,
	6486	« Voire une joye orde et soubite,
	6487	« Te met en la prison de paine,
	6488	« Ou tourment greveux te labite.

	6489	« Au mains se Dieu te fait la grace	[Fol. 42b]
	6490	« Que ta femme muire, ha ! quel don !
	6491	« Prye tousjours qu’ainsy le face,
	6492	« Plus ne te met en abandon.
	6493	« Helas ! et que se demande on ?
	6494	« N’est on pas bien sans adversaire ?
	6495	« Par Dieu, se bien y regard’on,
	6496	« Ta femme est ton anniversaire.

	6497	« Mariez moy le plus appert,
	6498	« Le plus rade, le plus mouvant,
	6499	« Tantost son joyeux vouloir pert
	6500	« Et devient aultre que devant.
	6501	« Mariez moy ung clerc sçavant,
	6502	« Tantost sa science s’en vole.
	6503	« Certes il n’est homme vivant
	6504	« Que femme ne rompe et affole.

	6505	« S’on te veult maryer: « arriere»,	De Cicero que on vouloit remarier.
	6506	« Respons comme fist Cicero.
	6507	« On lui conseilloit en derriere
	6508	« Qu’il se remariast. Haro !
/207/	6509	« Maritato plus ne sero»,
	6510	« Respond il, « qu’a philozophie ».
	6511	« Aussy dyes : « ce ne fero »,
	6512	« Car sage en femme ne se fie.

	6513	« Ne fay pas comme fist Pacuve,	De Pacuve qui tant ploura pour ses femmes qui se pendirent.
	6514	« Qui, comme aulcuns l’autrier me dirent,
	6515	« De larmes ploura plaine cuve
	6516	« Pour ses femmes, qui se pendirent
	6517	« Et l’esprit au dyable rendirent
	6518	« A ung arbre de son courtil.
	6519	« Aulcuns voisins le deul en firent,
	6520	« Mais non fist pas le plus soubtil,

	6521	« Qui au meschant soy lamentant	Du voisin a Pacuve.
	6522	« De cil arbre, et de l’arrachier
	6523	« Partout forment soy dementant,
	6524	« Dist : « Laisse moy, mon amy chier,
	6525	« Des jettons de l’arbre trenchier,
	6526	« Je veul bien avoir le semblable. »
	6527	« Il sceut plus que son nez mouchier
	6528	« Qui l’arbre vit si prouffitable.

	6529	« Tout mary debvroit Dieu pryer
	6530	« Que fust en son jardin planté
	6531	« Cel arbre, pommier ou perier,
	6532	« Et que partout en fust plenté,
	6533	« Et que sa femme eust volenté
	6534	« De s’y pendre a ung las courant.
	6535	« Si seroit de sa cruaulté	[Fol. 42v^oa]
	6536	« Quitte et de tout le demeurant.

	6537	« Valentin, empereur de Romme,
	6538	« Le jour que trespasser debvoit,
	6539	« Ainsy qu’on lui racontoit comme
	6540	« Mainte victoire fait avoit,
	6541	« Respondy sagement : « On voit
/208/	6542	« Que j’ay moult longement vescu.
	6543	« Toutes fois, Dieu loé en soit,
	6544	« Jamais femme ne m’a vaincu.

	6545	« Des ans avoit fait plus d’octante.
	6546	« En tout ce temps estre ne pœut
	6547	« Ne par marratre ne par tante
	6548	« Ammonnesté que moullier eut.
	6549	« Pour ce, son tryumphe ne teut,
	6550	« Veant que sa plus grant victoire
	6551	« Estoit que femme ne le sceut
	6552	« Attrapper a sa rejectoire.

	6553	« Pleust a Dieu qu’on lui ressemblast
	6554	« Et plustost que au jour de huy
	6555	« Encontre elles on s’assemblast.
	6556	« Mais je croy qu’en despit de lui
	6557	« Je ne te nomme ne cellui.
	6558	« Aulcuns plains du mal saint Martin
	6559	« Se laissent attraper au glui
	6560	« Le jour de la saint Valentin. »

L'adversaire dist que en la beaulté de femme du monde on ne doibt avoir confiance.
	6561	« Que dirons nous des affolez
	6562	« Qui en leurs amyes se fyent ?
	6563	« Car ilz en sont fort accolez.
	6564	« Se les maris mal se confyent
	6565	« Es males femmes qu’ilz affyent,
	6566	« Ne sont bien sos les quoquibus,
	6567	« Se des foles ne se deffyent
	6568	« Et si leur baillent de quibus ?

	6569	« Tu la nourris et si la chausses,
	6570	« Qu’en est il ? en verité pure,
	6571	« Le long du jartier de ses chausses
	6572	« La foy que t’a promis ne dure.
/209/	6573	« Et cuides tu que tele ordure
	6574	« Ailleurs ne se face sentir ?
	6575	« Sire, par Dieu, c’est leur nature
	6576	« Qu’a pluiseurs doibvent consentir.

	6577	« Pour ta doulceur, pour ta beaulté,	[Fol. 42v^ob]
	6578	« Elle t’aime et foy te tendra
	6579	« Sans doubte. Ha ! quelle leaulté !
	6580	« Croy que le premier qui vendra
	6581	« Et fera ce qu’appartendra,
	6582	« La foy promise, c’est du mains.
	6583	« A lui complaire contendra :
	6584	« Femme est ung gand a toutes mains.

	6585	« Elle est bourgoise bien nommee,
	6586	« Doncques faillir ne t’oseroit,
	6587	« Car elle craint sa renommee
	6588	« Et une fois on le sçaroit,
	6589	« Le fait tant secret ne seroit.
	6590	« Ainsy de leaulté t’asseure
	6591	« Et que jamais ne le feroit.
	6592	« Las ! tu n’ez pas toudis deseure.

	6593	« Elle est dame pour son plaisir,
	6594	« Car en amours se veult esbatre.
	6595	« Pour amy t’a voulu choisir.
	6596	« Leale est, il n’en fault debatre.
	6597	« Leale ? Elle te fera batre
	6598	« Ou jetter en ung puis parfont
	6599	« Aprez trois vesprees ou quatre.
	6600	« C’est la leaulté qu’elles font.

	6601	« Ne t’y fie, galin, galant.
	6602	« Se d’aventure les abas
	6603	« Ainsy que l’en se va galant
	6604	« Ne met ton cœur en ce cabas.
	6605	« Soyes certain, et n’en debas,
	6606	« Femme perchee soubs la barre
/210/	6607	« De chasteté ou au plus bas
	6608	« Toudis coule, et mal on la barre.

	6609	« Vis tu jamais, je croy que naye,
	6610	« Quant ung tonneau bien on ne perche,
	6611	« Si bien ne l’estoupe on de naye,
	6612	« Que le vin ne suinte et tresperche ?
	6613	« Ainsy pœus tu veoir par che
	6614	« Que quant chasteté est rompue,
	6615	« Soit de wimbrequin ou de perche,
	6616	« La leaulté est corrumpue.

	6617	« Tousjours court le tonneau fendu,
	6618	« Ne pensez pas que riens contienne.
	6619	« Ribaulde pour rien deffendu,
	6620	« Ne creez pas que rien vous tienne.
	6621	« Possible n’est qu’elle s’abstienne
	6622	« D’arrester, quant a pris a courre,
	6623	« Ame de vous ne la retienne,	[Fol. 43a]
	6624	« Ains chascun la doibt mieulx escourre.

	6625	« Entre vous hommes, sçavez vous
	6626	« Le tres plus beau don que jamez
	6627	« Dieu vous fist ? congnoissez le tous
	6628	« Et si ne m’oublyez humés.
	6629	« Il est bel, je le vous promés:
	6630	« C’est que femme pryer debvez
	6631	« Ou servir d’aulcuns entremés
	6632	« Pour accomplir ce que sçavez.

	6633	« S’elles ne fussent refrenees
	6634	« D’ung poy de honte ou de vergongne,
	6635	« Vous les verriez si effrenees
	6636	« D’accomplir la fole besongne,
	6637	« Par nostre dame de Boulongne,
	6638	« Que les yeulx vous arracheroient,
	6639	« Car sans filer coup de quelongne
	6640	« Tousjours soubs ou dessus seroient.

/211/	6641	« Mais Dieu mercyez qu’il vous fault
	6642	« Demander ce qu’elles vouldroyent
	6643	« Ja estre fait. Ce moult vous vault.
	6644	« S’elles osoyent, vous sauldroyent
	6645	« Au col, voirement assauldroyent,
	6646	« Et tant feroyent en la luite
	6647	« Que toutes vos vertus fauldroyent.
	6648	« Femme des jambes moult fort luite,

	6649	« Ung cocq quinze poulles contente.
	6650	« Cent hommes, non pas trois milliers,
	6651	« Peuent a femme baillier tente,
	6652	« Je vous dy, entre deux pilliers.
	6653	« Doncques prestres et seculiers
	6654	« Que feriez vous s’elles osoyent ?
	6655	« Certes les plus fors baculiers
	6656	« Devant leurs jours escoux seroient.

	6657	« Tu as leu de Thiresias	De Thiresias converti en femme.
	6658	« Qui fut en femme converty.
	6659	« Il est a penser que sy as
	6660	« Et que le voyes devant ty.
	6661	« Qu’en dis tu ? avoit il menty
	6662	« Quant il dist que plus de luxure,
	6663	« Quant il estoit femme, senty
	6664	« Que quant avoit nostre nature ?

	6665	« Ne sçay ou concheupt la jument
	6666	« D’ung seul vent quant elle l’aspire.
	6667	« Mais se femme pareillement,
	6668	« Toutes les fois qu’elle souspire,
	6669	« Povoit avoir ou mal ou pire,	[Fol. 43b]
	6670	« Par quantes fois accompliroit
	6671	« Son vouloir ? je vous ose dire:
	6672	« Chascun jour son ventre empliroit. »

/212/
A conclure la rage de la luxure des femmes, l'adversaire conte une hystoire especiale.
	6673	« De celles de religion
	6674	« Longuement parler ne me chaille.
	6675	« Tu scez qu’en une legion
	6676	« N’en trouveras une qui vaille.
	6677	« Car se l’escousse on ne leur baille,
	6678	« Elles se doubtent de leur foy.
	6679	« Mais que .d. ou lieu de .f. saille,
	6680	« Mes l’une pour l’aultre, entens moy.

	6681	« Cil cuide bien faire de glace
	6682	« Chastel, qui une femme emmure
	6683	« Adfin que de son corps ne face
	6684	« Pechié, villanie, n’ordure.
	6685	« Sa ribauldise trop murmure
	6686	« Contre chasteté, double ou quitte
	6687	« Par mon ame, crez moy, j’en jure,
	6688	« Il fault que nature s’acquitte.

	6689	« Ne demandez a cui, ne quant.
	6690	« Tousjours est preste de tumber
	6691	« Femme, de travers ou de cant.
	6692	« S’elle treuve a cui regimber,
	6693	« On ne l’en pourroit destourber.
	6694	« Vous souvient il des filles Loth
	6695	« Qui pour ribauldement riber
	6696	« Lui firent boire plus d’ung lot ?

	6697	« Ou son souhet assouvira
	6698	« La femme, en arragié desir,
	6699	« Ou de cellui se vengera
	6700	« Qui n’acomplira son plaisir.
	6701	« Se niepce ou ante de gesir
	6702	« Te requiert, prens le, ou prens la fuite,
	6703	« Car il te doibt bien souvenir
	6704	« De Phedra, marratre Ypolite,

/213/	6705	« Et de celle qui en prison
	6706	« Fist bouter Joseph le treschaste,
	6707	« Car ne lui vouloit son plichon
	6708	« Fourrer. Femme, tres ardant chate
	6709	« Puis que sa luxure la haste,
	6710	« Ains sera diablesse a tout rompre
	6711	« Que la main ne mette a la paste
	6712	« Cilz qu’elle ayme, ou qu’il ne le compre.

	6713	« Bien est vray, quant on lui complait,	[Fol 43v^oa]
	6714	« Jusqu’à la mort vœult soustenir,
	6715	« Voire aprez la mort elle fait
	6716	« Pour sa luxure parfournir.
	6717	« De ce or me fait souvenir
	6718	« La femme du conte Raymon,
	6719	« En memoire la doibs tenir,
	6720	« Parler n’en orras en sermon.

	6721	« Morte se fist, qu’on l’enterrast,
	6722	« Adfin que cil que trop amoit
	6723	« A la minuit la desterrast.
	6724	« Mais le conte Raymon n’a voit
	6725	« Regret a elle, et ne povoit
	6726	« Croire que du tout fust oultree.
	6727	« Ains toudis en Dieu se fioit
	6728	« Qu’elle seroit ravigoree.

	6729	« Doncq que fist ? quant ne poux n’alaine
	6730	« Y senty, et fut plus certain
	6731	« Que l’esperance y estoit vaine,
	6732	« Plonc boullant lui mit en la main.
	6733	« La morte ne le senty grain.
	6734	« Si vescut elle aprez longs jours
	6735	« Et fist beaucop de menu fain.
	6736	« Il n’est mal que n’endure amours.

	6737	« Tant souffrit elle que pour morte
	6738	« L’en la juge, et que le bon sire
/214/	6739	« En son enterrement dœul porte,
	6740	« Offrande et chandelle de cyre.
	6741	« Ho ! la farse, esse bien pour rire ?
	6742	« Celle nuit propre l’emmena,
	6743	« A gens de bien l’ay ouy dire,
	6744	« Cellui pour lequel foursena. »

L'adversaire produit en jugement les engins comme fards et aultres artifices que les femmes font a decepvoir les hommes.
	6745	« Mais que vous fault il declairier	Cy allege maistre Jehan de Meun contre les femmes.
	6746	« Ne monstrer par vives histoires
	6747	« Ce que l’en voit sans esclairier ?
	6748	« Pensez aux veritez notoires
	6749	« Qui ne sont pas revocatoires
	6750	« De Jan de Meün que tous aiment,
	6751	« Et vous n’entrerez es catoires
	6752	« De mouches qui le miel escraiment.

	6753	« Non pas escraiment mais descremment,	[Fol. 43v^ob]
	6754	« Non descremment ains, comme vez,
	6755	« Vous enflamment, brulent et crement,
	6756	« Et ja tant de povoir n’avez
	6757	« Qu’a leur aguillon estrivez
	6758	« Qui a la mort souef vous point.
	6759	« Doncques, adfin qu’en paix vivez,
	6760	« Fuiez celle qui point et oint.

	6761	« On voit, avec ce que nature
	6762	« Leur a donné pour vous seduire,
	6763	« Elles mettent entente et cure
	6764	« D’aultres engins forgier et duire.
	6765	« Briefve conclusion : pour nuire
	6766	« Sont elles. Soyez sur vo garde.
	6767	« Je n’y sçay remede que fuire.
	6768	« Qui est prez du feu fault qu’il arde.

/215/	6769	« Vous pœut la femme plus hayr
	6770	« Que quant, despitant la figure
	6771	« De Dieu, pour vous mieulx envahir,
	6772	« Refait, recree et refigure,
	6773	« Non refigure, ains transfigure
	6774	« Ce qui n’estoit deffiguré,
	6775	« Non transfigure, ains deffigure
	6776	« L’œuvre de Dieu bien figuré ?

	6777	« Va cerser toutes leurs aumaires
	6778	« Et Dieu scet que tu y verras.
	6779	« Ce semblent estre apoticaires,
	6780	« Tant de boistes y trouveras.
	6781	« Pas toutes ne les ouverras,
	6782	« Car il y put et sont mal saines.
	6783	« Trop bien celles descouverras
	6784	« Qui sont de plour de vigne plaines.

	6785	« Se riens n’y trœuves, des escrins
	6786	« Emble les clefs, car la sera
	6787	« La poix dont arrachent leurs crins
	6788	« Et d’aultres outilz y ara
	6789	« Dont telle quelle se fera.
	6790	« La faulse femme pour mieulx plaire,
	6791	« Non pas fera, mais deffera
	6792	« Le parfait divin exemplaire.

	6793	« Ne vois tu comme leurs frons tendent,
	6794	« Visaiges et poittrines paindent,
	6795	« Dressent leurs mamelles qui pendent
	6796	« Ou a l’avantage se chaindent ?
	6797	« Drapeaulx entour elles estraindent
	6798	« A faire apparoir leurs beaulx rains.
	6799	« Toutes teles besongnes faindent	[Fol. 44a]
	6800	« Pour toy pendre a fources de rains.

	6801	« Voire, et leurs dens puans blancissent.
	6802	« Tels les eussent, et telz en conte,
/216/	6803	« Toutes, mais que tousjours risissent,
	6804	« Comme ot la fille au roy de Ponthe,
	6805	« Derpetrue, comme l’en conte.
	6806	« Elle eut les dens de tele forme
	6807	« Que l’en ne l’osoit vir de honte,
	6808	« Tant estoit sa bouche deforme.

	6809	« Se la droitte science eust sceu
	6810	« De nos ouvrieres, sa gencive
	6811	« Elle eust bien adoubé et pleu.
	6812	« Il n’est rien que femme n’eschive.
	6813	« Ne vois tu comme de leschive
	6814	« Ses cheveulx noirs comme corneille
	6815	« Blondist, et sa couleur nayfve
	6816	« En oste, et nous semble merveille ?

	6817	« Ha ! Dieu pardoint a la Calabre.
	6818	« Moult la doivent les dames plaindre
	6819	« Et la mettre en pierre de marbre.
	6820	« Jadis tint l’escole de paindre
	6821	« Visages, de maujoint restraindre,
	6822	« Tetins endurcir, la peau tendre.
	6823	« Quoi plus ? elle sçavoit tant faindre
	6824	« Que vielle sembloit jone et tendre.

	6825	« Ho, maris ! crye Juvenal.
	6826	« Mais mieulx eust dit, ce m’est advis,
	6827	« Ho, tous hommes en general !
	6828	« Quant vous baisiez leurs plaisans vis,
	6829	« Pains et polis a leur devis,
	6830	« N’engluiez vous pas bien vos levres ?
	6831	« Pour estre ung poy plus assouvis
	6832	« Mettez vo langue a vos balevres.

	6833	« He, fol homme ! preng tes lunettes
	6834	« Longuement, des yeulx n’as veu goute.
	6835	« Voi les blanches, voi les brunettes,
	6836	« Pense que la femme vault toute.
/217/	6837	« Je te requier, du pié la boute.
	6838	« Grande vergongne est que ta dame
	6839	« Fais de ta serve, et si te couste
	6840	« La valeur du corps et de l’ame.

	6841	« Vos maistresses les reclamez,
	6842	« Vos dames, vo desir, vo joye,
	6843	« Vo bien, vo cœur. Tant les amez
	6844	« Que leur donnez pommon et foye.
	6845	« Ha ! ja tant ne vive que j’oye	[Fol. 44b]
	6846	« Que femme soit dame appellee.
	6847	« A paine est digne qu’on la voye,
	6848	« Tant soit elle painte ou pelee.

	6849	« Ostez, ostez la fole amour,
	6850	« Amez vous, il souffist assez.
	6851	« Pour ung peu de puant doulçour
	6852	« Et corps et ame ne cassez.
	6853	« Aprez que serés trespassez
	6854	« De tel amour compte rendrez.
	6855	« Et au dit de Cathon pensez,
	6856	« Je ne sçay se vous l’entendrez.

	6857	« Cathon dist: « Se le monde estoit
	6858	« Sans la femme, certainement
	6859	« No conversation seroit,
	6860	« Avecques Dieu communement. »
	6861	« Le tressage Cathon ne ment.
	6862	« Femme le monde gaste et pert.
	6863	« Quants en met elle a dampnement,
	6864	« S’oncques n’apparu, or appert.

	6865	« Souffist il bien ? je me hontoye
	6866	« Le pot aux roses descouvrir,
	6867	« Et ay dit plus que ne cuidoye
	6868	« Pour plus la matiere entrouvrir,
	6869	« Car on doibt l’ordure couvrir.
	6870	« Siques, Franc Vouloir, s’il te plaist,
/218/	6871	« Sans plus avant la chose ouvrir
	6872	« Amende ce qui nous desplait. »

L’acteur
	6873	Le Champion a chiere meure,
	6874	Comme il avoit accoustumé,
	6875	Trop a respondre ne demeure
	6876	A tous les cas qu’il ot sommé
	6877	En latin moult fort escumé.
	6878	Mais sachiez qu’a tout argument
	6879	Ne fut esbahy, ne fumé,
	6880	Car y respondy grandement.

Le Champion en ce chapitre respond par ordre a toutes les choses que l'adversaire a dit contre mariage et les dames.
Franc Vouloir
	6881	« Jhesus qui en terre n’eut pere,	[Fol. 44v^oa]
	6882	« Ains voulu femme tant cherir
	6883	« Qu’il l’eslut pour sa doulce mere
	6884	« A laquelle on doibt recourir,
	6885	« Me doinst les dames secourir
	6886	« En vraye charité commune,
	6887	« Car je veul jusques au mourir
	6888	« Toutes loer pour l’amour d’une.

	6889	« Tu as, ce t’est advis, attaint
	6890	« La verité de la matiere,
	6891	« Et d’argumens poly et paint,
	6892	« Adfin que semblast plus entiere.
	6893	« D’auctoritez as fait frontiere.
	6894	« Mais en parlant n’as pas compté
	6895	« Ce qu’en povoit endementiere
	6896	« Respondre. Ainsy t’es mescompté.

	6897	« Ne sçay qui t’a meu a ce dire,
	6898	« Sy non voulenté singuliere,
/219/	6899	« Ou qu’ayes trouvé a redire
	6900	« En aulcune particuliere
	6901	« Qui ait esté trop seculiere,
	6902	« Que ne croy en ma conscience.
	6903	« Et posé, doibt estre pluriere
	6904	« Ne commune la consequence ?

	6905	« Toutes ne doibvent comparer
	6906	« La faulte d’une. N’est ce droit,
	6907	« Les bonnes dames separer
	6908	« De celle qui ne fait a droit ?
	6909	« S’ainsy estoit, doncq convendroit
	6910	« Tous hommes mauvais pour .1. faulx
	6911	« Nommer, et certes l’en fauldroit.
	6912	« Ainsy appert il que tu faulx.

	6913	« Et Jehan de Meün le villain,
	6914	« Qui en parlant courtoisement
	6915	« N’a pas ressemblé maistre Alain,
	6916	« Failly et pecha grandement.
	6917	« Mathiolet semblablement
	6918	« Qui n’a pas ensuÿ Machault,
	6919	« A mal dit du saint sacrement,
	6920	« Mais de leur jengle ne me chault.

	6921	« Car de quel pié Clopinel cloche	De Clopinel et Mathiolet.
	6922	« Et que Mathieu ne se faint mye
	6923	« De sonner l’envieuse cloche
	6924	« Par fin despit de bigamye,
	6925	« On voit, on oit. Telle escarmye
	6926	« Leur firent faire Envye et Haine.
	6927	« A nul sage plaist leur folye	[Fol. 44v^ob]
	6928	« Ne leur ribauldise vilaine.

	6929	« Or soustiens Mathieu le bigame,
	6930	« Qui monstra bien, quant tant parla,
	6931	« Qu’il ne sceut de toute sa game
	6932	« Que le gamë ut ou le la.
/220/	6933	« Saint Esprit ne lui revela
	6934	« Ce qu’il dist contre mariage.
	6935	« Certes ainsy l'escervela
	6936	« Ennuy, desespoir ou la rage.

	6937	« Contre mariage tu parles
	6938	« Et semble a ton parler que soyes
	6939	« Des grans conseilliez du roy Charles
	6940	« Et contredit avoir ne doyes.
	6941	« A ce que dit as, mal pensoyes,
	6942	« Saches de vray, car sans mentir
	6943	« On t’en pœut en paroles coyes
	6944	« En plein jugement desmentir.

	6945	« De mariage juste et saint,
	6946	« Qui mesle ensemble deux courages
	6947	« Et en ung lyen deux corps chaint,
	6948	« Parler ne deusses comme sages.
	6949	« Il n'est riens aux humains usages
	6950	« Plus plaisant ne plus convenable
	6951	« Que la presence et les mainages
	6952	« De la femme, a homme aggreable.

	6953	« Trop bien dist Dieux: « Faisons a homme
	6954	« Aide, qui porte sa semblance,
	6955	« Car il n'est bon qu'ennuy l'assomme
	6956	« Ou ait solitaire plaisance.»
	6957	« Sy fist d'eulx deux une alliance
	6958	« Tele que d'eulx deux ung confit,
	6959	« Et d'ung deux fist en demonstrance
	6960	« « Qu'ung pour deux et deux pour ung fit

	6961	« Et pour ceste conjonction
	6962	« Augustin eut aulcunesfois
	6963	« Moult belle dubitation
	6964	« Comme en ses escriptures vois.
	6965	« Il, veant comme veoir doibs
	6966	« Des mariez la char commune,
/221/	6967	« Doubla, je l’ay leu, je m'en crois,
	6968	« Se l’une ame venoit de l’une,

	6969	« C'est a dire, se l'ame d'Eve
	6970	« De celle d'Adam prise estoit,
	6971	« Ainsy que son corps et sa seve
	6972	« Du corps de lui Dieu fait avoit.
	6973	« Or laissons ce, quoi qu'il en soit.	[Fol. 45a]
	6974	« Nous sçavons qu'en ame et en corps
	6975	« Joins doibvent estre si estroit
	6976	« Qu’ilz facent ung, et ens et hors.

	6977	« Salmatis, ou nimphe ou deesse,
	6978	« Hermofroditus jouvencel
	6979	« Pryant d'amoureuse leesse,
	6980	« Des dieux qui tous voyent du ciel
	6981	« Eut muee en lui, et nouvel
	6982	« Homme devint masle et femelle.
	6983	« Ainsy fut il et belle et bel,
	6984	« L'ung et l'aultre ayant pellemelle.

	6985	« Encores, dist Policratique,
	6986	« Est la fontaine Salmatis
	6987	« En Grece, ou sans quelque pratique
	6988	« L’omme est en femme convertis,
	6989	« Et a on corps beaulx et traictis
	6990	« Par s’i baigner. Or a Dieu pleut
	6991	« Que dedens fusse tout vestis
	6992	« Ou que telle yaue sur moy pleut.

	6993	« Mariage est une fontaine
	6994	« Ou ung corps en aultre se mue,
	6995	« Ou deux en ung mis ne font haine,
	6996	« Car Amours les vouloirs transmue,
	6997	« Pour sa plaisance alesgre et drue
	6998	« Tousjours avecques soy avoir,
	6999	« Laquelle s'en vertu accrue
	7000	« Est, elle passe tout avoir.

/222/	7001	« Te pœus tu jamais plus aisier,
	7002	« Plus conforter, plus esjouyr,
	7003	« Que toy propre en aultre baisier,
	7004	« Toy veoir en aultre et ouyr,
	7005	« De toy et d’ung aultre jouyr ?
	7006	« De la femme veuls je parler,
	7007	« Faitte pour homme resjouyr,
	7008	« Aidier, conforter, accoler.

	7009	« Marye toy se tu es sage,
	7010	« Car trop seras desraisonné
	7011	« Ou trop farouche ou trop sauvage,
	7012	« Se tu n’y es arraisonné.
	7013	« Je n’en vois ul si forsené
	7014	« N’ardant de faire son vouloir,
	7015	« Se femme l’a endoctriné,
	7016	« Que tout ne mette en nonchaloir.

	7017	« Quants en voit on qui s’atachoyent
	7018	« A vingt ou a trente aguillettes,
	7019	« Et a las de soye lachoyent	[Fol. 45b]
	7020	« Leurs beaulx pourpoins ou a bouglettes,
	7021	« Ou chaiennettes ou bullettes
	7022	« Portoyent, ou quelque aultre frasque,
	7023	« Qui mariez, a cordelettes
	7024	« Ont depuis attachié leur jacque.

	7025	« Quants en voit on le leur despendre,
	7026	« Voire tresdeshonnestement,
	7027	« Terres et possessions vendre,
	7028	« En fin gaster tout folement,
	7029	« Lesquelz se changent prestement
	7030	« Qu’ilz sont mariez en bonne heure
	7031	« Et viennent en amendement.
	7032	« Dieu le veut, et femme y labeure.

	7033	« Certes mariage est l’escole
	7034	« Ou la femme monstre et aprent
/223/	7035	« Que l’omme de volenté fole
	7036	« Trop de choses foles emprent.
	7037	« Et sachez que qui entreprent
	7038	« De soy laisser tout gouverner
	7039	« A sa femme, bien lui en prent
	7040	« Et ne pœut malement finer.

	7041	« Ambroise dist le mieulx du monde :
	7042	« Qui sans femme est, sans maison est.
	7043	« Car il n’a ou il se reconde
	7044	« A droit, et ne treuve rien prest.
	7045	« Et je dis, que qui n’a regret
	7046	« A elle, par mon sacrement,
	7047	« Il n’aura ja joye ne het
	7048	« Et ne vivra humainement.

	7049	« Elle est parement de l’ostel,
	7050	« L’ayde de salut et de joye.
	7051	« C’est ung soleil orientel,
	7052	« Je ne sçay plus que dire en doye.
	7053	« A l’Ecclesiastique on croye
	7054	« Qui si hault sa femme haussa
	7055	« Et son dist, que non pas la croye,
	7056	« Mais la bonne ainsy exaussa.

	7057	« Je sui bien content qu’on le dye,
	7058	« De par Dieu, et malvaise et bonne.
	7059	« Toutes sont femmes, ne sont mye ?
	7060	« Qui a la bonne tel los donne,
	7061	« La louenge de femme sonne.
	7062	« Femme doncques et son ymage
	7063	« Sur une doree columpne
	7064	« Mettons, et loons mariage.

	7065	« Tu veuls Narcisus resembler	[Fol. 45v^oa]
	7066	« Et, a la fontaine d’orgueul,
	7067	« Ain chois morir que t’assembler
	7068	« A femme par humain accueul.
/224/	7069	« Et se bien ton propos recœul,
	7070	« Tu conclus a ung mot tout ront
	7071	« Que chascune, d’œuvre ou de vœul,
	7072	« Le clos de chasteté corrumpt.

	7073	« Que doibt l’omme amer, par ta foy ?
	7074	« Ou doibt il rompre sa durté ?
	7075	« Ou doibt il en son grant effroy
	7076	« Prendre paix, repos et seurté ?
	7077	« Ne son orgueil, ne sa fierté
	7078	« Ja ne seront amolliees
	7079	« S’il ne remet sa volenté
	7080	« A femme, les deux mains liees.

	7081	« L’unicorne est bien merveilleuse,	Comment on prent l’unicorne.
	7082	« Et dient les maistres de chasse
	7083	« Qu’il n’est beste plus perilleuse.
	7084	« En cours, quant on la vene ou chasse,
	7085	« Tout occist, tout rompt et tout casse,
	7086	« Et n’est prise par aultre usage
	7087	« Si non qu’on met, ou elle passe,
	7088	« Une vierge a plaisant visage.

	7089	« Ja ne sera tant courroussee
	7090	« Que la vierge qui l’attendra
	7091	« Soit d’elle navree ou blessee,
	7092	« Car en son geron se rendra,
	7093	« Ou ne chiens ne veneurs craindra,
	7094	« Tant sera de s’amour esprise.
	7095	« Ainsy quicumques la prendra,
	7096	« Femme ara la premiere prise.

	7097	« Estes vous bien hault encornez,
	7098	« Bien fiers et mal apprivoisiez ?
	7099	« Nature ainsy veult que tournez
	7100	« Vers femme, et vous y accoisiez.
	7101	« Elle veult que vous y voisiez
	7102	« Et que toute vostre rigueur
/225/	7103	« En son beau geron appaisiez,
	7104	« Car en elle est toute doulceur.

	7105	« Or aprez, je te fay demande
	7106	« Se femme, tant soit elle sotte,
	7107	« A homme demande ou commande
	7108	« Qu’en sotement amant s’assotte
	7109	« Et que son sens elle lui oste,
	7110	« En fin le pert, comme tu songes.
	7111	« Ce ne diroit pas Aristote	[Fol. 45v^ob]
	7112	« S’il ne vouloit faindre mensonges.

	7113	« Adam, David, et Hercules
	7114	« Femme decheut. Partout cryez:
	7115	« Fuiez les femmes, fuiez les,
	7116	« Fuiez, ne vous y confiez.
	7117	« Je vous pry que vous me diez
	7118	« Comment les decheurent, et s’ilz
	7119	« Pour s’enfuyr n’avoient piez
	7120	« Et pour non vir paupière et cilz ?

	7121	« Ilz povoient clorre les yeulx
	7122	« Adfin que plaisir ne preyssent
	7123	« En leurs visages gracieux
	7124	« Et fuyr peussent, s’ilz voulsissent,
	7125	« Se d’eulx approchier les veissent.
	7126	« Mais il est bien fol excellent
	7127	« Qui cuide qu’entente ne meissent
	7128	« De les avoir a leur talent.

	7129	« Eve aultre part excusé ay.
	7130	« Pour toutes les aultres briefment
	7131	« Response continue fray.
	7132	« S’en leur beaulté ou parement,
	7133	« Alegresse ou contenement,
	7134	« Ceulx que tu nommes plaisir prindrent,
	7135	« Qu’en pœvent elles ? vrayement,
	7136	« Tu scez qu’elles leurs cœurs ne tindrent.

/226/	7137	« Bersabee quant se lavoit,
	7138	« Qu’en povoit, se David le sage
	7139	« Concupiscence d’elle avoit ?
	7140	« Ne tenoit elle son courage ?
	7141	« Certes David commist l’oultrage
	7142	« Et appert car s’en repenty,
	7143	« Quant ploura en triste visage
	7144	« Tant que Dieu appaisié senty.

	7145	« Salomon sa faulte congnut
	7146	« Et sa folye confessa
	7147	« Quant l’esperit divin plus n’ut.
	7148	« Sanson quitte ne trespassa,
	7149	« Longue prison moult le cassa,
	7150	« Avugle fut. Donc sa folye
	7151	« Ung chascun d’eulx recompensa
	7152	« Par paine et par merencolye.

	7153	« Les aultres je ne quiers deffendre.
	7154	« Ce que vous ay dit des meilleurs
	7155	« Sans mot sonner povez entendre
	7156	« Des mains souffisans et pieurs.
	7157	« Mais entendez les escripteurs	[Fol. 46a]
	7158	« Que, s’en aulcuns livres trouvez
	7159	« Que femmes triboulent vos cœurs,
	7160	« Coulpe principale en avez.

	7161	« Qui se brûle a son essient
	7162	« Puis le feu ou la brase blasme,
	7163	« Il n’est pas réputé scient,
	7164	« Car tout seul doibt avoir la blasme.
	7165	« Ainsy qui en amour se pasme
	7166	« Et s’y font comme plonc ou pautre,
	7167	« N’en blasme ou menaisse de palme
	7168	« Que lui tout seul : ce ne fait aultre.

	7169	« Arbitre humain vit sans contrainte.
	7170	« Qui est cil qui le contraindroit ?
/227/	7171	« Il est franc, et de nul n’a crainte,
	7172	« Il pœut faire a tort ou a droit.
	7173	« Et qui sa nature entendroit
	7174	« Et l’esliroit de branche en branche,
	7175	« Certainement il maintendroit
	7176	« Qu’il n’est chose au monde plus franche.

	7177	« Ou france volenté seroit
	7178	« Contrainte, et que voloir contraint
	7179	« Fust, homme clerc ce ne diroit.
	7180	« Il est franc et quitte n’abstraint,
	7181	« Mesmement mort ne le contraint,
	7182	« Car n’est rien si a lui qu’il est.
	7183	« Soubs subjection n’est estraint,
	7184	« Ains tousjours a son povoir prest.

	7185	« Ainsy est en eulx de fuyr
	7186	« Celles qui aprez eulx ne cœurent,
	7187	« Ou de les folement suyr.
	7188	« Le sy et le non leur demeurent.
	7189	« Donc, se mal s’attrempent et meurent
	7190	« Et trop hastifs au las se prennent,
	7191	« Dont puis vivent dolens et mœurent,
	7192	« Qu’en pœvent celles qu’ilz reprennent ?

	7193	« Force respondras : « Leurs regars,
	7194	« Leurs contenances, leurs paroles
	7195	« Attrayent les plus soubtilz gars
	7196	« Et donnent occasions foles.
	7197	« Bé ? ce sont toutes paraboles.
	7198	« S’ainsy estoit, ce n’est pas force.
	7199	« Advise comment tu paroles,
	7200	« Certes la femme homme n’esforce.

	7201	« Les yeulx sont fais pour regarder,
	7202	« Dist maistre Alain, mais qui te tient
	7203	« Que tu ne te puisses garder	[Fol. 46b]
	7204	« De vir comme elle se contient
/228/	7205	« Et faire ainsy qu’il appartient ?
	7206	« Regarde toy, et de toy juge.
	7207	« Scez tu bien qu’elle se maintient
	7208	« Ainsy pour toy ? en es tu juge ?

	7209	« Elle est plaisant, mignotte et gente,
	7210	« Elle est a merveilles courtoise,
	7211	« Pour toy n’est pas si diligente,
	7212	« Il s’en fault bien plus d’une toise.
	7213	« S’aulcuns regars vers toy entoise,
	7214	« Cuides tu qu’elle y prengne garde ?
	7215	« Et veuls tu qu’elle soit anchoise
	7216	« Ou tousjours les parois regarde ?

	7217	« Nature tous ces biens leur donne :
	7218	« Beaulté, doulx regard, beau maintien.
	7219	« Le residu nous abandonne.
	7220	« Et doncq y deust le faulx cœur tien
	7221	« Y penser a mal ? Non. Je tien,
	7222	« Voirement le sçay et le jure,
	7223	« Qu’elles ne pensent qu’a tout bien,
	7224	« Et sçay que je ne me parjure.

	7225	« Veuls tu nature bestourner ?
	7226	« Ou le monde bien ordonné
	7227	« Faire tout aultrement tourner,
	7228	« Homme ignorant desordonné ?
	7229	« Nature leur a ordonné,
	7230	« Ou Dieu, que je soye plus sages,
	7231	« Qu’en ce monde leur soit donné
	7232	« Lieu, comme aux divines ymages.

	7233	« Simples, devotes, vergongneuses,
	7234	« Amoureuses et amyables,
	7235	« Attrempees, sages, songneuses,
	7236	« Leales, doulces, piteables,
	7237	« Courtoises, larges, charitables,
	7238	« Bonnes, belles et gracieuses,
/229/	7239	« Vertueuses et honnourables,
	7240	« Par mon ame elles sont heureuses.

	7241	« Et heureux sont qui les regardent,
	7242	« Qui les servent, qui les honneurent,
	7243	« Qui les aiment, prisent, et gardent,
	7244	« Et mauldis qui les deshonneurent.
	7245	« Sy m’esbahis que ne se teurent
	7246	« Et tost leur langue ne mordirent
	7247	« Aulcuns qui a leurs vertus n’eurent
	7248	« Regard, ainchois qu’ilz en mesdirent. »

Cy Franc Vouloir en louant l’amour de la femme respond a ung fort argument que l'adversaire opposé lui avoit[Fol. 46 v°a]
	7249	« Or semble qu’en guerre mortelle
	7250	« Elles contre les hommes viennent.
	7251	« Encores, qu’elle est immortelle,
	7252	« Les mesdisans ainsy le tiennent.
	7253	« S’ainsy est, pourquoi ne s’abstiennent
	7254	« D’aler emprez leurs ennemyes
	7255	« Qui les perdent, comme ilz maintiennent,
	7256	« Neantmains les quierent pour amyes ?

	7257	« Amye est femme vrayement
	7258	« De l’omme, par propre nature.
	7259	« Estre ne porroit ullement
	7260	« Haine en si doulce creature.
	7261	« Mais il, qui trop se desnature,
	7262	« Sur elle excuse son pechié,
	7263	« Disant que par sa fortraicture
	7264	« Il a transgressé et pechié.

	7265	« Son pechié sur la femme excuse
	7266	« Et n’est coulpable du forfait.
	7267	« Se pechier l’a fait, il s’accuse
	7268	« Et crye qu’elle a trestout fait.
/230/	7269	« Quant a moy, j’entens bien le fait:
	7270	« L’envye qu’on a de leurs meurs
	7271	« Et que si souvent l’en forfait
	7272	« Font ainsy mentir les jengleurs.

	7273	« Se tu as femme laide ou belle,
	7274	« Mais que bien l’aimes et chérisses,
	7275	« Et cuides tu qu’elle soit telle
	7276	« Qu’a ton beau plaisir n’en chevisses ?
	7277	« Je ne croy qu’onques femme veisses,
	7278	« S’elle a esté bien deportee,
	7279	« Posé que mesdire en ouisses,
	7280	« Qu’elle ne se soit bien portee.

	7281	« Jamais faire ne se porroit
	7282	« Que femme qui est bien amee,
	7283	« Certes ainchois elle morroit,
	7284	« Consentist estre diffamee.
	7285	« Qu’elle perdist sa renommee,
	7286	« Que son mary abandonnast,
	7287	« Possible n’est, vierge nommee,
	7288	« Que son cœur a aultrui donnast.

	7289	« Il n’est possible, s’on la tient,	[Fol. 46v^ob]
	7290	« La preudefemme, la leale,
	7291	« Comme a son estat appartient,
	7292	« Qu’elle veulle estre desleale.
	7293	« A son mary sera feale,
	7294	« Plus que soi mesmes l’amera,
	7295	« Elle voluntaire ou reale
	7296	« Desloiaulté ne lui fera.

	7297	« Se belle est, pour sa singuliere	Nota de la belle femme.
	7298	« Beaulté que ne vouldra gaster,
	7299	« Vers ung chascun se tendra fiere,
	7300	« Homme n’en porra ja gouster.
	7301	« Aux corneilles pourront baster,
	7302	« Regarder ne les daigneroit.
/231/	7303	« Voisent ailleurs le gay taster,
	7304	« Rien a elle on ne gaigneroit.

	7305	« Belle se voit, belle se mire,
	7306	« De nature œuvre especiale,
	7307	« Congnoit que chascun la remire,
	7308	« Sy en est trop plus partiale.
	7309	« Et d’aultre costé aussy a le
	7310	« Propos, la leale personne,
	7311	« De garder la foy nuptiale
	7312	« Adfin qu’elle soit belle et bonne.

	7313	« Se mains est belle, ou que mains plaise,
	7314	« Laide l’as pris, tele t’a pleu.
	7315	« Raison n’est qu’elle te desplaise
	7316	« Puis que tele ne t’a despleu.
	7317	« Ou tu eus de sens assez peu
	7318	« Quant avecques elle te mis,
	7319	« Ou tu lui doibs rendre le veu,
	7320	« Dieu scet bien que tu lui promis.

	7321	« Se laide est, toute sera tienne,	De la laide femme.
	7322	« Au mains froit aux piez n’en aras,
	7323	« Doubte n’aras que l’en la vienne
	7324	« Par amours pryer, sy seras
	7325	« Plus aise, a mengier tu seras
	7326	« Avecq elle sans souspechon,
	7327	« Qu’avecq plus belle, a cui verras
	7328	« Parler Phlippot ou Robechon.

	7329	« Socrates, qui ne fut plaideur,
	7330	« Dist que tous se doibvent mirer.
	7331	« Le lait, qu’en veant sa laideur
	7332	« De son corps qu’il ne pœut parer,
	7333	« Entende a l’ame reparer
	7334	« De vertus, et aussy le bel
	7335	« La vertu du cœur comparer	[Fol. 47a]
	7336	« S’efforce a celle de la pel.

/232/	7337	« Ce conseil la belle ensuivra
	7338	« Adfin qu’il n’y ait que redire.
	7339	« La laide, tant qu’elle vivra,
	7340	« Envers Dieu ne sera le pire.
	7341	« Ainsy belle ou laide, beau sire,
	7342	« Sans garder avrez seurement.
	7343	« Y povez vous plus contredire ?
	7344	« Est pas solu vostre argument ?

Que la jalousie des hommes ne vient tant d’amour que de science de propre mal.
	7345	« Que dirons nous des faulx jalous
	7346	« Lesquelz sont tousjours en aguet ?
	7347	« Puissent ilz estre pris des loups
	7348	« S’ilz font plus escoute ne guet
	7349	« Pour prendre Martin ou Huguet,
	7350	« N’a vespree, n’a matinee
	7351	« Avec Ysabel ou Marguet,
	7352	« Qui est a tort souspechonnee !

	7353	« Jalousie trop ne profite.
	7354	« Toutesfois se fait il a paine
	7355	« Qu’amour en leaulté confite
	7356	« Sans elle soit jour ne sepmaine,
	7357	« La propriété si certaine
	7358	« N’est qu’on ne doubte ung accessoire
	7359	« Ou quelque aultre chose soudaine
	7360	« Dont on perde le possessoire.

	7361	« Et aussy, ne vous en doubtez :
	7362	« Faire ne se pœut bonnement
	7363	« Qu’Amours, qui joint les volentez
	7364	« Muables naturellement,
	7365	« Ne mette crainte aulcunement
	7366	« Entre les cœurs qu’il apparie.
	7367	« C’est ung miracle vrayement
	7368	« Quant volenté ne se varie.

/233/	7369	« Ainsy ne fait pas a blasmer
	7370	« Jalousye, mais qu’elle sourde
	7371	« De bien et loialment amer
	7372	« Et que trop on ne s’y alourde.
	7373	« Mais se mettre en une couhourde
	7374	« Ou se bouter en ung baril
	7375	« Et cuidier que sa femme bourde,
	7376	« Vela le dangereux peril.

	7377	« Sy ne crois je que Jalousye	[Fol. 47b]
	7378	« Soit es hommes par amours tant
	7379	« Que pour la grande frenesye
	7380	« Qu’ilz ont que leurs femmes autant,
	7381	« En ryant ou en quaquetant,
	7382	« Ne leur en facent comme ilz font.
	7383	« En veant ou en escoutant
	7384	« Tous a paine ainsy jalous sont.

	7385	« Amours ne les fait pas doubter,
	7386	« Mais science de propre mal
	7387	« Les fait veillier et escouter
	7388	« S’il y a ame amont n’aval.
	7389	« Font comme le mauvais cheval
	7390	« Lequel regimbe en toute estable,
	7391	« Pensans que tous en general
	7392	« Soyent de maniere semblable.

	7393	« Or volsist Dieux que maris tous
	7394	« Tant et si fort jaloux se veissent,
	7395	« Et deussent ilz avoir la tous,
	7396	« Envers celles dont trop chevissent,
	7397	« Que jamais aultres ne ravissent
	7398	« Ne cabusaissent ne trompassent,
	7399	« Et a leurs seulettes servissent
	7400	« Et leurs luxures attrempassent.

	7401	« Moult jaloux sont ceulx qui consentent
	7402	« Qu’aulcuns viennent en leur hostel,
/234/	7403	« Car avantage et gaing y sentent,
	7404	« Et qu’ilz ayent part au tourtel.
	7405	« Murdris soyent de mal coutel
	7406	« Et enfouys en ort fyens,
	7407	« Qui pour office de chastel
	7408	« Sont de leurs femmes ruffyens.

	7409	« J’ay veu, je le voy, et verray,
	7410	« Et se prouver le me convient
	7411	« Assez de tesmoings trouveray,
	7412	« Aulcuns bien aisiez quant on vient
	7413	« En leurs maisons, et qu’on devient
	7414	« Amoureux. J’ay veu maint mary
	7415	« Qui va au vin et n’en revient
	7416	« Jusqu’aprez le charivary.

	7417	« Quans en est il en grand office,
	7418	« Car ilz ont sceu et enduré
	7419	« Qu’on ait eu part au benefice
	7420	« Comme le principal curé !
	7421	« J’en voy maint hault chaint et doré
	7422	« Que, s’il n’eust fait sa houlerye
	7423	« Et villainement labouré,	[Fol. 47v^oa]
	7424	« Ne fust en telle seignourye.

	7425	« Et si vous jure par saint Jorge,
	7426	« S’on esprouvoit le jugement
	7427	« Qu’on faisoit d’yaue et de fleur d’orge
	7428	« Et de pouldre ancyennement
	7429	« Pour sçavoir veritablement
	7430	« Se femme avoit pechié ou non,
	7431	« Mille mescroit on faulsement
	7432	« Qui ravroyent leur premier nom.

	7433	« En Guelre sont les bons maris	Des bons maris qui sont en Guelre.
	7434	« Qui se confyent plainement
	7435	« De leurs femmes. Aussy chéris
	7436	« Et amez sont, Dieux scet comment !
/235/	7437	« Avec la femme honnestement
	7438	« La te pœus esbatre et gesir
	7439	« Sans que le mary ullement
	7440	« Ait souspechon ou desplaisir.

	7441	« A Romme n’est il pas ainsy,	Des mauvais maris qui sont en Italye.
	7442	« Ne par le pays de Toscane,
	7443	« N’en toute la langue de sy.
	7444	« La, femme est serve comme ung asne.
	7445	« La, n’a Marie, ne Jouane
	7446	« Qui ose des cincq sens user.
	7447	« Leurs maris ont le vermocane
	7448	« Ainchois que viengne a l’espouser.

	7449	« En Escoce, et en Engleterre,
	7450	« En Zellande, Brabant, Hollande,
	7451	« En Flandres ou a moult de terre,
	7452	« Et en Alemaigne la grande,
	7453	« En la grasse terre normande,
	7454	« En la joyeuse Picardie,
	7455	« En France, assés femme commande.
	7456	« Mais ailleurs ne sçay que j’en dye.

	7457	« Mais pour ce que qui femme prent
	7458	« Laissier ne la doibt, aultrement
	7459	« Vers Dieu et le monde mesprent,
	7460	« L’en ne doibt si legierement
	7461	« Prendre femme par sacrement.
	7462	« Maintes personnes se deslyent,
	7463	« L’en le voit trop communement,
	7464	« Car trop tost se coupplent et lyent.

	7465	« Qui s’est lyé et se deslye,
	7466	« Aprez, il est plusfort lyé.
	7467	« Se doibt veöir se bien se lye,
	7468	« Que ne puisse estre deslyé.
	7469	« Ce n’est pas peu d’estre allyé	[Fol. 47v^ob]
	7470	« A femme, car qui s’en des joint
/236/	7471	« Pour estre plus fort ralyé,
	7472	« Au dyable d’enfer se rajoint.

	7473	« Regardez ou, quant, et comment,
	7474	« Et toutes aultres circonstances,
	7475	« Avant qu’on face le serment
	7476	« Des amoureuses accointances.
	7477	« Trop tart vient on aux repentances.
	7478	« Morir convient en celle pel,
	7479	« Car qui fait sainctes ordonnances,
	7480	« D’elles ne doibt il faire appel.

	7481	« Aulcuns jones, par convoitise
	7482	« Seulement, aux vielles se joingnent,
	7483	« Non pour leur amour et cointise,
	7484	« Ains est que leurs paulmes leur oignent
	7485	« A mon advis, mal se conjoingnent
	7486	« Qui ainsy cuident estre joins,
	7487	« Quant fines amours ne les joingnent,
	7488	« Certainement ilz sont desjoins.

	7489	« Le bigame Mathiolet,
	7490	« Je ne sçay que le tarya,
	7491	« Mais il fut bien niche et folet
	7492	« Se folement se marya.
	7493	« N’a Jhesus, ne a Maria
	7494	« En doibt il faire sa complainte,
	7495	« S’a la vielle s’apparya
	7496	« Dont il eut puis tristresse mainte.

	7497	« Le coquart une vesve prit
	7498	« Non pour amour aulcunement.
	7499	« Faulse avarice le sousprit,
	7500	« Il est a croire fermement.
	7501	« Et puis, comme par vengement,
	7502	« Quand il se vit povre et chetif,
	7503	« Des femmes et du sacrement
	7504	« Mesdit, comme paillart retif.

/237/	7505	« Les viellars auxquelz les rains deulent
	7506	« Demandent chose merveilleuse
	7507	« Quant jones dames avoir veulent,
	7508	« La jointure est moult perilleuse.
	7509	« Il est froit: elle n’est frilleuse.
	7510	« Fera viellesse bon lyen
	7511	« Avec jonesse fertilleuse ?
	7512	« Et nennil, par saint Julien.

	7513	« Venus, jone vermeille et blance,
	7514	« A Vulcanus fut espousee,
	7515	« Fevre boisteux de toute hanche.	[Fol. 48a]
	7516	« Fut bien la chose proposee ?
	7517	« Non. Sa jonesse supposee
	7518	« Et la noblesse dont venoit,
	7519	« Elle debvoit estre allosee
	7520	« De mary qui lui convenoit.

	7521	« Pensez vous que le pautonnier
	7522	« Vulcanus l’eust peu resjouyr ?
	7523	« Le vilain chanu charbonnier
	7524	« Debvoit il de telle jouyr ?
	7525	« Merveille ne fut d’entrouyr
	7526	« Que le gentil dieu Mars ama,
	7527	« Et s’il lui fist le cœur bruyr,
	7528	« Je tiens que mains on l’en blasma.

	7529	« Sy en jettan mainte goulee
	7530	« Quant les chaiennes estendy
	7531	« Sur elle et sur son accolee
	7532	« Le dieu Phebus en plain midy,
	7533	« Ja soit que celle lui rendy,
	7534	« Car en ses filles mit ses rages.
	7535	« Notez cecy, je le vous dy:
	7536	« Bien ne se joingnent divers aages.

	7537	« Quans en est il, qui prez et vignes,
	7538	« Rentes, possessions, tresors,
/238/	7539	« Regardent, amis, parens, lignes,
	7540	« Et n’ont l’œul a l’ame n’au corps ?
	7541	« Soyent vieux, chanus, jones, fors,
	7542	« Mauvais, divers, rechignez, siches,
	7543	« Tout est bien. Ainsy font leurs sors,
	7544	« Se leurs filles ont maris riches.

	7545	« On deust les volentez conjoindre
	7546	« Et ains congnoistre que cherir
	7547	« Les cœurs et corps ensemble joindre
	7548	« Ne maryage rencherir.
	7549	« Mais primes, on pœut enquerir
	7550	« D’argent, qui n’appartient au fait,
	7551	« Neantmains fait en paume ferir,
	7552	« Qui en pœut avoir sy en ait.

	7553	« Ainsy maryent ilz l’argent,
	7554	« Et le vouloir ne se marye.
	7555	« Gueres ne leur chault de la gent,
	7556	« Mais que richesse s’apparye.
	7557	« Encores tais, sainte Marie,
	7558	« Qu’on marye aulcunes, mains, maintes,
	7559	« Ausquelles le vouloir varye,
	7560	« Mains contentes et plus contraintes.

	7561	« O Hymeneus ! Dieu des neuches,	[Fol. 48b]
	7562	« Qui lors chantes joyeusement	Des mariages de maintenant.
	7563	« Quant les cœurs maryes et heuches
	7564	« Par amoureux consentement,
	7565	« Tu doibs bien despiteusement
	7566	« De ta cornemuse piper
	7567	« Quant on se marye aultrement
	7568	« Que cœur a cœur, ou per a per.

	7569	« En maryage aulcuns se boutent
	7570	« Seulement par plaisir soubdain,
	7571	« Et n’en demandent n’en escoutent.
	7572	« Tantost fierent ilz en la main.
/239/	7573	« N’y sont jusques a lendemain,
	7574	« Leur plaisir passe. La povrete,
	7575	« Las ! comment gaignera son pain
	7576	« Quant demouree elle est seulette ?

	7577	« Heureux sont qui en ung vouloir
	7578	« Et en conditions semblables,
	7579	« Lesquelles font amours valoir,
	7580	« Sont en mariage accordables.
	7581	« Ainsy sont leurs joyes durables
	7582	« En fortune et heure perverse.
	7583	« S’ainsy ne se fait, pardurables
	7584	« Ne sont: le premier vent les verse.

	7585	« Mais se Dieu lui donne salut,
	7586	« Femme comment maryer s’ose
	7587	« A homme vivant ? dya s’elle eut
	7588	« Son pareil, ce fust aultre chose.
	7589	« Il n’est si meschant qui enclose
	7590	« Tenir ne la veulle en conclave.
	7591	« Par l’ame qui en moy repose,
	7592	« La femme est bien de l’omme esclave.

	7593	« Chascun est roy en sa maison,
	7594	« Le tingre orguilleux scet bien dire.
	7595	« Et comment ? Je ne vy mais hom
	7596	« Qui ne fust en son hostel sire.
	7597	« Me doibt on cyens contredire ?
	7598	« Il luy est advis fermement
	7599	« Que dire deust: « Dieu le vous mire !
	7600	« Je feray vo gré plainement. »

	7601	« Posé qu’il eust esté paillart
	7602	« Et n’eust encontré femme telle
	7603	« Laquelle l’a sur le gaillart
	7604	« Vestu de nouvelle cotelle,
	7605	« Quant il aura jeu encoste elle
	7606	« Trois ou quatre nuys, il sauldra
/240/	7607	« Sur son fumier, et la povrelle	[Fol. 48v^oa]
	7608	« Sans qu’elle ait meffait assaudra.

	7609	« Et s’il est impotent ou piffre,
	7610	« Desnaturé ou tavernier,
	7611	« Sauldouvrer, qui semble une ciffre,
	7612	« Hazardeur, qui n’a ung denier,
	7613	« Ribault ou pire que monnier
	7614	« (Je tais les aultres mauvaistiez),
	7615	« Encor le malostru asnier
	7616	« D’elle se dira mal traittiez.

	7617	« Et se femme est si fortunee
	7618	« Que son mary ne soit tel homme,
	7619	« Elle aura aultre destinee
	7620	« Ou elle ne repose somme.
	7621	« La grant paour de lui l’assomme
	7622	« Ou il ne lui complait jamais,
	7623	« Et bruit et rechingne. Helas ! comme
	7624	« Porroit estre son corps en paix ?

	7625	« Doulceur a sa nature affiert.
	7626	« Pour ce, contre nature fait
	7627	« Qui femme de rudesse fiert.
	7628	« Et pensez vous que plaisir ait
	7629	« En tel mary, qui gringne et brait
	7630	« Et l’ostel de noise fouldrye ?
	7631	« Telle chanson point ne lui plait,
	7632	« Car elle en est toute murdrye.

	7633	« Et se Dieu si bien la pourvoye
	7634	« Que son mary tresdebonnaire
	7635	« La donnë et volentiers voye,
	7636	« Encores ne se pœut il faire
	7637	« Qu’il la mauvaise herbe ne flaire,
	7638	« La jalousye ou la soussye,
	7639	« Et qu’ailleurs elle ne repaire
	7640	« Le faulx jalous ne se soussye.

/241/	7641	« Meün vous a compté comment	De maistre Jehan de Meun.
	7642	« Le jaloux deschante sa verve
	7643	« A sa femme, et en quel tourment
	7644	« Sans quelque occasion il derve.
	7645	« Pour ce seulement vous reserve
	7646	« Que, quant la femme se marye,
	7647	« Doibt dire: « Or suis dolente et serve,
	7648	« Las ! aide moy, saincte Marie. »

Le Champion prise celles lesquelles se mettent en religion, car elles sont hors de la durté et du servage des hommes.
	7649	« O ! celles sont bien conseillies	[Fol. 48v^ob]
	7650	« Qui en religion se mettent.	Pour les religieuses.
	7651	« Elles ne sont pas assaillies
	7652	« Ainsy, quant a Dieu se submettent
	7653	« Et a lui duire se permettent,
	7654	« Et soubs les homs estre ne daignent,
	7655	« Qui foy et bonne amour promettent
	7656	« A celles que puis ilz desdaignent.

	7657	« Telz courages moult eslevez,
	7658	« Qui seront par leur grant haultesse
	7659	« Une fois en joye eslevez,
	7660	« Jhesus maintiengne en leur proesse.
	7661	« Et face ma dame l’abbesse
	7662	« Qu’en s’abbeie ait plusieurs rendues,
	7663	« Car vrayement pour la rudesse
	7664	« D’homme, les femmes sont perdues.

	7665	« Saincte Aldegonde, saincte Clare,
	7666	« Saincte Radegunde, priez
	7667	« Que Dieu par sa pitié esclare
	7668	« Les mauvais traitres mariez.
	7669	« Et si doulcement supplyez
	7670	« A celle de misericorde,
	7671	« Que doresenavant ayez
	7672	« Pluiseurs femmes de vostre corde.

/242/	7673	« Femmes ne sont pas mariees.
	7674	« Marries sont, toutes languissent.
	7675	« Elles ne sont appariees,
	7676	« Leurs pareulx mesmes les murdrissent.
	7677	« Leur prouffit fust qu’elles vesquissent
	7678	« Sans les hommes, et comme feïstes
	7679	« Les villains hommes relenquissent,
	7680	« Dessoubs lesquelz ne vous meïstes.

	7681	« Parlé as des religieuses
	7682	« Si lourdement et sans vergongne
	7683	« Que tes paroles envieuses
	7684	« M’ont plus puÿ qu’une charongne.
	7685	« Ta faulse envye toudis hongne
	7686	« Et de menterye se paist.
	7687	« Au fort, l’en dit par une antrongne:
	7688	« La pire roe tousjours brait.

	7689	« Tuscia, laquelle accusee	De dame Tuscia religieuse.
	7690	« Estoit de telz jengleurs que ty
	7691	« Que sa virginité voee
	7692	« Avoit roupt et amy loty,
	7693	« Monstra qu’on ment et a menty,
	7694	« Et mentiran de pluiseurs nonnes,
	7695	« Et qu’on est tresmal adverty	[Fol. 49a]
	7696	« De leurs virginitez tresbonnes.

	7697	« Elle a la deesse Vesté
	7698	« Prya que se pechiet avoit,
	7699	« Tel tourment lui fust appresté
	7700	« Comme au pechiet appartenoit.
	7701	« Et se a tort on l’accusoit,
	7702	« Que devant tous lui fust possible
	7703	« Puisier de l’yaue qui couroit
	7704	« Et lui porter dedens ung crible.

	7705	« Tant se fya en ses vertus
	7706	« Qu’elle osa de l’yaue puchier
/243/	7707	« Au crible, ayant mille pertus,
	7708	« Et l’emporta sans l’espanchier
	7709	« Devant Vesté, qu’elle eut moult chier.
	7710	« Lors tous ceulx confus demourerent
	7711	« Qui lui soloyent reprochier
	7712	« Le pechié que pas ne trouverent.

	7713	« O ! se Dieu miracle monstroit
	7714	« Sur toutes les souspechonnees !
	7715	« O ! quantes on en trouveroit
	7716	« A tort prises et renchonnees !
	7717	« Maintes villaines ramposnees
	7718	« Qu’ont fait de prieure ou d’abbesse
	7719	« Seroyent mortes et finees
	7720	« Et loeroit on leur noblesse.

	7721	« Item, les devotes rencluses,
	7722	« S’elles sont ung poy resveillies,
	7723	« Ce faittes vous par les babuses
	7724	« Que vous dittes a leurs trellies.
	7725	« Du dyable ne sont assaillies
	7726	« Tant que de vous, regnars mauvaiz,
	7727	« Qui semblez gelines moullies
	7728	« Quant vous estes devant les laiz.

	7729	« Et s’il me fault dire oultre amen,
	7730	« Les moisnes comme excuseras ?
	7731	« Je te pry par amours, dis m’en
	7732	« Quelle chasteté y verras ?
	7733	« En laquelle abbaye iras
	7734	« Ou, se tu n’ez moult occupé,
	7735	« Es chambrettes n’aviseras
	7736	« Pos et pastez, et l’aultre .p.

	7737	« Curez, chanoines, chapellains,
	7738	« Vivent ilz pas moult chastement ?
	7739	« Quans en est il comme poulains
	7740	« Effrenez aprez la jument ?
/244/	7741	« Mais quans en est publiquement	[Fol. 49b]
	7742	« Vivans avecques leurs ribauldes
	7743	« Et qu’ilz les parent richement
	7744	« De dyamans ou d’esmeraudes ?

	7745	« O ! la tres horrible besongne
	7746	« Contre tout honneur de l’eglise,
	7747	« Comme pœut prestre sans vergongne
	7748	« Vivre en publique ribauldise,
	7749	« Et saillant de la paillardise
	7750	« Ose le filz Dieu approchier,
	7751	« Et les dois plains de puantise
	7752	« Le tenir, lever et couchier  ?

	7753	« N’est il pas de son pechié quitte ?
	7754	« Il s’en est confessé, n’est mye  ?
	7755	« Helas ! aprez la messe ditte,
	7756	« Il retourne es bras de s’amye.
	7757	« O ! la tres cruelle folye !
	7758	« Que vault toute confession
	7759	« S’en propos d’amender sa vye
	7760	« On n’en fait execution ?

	7761	« Ceulx qui jadis sacriffioyent
	7762	« Aux dieux mauvais, fains et songiés,
	7763	« Sur toute rien estre devoyent
	7764	« De luxure nets et purgiez.
	7765	« Et vous , qui buvez et mangiez
	7766	« A la table du Dieu des Dieux,
	7767	« N’avez honte d’estre plungiez
	7768	« En l’ordure jusques aux yeulx. »

Cy monstre le Champion que les hommes folement se glorifient de ce dont les femmes accusent (et) lesqueles faulsement ilz dechoipvent.
	7769	« Or viens je a respondre pour celles
	7770	« Lesquelles par ta courtoysie
/245/	7771	« Diffames, blasmes et descelles,
	7772	« Et n’en est ta langue appaisye.
	7773	« De mesdire elle est moult aisye,
	7774	« Que se creance ne donnast
	7775	« A la commune frenesye,
	7776	« Jamais ainsy ne sermonnast.

	7777	« Nulles nouvelles en la ville
	7778	« Sont que de la povre personne.
	7779	« Quant sa leschive fait ou file,
	7780	« L’en crye qu’elle s’abandonne
	7781	« Ainsy. Et quoy ? Elle n’est bonne,	[Fol. 49v^oa]
	7782	« L’en scet par ou et quant passa.
	7783	« Chascun a son gré en raisonne
	7784	« Et onques en mal n’y pensa.

	7785	« Elle aime tel, on voit le signe.
	7786	« Elle en est bien au vif ferue.
	7787	« Tel scet bien comme elle le signe
	7788	« Quant il passe parmy la rue.
	7789	« Ainsy chascun son mot en rue
	7790	« Par ung ribault qui le herra.
	7791	« Chascun au doit le monstre et hue,
	7792	« Jamais le nom ne lui cherra.

	7793	« Ha ! Danyel, qui delivras	Daniel sauva Suzanne.
	7794	« La Susanne de mort prochaine
	7795	« Et son nom perdu recouvras
	7796	« En vaincant l’envieuse attaine,
	7797	« Mainte accusation villaine
	7798	« Contre les dames trouveroyes
	7799	« Se or vivoyes, et de haynes
	7800	« Mainte et mainte delivreroyes.

	7801	« Les refusez tant seulement
	7802	« N’accusent leur juste innocence,
	7803	« Mais tous, universelement,
	7804	« Je n’y mes ulle difference.
	7805	« Tous, sans remors de conscience,
	7806	« A leur gré d’elles parlementent,
	7807	« Et contre vraye experience.
	7808	« Ne leur chault gueres s’ilz en mentent.

	7809	« En quelque guise, en quelque fourme
	7810	« Qu’elles se puissent comporter,
	7811	« Tantost sault sus qui les refourme,
	7812	« Qui mal y scet interpreter.
	7813	« N’elles ne pœuent transporter
	7814	« L’œul de l’ung a l’aultre cornet,
	7815	« Sans qu’on se puisse deporter
	7816	« De dire: « Elles n’ont le corps net. »

	7817	« S’elles chantent, s’elles s’esbatent
	7818	« Sans mal penser ne villanye,
	7819	« Incontinent leur nom rabatent
	7820	« Les hommes plains de felonnye.
	7821	« Puis qu’une femme s’esbanye
	7822	« Et a le courage courtois,
	7823	« Espandu com fleur espanye,
	7824	« Vous disiez qu’il sent le putois.

	7825	« Que s’elle est fiere et se recule
	7826	« A part, fuyant l’esbatement,
	7827	« Vous dittes qu’elle dissimule	[Fol. 49v^ob]
	7828	« Et qu’elle l’entent aultrement.
	7829	« Et la ressemblez proprement
	7830	« A l’esgue ou au vivier dormant.
	7831	« Ainsy ne se scevent comment
	7832	« Tenir qu’on ne les voist blasmant.

	7833	« Et se Dieu vous ait, regardez
	7834	« De quoi et comment les blasmez,
	7835	« Et se vous mesmes vous gardez
	7836	« Du pechié dont les diffamez,
	7837	« Et qui pis est, se renommez
	7838	« Vous faittes en vo ribauldise.
/247/	7839	« Sommez vo pensee, sommez,
	7840	« Et verrez vostre cornardise.

	7841	« La simple femme decepvez
	7842	« Par Vostre faulse illusion.
	7843	« A vostre plaisance l’avez
	7844	« Et puis, en la conclusion,
	7845	« Faittes vostre derrision
	7846	« Et l’appeliez ung poy trop baude,
	7847	« Voire, et par grande abusion
	7848	« Diray je le lait mot: ribaulde.

	7849	« Ribaulde dya, et cil trop bault
	7850	« Qui lui fist merveilles entendre
	7851	« Sera il point nommé ribault ?
	7852	« Force ne fait il a reprendre ?
	7853	« Car ung ribault doibt partout tendre,
	7854	« C’est a dire soy pourchasser,
	7855	« Et la femme se doibt deffendre,
	7856	« Et il poursuïr et chasser.

	7857	« Et toutesfois telles les font
	7858	« Les ribaulx, par leurs ars soubtilles.
	7859	« Helas ! non font pas, mais desfont
	7860	« Pluseurs devotes jones filles.
	7861	« Elles croyent comme Euvangilles
	7862	« Ce que les faulx ribauls leur chantent.
	7863	« A matines et a vigilles,
	7864	« A toutes heures les enchantent.

	7865	« Supposé que chascun s’empesche,
	7866	« Et toy et elle, quant pechiez,
	7867	« Dy moy par ta foy, qui plus pesche
	7868	« Et qui est li plus empeschiez ?
	7869	« Certes tu es plus entechiez,
	7870	« Car tu l’as faulsement trahye,
	7871	« Ou pour estre tost despeschiez
	7872	« A force prise et envahye.

/248/	7873	« Et tu en doibs le los avoir !	[Fol. 50a]
	7874	« Elle, decheue et prise a force,
	7875	« En doibt la blasme recepvoir.
	7876	« Dont vient ce droit ? Je croy que force
	7877	« Qui plus en trompe et en efforce,
	7878	« Qui plus a de lances brisié,
	7879	« Qui plus la bataille renforce,
	7880	« Il est de vous le mieulx prisié.

	7881	« Et, meschans folz oultrecuidiez,
	7882	« Guidiez plus grant prerogative
	7883	« Avoir a pechier ? le cuidiez ?
	7884	« Demonstrez m’en l’indicative.
	7885	« Or retenez ma traditive :
	7886	« De quant plus de paine mettez
	7887	« A faire la copulative,
	7888	« De tant plus de mal commettez.

	7889	« De ribauldise vous vantez.
	7890	« Voire de fornication,
	7891	« Vostre punaisye esventez
	7892	« En grant glorification.
	7893	« En bonne interpretation
	7894	« Vos horribles pechiez prenez,
	7895	« Et de mendre transgression
	7896	« Les simples femmes reprenez.

	7897	« Il fait tour de bon compaignon
	7898	« Qui en prent ou trouver en pœut,
	7899	« Et celle ne vault ung oignon
	7900	« Laquelle faulsement decheut.
	7901	« Lui los, elle blasme recheut.
	7902	« Il s’avance, elle est mise arriere.
	7903	« Las ! qui esse qui n’apercheut
	7904	« Que tout va ce devant derriere.

	7905	« La verite est clere toute,
	7906	« A vir ne l’empeschent vos tentes.
/249/	7907	« Guidez qu’on ne la voye goute ?
	7908	« Si fait ; et vos faulses ententes,
	7909	« Manifestes et evidentes,
	7910	« Car contens n’estes de pechier
	7911	« Se vos ribauldises patentes
	7912	« N’alez publyer et preschier.

	7913	« 'Voire dy, je fis, je feray,
	7914	« Je dis, l’en permit, l’en fera,
	7915	« A tel jour, a telle heure iray,
	7916	« La besongne se parfera.
	7917	« De par Dieu, quant on le sçara,
	7918	« L’en dira : il est bons compains !'
	7919	« Ou aultrement sermonnera	[Fol. 50b]
	7920	« Le ribault qui ne vault .ij. pains.

	7921	« Que s’il est marye, pour tant
	7922	« D’une ou d’aultre ne s’abstendra
	7923	« Que il ne s’en voise vantant
	7924	« Quant sa femme ne l’entendra,
	7925	« A laquelle foy ne tendra.
	7926	« Quant pourra, il la fera coupe,
	7927	« Et en courage maintendra
	7928	« Qu’en froissant foy, ne fera coulpe.

	7929	« Que voy je des maris parlant ?
	7930	« Quant ilz sont hors de la maison,
	7931	« Lors voit on qui est bon galant,
	7932	« Qui aime fresche venoison,
	7933	« Qui mieulx scet trouver achoison
	7934	« De nouvellement bouhourder
	7935	« Et deslyer la lyeson
	7936	« Qu’il doibt a sa femme garder.

	7937	« Lors dient ilz de beaulx proverbes,
	7938	« Ou l’ung dit, en soy excusant,
	7939	« Poulain aime nouvelles herbes,
	7940	« Et l’aultre, qu’il se sent pesant,
/250/	7941	« Ou l’aultre, sa femme accusant,
	7942	« Trois fois la crye en son absence.
	7943	« D’elles se vont ainsy rusant
	7944	« Et n’en font ulle conscience.

	7945	« Comme Ulixes ne font ilz, las !	De la beauté Ulixes.
	7946	« Lequel par nulle volenté
	7947	« Pour la belle fille d’Athlas
	7948	« Voulu rompre sa leaulté.
	7949	« Toutesfois immortalité
	7950	« Lui promettoit celle deesse.
	7951	« Las ! quelle et quante faulseté
	7952	« Font ilz ore a mains de promesse ?

	7953	« Je demande au ribault mary,
	7954	« Au faulx traitre qui ne tient serre,
	7955	« De quoi il doibt estre esmary
	7956	« Se sa femme ung pou se desserre,
	7957	« Veant qu’avec aultre il se serre
	7958	« Et derriere lui fait la louppe.
	7959	« A elle tort ? non, par saint Pierre,
	7960	« S’elle lui fait de tel pain souppe.

	7961	« Lactence de Quintilien
	7962	« Raconte qu’il ainsy disoit:
	7963	« Qui veult que sa femme lyen
	7964	« Lui garde et bonne femme soit,
	7965	« Certainement monstrer lui doit	[Fol. 50v^oa]
	7966	« Fourme de vye nette et pure.
	7967	« Car quant aultre d’elle il congnoit,
	7968	« Ne la met il a l’aventure ?

	7969	« Certes Lactence dist tresbien.
	7970	« Les marys occasion sont
	7971	« A aulcunes que si tresbien
	7972	« Comme raison voulsist ne font.
	7973	« Ilz les delaissent, ailleurs vont,
	7974	« Et quant elles voyent la truffe,
/251/	7975	« Le plusgrant tort du monde n’ont
	7976	« Se buffe leur rendent pour buffe.

	7977	« Senecque aussy, en ses Epystres,
	7978	« Dist, et la foy pareillement,
	7979	« Que sil est desleal et traitres,
	7980	« Qui commande especialment
	7981	« A sa femme que chastement
	7982	« Vive, et toutesfois il est tel
	7983	« Qu’il ose ferir baudement
	7984	« A tout englume son martel.

	7985	« Mais ilz excusent leurs folyes,
	7986	« Comme saint Augustin raconte
	7987	« Ou livre de ses Omelyes,
	7988	« Disant que n’est pas si grant honte
	7989	« De faire ce que je vous conte
	7990	« A eulx, comme il est a leurs femmes.
	7991	« Assignans trois raisons en compte,
	7992	« Ainsy coulourent ilz leurs blasmes.

	7993	« Dient premierement les bestes
	7994	« (Bestes sont en ma conscience) :
	7995	« Nous sommes hommes, femmes estes,
	7996	« Avoir debvons plus de licence. »
	7997	« Ha ! la mauvaise consequence !
	7998	« Quant vous commettez villanye
	7999	« Et ne monstrez vostre excellence,
	8000	« Estes vous hommes ? je le nye.

	8001	« Se hommes estes, sages et fors,
	8002	« Vaincquez doncques la grant ardeur
	8003	« Et la luxure de vos corps,
	8004	« Et l’amoderez de froideur.
	8005	« Esprouvez la vostre rigueur.
	8006	« Car avoir de sa char victoire
	8007	« N’est pas foiblesse, mais grandeur
	8008	« De force, il est assez notoire.

/252/	8009	« Seigneurs sommes, et obeÿr
	8010	« Debvez, dyent secondement.
	8011	« Sur nous n’avez vous que veÿr,	[Fol. 50v^ob]
	8012	« Punir vous povons grandement. »
	8013	« Bien respond a cest argument
	8014	« Augustin, allegant l’apostre.
	8015	« Je vous pry, entendez comment,
	8016	« Femmes, ce touche le fait vostre.

	8017	« Quel povoir, quelle seignourie
	8018	« L’omme a, femmes, vous ne sçavez.
	8019	« De son corps il ne seignourie,
	8020	« Car sur lui la puissance avez,
	8021	« C’est a dire avoir le debvez,
	8022	« Car sans vous, faire n’en doibt rien.
	8023	« Et s’en pechié vous le trouvez,
	8024	« Coupper lui povez son mesrien.

	8025	« Encor, a prouver leurs meschiefs
	8026	« Dyent les orguilleux coquars :
	8027	« Entre nous hommes sommes chiefs.
	8028	« Femmes sont nos membres et pars. »
	8029	« Ainsy concluent par leurs ars
	8030	« Que fornicateur ou avoultre
	8031	« Et de son corps large ou eschars
	8032	« Pœut mieulx homme estre et passer oultre.

	8033	« Se chiefs sont ou chiefs estre veulent,
	8034	« Que ne les conduissent, aprennent,
	8035	« Corrigent  ? Quant les chiefs se deulent,
	8036	« Part de la doleance prennent
	8037	« Les membres, et doncques mesprennent
	8038	« Leurs beaulx marys fornicateurs.
	8039	« Car se de cela les reprennent,
	8040	« Ilz sont de leur pechiet aucteurs.

	8041	« Si ne veuls je pas pour ce dire
	8042	« Que la femme d’ung vilotier
/253/	8043	« En leaulté deviengne pire,
	8044	« De plus loing que de devant hier,
	8045	« L’en vit et voit que d’ung putier
	8046	« La bonne femme maintendra
	8047	« Leaulté en cœur tresentier
	8048	« Plus qu’au ribault n’appartendra.

	8049	« C’en est grande signifiance
	8050	« Que le bon mary doibt avoir
	8051	« En sa femme ferme fiance.
	8052	« Mais par ce vous fay assavoir
	8053	« Que qui ne fait bien son debvoir
	8054	« Envers sa femme, il lui enseigne
	8055	« Qu’elle se doye ailleurs pourvoir
	8056	« Et querir vin a aultre enseigne.

	8057	« Je ne puis conter tous leurs crimes,	[Fol. 51a]
	8058	« Leurs despis, leurs baras, dont sourdent
	8059	« Males divisions et scismes,
	8060	« Et que d’aultres femmes se hourdent,
	8061	« Que les leurs battent et allourdent,
	8062	« Menassent, tempestent, affolent,
	8063	« Tant qu’elles du lit ne ressourdent.
	8064	« Ainsy doulcement les accolent.

	8065	« Ne je ne dis qu’ilz ne leur rendent
	8066	« Au besoing l’amoureux payage,
	8067	« Ou qu’ilz ne l’ont, ou qu’ilz l’arrendent
	8068	« Ailleurs, et si ne baillent gage
	8069	« De loyaulté, ou long voyage
	8070	« Font, ou les mescroyent a tort.
	8071	« Femme par homme en maryage
	8072	« Seuffre mille especes de mort.

	8073	« Mais aprez telles passions
	8074	« Que la femme a l’ostel endure,
	8075	« Le ribault ses processions	Des faulx amoureux.
	8076	« Entour elle fait, et ne dure:
/254/	8077	« Pour son amour vit en ardure.
	8078	« S’il n’en jouyst, il est perdu.
	8079	« Qu’il n’acomplisse son ordure,
	8080	« Il aime mieulx estre pendu.

	8081	« Ne jour ne nuit ne cessera,
	8082	« Devant, aprez, ou encoste elle,
	8083	« Tousjours l’aspre ribault sera
	8084	« Pour lui conter sa kyrielle.
	8085	« Pas ne sera en la chapelle
	8086	« Qu’il ne monstre chiere piteuse,
	8087	« Et a son courage rappelle
	8088	« Qu’elle lui est tant despiteuse.

	8089	« Il malgree, renye, jure,
	8090	« S’il ne veult son honneur garder,
	8091	« Jure, rejure, et se parjure,
	8092	« Adfin qu’il y puist aborder.
	8093	« La simple se laisse encorder,
	8094	« Et de trahyson ne se doubte.
	8095	« Et il, qui ne fait que bourder,
	8096	« Y met son intention toute.

	8097	« Il pleure, et s’il ne pœut plourer,
	8098	« D’oignons et par son nez pinchier
	8099	« Scet faire ses yeulx esplourer.
	8100	« Helas ! le vaillant espichier !
	8101	« Au puis se laira tresbuchier
	8102	« S’elle ne l’aime. Il se pendra
	8103	« Plus hault que ne soit le clochier.	[Fol. 51b]
	8104	« Puis Dieu a elle s’en prendra.

	8105	« Or est il accouchié et tremble.
	8106	« La fievre lui est sourvenue.
	8107	« Fremist com la feulle du tremble,
	8108	« Puis rentre en chaulde continue.
	8109	« Se sa passion continue,
	8110	« Devant Dieu rendra son esprit,
/255/	8111	« Accusant de plaine venue
	8112	« La dame, qui d’amours l’esprit.

	8113	« Meün assez et trop vous monstre	Contre maistre Jehan de Meun ou livre de la Rose.
	8114	« La maniere de les happer,
	8115	« Et donne remede alencontre
	8116	« Quant elles veulent eschapper.
	8117	« Qui voulez femmes attrapper,
	8118	« Lisez son livre, si sçaurez
	8119	« Tendre les filez, et jupper
	8120	« Aprez elles, et en aurez.

	8121	« Ne creez chose qu’on vous dye,
	8122	« Femmes, pour plourer ne pour rire.
	8123	« Le ribault, s’il a maladye,
	8124	« Envoyez le parler au mire.
	8125	« Pour vous est il en tel martire,
	8126	« Ce dist. Helas ! ne vous en chault.
	8127	« Se grant douleur a mort le tire,
	8128	« Ce ne vous fait ne froit ne chault.

	8129	« Il se pendra ? Lessiez le pendre.
	8130	« Pendu soit, ains qu’il vous desrobe.
	8131	« Helas ! et ne crez vous le mendre
	8132	« Parolle: le traitre vous lobe.
	8133	« Il dist que se d’entour vous hobe
	8134	« Il se noyera : vrayement  ?
	8135	« Mieulx ameroit perdre sa robe
	8136	« Qu’il l’eust songié tant seulement.

	8137	« Helas ! trop de legier creez
	8138	« Par vostre simplesse agneline,
	8139	« Et la trayson ne veez
	8140	« Du renart aprez la geline.
	8141	« Ne la mauvaise cappeline
	8142	« Congnoissez de cil qui vous vene,
	8143	« Qui de sa male javeline
	8144	« Vous ferra, s’il vous prent au pene. »

/256/

/257/

VARIANTES

Nous donnons ci-dessous les variantes du manuscrit B (Bruxelles, Bibliothèque royale 9466) qui appartient à la même famille que le manuscrit A (Paris, Bibliothèque nationale, fonds français 12476) que M. Arthur Piaget avait intégralement copié en vue de son édition. En seize endroits, la leçon du manuscrit B nous a paru préférable; elle figure dans notre texte, tandis que celle de A se lit dans les variantes.

— 46 en quelque — 49 Tout l’air — 51 carneaulx — 203 A ly hanssaires — 224 Ne porroit — 308 Et bendan sa — 326 Et veue sa dignité — 328 Qu’il a si grande humanité — 477 Promesse — 534 de gent a. — 568 De quelque d. — 592 chaudetreppe — 593 comment — 641 ne Hanibal — 689 tache — A escoutez — 774 A sus et jus — 923 en estrief — 1167 le pleure — 1190 ait quelque pointe — 1276-1277 A vers intervertis — 1488 en la teste — 1506 Ce qui le f. — 1592 clongettes — 1650 Sur vive roche — 1675 De tout cœur — 1892 n’a cesse — 1924 mate — 1949 l’excellente — 1965 toute aage — 2077 Promesse — 2286 A delivre — 2289 Sivre n’est — 2346 langues et — 2350 Que d’a que de — 2400 des vaillans — 2439 Gent — A paindre — 2845 dessevree — 2855 tenus — 2938 Dame Ph. est f. — 2962 Que A. — 3001 Ses ch. — 3024 que n’entendent — 3088 Et a la vener — 3205 Se f. emprez — 3271 tachié — 3330 en face — 3363 Que ung petit s. — 3369 O hommes — 3489 ne le f. — 3502 Et estes de — 3535 V. s’en v. — 3577 entendez — 3579 regardez — 4013 semoyent — 4066 cruire — 4207 doibt sans c. — 4276 en tout aage — 4297 cestain desrain — 4565 et en reconfort — 4920 A Et semblable — 4945 Se grant froid — 5015 sains — 5023 A Les y. ont — 5053 ou n’estoit d. — 5223 enfemmeterye — 5226 elles sont — 5403 A qui se veult — 5523 Il doibt estre a nostre r. — 5580 l’en ayme ch. — 5768 rigueur — 5973 Se ainsy n’as — 5980 faire il le p. — 6041 Et est a v. — 6058 sain conseil — 6107-6108 manquent en B aussi /258/ — 6185 estre dit ch. — 6194 je t’en recors — 6257 Se aultre c. — 6279 Ou accroupi — 6287 A l’ois — 6373 Dieu laisse leur — 6439 et n’en ploura — 6440 A Les sept. — 6458 A manque — 6459 A Cil qui lui — 6611 ne l’estoupan de naye — 6629 Bel est il je — 6643 Estre ja fait — 6750 De Jehan de Mun — 6786 car il sera — 6794 Visaige et poittrine — 6798 plus beaux rains — 6792 Et qu’elle semblast p. — 6932 Que le Gameus — 7054 la femme — 7183 De subjection — 7238 et amoureuses — 7442 Ne par tout le p. — 7447 la vermocane — 7451 En Fl. la moult riche t. — 7478 peau — 7480 appeau — 7504 comme ung p. — 7533 Ja soit ce qu’elle — 7535 que je vous dy — 7582 En fortune doulce et p. — 7590 A Tenir ne veulle en — 7679 A relenquistes — 7747 A p. estre — 7784 Et o. a mal — 7913 Voyre dya — 7978 et la loy p. — 7979 Que cil — 7983 A Qu’il l’ose f. — 7984 sans martel — 8001 Hommes e. — 8005 roideur — 8021 la debvez — 8136 Qu’il eust.

Mémoires et documents de la Société d’histoire de la Suisse romande

Edition numérique

Martin LE FRANC